ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা কোচীদা পাংথোকপা মলয়ালা মনোরমা ন্যুজ কনক্লেব ২০১৯দা ৱা ঙাংখ্রে।

প্রধান মন্ত্রীনা মলয়া মনোরমাবু, কেরলাগী নাগরিকশিংবু হেন্না ভাব তাহনবা অমসুং ভারতকী নীংতম খোংজংদা মসিনা লৌখিবা থৌদাং অদুগীদমক থাগৎপা ফোংদোকখি।

কলেক্তিব এস্পিরেসনশিং অসি অনৌবা ভারতকী কুয়োমশিংনি:

কনক্লেব অসিগী থিম “ন্যু ইন্দিয়া”দা ৱা ঙাংলদুনা প্রধান মন্ত্রীনা হায়খি মদুদি অমমমতগী ওইবা এস্পিরেসনশিং, পুন্না হোৎনরিবশিং অমসুং জাতিগী চাউখৎনবগীদমক ওনরশিপকী স্পিরিৎ অসি অনৌবা ভারতকী কুয়োমদা লৈরি। অনৌবা ভারত অসিদি দেমোক্রেসীদা শরুক য়াবা, সিতিজন সেন্ত্রিক সরকার অমা অমসুং প্রো-এক্তিব সিতিজনরীগী মরমদনি হায়না মহাক্না অকনবা ৱাফম থমখি। অনৌবা ভারত অসিদি পাউখুম পীরিবা প্রজা অমসুং পাউখুম পীরিবা সরকারগী য়ুগনি।

প্রধান মন্ত্রীনা হায়খি মদুদি শান্ন-খোৎনববু ওইগেরা নত্রগা স্তার্ত অপ ইকো-সিস্তেম ওইগেরা অনৌবা ভারতকী স্পিরিৎ অসি হৌজিক্তি মফম কয়াদা উবা ফংলে। অপীকপা শহর অমসুং খুঙ্গংশিংদগী থৌনাফরবা নহাশিংনা মখোয়গী এস্পিরেসন অদু এক্সেলেন্সতা ওন্থোক্লি অমদি ভারতপু চাউথোকহল্লি।

সরকারনা পায়খৎলিবা থবকশিংগী মতাংদা ঙাংলদুনা মহাক্না ইজ ওফ লিভিং, পোৎ চৈগী মমল লাকশিনবা, চহী মঙাদা য়ুম কোতি ১.২৫ শাবা, খুঙ্গং খুদিংমক্তা মৈ ফংহনবা, য়ুম খুদিংদা ইশিং ফংহনবা, হেল্থকা লোয়ননা এজুকেসনগী ইনফ্রাস্ত্রকচর ফগৎহনবা য়াওনা হোৎনরিবা কয়াগী মতাংদা ঙাংখি। মহাক্না বেঙ্ক একাউন্ত কোতি ৩৬ হেন্না হাংদোকখ্রে, অপীকপা ইন্ত্রপ্রিনরশিংদা লোন কোতি ২০ পীখ্রে, গ্যাস কনেক্সন কোতি ৮ হেনবনা মৈখু চেন্দবা চাকখুমশিং ফংহল্লে, লম্বী শেম্বগী থবক শরুক অনি হেঙ্গৎলে হায়নসু ফোংদোকখি।

“ঐখোয়না ঙমগদ্রা”দগী  “ঐখোয়না ঙমগনি”  ফাওবা

প্রধান মন্ত্রীনা হায়খি, “চহী মঙাগী মমাংদা, প্রজানা হংনখি-ঐখোয়না ঙমগদ্রা? অমোৎ অকায়দগী ঐখোয় নান্থোকপা ঙমগদ্রা? ঐখোয়না পোলিসী পেরলাইসিসপু লৌথোকপা ঙমগদ্রা? ঐখোয়না শেঞ্জা-থুমজা মুথৎপা ঙমগদ্রা? ঙসিদি প্রজানা হায়রি – ঐখোয়না ঙমগনি! ঐখোয় লু নানবা ভারত অমা ওইরগনি। ঐখোয় শেঞ্জা-থুমজা লৈতবা লৈবাক অমা ওইরগনি। ঐখোয়না অফবা সাশনবু অপুনবা খোংজং অমা ওইহল্লগনি।”

