ভারতকী প্রধানমন্ত্রী
প্রধান মন্ত্রী নরেন্দ্র মোদীনা বজেৎ অসি লৈবাক অসিবু শক্তি হেঙ্গৎহনগদবা অনৌবা ভারতকী বজেৎনি হায়না থাগৎপা ফোংদোকখি।
২০১৯–২০গী ইন্তরিম বজেৎ লান্থোক্লবা মতুংদা মসিদা ত্বিত কয়া তৌদুনা প্রধান মন্ত্রীনা হায়খি মদুদি মসিনা লৌমী কোতি ১২ হেনবা অমসুং মখোয়গী ইমুং মনুং, তেক্স থিরিবা মীদল ক্লাস প্রোফেস্নেল কোতি ৩ অমসুং মখোইগী ইমুং মনুং অমসুং শিন্মী কোতি ৩০–৪০দা কানহনগনি। ন্যু ইন্দিয়াগী বজেৎ অসিগীদমক থাগৎচরি।
প্রধান মন্ত্রীনা হায়খি মদুদি এন.দি.এ. সরকারগী দিবেলপমেন্ত ইনিসিয়েতিবশিংনা পুন্সি কয়া অমা শোক্ন শম্নহল্লে মদুনা লৌমীদগী মিদল ক্লাস ফাওবগী ৱেলফেয়ার, ইনকম তেক্স রিলিফতগী ইনফ্রাস্ত্রকচর ফাওবা, মেনুফেকচরিংদগী এম.এস.এম.ই. ফাওবা, হাউজিংদগী হেল্থকেয়ার অমদি দিবেলপমেন্তগী খোংজেল হেঙ্গৎপদগী ন্যু ইন্দিয়া ফাওবদা মমি তারি।
মহাক্না মীওই কয়া অমবু লাইরবগী পনখৈগী য়োৎলৌ কোলৌদগী নান্থোকহনখিবা অদু উবা ফংবদা নুঙাইবা ফোংদোকখি। এখোয়গী নিও–মিদল ক্লাস হেঙ্গৎলক্লি অমদি মখোয়গী মংলানসু হেঙ্গৎলক্লি। প্রধান মন্ত্রীনা মিদল ক্লাসপু তেক্স কোমথোকপগীদমক নুঙাইবা ফোংদোকখি অমদি হায়খি, ঐহাক্না মিদল ক্লাসপু লৈবাক অসিগী দিবেলপমেন্তকী মায়কৈদা মখোয়গী চাওরবা থৌদাংগীদমক ইকায় খুম্নজরি।
বজেৎতা প্রো–ফার্মর ইনিসিয়েতিবশিংগী মতাংদা প্রধান মন্ত্রীনা হায়খি মদুদি হৌখিবা চহী কয়াদগী লৌমীশিংগীদমক্তা ইনিসিয়েতিব কয়া অমা হৌদোকখ্রে অদুবু অৱাবদি লৌমী কয়া অমা স্কিম অসিগী মখাদা কৈদৌনুংদা লাক্ত্রি। মহাক্না হায়খি মদুদি প্রধান মন্ত্রী কিসন নিধি অসি লৌমীশিংগী য়াইফনবগীদমক্তা পুৱারি ওইরবা খোংথাং অমনি মদুনা লৌবুক একর ৫দগী তানা লৈবা লৌমীশিংবু তেংবাংগনি। ন্যু ইন্দিয়াগী বজেৎ অসিদা এনিমেল হজবেন্দরী সেক্তর, ফিসরিজতা অখন্নবা মীৎয়েং থম্লি হায়না মহাক্না মখা তাখি।
অনওর্গনাইজ সেক্তরগী ইন্তরেস্তশিং কনবগী মরুওইবা অদু পল্লদুনা প্রধান মন্ত্রীনা হায়খি মদুদি প্রধান মন্ত্রী শ্রম যোগী মন ধন য়োজনানা চাওনা মতেং পীরগনি। সেক্তর অসি মখোয়গী ইন্তরেস্তশিং ঙাক্তুনা থম্বদা হেন্না দরকার ওই অমদি ন্যু ইন্দিয়াগী বজেৎনা মদুমক তৌরি। আয়ুশ্মান ভারত য়োজনা অমসুং সোসিয়েল সেক্যুরিতী স্কিমশিংশু মখোয়গী পুন্সিদা শম্নরগনি হায়না প্রধান মন্ত্রীনা মখা তাখি।
প্রধান মন্ত্রীনা লোয়শিল্লকপদা হায়খি মদুদি সমাজকী ক্লাস খুদিংমকপু দিবেলপমেন্তকী কানবা শোয়দনা ফংহনবা মথৌ তাই। মহাক্না হায়খি, “বজেৎ অসিনা লাইরবদা শক্তি লৈহল্লগনি, লৌমীশিংদা ইনোৎ অমা পীরগনি অমসুং ইকোনোমিক গ্রোথ হেঙ্গৎহল্লগনি”।
