ভারতকী প্রধানমন্ত্রী
অদোমগা উনবদা য়াম্না নুংঙাইবা ফাওই, অমসুং অদোমগা উনবসিনা নীংশিংবা য়াবা মীফম অমা ওইগনি হায়না ঐহাক্না মতম পুম্নমক্তা খল্লি। য়াম্না মরু ওইবা হিরম কয়াগী মতাংদা পাউ ফাওনবগী খুদোংচাবা ফংলি।
ঐখোয়না লেপ্পা লৈতনা কন্টেক্ত তৌরি। নাকল অনিগী মরক্তা চাং নাইনা অৱাংবা থাক্কী মীফম কয়া পাংথোক্নখি। চহি অসিগী দিসেম্বরদা ঐখোয়গী ২৩শুবা সমিৎকীদমক ভারত মচা কোতি ১৪০না য়াম্না কন্না ঙাইদুনা লৈরি।
একসেলেন্সী,
মসি ঐখোয়গী স্পিসিএল এন্দ প্রিভিলেজ স্ত্রেতেজিক পার্তনরশিপকী অচেৎপা অমসুং পাক চাউবগী মশক অমনি। অরুবা ফিভমদা ভারত অমসুং রসিয়ানা মতম পুম্নমক্তা অমগা অমগা মতেং পাংদুনা চৎলি। ঐখোয়গী নক্নবা মতেং পীনবা অসি লৈবাক অনিগী মীয়ামগীদমক্তা নত্তনা মালেমগী শান্তি, অচেৎপা অমসুং চাউখৎপগীদমক্তা য়াম্না মরু ওই।
একসেলেন্সী,
ঐখোয়না য়ুক্রেনদা চত্থরিবা লানফম অসিগী মতাংদা লেপ্পা লৈতনা খন্ন-নৈনরি। হৌজিক্কী ওইনা পাংথোক্লিবা শান্তিগী খোঙথাং খুদিংমক ঐখোয়না তরাম্না ওক্লি। ঐখোয়না আশা তৌরি মদুদি নাকল পুম্নমক্না কন্সত্রক্তিব ওইবা মওংদা মাংলোমদা চংশিনগনি। লানফম অসি অথুবা মতমদা লোইশিন্নবা অমসুং অচেৎপা শান্তি অমা পুরক্নবা লম্বী অমা থিগদবনি। মসি মীওইবা খুন্নাই পুম্নমক্কী হায়জবনি।
একসেলেন্সী,
অমুক্কা হন্না ঐহাক্কী থম্মোয়দগী অদোমবু য়াম্না-য়াম্না থাগৎচরি।
***
Sharing my remarks during meeting with President Putin. https://t.co/PADOdRjsBs
— Narendra Modi (@narendramodi) September 1, 2025
Had an excellent meeting with President Putin on the sidelines of the SCO Summit in Tianjin. Discussed ways to deepen bilateral cooperation in all sectors, including trade, fertilisers, space, security and culture. We exchanged views on regional and global developments, including… pic.twitter.com/DhTyqOysbf
— Narendra Modi (@narendramodi) September 1, 2025
