ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা হিমাচল প্রদেশকী চম্বাদা ঙসি হাইদ্রোপাৱর প্রোজেক্ত অনিগী উরেপ উয়ুং তমখ্রে অমসুং প্রধান মন্ত্রী গ্রাম সরক য়োজনা (পি.এম.জি.এস.ৱাই.)-III হৌদোকখ্রে।

প্রধান মন্ত্রীনা তিল্লিবা মীয়ামদা মহাক্না নুমিৎ নিনিগী মমাংদা মহাকাল শহরদা চৎলুই অমসুং ঙসিনা মনি মহেশ্বরগী খুয়াখাদা অমুক লাক্লে হায়না ফোংদোকখি। প্রধান মন্ত্রীনা মহাক্কী মফমদা চম্বাগী অকুপ্পা মরোল তম্লক্তুনা ওজা অমনা মহাক্কী মফমদা থারকখিবা চিথী অমগী মতাংদা পাউদমখি। চিথী অসি মহাক্না মন কী বাত্তসু লান্থোকখ্রবনি।

প্রধান মন্ত্রীনা চম্বা অমসুং মনুং হঞ্জিনবা অতোপ্পা খুঙ্গংশিংগী রোদ কন্নেক্তিবিতী অমসুং থবক পীবগী প্রোজেক্ত কয়া অমা হৌদোকপগী খুদোংচাবা ফংবদা নুংঙাইবা ফাওই হায়না ফোংদোকখি। প্রধান মন্ত্রীনা মহাক্না হিমাচল প্রদেশতা লৈরিঙৈগী মতম নিংশিংলদুনা, ‘পহার কা পানী ঔর পহার কি জৱানী পহার কে কাম নহি আতী’, হায়বদি, চিংগী নহা অমসুং ঈশিং অসি চিংগীদমক্তা শিজিন্নদে হায়বা পাউরৌ অসি ঙসিদি হোংলে হায়না ফোংদোকখি। “ঙসিদি, চিংগী নহাশিংনা লমদমসিগী চাউখৎ-থৌরাংদা থৱাই য়াওনা শরুক য়ারগনি”, হায়না মহাক্না মখা তাখি।

প্রধান মন্ত্রীনা “মথংগী চহি ২৫সিদি ভারত মচা করোর ১৩০গীমক্তা য়াম্না মরু ওইবনি” হায়খি। “ভারতকী নীংতম্বগী অমৃত কাল হৌরে অমসুং মসিগী মনুংদা ঐখোয়না ভারতপু চাউখৎপা লৈবাক অমা ওইহনবগী পান্দম ফংহনগদবনি। থা খরদা, হিমাচল প্রদেশ শেমখিবগী চহি ৭৫ মপুং ফারগনি। হায়বদি, ভারতনা নীংতম্বগী চহি ১০০ মপুং ফাবগী নুংঙাইবা ফোংদোকপা মতমদা, হিমাচল প্রদেশনসু লমদম অসি শেমখিবগী চহি ১০০ মপুং ফাবগী নুংঙাইবা ফোংদোক্কনি। মসিনা মরম ওইরগা, লাক্কদৌরিবা চহি ২৫ অসি ঐখোয়গীদমক্তা য়াম্না মরু ওইরিবনি”, হায়না প্রধান মন্ত্রীনা শন্দোক্না তাকখি।

হিমাচল প্রদেশনা দিল্লীদা ইথিল য়াম্না পীবা ঙমদ্রিঙৈ মতমদা, মখোয়গী ৱাকৎ অমসুং হায়জবা কয়া তাবিখিদে, মসিনা মরম ওইরগা চম্বাগুম্বা লাইনীংবা অমসুং মহৌশাগী ফজবনা থল্লবা মরু ওইবা মফমশিংবু মীরায়বিরম্মিবনি, অমসুং চাউখৎ-থৌরাংগী হীরমদা মনিং হন্দুনা লৈরমখি হায়না প্রধান মন্ত্রীনা হায়খি। মহাক্না চম্বাগী মপাঙ্গল খঙবনা মরম ওইরগা, লমদমসিবু এস্পিরেস্নেল দিস্ত্রিক্ত অমা ওইনা অখন্নবা মিৎয়েং চঙখি হায়না শ্রী মোদীনা হায়খি। কেরলাগী অঙাংশিংনা এক ভারত শ্রেস্থ ভারতকী ইথিলগা লোয়ননা হিমাচল প্রদেশতা লাকখিবদা মহাক্না নুংঙাইবা ফোংদোকখি।