অনৌবা ভারত অমা শেমগৎনবা সরকারনা থবক পায়খৎলি হায়না প্রধান মন্ত্রীনা ফোংদোকখি। মসিগা মরী লৈননা লায়রবশিংগীদমক য়ুম কোতি ১.৫ শাখিবগী মতাংদা মহাক্না ঙাংখি। মতম য়াম্না চংদনা অমদি অহেনবা মমল চংহন্দনা অহেনবা খুদোংচাবা ফংহন্নবা, অহেনবা ভেল্যু ফংহন্নবা হোলিস্তিক এপ্রোচ অমা মখোয়না তুংইন্নরি হায়না প্রধান মন্ত্রীনা ফোংদোকখি।

অনৌবা ভারতকীদমক ঐখোয়না য়েংলিবা মিৎয়েংদা লৈবাক অসিদা লৈরিবশিংগী খক্তা নত্তনা মপান্দা লৈরিবশিংগীসু য়াউরি। ঐখোয়গী দাইস্পোরা অসি ঐখোয়গী চাউথোকচনীংঙাইনি, ভারতকী ইকোনোমী চাউখৎহনবদা থৌদাং লৌরি।

হন্দক বহরান্দা চৎখিবা মহাক্কী খোংচৎ অদুগী মতাংদা ঙাংলদুনা মহাক্না হায়খি মদুদি মফম অদুদা চৎপা ভারতকী অহানবা প্রধান মন্ত্রীগী ইকায় খুম্নবা অদু মহাক্না ফংজখি। খোংচৎ অদুনা মরম ওইদুনা মফম অদুদা ফাদোক তারবা ভারত মচা ২৫০বু রোয়েল ফেমিলীনা মরাল কোকপীনবা ৱারেপ লৌখি হায়নসু মহাক্না ফোংদোকখি। প্রধান মন্ত্রীনা য়ু.এ.ই.দা রুপে কার্দ হৌদোকখিবগী মতাংদসু পনখি অমদি মসিনা ময়ুমদা পৈশা থাদোক থাজিন তৌবা গল্ফতা থবক তৌরিবা মীওই লাখ কয়াদা কান্নবা ফংহল্লগনি হায়খি।

প্রধান মন্ত্রীনা স্বচ্ছ ভারত, সিঙ্গল য়ুজ প্লাস্তিক মুত্থৎপা, ইশিং য়োক্তুনা থম্বা, ফিৎ ইন্দিয়া অমসুং অতোপ্পা খোংজং কয়াদা মিদীয়ানা লৌরিবা থৌদাং অদু শিংথাখি।       

লোন্দা পুনশিন্নবা শক্তি লৈরি:

ভারতপু পুনশিন্নবা শক্তি অদু লোন্দা লৈ হায়না ফোংদোক্লদুনা তোঙান তোঙানবা লোন ঙাংবা মীওইশিংবু নকশিনহন্নবা মীদিয়ানা থোংগী শক্তম অমা লৌবা য়াই হায়না প্রধান মন্ত্রীনা মীদিয়াদা খঙহনখি। ৱাহৈ অমবু মীদিয়ানা  তোঙান তোঙানবা লোন ১০-১২দা পব্লিস তৌবা য়াই হায়না মহাক্না ৱাফম থমখি। মতৌ অসুম্না চহী অমদা মীওই অমনা তোঙান তোঙানবা লোনশিংদা অনৌবা ৱাহৈ ৩০০ হেন্না তম্বা ঙমগনি হায়না মহাক্না ফোংদোকখি।

ঐখোয়গী ইপা ইপুশিংগী মংলান অদু মংফাওনহনবা অমসুং মদুনা মখোয়বু চাউথোকপা ফাউহনবা অসি ঐখোয়গী ইথৌনি হায়না প্রধান মন্ত্রীনা হায়খি। 

 ***