ভারতকী প্রধানমন্ত্রী

‘মন কী বাত ২.০’গী ১০শুবা তাঙ্ককতা ৱা ঙাংলদুনা প্রধান মন্ত্রী শ্রী নরেন্দ্র মোদীনা অকনবা ৱারেপ লৌখিবগীদমক ঙাকপীনবা হায়জখি, কোবিদ-১৯গী মায়োক্তা থেংনরিবা লানগীদম অকনবা ৱারেপ খরা লৌবা মথৌ তায় হায়না অমুক হন্না ফোংদোকখ্রে।

মহাক্না হায়খি মদুদি ভারতকী মীয়াম্বু অশোই অঙাম য়াওহন্দনা থম্বা অসি মরু ওই অমদি থাজবা পীখি মদুদি অমত্তা ওইনা ভারতনা কোবিদ-১৯বু মায়থিবা পীগনি।

মহাক্না চেকশিন ৱা হায়খি মদুদি লোকদাউন অসি ইশা অমসুং ইমুং মনুংবু কন্ননবগীদমক্তনি অদুগা আইসোলেসনগী চৎন-পথাপ ঙাক্তবা ঙাক্তবা মীওইশিং অদু অৱাবা তাগনি।

ঙসি মন কী বাত্তা মহাক্কী ৱাখল্লোন শেয়ার তৌরদুনা প্রধান মন্ত্রীনা হায়খি মদুদি মী ময়াম অমনসু মখোয়বু মপান্দা থোকহন্দবগীদমক্তা শাউরমগনি খল্লি। ঐ ময়ামগী অৱাবা খংজৈ অদুবু ভারতকী মীয়াম কোতি ১৩০ অসিবু কোরোনাদগী ঙাকথোক্নবগীদমক্তদি খোংথাং অসি নত্রবদি পাম্বৈ শুকলৈ লৈতে। কোরোনাগী মায়োক্তা শোক্নরিবা লান অসি শিবা নত্রগা চংবনি। লান অসি ঐখোয়না ঙম্বা তাবনি অদুবু খোংথাং অসি লৌখৎত্রবদি ওইথোকপা ঙম্লোই। অদোম অমসুং অদোমগী ইমুংবু শোইদ ঙামদনা লৈহনবদুনি।

অনাবা অমদি লাইচৎ অসি হৌরকপদা থিংহৌগদবনি হায়বা হায়নবা অদু ফোংদোক্লদুনা মহাক্না হায়খি মদুদি লাইনা অদুনা লুশিল্লক্লবা মতমদদি লাইয়েংবসি ৱাই। মহাক্না হায়খি মদুদি ঙসিদি মালেম পুম্বসি কোরোনা ভাইরসনা কোন্সিনখ্রে। প্রধান মন্ত্রীনা হায়খি, “মসিনা লাইরিক হৈরবশিং, সাইন্তিস্ত, লাইরবা ইনাক খুনবা, অশোনবা ইনাক খুনবা পুম্নমকপু শিংনরক্লি। মসিনা ঙমখৈ লম অমদি রিতু য়ুগ অমত্তা খায়দ্রি।”

প্রধান মন্ত্রীনা মীওইবা জাতিদা ভাইরস অসিদগী ঙাকথোক্নবা অমত্তা ওইনা পুন্সিন্নবা হায়খি মরমদি ভাইরস অসিনা মীওইবা জাতিবু লোইশিন্নবগীদমক হোৎনরক্লি। মহাক্না প্রজাশিংদা লেমহৌরিবা নুমীৎশিং অসি পুক্নিং তপথনা ঙাইবীনবা অমদি চিংলিবা লক্ষমন রেখা অসি নান্থোক্তনবা হায়খি।

প্রধান মন্ত্রীনা হায়ি মদুদি মীওই খরনা লোকদাউন থুগায়রি মরমদি মখোয়না ফিভম অসিবু লুনা লৌদে। মহাক্না মখোয়দা লোকদাউনগী রুল ঙাক্না চৎনবা অপীল তৌখি নত্রগদি কোরোনা ভাইরসতগী ঐখোয় ইশাবু ঙাকথোকপা লুগনি। মহাক্না হায়খি লাইনা চেন্দবা হায়বসি খ্বাইদগী লাইবক ফবা অমনি, মালেমদা খ্বাইদগী নুংঙাইবদি হকচাং ফবনি।