হিমাচলনা রাজ্যসিগী চাউখৎ-থৌরাংগী খোঙজেল শরুক অনি থোক্না য়াঙখৎহল্লিবা দবল ইঞ্জিন সরকারগী ঙসি মপাঙ্গল খঙলে হায়না প্রধান মন্ত্রীনা হায়খি। থবক্কী পোৎলুম অমসুং স্ত্রেস য়াম্না লৈতবা, অদুবু রাজনিতীগী কান্নবা য়াম্না লৈবা মফম খক্তদা মমাংগী সরকারনা মিৎয়েং চঙলম্মি হায়না প্রধান মন্ত্রীনা হায়খি। মসিনা মরম ওইরগা, মনুং হঞ্জিনবা অমসুং ত্রাইবেলগী মফমশিংনা চাউখৎপা ঙম্লমদ্রিবনি। “শোরোক, মৈ নত্ত্রগা ঈশিং ওইরো, মসিগুম্বা লমদমগী মীয়াম্না খ্বাইদগী অকোনবদা খুদোংচাবশিং অসি ফংই”, শ্রী মোদীনা হায়খি। “দবল ইঞ্জিন সরকারগী থবক তৌবগী মতৌদি অতোপ্পদগী তোঙাল্লি। মীয়ামগী পুন্সি মহিং নুংঙাইহনবদা ঐখোয়না মিৎয়েং চঙই। মসিনা মরম ওইরগা, ঐখোয়না ত্রাইবেল অমসুং চিংগী লমদমশিংদা অহেনবা অমসুং অচৌবা মিৎয়েং চঙলিবনি”, হায়না মহাক্না মখা তাখি। মনুং হঞ্জিনবা অমসুং চিংগী লমদমশিংদা লৈবা মীয়ামগী পুন্সি মহিং লাইহল্লিবা গ্যাস কন্নেক্সন, তোতি ঈশিং, হকশেল সেবা, অয়ুশমান ভারত অমসুং রোদ কন্নেক্তিবিতী পীবগী সেবাশিংবু মহাক্না পনখি। “ঐখোয়না খুঙ্গংশিংদা ৱেলনেস সেন্তর লৈহনবা মতমদা, ঐখোয়না মান্নবা মতমদা জিলা কয়াদা মেদিকেল কোলেজসু হাংদোক্লি”, হায়না মহাক্না মীয়মগী পুক্নিং চিংশিনখি। তুরিজম ঙাক শেন্নবগীদমক্তা, ভেক্সিন কাপ্পগী মতাংদা অহানবা মিৎয়েং হিমাচল প্রদেশতা চঙখি হায়না মহাক্না পাউদমখি। লৈবাক্কী ওইনা সেন্ত পর সেন্ত ভেক্সিনেসন খ্বাইদগী য়াঙনা য়ৌখিবগীদমক্তা মহাক্না মুখ্য মন্ত্রী অমসুং মহাক্কী কাঙবুদু থাগৎখি।

খুঙ্গংগী লম্বী শোরোক শেম্বগী মতাংদা পল্লদুনা, প্রধান মন্ত্রীনা নীংতম্বদগী ইং ২০১৪ ফাওবদা অপুনবা লুপা করোর ১৮০০ চাদিং তৌদুনা কিলোমীতর ৭০০০কী অশাংবগী খুঙ্গংগী লম্বী-শোরোক শেমখি, অদুবু মমাংগী চহি ৮দা লুপা করোর ৫০০০ চঙদুনা কিলোমীতর ১২০০০গী অশাংবগী লম্বী-শোরোক শেমখি হায়না ফোংদোকখি। ঙসি হৌদোক্লিবা স্কিম্না কিলোমীতর ৩০০০গী অশাংবগী লম্বী-শোরোক শেমগনি হায়না মহাক্না ফোংদোকখি।

হিমাচল প্রদেশনা দিল্লীদা ৱাফম কয়া হায়জনবা লাক্লম্বগী মতমদু লোইখ্রে হায়না প্রধান মন্ত্রীনা হায়খি। হৌজিক্তি, হিমাচল প্রদেশনা অনৌবা প্রোজেক্তকী ই-পাউ অমসুং থবক খুমাং চাউশিনবগী পাউদম পুদুনা অমসুং মশাগী হক তান্নবা ওইনা লাক্লে। “অদোমগী (মীয়ামগী) য়াথংনা ঐহাক্কী খ্বাইদগী চাউবনি। অদোম্না ঐহাক্কী হাই কম্মান্দনি। মসিবু ঐহাক্না ঐহাক্কী লাইবক ফবনি খঞ্জৈ, অদুনা অদোমগী সেবা তৌবদা ঐহাক্না নুংঙাইবা ফাওরিবনি অমসুং ঐঙোন্দা শক্তি পীরিবনি”, প্রধান মন্ত্রীনা মখা তাদুনা হায়খি।

