ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা প্রধান মন্ত্রী হিস এক্সিলেন্সী উল্ফ ক্রিস্তর্সনগা লোইননা স্বিদেনগী গোথেনবর্গতা লৈবাক অনিগী মতাংদা ৱারী শানখ্রে। স্বিদেনগী হর রোয়েল হাইনেস ক্রাউন প্রিন্সেস ভিক্তোরিয়াসু মীফম অদুদা শরুক য়াখি অমসুং দিয়র মজেস্তি দি কিং কার্ল XVI গুস্তাফ অমসুং দি ক্বিন সিল্ভিয়ানা য়াইফ পাউজেল পীখি।
লুচিংশিংনা ভারত-স্বিদেনগী মরীগী মপুং ফাবা হীরমশিং নৈনখি অমসুং লল্লোন ইতীক, ইনভেস্তমেন্ত, ইন্নোভেসন, গ্রীন ত্রাঞ্জিসন, হৌগৎলক্লিবা তেক্নোলোলজী, দিফেন্স অমসুং সেক্যুরিতী, দিজিতেলাইজেসন, এস এম ই, স্পেস, রিসর্চ, এজুকেসন, কলচর, অমসুং মীয়ামগী মরীদা লৈনরিবা লৈবাক অনিগী মরীদা চাউখৎলক্লিবা থাকশিং খঙমিন্নখি। মখোয়না মান্নবা গনতন্ত্রগী মগুন অমসুং ইন্নোভেসন, তুং কোইনা চৎপা অমসুং আর এন্ড দি লিঙ্কেজনা পুরকপা মরী অসিবু হেন্না মপাঙ্গল কনখৎনবা ৱারেপশিং হন্না ফোংদোক্নখি। মখোয়না অৱাংবা থাক্কী রাজনিতীগী ওইবা ৱারী ৱাতাই অমসুং ইন্সতিত্যুসনেল দাইলোগশিং চত্থদুনা মরী অসিবু হেন্না পাকথোক চাউথোক্নবগী মরুওইবশিং পন্নখি।
লুচিংবা অনিনা ভারত স্বিদেন মরী অসিবু স্ত্রেতেজিক পার্তনরশিপতা থাংগৎনবা য়ানখি। স্ত্রেতেজিক পার্তনর্শিপ অসি য়ুম্বী মরিনা পুরক্কনিঃ তুং কোইনা চৎপা অমসুং সেক্যুরিতীগীদমক স্ত্রেতেজিক দাইলোগ; নেক্স জেনরেসন একনোমিক পার্তনরশিপ; ইমর্জিং তেক্নোলোজী অমসুং ত্রস্তেদ কন্নেক্তিবিতী; অমসুং শেপিং তুমোরো তুগেদর – পিপল, প্লানেত, হেল্থ অমসুং রেজিলিএন্স। স্ত্রেতেজিক পার্তনরশিপ অসিবু থবক ওইনা ওন্থোক্নবগীদমক লুচিংবা অনিনা ভারত-স্বিদেন জোইন্ত এক্সন প্লান ২০২৬-৩০ লৌখৎখি, মসিনা পোলিতিকেল, একনোমিক, তেক্নোলোজিকেল, সেক্যুরিতী, ক্লাইমেত, অমসুং মীয়ামগী মরক্তা লৈনরিবা মরীশিংদা মরী পীননবা লম্বী অমা য়াৎকনি।
লুচিংবা অনিনা হন্দক্তা পাঙথোকখিবা ভারত-ইয়ু এফ তি এনা শেলথুম অমসুং কম্মর্সিএলগী মরীশিংদা অনৌবা পন্দুপ অমা হাংদোকখ্রে হায়না য়ানখি অমসুং লল্লোন ইতীক, ইনভেস্তমেন্ত অমসুং তেক্নোলোজীগী মরী অমা শেম্নবা অঙনবা মতমদা হৌদোকমিন্ননবা য়ানখি।
প্রধান মন্ত্রী মোদীনা স্বিদেননা মখা তানা ভারতকা লোইননা হেরম কয়াদা ইন্নোভেসন, ক্লিন তেক্নোলোজী, এদভান্স মেন্যুফেকচরিং, সস্তেনেবল মোবিলিতী অমসুং দিজিতেল ত্রান্সফোর্মেসন্দা লৈনরিবা তেংবাং পীনরিবা অসিবু শিংথাখি। প্রধান মন্ত্রী ক্রিস্তর্সন্না দিজিতেল ত্রান্সফোর্মেসন অমসুং আর্তিফিসিএল ইন্তেলিজেন্সকী লমদা ভারতনা লৌখৎলিবা থৌরাংশিংদা অপেনবা ফোঙদোকখি। স্বিদেন্দা লৈবা ভারত মচাশিংনা শেন্মিৎলোন্দা তম্লিবা শরুকশিংবুসু মহাক্না খঙখি। প্রধান মন্ত্রী মোদীনা ভারতকী চাউখৎ লমজেলদা স্বিদেন্না শরুক য়ারনবগীদমক ফোংদোকখি।
লুচিংবশিংনা লমদম অসিগী ওইবা অমসুং মালেমগী ওইবা মান্নবা থবকশিংগী মতাংদা মোত ফোংদোক্নখি। মখোয়না য়ু এন অমসুং অতোপ্পা মলতিলেতরেল ওর্গনাইজেসনশিংদা রিফোর্ম পুরকপগী তঙাইফদবসু ফোংদোক্নখি। প্রধান মন্ত্রী মোদীনা স্বিদেনবু তেরিরোজমগী মাইয়োক্তা লান্থেংনরিবা অসিদা চাউনা শৌগৎপীবগীদমক থাগৎপা ফোংদোকখি। লুচিংবা অনিনা মখা তানা শান্তি, তুংদু লৈতাবা সপ্লাই চেন কনখৎহনবা অমসুং তুং কোইনা চৎপা য়াবা শেলথুম চাউখৎহনবগী থবকশিং ফগৎহন্নবগীদমক ৱারেপ লৌখি।
***
PM @narendramodi held productive discussions with @SwedishPM Ulf Kristersson and HRH Crown Princess Victoria.
— PMO India (@PMOIndia) May 17, 2026
The discussions covered expanding cooperation across defence, innovation, trade, AI and climate action. The two sides also decided to elevate the India-Sweden… pic.twitter.com/JesOX3VkmW
Held wonderful discussions with PM Ulf Kristersson. It was great to have HRH Crown Princess Victoria also join the meeting. She also conveyed the wishes of Their Majesties the King and Queen of Sweden. My gratitude to them.
— Narendra Modi (@narendramodi) May 17, 2026
India-Sweden relations are built on the strong… pic.twitter.com/Z8IsQJxvh6
Hade fantastiska samtal med statsminister Ulf Kristersson. Det var fantastiskt att H.K.H Kronprinsessan Victoria också deltog i mötet. Hon framförde också lyckönskningar från Deras Majestäter Kungen och Drottningen av Sverige. Min tacksamhet till dem.
— Narendra Modi (@narendramodi) May 17, 2026
Relationerna mellan Indien… pic.twitter.com/vSWiYtei2H
