ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা বিহারগী বৈশালীদা হী অমা ঈশিংদা লাকশিনখিবগী থৌদোক অমদা মীওই কয়াগী পুন্সি মাংখিবা অদুবু থম্মোয় শোক্না অৱাবা ফোংদোকখ্রে।

প্রধান মন্ত্রীনা অৱাবা তারবা পুংফম অসিদা অৱাবা নংলবা ইমুং-মনুংশিংগী মফমদা অৱাবা ফোংদোকখি অমসুং অশোক-অপন নংলবশিং অদু থুনা ফগৎলক্নবা থৌনিজখি। মহাক্না মখাতানা হায়খি মদুদি মফম অদুগী লৈঙাক্না অশোক-অপন নংলবশিং অদুগী মতেং পাংলি।

প্রধান মন্ত্রীনা প্রাইম মিনিস্তর্স নেস্নেল রিলীফ ফন্দ (PMNRF)দগী লৈখিদবা মীওই খুদিংমক্কী খ্বাইদগী নক্নবা ইমুং-মনুংগী মীওইশিংদা লুপা লাখ ২গী এক্স-গ্রেসিয়া পীরগনি হায়না লাওথোকখ্রে। অশোক-অপন নংলবশিংদনা লুপা ৫০,০০০ পীরগনি।

প্রধান মন্ত্রীগী ওফিসনা Xকী পোস্ত অমদা অসুম্না হায়খি;

“বিহারগী বৈশালীদা হী হী অমা ঈশিংদা লাকশিনখিবগী থৌদোক অমদা মীওই কয়াগী পুন্সি মাংখিবা অসি য়াম্না থম্মোয় শোক্নীংঙাই ওই। অৱাবা তারবা পুংফম অসিদা অৱাবা নংলবা ইমুং-মনুংশিংগী অৱাবদা শরুক য়াজরি। ঐহাক্না অশোক-অপন নংলবশিং অদুবু থুনা ফগৎলক্নবা থৌনিজরি। মফম অদুগী লৈঙাক্না অশোক-অপন নংলবশিং অদুগী মতেং পাংলি।

লৈখিদবা মীওই খুদিংমক্কী খ্বাইদগী নক্নবা ইমুং-মনুংগী মীওইশিংদা PMNRFতগী লুপা লাখ ২গী এক্স-গ্রেসিয়া পীরগনি। অশোক-অপন নংলবশিংদনা লুপা ৫০,০০০ পীরগনি: পি.এম. @narendramodi”

The loss of lives in the boat capsizing incident in Vaishali, Bihar, is deeply painful. My thoughts are with the bereaved families in this difficult time. I pray for the speedy recovery of all those injured. The local administration is assisting those affected.

An ex-gratia of Rs. 2 lakh from PMNRF would be given to the next of kin of each of those who lost their lives. The injured would be given Rs. 50,000: PM @narendramodi

— PMO India (@PMOIndia) October 13, 2026

*****