ভারতকী প্রধানমন্ত্রী

য়োর এক্সিলেন্সী রাস্ত্রপতি পুতিন,

মরূপশিং,

খুরুমজরি,

দোবরে বেচের!

মালেম পুম্বদা খ্বাইদগী ইহান হান্না নোংঙাল্লিবা মফম, মালেম পুম্ববু পুক্নিং থৌগৎলিবা অমসুং ২১শুবা চহীচাদা মীওইবা জাতিগী দিবেলপমেন্তকী অনৌবা ৱারী ইরিবা মফম অমা ওইরিবা ব্লাদিবোস্তোক্তা লাকচবা অসিদা ঐহাক হায়নীংঙাই লৈতনা নুংঙাইবা ফাওই। মসি ঐহাক্কী নুংশিরবা মরূপ রাস্ত্রপতি পুতিনগী বার্তন্দা ওইথোকপা ঙম্লিবনি। মসিগীদমক ঐহাক্কী মরূপ রাস্ত্রপতি পুতিনবু ঐহাক্না থাগৎচরি। বার্তন অদুনা মরম ওইরগা ব্লাদিবোস্তোক্তা চৎপা ভারতকী অহানবা প্রধান মন্ত্রী ওইবগী তাঞ্জা অদু ইফমদা পীনবীরে। মসিগীদমক ঐহাক্না ঐহাক্কী মরূপ রাস্ত্রপতি পুতিনবু থাগৎচরি।

অদুগা ভারত অমসুং রুসিয়াগী মরক্তা পাংথোকপা ২০শুবা চহীগী মীফমদা রাস্ত্রপতি পুতিন অমসুং ঐহাক্না শরুক য়াবা অসি পুৱারী ওইরবা নুংঙাইরবা তাঞ্জা চানরুবা অমনি। ২০০১দা অহানবা ওইনা রুসিয়াদা ইন্দো-রুসিয়ন মীফম পাংথোকপা মতমদুদা ঐহাক্কী মরূপ পুতিন্না রুসিয়াগী রাস্ত্রপতি ওইবীরম্মি অদুগা ঐহাক্না গুজরাতকী মুখ্য মন্ত্রী ওইনা প্রধান মন্ত্রী অতলজীগা লোয়ননা ভারতকী মীহুৎ কাংবুদা য়াওরম্মি। রাস্ত্রপতি পুতিন অমসুং ঐহাক্কী রাজনিতী খোংচৎ মনুংদা, লৈবাক অনিগী মরক্তা মরূপ ওইবা অমসুং তেংবাং পীনবা লেপ্পা লৈতনা হেঙ্গৎলক্লি অমদি শাংলবা খোংচৎ অমা চৎলক্লি। মতম অসিগী মনুংদা, ঐখোয়গী অখন্নবা অমসুং প্রিভিলেজ স্ত্রেতেজিক পার্তনরশিপ অসি ঐখোয়না প্রজাশিংগী দিবেলপমেন্ত অমসুং মখোয়গী হকথেংননা খুদোংচাবশিংগা লোয়ননা শম্নহল্লে। রাস্ত্রপতি পুতিন অমসুং ঐহাক্না মরী অসি থাজবা অমসুং শরুক য়াবগী খুত্থাংদা তেংবাং পীনবগী অনৌবা থাক অমদা পুখৎলে।

দিফেন্সগুম্বা স্ত্রেতেজিক এরিয়াশিংগী মথক্তা, লৈবাক অনিমক্কী জোইন্ত ভেঞ্চরনা রুসিয়ন ইক্বিপমেন্তশিংগী স্পেয়র পার্তশিং পুথোক্নবা ঙসিগী য়ান্না ৱারোলনা ভারত্তা ইন্দস্ত্রী হেঙ্গৎহল্লগনি। য়ান্না চেরোল অসিনা অমদি চহী অসিগী হৌরকপদা এ.কে.-২০৩গী জোইন্ত ভেঞ্চর অদুনা ঐখোয়গী দিফেন্স কোওপরেসন্দা লৈবা য়োনবগী অকক্নবা এনভাইরনমেন্তকী ৱাংমদা পুন্না পুথোকমিন্নবগী অচেৎপা য়ুমফম অমনি। রুসিয়াগী তেংবাংগা লোয়ননা ভারত্তা ন্যুক্লিয়র প্লান্তশিংগী লোকেলাইজেসন হেঙ্গৎলকপা অসিনা লম অসিদা ঐখোয়গী মরক্তা মশক নাইবা পার্তনরশিপ অমসু দিবেলপ তৌরি।

