ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি হায়খি মদুদি ভারতকী দিজিতেল ইনফ্রাস্ত্রকচরগী খোঙচৎ অসি শীংথানীংঙাই ওইনা খোঙজেল য়াংশিল্লি। প্রধান মন্ত্রীনা হায়খি মদুদি এয়রত্রঙ্কনা ভারত্তা চাউরাক্না লুপা করোর লাখ ৩ (দোল্লর বিল্লিয়ন ৩০) ইনভেস্ত তৌনবা লাউথোকখ্রে অমসুং দেতা সেন্তর কেপাসিতী গিগাৱাৎ ৫ শেমগৎনবা থৌরাং তৌরি, মসিনা লৈবাক অসিগী দিজিতেল ইনফ্রাস্ত্রকচর ইকোসিস্তেমদা প্রপোজ তৌখিবা খ্বাইদগী চাউবা ইনভেস্তমেন্তশিংগী মনুংদা অমনি হায়না মহাক্না ফোংদোকখি।

শ্রী মোদীনা হায়খি মদুদি অসিগুম্বা ইনভেস্তমেন্তশিং অসিনা ক্লাউদ কম্প্যুতিং অমসুং এ.আই.গী গ্লোবেল হব অমা ওইনা ভারতকী থাক অদু মপাঙ্গল কনখৎহল্লগনি। প্রধান মন্ত্রীনা হায়খি মদুদি চাউখৎ-থৌরাংশিং অসিনা থবক পীবগী খুদোংচাবশিং শেমগৎকনি, লোকেল সপ্লাই চেনশিংদা মতেং পাংগনি অমসুং ইন্নোবেসনগী লমজিং মখাদা চাউখৎপগী খোঙজেল য়াহল্লগনি হায়না ফোংদোক্লদুনা মহাক্না মালেমগী দিজিতেল ইকোনোমীগী তুংলমচৎ অসি ভারত্তা হেন্না হেন্না শেমগৎলক্লি হায়খ্রে।

প্রধান মন্ত্রীনা এক্সতা পোস্ত তৌখি:

“ভারতকী দিজিতেল ইনফ্রাস্ত্রকচরগী খোঙচৎ অসি শীংথানীংঙাই ওইনা খোঙজেল য়াংখৎলক্লি। এয়রত্রঙ্কনা ভারত্তা চাউরাক্না লুপা করোর লাখ ৩ (দোল্লর বিল্লিয়ন ৩০) ইনভেস্ত তৌনবা অমসুং দেতা সেন্তর কেপাসিতীগী গিগাৱাৎ ৫ শেমগৎনবা থৌরাং তৌরি হায়না লাউথোকখ্রে। মসি লৈবাক অসিগী দিজিতেল ইনফ্রাস্ত্রকচর ইকোসিস্তেমদা খ্বাইদগী চাউবা প্রপোজ তৌরিবা ইনভেস্তমেন্তশিংগী মনুংদা অমনি।

অসিগুম্বা ইনভেস্তমেন্তশিংনা ভারতপু ক্লাউদ কম্প্যুতিং অমসুং এ.আই.গী গ্লোবেল হব অমা ওইনা মপাঙ্গল কনখৎহল্লগনি, অমরোমদা মসিনা থবক ফংহন্নবা খুদোংচাবশিং হেনগৎহল্লগনি, লোকেল সপ্লাই চেনশিং মতেং পাংলগনি অমসুং ইন্নোবেসননা লমজিংবা গ্রোথ হেনগৎহল্লগনি।

মালেমগী দিজিতেল ইকোনোমীগী তুংলমচৎ অসি ভারত্তা হেন্না হেন্না শেমগৎলি হায়বসি ময়েক শেংলে!”

India’s digital infrastructure journey is gathering remarkable momentum.

AirTrunk has announced plans to invest around Rs. 3 lakh crore ($30 billion) in India, and develop 5 GW of data centre capacity. This is among the largest proposed investments in the country’s digital… pic.twitter.com/ZW82nneN5x

— Narendra Modi (@narendramodi) June 5, 2026

****