ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ন্যু জীলেন্দগী প্রধান মন্ত্রী রাইৎ ওনরেবল খৃস্তোফর লক্সন্না ঙসি সি.ই.ও.শিং অমসুং বিজিনেসকী লুচিংবশিংগী খনগৎলবা কাংলুপ অমগা ৱারী শানখ্রে।

প্রধান মন্ত্রী মোদীনা হায়খি মদুদি ভারত অমসুং ন্যু জীলেন্দ অসি মান্নবা দেমোক্রেতিক ভেল্যুশিং, আইনগী কাঙলোনবু ইকায় খুম্নবা, দাইভর্সিতী অমসুং সস্তেনেবল দিবেলপমেন্তকীদমক মান্নবা কম্মিৎমেন্তনা শম্নরি, মসিনা অচৌবা অমসুং মাংলোমদা চংশিনবা ইকোনোমিক পার্তনরশিপকীদমক্তা অচেৎপা য়ুম্ফম অমা পীরি। মহাক্না ভারত-ন্যু জীলেন্দ ফ্রী ত্রেদ এগ্রীমেন্ত অসি লৈবাক অনিগী মরক্তা লৈরিবা শেন্মিৎলোনগী মরীদা অচেৎপা মরী অমসুং থৌনা হাপচিনবা অমসুং কৈথেলগী খুদোংচাবা, ইনভেস্তমেন্ত, সর্ভিস, তেক্নোলোজী অমসুং তেলেন্ত মোবিলিতীগী অনৌবা খুদোংচাবশিং ফংহল্লগনি হায়না ফোংদোকখি।

প্রধান মন্ত্রী মোদীনা হায়খি মদুদি ভারতকী তুং কোইনা চাউখৎপা অসি নহা ওইরিবা অমসুং হৈ-শিংলবা শিন্মীশিং, চাউখৎলক্লিবা মিদ্দল ক্লাস, দিজিতেল রিভোলুসন, নেক্স জেনরেসনগী ইনফ্রাস্ত্রকচরগী শাহৌ অমসুং লেপ্তনা চৎথরিবা ইকোনোমিক রিফোর্মশিংগা পুন্না ন্যু জীলেন্দগী কম্পনীশিংদা ত্রেদ, ইনভেস্তমেন্ত অমসুং ইন্নোবেসনগীদমক অচৌবা খুদোংচাবশিং পীরি। মহাক্না হায়খি মদুদি রাজনিতীগী ওইবা স্তেবিলিতী অমসুং তুং কোইনা চাউখৎপগী লম্বীনা ভারতপু মালেমগী চাউখৎপদা মরুওইবা কন্ত্রিব্যুতর অমা ওইহল্লে। ইনফ্রাস্ত্রকচর দিবেলপমেন্ত, সিভিল এভিএসন, লোজিস্তিক্স, ক্লিন ইনর্জী, অর্বান মোবিলিতী, ৱাতর মেনেজমেন্ত, ৱেস্ত মেনেজমেন্ত অমসুং দিজিতেল ইকোনোমী সেক্তরশিংদা ভারতকা পার্তনর ওইনবা মহাক্না ন্যু জীলেন্দগী ইনভেস্তরশিং অমসুং বিজিনেস হাউসশিংদা হায়খি। ভারতকী অচৌবা স্তার্ত-অপ ইকোসিস্তেমগী মতাংদা পল্লদুনা, মহাক্না লৈবাক অনিগী প্রাইবেৎ সেক্তরশিংগী মরক্তা ইন্নোবেসন, ফিনতেক অমসুং অনৌবা তেক্নোলোজীগী লমশিংদা হেন্না নকশিন্ননা থবক তৌমিন্ননবা হায়খি। মহাক্না হায়খি মদুদি দাইরী সাইন্স, হোর্তিকলচর অমসুং ফোরেস্ত্রীদা ন্যু জীলেন্দগী পাঙ্গল অমসুং ভারতকী কঞ্জ্যুমর মার্কেৎ, ফুদ পার্কশিং অমসুং এগ্রিকলচর তেক্নোলোজী তেলেন্তনা পুন্না গ্লোবেল ফুদ ভেল্যু চেন শেমগদবনি।

প্রধান মন্ত্রী মোদীনা বিজিনেসশিংবু ইনভেস্তমেন্ত অমসুং কম্মর্সিএল পার্তনরশিপ পাকথোক চাউথোকহনবদা অমসুং ২০৩০ ফাওবদা বাইলেতরেল ত্রেদ অসি ন্যু জীলেন্দ দোলর বিল্লিয়ন ৭ (চাউরাক্না লুপা করোর ৩৫,০০০)দা শরুক অনি ওইহন্নবা পান্দম অদু ফংবদা মতেং পাংনবা পুক্নিং থৌগৎখি। মহাক্না হায়খি মদুদি ভারত-ন্যু জীলেন্দ ইকোনোমিক পার্তনরশিপ অসি ইনক্লুসিব অমসুং সস্তেনেবল ত্রেদকী মোদেল অমা অমসুং ইন্নোবেসন অমসুং চাউখৎপগী প্লেৎফোর্ম অমা ওইগনি।

***