ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি পি.এম. স্বনিধি স্কিমগী চহি তরুক মপুং ফারকপগী মতাংদা ফোংদোকখ্রে অমসুং লৈবাক শীনবা থুংনা লম্বীদা পোৎ য়োনবা মীওইশিংগী পুন্সিদা অহোংবা পুরকপদা মসিনা লৌরিবা থৌদাংগী মতাংদসু পনখি।

প্রধান মন্ত্রীনা হায়খি মদুদি স্কীম অসিনা কোলেতরেল-ফ্রী ক্রেদিৎ, ফাইনান্সিএল ইনক্লুজন অমসুং মশিং য়াম্লবা লম্বীদা পোৎচৈ য়োল্লিবশিংগীদমক্তা চাউখৎপগী অনৌবা খুদোংচাবশিং ফংহনখ্রে। মহাক্না হায়খি পি.এম. স্বনিধি অসি থাজবা, ইকাই খুম্নবা অমসুং শক্তি হেন্না লৈহনবদা য়ুম্ফম ওইবা স্কিম অমনি।

কান্নবা ফংলিবা পুম্নমক্তা মহাক্কী য়াইফ পাউজেল পীরদুনা, প্রধান মন্ত্রীনা লৈবাক অসিগী শেন্মিৎলোনবু মপাঙ্গল কনখৎহন্নবা হোৎনবদা মখোয়না লৌরিবা থৌদাং, কত্থোকপা কয়াবুসু শিংথাখি।

এক্সতা পোস্ত অমদা, প্রধান মন্ত্রীনা হায়খি:

“ঙসি ঐখোয়না #6YearsofPMSVANidhi পালন তৌরি। মসি লম্বীদা পোৎ য়োনবা মীওই কয়াগী পুন্সিদা অহোংবা পুরকপা স্কিম অমনি। মসিনা কোলেতরেল য়াওদনা ক্রেদিৎ ফংহনবা, শেল-থুমগী হীরমদা খুদোংচাবা ফংহনবা অমসুং চাউখৎপগী অনৌবা খুদোংচাবশিং ফংহল্লি। স্কিম অসিনা থাজবা, ইকাই খুম্নবা অমসুং শক্তি পীনবগী মরম অমা ওইরি। ঐহাক্না লৈবাক অসিগী শেন্মিৎলোনবু মপাঙ্গল কনখৎহন্নবা হোৎনরিবা বেনিফিসরী খুদিংমক্তা য়াইফ-পাউজেল পীজরি।”

Today we mark #6YearsofPMSVANidhi, a scheme which has transformed the lives of countless street vendors by ensuring access to collateral-free credit, financial inclusion and new opportunities for growth. This scheme is all about trust, dignity and empowerment. My best wishes to… https://t.co/M4N8J9UoqK

— Narendra Modi (@narendramodi) June 1, 2026

 ***