ভারতকী প্রধানমন্ত্রী

শক্নাইরবা মীথুংলেনশিং,

ইন্নোবেতরশিং, ব্যুজিনেস লিদরশিং, তেক্নোলোজীবু পামজবশিং,

স্তার্ত-অপ জগৎকী মীওইশিং,

ইবুঙো অমসুং ইবেম্মশিং,

নমস্কার।

বোন জু,

ভিভাতেককী ১০শুবা এদিসনগীদমক পেরিসতা লাকপদা ঐহাক নুংঙাইবা ফাওই। মসি য়ুরোপকী খ্বাইদগী চাউবা তেক্নোলোজীগী থৌরমনি। ভিভা তেক অসি মাইপাক্না পাংথোকখিবগীদমক ঐনা প্রসিদেন্ত মেক্রোন অমসুং ওর্গানাইজরশিংবু থাগৎচরি।

মরুপশিং,

২০২৬ অসি ভারত অমসুং য়ুরোপকীদমক্তা য়াম্না অখন্নবা চহি অমনি। চহি অসিগী হৌরকপদা, ঐখোয়না পুৱারী ওইরবা ভারত-য়ু.ই. ফ্রী ত্রেদ এগ্রীমেন্ত লোইশিনখি। মসিগী এগ্রীমেন্ত অসিনা ঐখোয়গী ললোন-ইতিক অমসুং ইনভেস্তমেন্ত পাকথোক চাউথোকহল্লগনি। অমসুং, মসিনা তেলেন্ত, তেক্নোলোজী অমসুং তুরিজম একচেঞ্জ তৌনবগী লম্বী কয়া অমা হাংদোক্লগনি।

চহি অসিদা ইন্দিয়া-ফ্রান্স ইন্নোবেসনগী চহি হৌদোকপগা লোয়ননা, ফ্রান্সনা ভারত অমসুং য়ুরোপকী তেক ইকো-সিস্তেমশিং হেন্না নকশিন্নবা মরুওইবা থোং অমা ওইনা থবক তৌরি। নুমিৎ খরনিগী মমাংদা নিসতা পাংথোকখিবা ভারত ইনোভেত্তগী হৌরগা ঙসি পেরিসতা পাংথোকপা ভিভা তেক ফাওবদা, এখোয়গী স্তার্ত-অপশিংনা অনৌবা পার্তনরশিপ কয়া অমা শেমগৎলি।

মরুপশিং,

২০২১দা, ঐহাক্না ভিভাতেক্তা ৱা ঙাংখিবা মতমদা, মালেম অসিনা কোবিদ-১৯গী অৱাবা মায়োক্নখি। ঙসিদি, মালেম অসিনা অতোপ্পা মখলগী অৱা-অনা কয়া থেংনরি। অমসুং ঐহাক্না ভিভাতেক ২০২১দা ঐহাক্না শরুক য়াখিবা পাউজেল অদু অমুক হন্না পনজরি। কনভেন্সননা মায়থিবা পীরবা মফমদা, ইন্নোবেসননা মতেং পাংবা ঙম্মী।

মরুপশিং,

হৌখিবা দিকেদ অমদা, ভারত অসি তেক্নোলোজীগী মতেংদগী য়াম্না থুনা অহোংবা পুরক্লি। মালেমগী খ্বাইদগী চাউবা দিজিতেল আইদেন্তিতী সিস্তেম শেম্বা, মালেমগী খ্বাইদগী চাউবা দিজিতেল পেমেন্ত প্লেতফোর্ম শেম্বা। ঐখোয়না তেক্নোলোজী অসি শেল-থুমগী ওইবা ইনক্লুজন, এজুকেসন, তেলিমেদিসিন, লৌউ-শিংউ অমসুং অতৈ কয়াদা পাক-শন্না শীজিন্নরি।

খুদম ওইনা দিজিতেল পেমেন্তশিং। ঐখোয়গী য়ুনিফাইদ পেমেন্ত ইন্তরফেস নত্রগা UPIনা মরম ওইদুনা, মালেমগী রিয়ল তাইম দিজিতেল ত্রাঞ্জেক্সনগী তংখাই অমা ঙসি ভারত্তা পাংথোক্লি। হৌজিক্তি নহাক্না ফ্রান্সতা আইফেল তাৱর নত্ত্গা পেরিস এয়রপোর্ততা UPI শিজিন্নবা য়াগনি।

