ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ন্যু জিলেন্দগী ইকায় খুম্নজরবা প্রধান মন্ত্রী আর.তি. ক্রিস্তোফর লুক্সনগা ওকলেন্দগী গবর্নমেন্ত হাওসতা উন্নখ্রে। গবর্নমেন্ত হাওসতা য়ৌরকপা মতমদা মহাকপু ত্রেদিস্নেল ওইবা মাওরি তরাম্না ওকখি। থৌরম অদুদা শান্তি, ইকায়খুম্নবা অমসুং তরাম্না ওকপগী মশক তাকপা চৎনবিগী মতুং ইন্না মাওরিগী চৎনবিশিং য়াওখি। চৎনবিগী মতুং ইন্না তরাম্না ওকপগী মতুংদা প্রধান মন্ত্রীনা গার্দ ওফ ওনর পীখি।

প্রধান মন্ত্রী অনিনা অথিংবা লৈবা অমসুং দেলিগেসনগী থাক্কী ফোর্মেত্তা নাকল অনিগী ওইবা পাক চাওরবা খন্ন-নৈনখি। মখোয়গী ৱারি শানবা অদুদা লল্লোন-ইতিক অমসুং শেল থাদবা, ঙাকশেল অমসুং সেক্যুরিতি, এগ্রী-তেক, শান্ন-খোৎনবা, মহৈ-মমশিং, তুরিজম, কলচর অমসুং মীয়াম-মীয়ামগী মরি য়াওনা লৈবাক অনিগী মরিগী স্পেক্ত্রম পুম্নমক কোনশিনখি। মখোয়না নাকল অনিগী মরি অসি স্ত্রেতেজিক পার্ত্নরশিপকি থাক ফাওবা য়ৌহন্নবা য়ান্নখি, মসিনা ভারত-ন্যু জিলেন্দগী মরিদা অনৌবা চেপ্তর অমা ওইনাা উৎখি। মখোয়না অমনা অমগী ইন্তরেস্তকি লমশিংদা তেংবাং পিনবা হেন্না চেৎশিলহন্নবা মখোয়গী ৱাশক অদু অমুক হন্না ফোঙদোকখি। লুচিংবা অনিমক্না ভারত–ন্যু জিলেন্দ ফ্রী ত্রেদ এগ্রীমেন্ত অসি ঙন্না ইমপ্লিমেন্ত তৌবগী মরুওইবা অদু ফোঙদোকখি। প্রধান মন্ত্রী অনিনা ২০৩০ ফাওবদা নাকল অনিগী লল্লোন-ইতিক অসি শরুক অনি ওইহন্নবা পান্দম থমখি, লুচিংবশিংনাা লমদম অসিগী অমসুং মালেমগী ওইবা অহোঙবমশিংগী মতাংদা ৱাখল্লোনমশিং পিথোক-পীশিন তৌনখি অমসুং মল্তিলেতরেল ফোরমশিংদা তেংবাং পিনবা মপাঙ্গল কনখৎহন্নবা মখোয়গী ৱাশক অদু অমুক হন্না ফোঙদোকখি।

ৱারি শান্নবা অদুগী মতুংদা প্রধান মন্ত্রী অনিনা দিফেন্স অমসুং মেরিতাইম সেক্যুরিতি, হায়দ্রোগ্রাফি, শান্ন-খোৎনবা, দিজাস্তর মেনেজমেন্ত, দাইরি, তুরিজম, মেরিতাইম হেরিতেজ, কলচর, ফুদ তেক্নোলোজি অমসুং ওশিন রিশর্চকি লমদা মেমোরেন্দম ওফ অন্দরস্তেন্দিং (এম.ও.য়ু.) কয়া অমা পিথোক-পীশিন তৌনখিবা অদু উখি। আওতকমশিংগী লিস্ত অসি মফমসিদা উবা ফংগনি [লিঙ্ক]। নাকল অনিগী পার্ত্নরশিপকি মাংলোমদা চঙশিনবগী লম্বিগী মতাংদা জোইন্ত স্তেতমেন্ত অমসু লুচিংবা অনিনা এদোপ্ত তৌখি [লিঙ্ক]।

প্রধান মন্ত্রী মোদীনা প্রধান মন্ত্রী লুক্সনবু মহাক্কী নিংথিনা তৌবিবা মতৌ অমসুং মিনুংশিগীদমক থাগৎপা ফোঙদোকখি অমসুং মহাকপু ভারত্তা লাক্নবা হায়খি।

***