মহাক্কী বার্তন ফংলবা মতুং খুদক্তা ঐখোয়না য়াম্না চেশিন্না থৌরাং তৌবা হৌখি। মসিগীদমক, ভারতকী কম্মর্স মন্ত্রী, রাজ্য মরিগী মুখ্য মন্ত্রীশিং অমসুং ললোন ইতিক তৌবা মীওই ১৫০ হেন্না ব্লাদিবোস্তোক্তা লাক্লি। ফার ইস্তকী অখন্নবা রাস্ত্র দুত অমসুং ফার ইস্তকী গোবর্নর ১১গা লোয়ননা মীফম পাংথোকখিবা অসিনা য়াম্না ফবা মহৈশিং পীরি। স্তেতশিং অমসুং রিজনশিংগী মরক্তা লৈরিবা মরীশিংনা ফ্রেমৱার্ক অমা ফংলে। অমদি কোয়লা, দাইমন্দ, মাইনিং, রেয়র অর্থ, এগ্রীকলচর, তিম্বর, পল্প অমসুং চে অমদি তুরিজম্না অনৌবা খুদোংচাবা কয়া অমা ফংলে। রিজনশিং অসিদা কনেক্তিবিতী হেঙ্গৎহন্নবা চেন্নাই অমসুং ব্লাদিবোস্তোক্কী মরক্তা মেরিতাইম রুৎ অমসু প্রপোজ তৌখ্রে। ঐখোয়না ঐখোয়গী লৈবাক অনিগী তেংবাং পীনবদা মখল কয়া খায়দোক্লে অমসুং মসিদা অনৌবা দাইমেন্সনশিং হাপচিল্লে। হৌজিক্তি ভারত অমসুং রুসিয়াগী মরক্তা ওইল অমসুং গ্যাসকী ৱাফমশিং খক্তা নত্তনা অমনা অমগী হাইদ্রোকার্বোন সেক্তরদা মমাংদা ওইখিদ্রিবা মওংদা শেল থাদরে। সেক্তর অসিদা তেংবাং পীননবা অমদি ফার ইস্ত অমসুং আর্তিক্তা হাইদ্রো-কার্বোন অমসুং এল.এন.জি. থিদোকপদা তেংবাং পীনবগীদমক চহী ৫গী রোদমেপ অমা থৌরাং তৌরে। স্পেসতা ঐখোয়না মতম শাংনা লোয়নরকপা অসি অনৌবা থাক য়ৌরে। ভারতকী হ্যুমেন স্পেস ফ্লাইত গগনয়ানগীদমক ভারতকী এস্ত্রোনোৎশিং রুসিয়াদা ত্রেনিং ফংলগনি। ম্যুচেল ইনভেস্তমেন্তকী মপুংফাবা পোতেন্সিয়েল ফংনবগীদমক অথুবা মতমদা ইনভেস্তমেন্ত প্রোতেক্সন অমা থম্বদা ঐখোয়না য়ানবা পুরক্লে। ভারতকী ‘রুসিয়ন প্লস দেস্ক’ অমসুং রুসিয়াগী ফার ইস্ত ইনভেস্তমেন্ত অমসুং এক্সপোর্ত এজেন্সীগী মুম্বাই ওফিসনা ম্যুচেল ইনভেস্তমেন্ত অসি লায়থোকহল্লগনি।

মরূপশিং,

ঐখোয়গী স্ত্রেতেজিক পার্তনরশিপতা অনৌবা পন্দুপশিংসু হাপচিল্লে। পাক চাউরবা ত্রাই-সর্ভিসেস এক্সরসাইজ ‘ইন্দ্র-২০১৯’না লৈবাক অনিগী মরক্তা ঐখোয়গী থাজবা হেঙ্গৎলক্লিবা অদুগী খুদম ওইরি। দরকার ওইরকপা মতমদা ভারত অমসুং রুসিয়ানা মালেমগী ইচম চম্বা মফমশিং খক্তা নত্তনা অন্তার্কতিকা অমসুং আর্কতিকতসু পুন্না থবক তৌরি। ঐখোয়না ব্রিক্স, এস.সি.ও. অমসুং অতোপ্পা গ্লোবেল ফোরমশিংদা য়াম্না নক্ননা তেংবাং পীনরি। ঙসি ঐখোয়না মরুওইবা গ্লোবেল অমসুং রিজনেল ইসু কয়াদা কান্নবা মওংদা খন্ন-নৈনখি। ভারতনা মনিংতম্বা, খুদোংথিবা লৈতবা, কায়গনদবা, শান্তী লৈবা অমসুং দেমোক্রেতিক আফগানিস্তান অমা উবা পামই। ঐখোয় অনিমক্না লৈবাক অমা হেক্তগী লৈবাক মনুংগী ওইবা ৱাফমদা মপান্দগী খুৎ থিংজিল্লকপগী মায়োক্তা লেপ্লি। ঐখোয়না ভারতকী ফ্রী, ওপন অমসুং ইনক্লুসিব ইন্দো-পেসিফিক্কী কন্সেপতসু মহৈ য়ান্না খন্ন-নৈনখি। ভারত অমসুং রুসিয়ানা সাইবর সেক্যুরিতী, তেরোরিজম থেংনবা, মহৌশাগী ফিভম ঙাক্তুনা থম্বা অসিনচিংবা লমশিংদা তেংবাং পীনবা হেঙ্গৎপদা য়ান্নবা পুরকখি। ভারত অমসুং রুসিয়ানা মথং চহীদা তাইগর কঞ্জর্বেসন্দা অৱাংবা থাক্কী ফোরম অমা ওর্গনাইজ তৌনবা য়ান্নবা পুরক্লে।

অমুক হন্না ঐহাক্না ঐহাক্কী মরূপ রাস্ত্রপতি পুতিনবু বার্তন অসিগীদমক অমসুং তরাম্না ওকপীবগীদমক থাগৎচরি। হয়েং পাংথোক্কদৌরিবা ইস্তর্ন ইকোনোমিক ফোরমদা মাহ্ক অমসুং অতোপ্পা লুচিংবা মরূপশিংগা লোয়ননা শরুক য়ানবা ঐহাক্না মীৎয়েং থম্লি। মথং চহীদা পাংথোক্কদৌরিবা চহীগী মীফমগীদমক রাস্ত্রপতি পুতিনগী ভারত খোংচৎ অদুগীদমক ঐহাক্না ঙাইজরি। ২০২০দা রুসিয়ানা এস.সি.ও. অমসুং ব্রিক্স লুচিংলগনি। রাস্ত্রপতি পুতিনগী মখাদা ওর্গনাইজেসনশিং অসি মায়পাকপগী অনৌবা রেকোর্দশিং থম্লগনি হায়না ঐহাক্না থাজবা থম্লি। মসিগীদমক ভারত অমসুং ঐহাক্না সপোর্ত তৌগনি।
হন্না-হন্না থাগৎচরি।

স্পাসিবা বালশোই!