ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা ‘হিন্দ দি চাদার’ শ্রী তেগ বহাদুর জিগী ৩৫০ শুবা থৱায় কৎখিবা চহি (সহিদি সমাগাম) দা ৱা ঙাংখ্রে। মহাক্না ইকায়খুম্নবা উৎলদুনা, প্রধান মন্ত্রীনা হায়খি মরুওইবা কুমওন থৌরম অসিদা ঙসি ঐখোয় পুম্নমক্না শক্নাইরবা গুরু অসি নিংশিংলি অমসুং অসিগুম্বা পুৱারি ওইরবা অমসুং শেংলবা থৌরম অমা শরুক য়াবা ফংবা অসি লাইবক য়াম্না ফবনি।

প্রধান মন্ত্রীনা হায়খি মদুদি থৌনা ফবা, নুংশিননা হিংমিন্নবা অমসুং মতেং পাংনবনা ভারতকী পুৱারি মশক তাক্লি। মহারাষ্ট্রাদা পাংথোকপা থৌরম অসিগী খুৎথাংদা, মসিগী পুৱারি অসি ঐখোয়না উবা ফংলে। গুরুশিংনা কৎথোকপগী মতোল লোম্বা মতমদা, খুন্নাইগী অপুনবনা মরুওইবা থৌদাং অমা লৌখি, অচুম্বা অমসুং নাৎকীদমক হোংবা লৈতনা লৈনবা কাংলুপ খুদিংমক্কী মীওইনা মখোয়দগী ইথিল ফংখি। খুন্নাইগী অপুনবা পুরক্নবা অচৌবা থবক অদুদা শ্রী গুরু গোবিন্দ সিংহ জিগী ‘গুরু নানক নাম-লেবা শঙ্গৎ’ গুম্বা চৎনবীশিংনা মরুওইবা থৌদাং লৌখি। 

লৈবাক্কী অপুনবা থবক্কী মরুওইবা পল্লদুনা, প্রধান মন্ত্রীনা হায়খি মদুদি ঙসি লৈবাক অসিনা অমুক হন্না খুন্নাইগী অপুনবা দরকার ওইরকপা মতমদা, ‘শঙ্গৎ’ গী অঙকপা মীয়াম পুনবা অসিনা লৈবাক অসিদা গুরুশিং অমসুং সাধুশিংগী থৌজালশিং ঐখোয়না অমুক হন্না পীরে।

প্রধান মন্ত্রীনা হায়খি মদুদি সমাগাম অসি হৌখিবা চহিদা নাগপুরদগী হৌখিবা মখা তানা চৎথবা খোঙচৎ অমনি অমসুং মসিনা ‘তখত শ্রী হাজুর সাহিব, নান্দেদ’ গী পুৱারি ওইরবা লমদমদা হেন্না চেৎশীনহল্লে। নবি মুম্বাইদা খোঙচৎ অসি শিংথাবা য়ানা মাইপাকখি, শ্রী তেগ বহাদুর সাহিব জিগী পুৱারি মহারাষ্ট্রাগী মফম খুদিংদা য়ৌখি, খুঙ্গং লিশিং কয়াদা য়ৌখি। থৌরম অসি শীনবগীদমক প্রধান মন্ত্রীনা মহারাষ্ট্রা সরকার থাগৎপা ফোঙদোকখি।

হন্দক পাংথোকখিবা নিংশিং থৌরমশিং পল্লদুনা, প্রধান মন্ত্রীনা হায়খি মদুদি হরিয়ানাগী কুরুক্ষেত্রদা থৌরম অমা শরুক য়াবগী খুদোংচাবা মহাক্না ফংখি অমসুং কেন্দ্র সরকারনা শীন্দুনা জাতিগী থাক্ত গুরু সাহিবশিংগী পুৱারি ওইরবা থৌরম পাংথোকখি। শ্রী গুরু তেগ বহাদুর সাহিব জিগী ৪০০ শুবা প্রকাস পুরব পাংথোক্তুনা নিংশিং শেনয়েক অমা অমসুং অখন্নবা পোষ্টেচ ষ্টাম্প অমা ফোঙখি অমসুং গুরু নানক দেব জিগী ৫৫০ শুবা প্রকাস পুরব পাংথোকখি, থৌরম খুদিংমক মপুংফানা চঙজবগা লোয়ননা পাংথোকখি। ‘সাহিবজাদাস’ ইকায়খুম্নবা উৎনবা চহি খুদিংগী ‘বীর বাল দিবস’ পাংথোকপগী লৈবাক্কী অনৌবা চৎনবী লৈরে।