অসিগুম্বা মালেমগী থাক্কী দিজিতেল পব্লিক গুদসকী খুদম কয়া ঐখোয়দা লৈ। দিজিলোকর অসি মালেমগী খ্বাইদগী চাউবা দিজিতেল দোক্যুমেন্ত ৱাল্লেত অমনি। দিজিলোকরগী খুত্থাংদা, মীওই মিলিয়ন তরেৎনা অশেংবা দোক্যুমেন্তশিং অসি ওরিজিনেল সোর্সতগী, মতম অমহেক্তদা, মফম অমহেক্তদা এক্সেস তৌবা ঙম্মী। ঐখোয়না দিজিলোকর প্লেৎফোর্মদা স্তেন্দর্দ দোকুমেন্ত লিশিং অনি হেনবা হাপচিনখ্রে। ঐখোয়না ভারত্তা দ্রাইভিং লাইসেন্স নত্রগা ভেহিকল রেজিস্ত্রেসন সর্তিফিকেতগুম্বা ফিজিকেল দোক্যুমেন্তশিং স্তোর তৌবগী অমসুং থিদোকপগী মথৌ তাদ্রে।

অতোপ্পা খুদম অমা হায়রবদি গতিশক্তি প্লেতফোর্ম অসিনি। তেক্নোলোজীগী মতেংনা, ঐখোয়না GISদা য়ুম্ফম ওইবা মেপ অমদা জিওগ্রাফিকেল দেতা লেয়র লিশিং তরুক হেন্না পুন্সিনবা ঙম্লে। ঐখোয়না ইনফ্রাস্ত্রকচরগীদমক ইন্তিগ্রেতেদ, দেতা-দ্রিভন, অপুনবা সরকারগী প্লান্নিং প্লেতফোর্ম অমা শেম্লে। হৌজিক্তি, মমাংদা থা কয়া চঙবা প্রোজেক্ত সর্ভেশিং অসি হপ্তা খরগী মনুংদা পাংথোকপা ঙম্লে।

মরুপশিং,

চহি তরুক্কী মমাংদা, ঐখোয়না স্বামীত্ৱ প্রোগ্রাম হৌদোকখি, মসি তেক্নোলোজীনা মীওইবগী ইকাই খুম্নবা অমসুং শেন্মিৎলোনগী সেক্যুরিতী পীবগী শক্তি লৈরবা খুদম অমনি। স্বামীত্বনা দ্রোনশিং, জিওস্পেসিয়ল মেপ্পিং অমসুং মোদর্ন সর্ভে তেক্নোলোজীগা পুনশিন্নদুনা খুঙ্গংগী ইমুংশিংদা প্রোপর্তী রেকোর্দশিং ফংহল্লি। খুঙ্গং লাখ অনী রোমদা পরোপরতঈ কার্দ মিল্লিয়ন কুনথ্রা হেন্না শেমখ্রে। মসিনা ইমুংশিংদা মখোয়গী প্রোপর্তীশিংবু শেল-থুমগী এসেত ওইনা শিজিন্নবদা মতেং পাংলি।

সরকারনা মীয়ামগী য়াইফনবা থবক কয়া পায়খৎলি, অদুগা ঐখোয়গী স্তার্ত-অপশিংনা সেক্তর খুদিংমক্তা মীওইবগী পুনশিদা অহোংবা পুরক্লি।

মরুপশিং,

সরলাবেন কৌবা AI এপ্লিকেসন অমনা নুপী দেরী ফার্মর মিলিয়ন কয়াদা মখোয়গী মশাগী লোলদা ৱা ঙাংলি। মসিনা শা-শনগী হকশেল অমসুং মেনেজমেন্তকী মতাংদা এক্সপর্ত গাইদেন্স পীরি।

ভারতকী নুপীশিংবু দ্রোন পাইলোৎশিং, ফর্তিলাইজর স্প্রে তৌনবা অমসুং মহৈ-মরোং য়েংশিন্নবা ত্রেনিং পীরি। সেতেলাইত দেতানা ঙামী লিশিং কয়াবু ঙা ফাবা খ্বাইদগী ফগদবস মফমশিংদা লমজিংলি, মসিনা মখোয়দা ফ্যুএল কনবদা, মতম হন্থহনবা অমসুং ঙা ফাবা হেনগৎহনবদা মতেং পাংলি।

ঐখোয়গী তেক্নোলোজী সোলুসনশিংনা গ্রাসরুৎ লেভেলদা চাউখৎপা পুরক্লি।

মরুপশিং,

স্পেস তেক্নোলোজীদগীনা ন্যুক্লিয়র ইনর্জী ফাওবদা, ঐখোয়না মীওইবগী তৌবা ঙম্বগী ঙমখৈ পাকথোক চাউথোকহল্লি।

ভারতনা থাগী খা থংবা পোলগী মনাক্তা কোংদাবা অহানবা লৈবাক ওইখি। অমসুং ইকুই কুইদ্রিঙৈদা, ভারতকী প্রোতোতাইপ ফাস্ত ব্রীদর রিএক্তরনা ক্রিতিকেলিতী ফংবা ঙম্লে। মসিনা ঐখোয়গী চাউরবা থোরিয়ম রিজর্বশিং শীজিন্নবা য়াওনা ঐখোয়গী স্তেজ অহুমগী ন্যুক্লিয়র ইনর্জী ভিজনবু মংফাওনহনবদা ঐখোয়বু হেন্না নকশিলহল্লে।

