ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি ভারত অমসুং য়ুনাইতেদ কিংদমগী মরক্তা কমপ্রেহেন্সিব ইকোনোমিক অমসুং ত্রেদ এগ্রীমেন্ত (সি.ই.তি.এ.) অমসুং সোসিএল সেক্যুরিতীগী হীরমদা য়ানখিবা অদুগী মতাংদা কেন্দ্রগী মন্ত্রী, শ্রী পিয়ুশ গোয়লনা ইখিবা আর্তিকল অমবু লান্থোকখি৷ শ্রী মোদীনা হায়খি মদুদি এগ্রীমেন্ত অনি অসিনা ভারত অমসুং য়ুনাইতেদ কিংদমগী মরক্তা লৈবা ইকোনোমিক লিঙ্কশিং হেন্না চেৎশিলহল্লগনি অমসুং লৈবাক অনিগী অপুনবা এম্বিশনশিং অসি মখোয়গী মীয়ামগীদমক ময়েক শেংবা খুদোংচাবশিংদা ওন্থোক্লগনি।

শ্রী মোদীনা হায়খি মদুদি সি.ই.তি.এ.না ভারতকী লৌমীশিং, ওন্ত্রপ্রিনরশিং অমসুং এম.এস.এম.ই.শিংদা অনৌবা ইথিল পীরগনি। মসিনা মতিং লৈবা সেক্তর কয়াদা য়ু.কে.গী কৈথেলদা এক্সেস হেঙ্গৎহল্লগনি। মহাক্না মখা তাখি মদুদি সোসিএল সেক্যুরিতীগী মতাংদা য়ানচে অসিনা য়ুনাইতেদ কিংদমদা মতম খরগী ওইনা থবক তৌরিবা ভারতকী প্রোফেস্নেলশিংদা মমল য়াম্লবা মতেং পীগনি অমসুং ভারতকী ইন্তরপ্রাইজশিংগী কম্পিতিতিবনেস হেনগৎহনগনি।

শ্রী মোদীনা এক্সতা পোস্ত তৌখি:

মসি ভারত-য়ুনাইতেদ কিংদমগী পার্তনরশিপকী মরুওইবা তাঙ্কক অমনি!

কম্প্রিহেন্সিব ইকোনোমিক অমসুং ত্রেদ এগ্রীমেন্ত অমসুং সোসিএল সেক্যুরিতীগী মতাংদা এগ্রীমেন্ত চৎনবা হৌরকপগা লোয়ননা ঐখোয়গী ইকোনোমিক লিঙ্কশিং অসি হেন্না চেৎশিল্লগনি। মসিগী য়ানচেশিং অসিনা ঐখোয়গী অপুনবা পান্দম অসি ঐখোয়গী মীয়ামগীদমক্তা অচেৎপা খুদোংচাবদা ওন্থোকহল্লি।

সি.ই.তি.এ.না ঐখোয়গী লৌমীশিং, ওন্ত্রপ্রিনরশিং অমসুং এম.এস.এম.ই.শিংদা অনৌবা ইনোত অমা পীগনি। মপাঙ্গল লৈরবা সেক্তর কয়া অমনা UKগী কৈথেলদা হেন্না মপাঙ্গল কনখৎহনগনি। মসিনা তেক্নোলোজী, প্রোফেস্নেল সর্বিসেস অমসুং ইন্নোবেসনগী লমদা মতেং পীনবা হেনগৎহল্লগনি।

সোসিএল সেক্যুরিতী এগ্রীমেন্ত অসিনা য়ু.কে.দা মতম খরগী ওইনা থবক তৌরিবা ভারতকী প্রোফেস্নেলশিংদা মমল য়াম্লবা মতেং পীগনি অমসুং ভারতকী ইন্তরপ্রাইজশিংগী কম্পিতিতিবনেস মপাঙ্গল কনখৎহল্লগনি।

মসিগী তাঙ্কক অসিনা ঐখোয়গী দেমোক্রেসীশিংগী মরক্তা থাজবা অমসুং ত্রেদ, তেক্নোলোজী, ইনভেস্তমেন্ত অমসুং ইনোবেসননা লমজিংবা তুংলমচৎকী ওইবা পার্তনরশিপ অমা শেমগৎনবা ঐখোয়গী ৱারেপ অদু উৎলি। ভারত অমসুং য়ুনাইতেদ কিংদম্না পুন্না চাউখৎনবা থবক তৌমিন্নখিগনি।

 #IndiaUKFTA

This is a significant moment in the India-United Kingdom partnership!

With the coming into force of the Comprehensive Economic and Trade Agreement and the Agreement on Social Security, our economic linkages are going to get even deeper. Together, these agreements translate our… https://t.co/6yZR0IUfCP

— Narendra Modi (@narendramodi) July 15, 2026

 ***