প্রধান মন্ত্রীনা হায়খি মদুদি অকক্নবা মতমগী মনুংদা ‘করতারপুর সাহিব কোরিদোর’ শাবা লোইশিনবা অমসুং ‘শ্রী হেমকুন্দ সাহিব যাত্রা’  য়াওনা অচৌবা মাইপাকপা কয়া লৈরে। সিখ লুপশিং অমসুং গুরুদ্বারাশিংগা মরী লৈনবা লুপশিংদা এফ.সি.আর.এগী কোমথোকপা লৈরে, লোয়ননা স্কুলগী করিকুলম অমসুং নাৎকী থবকশিংদা সিখ পুৱারিগী মফম চপ চান্না কল্লে, মীয়াম্না চহি কয়া ঙাইরকপা অদু থবক ওইনা পাংথোক্লে।

ইকায়খুম্নবা অমসুং অচুম্বা ৱায়েলগীদমক সরকারনা পীখিবা থাজবা অমুক পল্লদুনা, প্রধান মন্ত্রীনা হায়খি মদুদি, ১৯৮৪ গী সিখ রাইওৎ থিজিন্নবা এস.আই.তি অমা শেম্লে অমসুং থুপচিনখ্রবা কেসশিং অমুক হাংদোক্তুনা, মরা লৈবশিং চৈরাক পীরে। ১৯৮৪ গী থৌক্তদা লৈখিদ্রবশিংগী ইমুং-মনুংশিংদা অহেনবা কম্পেসেসন পীনবা লাউথোক্লে অমসুং অপীকপা ফুরুপশিংগী নেসনেল কম্মিসন্দা অহেনবা থৌদাং শীন্নরে।

প্রধান মন্ত্রীনা হায়খিম মদুদি অফগানিস্তানদা সিখ ইনাওশিং অশোই-অঙাম থোক্তনবা অমসুং ‘গুরু  গ্রান্থ সাহিব’গী শ্বারুপ হান্নগী ফিবমদা হঞ্জিল্লক্নবা সরকারনা মিসনগী মওংদা থবক পায়খৎলে। অফগান সিখশিং অমসুং হিন্দুশিং ভারতকী নাগরিক ওইহন্নবা সরকারনা লম্বী শেম্লে, রিফ্যুজিশিংদা সি.এ.এগী খুৎথাংদা মতেং পাংলে অমসুং জম্মু অমসুং কাস্মিরদা সিখ ইমুংশিং অমুক হন্না খুন্দা-লৈতানবা পেকেজশিং পীরে। ও.সি.আই অমসুং ভিসাগী নিয়মশিং লাইথোকহল্লে অমসুং মপান্দা লৈরিবা সিখশিং চৎথোক-চৎশিন লাইনবা ব্লেকলিষ্টতগী মিং লিশিং কয়া লৌথোক্লে।

প্রধান মন্ত্রীনা হায়খি মদুদি সিখ মীয়ামগী লাইনিং ইকায়খুম্নবা অমসুং মখোয় চাউখৎনবা অনৌবা খুদোংচাবশিং পীবা অসি সরকারগী থৌদাং অমনি অমসুং খুদোংচাবা অমনি।

লোইশিল্লকপদা, প্রধান মন্ত্রীনা হায়খি শ্রী তেগ বহাদুর সাহিব জিগী মতম থোকখিবা অদুগুম্না থৌনা অমসুং অচুম্বগা লোয়ননা লেপ্পগী ৱাখল্লোন হৌজিক ফাওবা চুনরি। অনৌবা মীরোলশিংনা হায়রিবা গুনশিংগা শম্নবা মতমদা, চৎনবী অসি নিংশিংবা অমা ওইবা খক নত্তনা তুংগী লম্বী অমা ওইরক্কনি। সমাগামগী পান্দম অসি পুৱারি নিংশিংবা খক নত্তে, মসি কনাগুম্ব অমগী মনুংদা গুন ওইনা লৈহনবনি।

Sharing my remarks during the 350th Shaheedi Samagam of Sri Guru Teg Bahadur Ji in Navi Mumbai.
https://t.co/qWUKjSlxAi

— Narendra Modi (@narendramodi) March 1, 2026

***