Search

অনৌবা পাউশিং

মচাকশিং অসি পি আই বিদগী মশা মথন্তা লৌথোকচবনি

প্রধান মন্ত্রীনা ভিদীও কনফরেন্সকী থোংদা বহাদুরগর-মুন্দকা মেত্রো লাইন শঙ্গাখ্রে


প্রধান মন্ত্রী শ্রী নরেন্দ্র মোদীনা ঙসি ভিদীও কনফরেন্সকী থোংদা বহাদুরগর–মুন্দকা মেত্রো লাইন শঙ্গাখ্রে।

দিল্লী মেত্রোগী অনৌবা সেক্সন অসি হৌদোকপা অসিদা হরিয়ানা অমসুং দিল্লীগী প্রজাশিংগী মফমদা নুংঙাইবা ফোংদোক্লদুনা বহাদুরগরবু দিল্লী মেত্রোগা শম্নবা উবা ফংবা অসিদা অপেনবা পোকই হায়না মহাক্না ফোংদোকখি।

গুরুগ্রাম অমসুং ফরিদাবাদকী মতুংদা হৌজিক বহাদুরগর অসি দিল্লী মেত্রোগা শম্নবা অহুমশুবা হরিয়ানাগী লমদম ওইরে।

দিল্লীদা চেল্লিবা মেত্রোনা মতৌ করম্না নাগরিকশিংগী পুন্সিদা পোজিতিব ওইবা মওংদা থেংনবগে হায়বা অদুদা প্রধান মন্ত্রীনা ঙাংখি। বহাদুরগর অসি অকিবা ফংনা চাউখৎলক্লি অমদি মফম অদুদা তোঙান তোঙানবা এজুকেস্নেল সেন্তরশিং লৈরি অমদি মফম অদুগী মহৈরোইশিংনা দিল্লীদসু লাকই হায়না প্রধান মন্ত্রীনা ফোংদোকখি। মেত্রো অসিনা হেন্না খুদোং চাবা ফংহল্লগনি হায়না মহাক্না মখা তাখি।

শ্রী নরেন্দ্র মোদীনা হায়খি মদুদি কনেক্তিবিতী অমসুং দিবেলপমেন্তকী মরক্তা অচেৎপা মরি অমা লৈরি। মেত্রো অসিনা লমদম অসিদা লৈরিবা প্রজাশিংদা থবক ফংহন্নবগী খুদোংচাবা অদু পীরগনি হায়না মহাক্না হায়খি।

প্রধান মন্ত্রীনা হায়খি মদুদি কেন্দ্র সরকারনা লৈবাক্কী মফম পুম্বদা লৈরিবা মেত্রো রেল নেৎৱার্কশিংদা য়ুনিফোর্মিতী অমসুং স্তেন্দরদাইজেসন পুরক্নবা মেত্রোগা মরি লৈনবা পোলিসী অমা পুথোক্লে। মসিগী পান্দমদি ঐখোয়গী সহরশিংদা খুদোংচাবা, নুংঙাইবা অমসুং অহোংবা অর্বান ত্রান্সপোর্ত সিস্তেমশিং শেমগৎপনি হায়না মহাক্না হায়খি। ভারত্তা মশানা মেত্রো রেল কোচশিং শেমদুনা মেক ইন ইন্দিয়াদা ইনোৎ পীনবা পান্দমসু থম্লি হায়না মহাক্না ফোংদোকখি।   

প্রধান মন্ত্রীনা হায়খি মদুদি মেত্রো সিস্তেমশিং শেমগৎপগী প্রোসেস অসিনা কোওপরেতিব ফেদরেলিজমগসু শম্নহল্লি। ভারত্তা মেত্রো শেমগৎলিবা মফম খুদিংমক্তা কেন্দ্র অমসুং মরি লৈনবা রাজ্য সরকারশিংনা পুন্না থবক তৌমিন্নরি হায়না মহাক্না মখা তাখি।

অনৌবা ভারতনা অনৌবা অমসুং স্মার্ত ওইবা ইনফ্রাস্ত্রকচর মথৌ তারিবা অদু নোৎ তৌরদুনা প্রধান মন্ত্রীনা হায়খি মদুদি কেন্দ্র সরকারনা লম্বী থোং, রেলৱেজ, হাইৱেজ, এয়রৱেজ, ৱাতরৱেজ অমসুং আই–ৱেজদা থবক তৌরি। ঐখোয়না ফোকস তৌরিবা অসি কনেক্তিবিতী হেঙ্গৎহনবা অমসুং দিবলপমেন্ত প্রোজেক্তশিং অদু মতম চানা লোইশিনবনি হায়না মহাক্না মখা তাখি।