ভারতকী প্রধানমন্ত্রী
প্রধান মন্ত্রী, শ্রী নরেন্দ্র মোদীনা মালেমগী কৈগী নুমিৎনা লাকপদা লম্লক্কী জিবাশিংবু নুংশিজবা মীওই পুম্নমক্কী মফমদা য়াইফ-পাউজেল পীখ্রে।
প্রধান মন্ত্রীনা হায়খি মদুদি লৈবাক অসিনা মালেমগী কৈগী মশীংগী চাদা ৭০ রোমগী লৈফম ওইরিবা অসিদা ভারতকী মীয়াম্না চাউথোকচবা ফাওই।
মহাক্না হায়খি মদুদি ভারতকী কৈশিং ঙাক-শেন্নবা খোঙথাংশিং অসি লৈবাক অসিগী চহি চা কয়াগী মমাংদগী চৎনরক্লবা মহৌশাগা লোয়ননা নুংশি চান্ননা হিংমিন্নবগী চৎনবী অদুদগী ইথিল ফংলি অমসুং মাগী মীয়ামগী অপুনবা ফিরেপনা থৌনা পীরি।
শ্রী মোদীনা সাইন্সতা য়ুম্ফম ওইবা কঞ্জার্বেসন, কম্ম্যুনিতী পার্তিসিপেসন অমসুং কৈ ঙাকশেনবা অসি মপাঙ্গল কনখৎহন্নবা সস্তেনেবল দিবেলপমেন্তকীদমক ফিরেপ অদু অমুক হন্না ফোংদোকখি।
শ্রী মোদীনা ফোরেস্ত পর্সনেলশিং, সাইন্তিস্তশিং অমসুং কঞ্জার্বেসনিস্তশিংগী হোৎনরিবশিং অমসুং কত্থোক্লিবা অদুবুসু শীংথাখি। প্রধান মন্ত্রীনা হায়খি মদুদি ভারতনা লোকেল কম্ম্যুনিতীশিংবু মপাঙ্গল কনখৎহন্নবা অমসুং মীওইবা অমসুং লম্লক্কী জিবশিংগী মরক্তা থোকপা চয়েৎনবশিং হন্থহন্নবা হোৎনরি।
এক্সকী থ্রেদ পোস্ত অমদা, শ্রী মোদীনা হায়খি;
“মালেমগী কৈগী নুমিৎতা লম্লক্কী জিবা নুংশিজবা মীওইশিংগী মফমদা য়াইফ-পাউজেল পীজরি। ভারতকী মীয়াম্না চাউথোকচবা ফাওই মরমদি ঐখোয়গী লমদম অসিদা মালেমগী কৈগী মশীংগী চাউরাক্না ৭০% লৈ। ভারতকী কৈ ঙাকশেনবগী থবকশিং অসি মহৌশাগা লোয়ননা নুংশি চান্ননা হিংমিন্নবগী ঐখোয়গী চহি চা কয়াগী চৎনবী অসিনা ইথিল পীরি অমসুং ঐখোয়গী মীয়ামগী অপুনবা ফিরেপনা থৌনা পীরি। সাইন্সতা য়ুম্ফম ওইবা কঞ্জার্বেসন, কম্ম্যুনিতী পার্তিসিপেসন অমসুং কৈ ঙাকশেনববু মপাঙ্গল কনখৎহনবা সস্তেনেবল দিবেলপমেন্তকীদমক ঐখোয়গী অচেৎপা ফিরেপ অদু ঐখোয়না অমুক হন্না ফোংদোক্লি।”
“ঐখোয়গী ফোরেস্ত পর্সনেলশিং, সাইন্তিস্তশিং অমসুং কঞ্জার্বেসনিস্তশিংগী হোৎনরিবশিং অমসুং কত্থোকপা অসিনসু কৈশিং ঙাকশেনবদা মরু ওইবা থৌদাং লৌরি। মসিগী ৱাখল্লোন অসিগা লোয়ননা, ভারতনা লোকেল কম্ম্যুনিতীশিংবু মপাঙ্গল কনখৎহন্নবা অমসুং মীওইবা অমসুং লম্লক্কী জিবশিংগী মরক্তা অয়েৎ অপনবা লৈহন্দনবা হোৎনরি।”
Greetings to all wildlife enthusiasts on Global Tiger Day. The people of India are proud of the fact that we are home to almost 70% of the global tiger population. India’s tiger conservation efforts are inspired by our centuries-old culture of living in harmony with nature and… pic.twitter.com/OwOSyDDcc7
— Narendra Modi (@narendramodi) July 29, 2026
***
Greetings to all wildlife enthusiasts on Global Tiger Day. The people of India are proud of the fact that we are home to almost 70% of the global tiger population. India’s tiger conservation efforts are inspired by our centuries-old culture of living in harmony with nature and… pic.twitter.com/OwOSyDDcc7
— Narendra Modi (@narendramodi) July 29, 2026
The efforts and dedication of our forest personnel, scientists and conservationists have also played a key role in tiger protection. In that spirit, India remains committed to empowering local communities and reducing human-wildlife conflict. pic.twitter.com/hlxEjnBtct
— Narendra Modi (@narendramodi) July 29, 2026