মরুপশিং,

স্তার্ত-অপ লিশিং অনি হেনবগা লোইননা ভারত অসি মালেমগী খ্বাইদগী ফবা ইকো-সিস্তেমশিংগী মনুংদা অমনি। ঐহাক্না ময়াম পুম্নমকপু ইন্দিয়া পেভিলিয়নদা লাক্নবা হায়জরি।

মফম অসিদা, অদোম্না ভারতকী মপুং ফাবা ইনর্জীগী মশক অমা উবা ফংলগনি। মালেমগী অহানবা সিঙ্গল-পিস 3D প্রিন্তেদ রোকেত ইঞ্জিন, এদভান্স জিনেতিক-ইঞ্জিনীয়রিং থেরাপীশিং, কেন্সর অমসুং অতৈ মরুওইবা লায়নাশিং খঙদোকপা নত্রগা সাইবর অমসুং নেতৱার্ক সেক্যুরিতী ফগৎহনবা AI সোলুসনশিং, ওতোনোমস রোবোতশিং, স্মার্ত সিতীশিং, অমসুং মোবিলিতী সোলুসনশিং উবা ফংগনি।

অদোম্না পুম্নমক অসি ইন্দিয়া পেভিলিয়নদা উবা ফংলগনি। সেক্তর কয়াদা, ঐখোয়গী স্তার্ত-অপশিংনা পুক্নিং থৌগৎনিংঙাই ওইবা মওংদা ইন্নোবেসন তৌরি।

মরুপশিং,

তেক্নোলোজীগী মতাংদদি, ইন্নোবেসনগা লোয়ননা, মরুওইরিবসি এক্সেসনি। তেক্নোলোজীনা চাউখৎপা পুরকপা ঙম্মী, অদুবু মসি দেমোক্রেতাইজ তৌরবা মতমদতা ওইথোকপা ঙম্মি। ভারতনা থাজবা থম্লি মদুদি অওনবা অমসুং অহোংবা কয়া লাকপা মতম অসিদা, তেক্নোলোজীনা মীপুম খুদিংমক্তা কান্নবা ফংহনগদবনি।

AIগী খুদম অমা লৌরসি। AIনা পুনশি মহিং ফগৎহনগদবনি, খুদোংচাবা পাকথোক চাউথোকহনগদবনি, চাওখৎপা পুরকহনগদবনি অমসুং অফবা গ্রহ অমা ওইহনবদা মতেং পাংগদবনি। ভিভাতেক ২০২৬তা AI কন্ত্রী পার্তনর অমা ওইনা ঐখোয়না শরুক য়াবা অসিনা মসিগী ভিজন অসিবু ময়েক শেংনা তাক্লি। ভারতকী ওইনা, AI হায়বসি “ওল ইনক্লুসিব” হায়বনি।

মরুপশিং,

ভারত অসি ওপন সোসাইতি অমনি অমসুং মালেমগী খ্বাইদগী চাউবা তেলেন্ত পুলনি। ঐখোয়না রিগুলেসনশিং অসি লাইথোকহল্লি অমসুং ললোন-ইতিক তৌবদা লাইথোকহল্লি। ইন্নোবেসনদগী হৌরগা কম্মর্সিয়েলাইজেসন ফাওবদা, ঐখোয়না বিল্লিয়ন দোলর ৫০ হেনবগী ইন্সেন্তিবশিংগী খুত্থাংদা প্রাইভেত এন্তরপ্রাইজপু মতেং পাংলি। ঐখোয়না মালেমগী খ্বাইদগী মমল হোংবা দেতা অমসুং মমল হোংবা গ্রীন ইনর্জীসু পীরি।

ঐখোয়গী খোংথাং অসি ময়েক শেংই। ঐখোয়গী সরকারনা খুদোংচাবা পীগনি অমসুং ইন্দস্ত্রীনা অনৌবা পুথোক্কনি। স্তার্ত-অপশিংনা অওনবা পুরক্কনি অমসুং মালেমগী ওইবা পার্তনরশিংনা ঐখোয়গা লোইননা চাউখৎলগনি। পুন্না, ঐখোয়না হান্নদগী হেন্না খোঙজেল য়াংনা চৎকনি। মফম অসিদা লৈরিবা মীপুম খুদিংমকপু মাং থাংদুনা থৌদাং লৌনবা ঐহাক্না হায়জরি।

ভারতকা লোইননা থবক তৌবীয়ু অমসুং মীপুম কুদিংমকপু কান্নবা ফংহনবীয়ু।

ময়াম্বু পুম্নমকপু থাগৎচরি। ময়াম পুম্নমকপু য়াম্না থাগৎচরি।

****