ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা হয়েং সেপ্তেম্বর ০১, ২০১৮দা নই দিল্লীগী তালকতোরা স্তেদিয়মদা ইন্দিয়া পোস্ত পেমেন্ত বেঙ্ক (আই.পি.পি.বি.) হৌদোক্কনি।
কেন্দ্র সরকারগী ফাইনান্সিয়েল ইনক্লুজনগী পান্দমশিং অদু খোংজেল য়াংনা মপুং ফাহনবদা মতেং ওইননবগীদমক আই.পি.পি.বি.বু মীচম-মীয়ামগীদমক্তা অরাইবা, অহোংবা অমসুং থাজনীংঙাই ওইবা বেঙ্ক অমা ওইনা লিংখৎনবগীদমক হোৎনরি। লৈবাক্কী মফম পুম্নমক্তা লৈরিবা পোস্ত বিভাগকী পোস্তমেন অমসুং গ্রামীন দাক সেৱক ৩,০০,০০০ হেনবগী চাউরবা নেতৱর্ক অসিদগী মসিনা য়াম্না কান্নবা ফংলগনি। মরম অসিনা আই.পি.পি.বি.না ভারত্তা মীয়ামগী মফমদা বেঙ্ক য়ৌহনবদা শিংথানীংঙাই ওইবা থৌদাং য়াগনি।
আই.পি.পি.বি. হৌদোকপা অসি চাউখৎপগী মাইকৈদা খোংজেল য়াংনা চংশিল্লক্লিবা ভারতকী কান্নবা লৈবাক্কী অরাপ্পা কাচিন-কোয়াশিংদা ফংহন্নবগীদমক পাইখৎলিবা কেন্দ্র সরকারগী থৌরাংশিং মপাঙ্গল কলহন্নবগী মাইকৈদা অতোপ্পা মশক থোকপা মাইলস্তোন অমনি।
হৌদোকপগী নুমিত্তা, লৈবাক শিনবা থুংনা আই.পি.পি.বি.গী মশা ৬৫০ অমসুং এক্সেস পোইন্ত ৩২৫০ য়াওগনি, মদু মতম অমত্তদা হৌদোকপগী থবক পাংথোকমিন্নগনি।
লৈবাক অপুনবগী পোস্ত ওফিস লাখ ১.৫৫ লোইনমক দিসেম্বর ৩১, ২০১৮ ফাওবগী মনুংদা আই.পি.পি.বি. সিস্তেমগা শম্নহনগনি।
আই.পি.পিবি.না সেবিং অমসুং করেন্ত একাউন্ত, মনী ত্রান্সফর, দাইরেক্ত বেনিফিৎ ত্রান্সফর, বিল অমসুং য়ুতিলিতী পেমেন্তশিং, অমসুং ইন্তর্প্রাইজ অমসুং মার্চেন্ত পেমেন্তশিংনচিংবা খুদোংচাবশিং ফংহনগনি। খুদোংচাবশিং অসি অমসুং মসিগা মরি লৈনবা অতৈ সর্বিসশিংসু বেঙ্ককী খ্বাইদগী নৌবা তেক্নোলোজী প্লেৎফোর্ম শিজিন্নদুনা মল্তিপল চেনেলশিং (কাউন্তর সর্বিসশিং, মাইক্রো-এ.তি.এম., মোবাইল বেঙ্কিং এপ, এস.এম.এস. অমসুং আই.ভি.আর.)গী খুৎথাংদা ফংহনগনি।