মমাংগী চহি ৮দা পুরকখিবা চাউখৎপগী ফিভম কয়াদা মিৎয়েং চঙলদুনা, প্রধান মন্ত্রীনা হায়খি, “খোঙজেল য়াঙবা চাউখৎ-থৌরাংগী মহা য়গ্যা অমা লৈবাক শিনবা থুংবগী চিং, ত্রাইবেল অমসুং য়ৌশিনবদা ৱাবা লমদমশিংদা চত্থরি”। মসিগী কান্নবসি শুপ্নগী হিমাচলগী চম্বা খক্তনা ফংগদবা নত্তে, পঙ্গী-ভর্মাউর, ছোতা-বরা ভঙ্গাল, গিরিম্পার, কিন্নাউর অমসুং লাহোল-স্পিতীগী লমদমশিংনসু মসিগী কান্নবা ফংগনি হায়না শ্রী মোদীনা পাউদমখি। এস্পিরেস্নেল দিস্ত্রিক্তশিংগী দিভেলপমেন্ত রেঙ্কিংদা চম্বানা অনিশুবা মফমদা লাকপা ঙমখিবগীদমক্তসু মহাক্না থাগৎপা ফোংদোকখি।

ত্রাইবেল খুন্নাইগী চাউখৎ-থৌরাংদা অহেনবা মিৎয়েং চঙলদুনা, প্রধান মন্ত্রীনা সরকার অসিনা সিরমাউরগী গিরিপার লমদমগী হাতী খুন্নাইদা ত্রাইবেল স্তেতস পীবগী মশক থোকপা ৱারেপ অমসু লৌখ্রে হায়না পাউদমখি। “ত্রাইবেল মীয়ামগী চাউখৎ-থৌরাংদা ঐখোয়গী সরকারনা কয়া য়াম্না অহেনবা মিৎয়েং চঙবগে হায়বা মসিনা তাক্লি”, হায়না মহাক্না মখা তাখি। কেন্দ্র অমসুং রাজ্যদা পাল্লম্বা মমাংগী সরকারশিংনা মীখল মতমখক্তদা মনুং হঞ্জিনবা অমসুং ত্রাইবেলগী খুঙ্গংশিং নীংশিংই, অদুবু ঙসিগী দবল-ইঞ্জিন সরকার অসিদি মীয়াম্বু মতম পুম্বদা তেংবাংনবা হোৎনরি হায়না প্রধান মন্ত্রীনা হায়খি। কোরোনা লাইচৎ মনুংদা লাইরবা ইমুংশিংদা তেংবাংনবা সরকারনা হোৎনখিবশিংগী মতাংদা পল্লদুনা, প্রধান মন্ত্রীনা রেসন লেম্না পীবগী প্রোগ্রামশিংগী মতাংদা ৱাফম থমখি। “মমাংগী চহি অমা মখায়দগী সরকারন অসিনা লৈবাক্কী মীওই করোর ৮০ হেনবদা হৱাই-চেংৱাই লেম্না পীবগী থৌওংদা মালেম্না ভারত্তা ঙক্না য়েংনরি”, শ্রী মোদীনা মখা তাখি। শ্রী মোদীনা ভারতকী কোবিদ তীকা কাপ্পগী থৌওংনা মায় পাকপদা মীয়ামগী পুক্নিং চিংশিল্লদুনা, মায় পাক্লিবসি হকশেল বিভাগ অমসুং আশা থৌমীশিংনা থৱাই য়াওনা শরুক য়াবননি হায়না ফোংদোকখি। “সেবা তৌনীংবগী ইথিলনা মপাঙ্গল কনবা মতমদা চাউখৎ-থৌরাংগী মসিগুম্বা খোঙথাংনা ওইথোকই”, হায়না শ্রী মোদীনা ফোংদোকখি।

থবক ফংবগী মতাংদা চিং অমসুং ত্রাইবেল লমদমশিংনা থেংনবা শিংনবা কয়াগী মতাংদা পল্লদুনা, প্রধান মন্ত্রীনা ঐখোয়না লমদমগী পাঙ্গলবু মীয়ামগী পাঙ্গলদা ওন্থোক্নবা হোৎনরি হায়না ফোংদোকখি। “ত্রাইবেল লমদমশিংগী ঈশিং অমসুং উমংগী লন অসি মমল নাইদবনি”, মহাক্না হায়খি। চম্বা অসি ভারত্তা হাইদ্রোইলেক্ত্রিসিতী পুথোকপা হৌখিবা মফমশিংগী মনুংদা লৈবনি হায়না প্রধান মন্ত্রীনা হায়খি। ঙসি উরেপ উয়ুং তম্লিবা প্রোজেক্ত অসিনা মৈ পুথোকপগী মতাংদা লৈরিবা চম্বা অমসুং হিমাচল প্রদেশকী শরুক হেনগৎহনগনি হায়না প্রধান মন্ত্রীনা হায়খি। “মফমসিদগী পুথোকপা মৈদগী চম্বা অমসুং হিমাচল প্রদেশনা লুপা করোর চাম্মা কয়া তানগনি অমসুং লমদমসিগী নহাশিংনা থবক্কী খুদোংচাবা কয়াসু ফংগনি”, মহাক্না হায়খি। “মমাংগী চহিদা, মসিগুম্বা হাইদ্রো-ইলেক্ত্রিক প্রোজেক্ত ৪ শঙ্গাবা অমসুং উরেপ উয়ুং তম্বগী খুদোংচাবা ঐহাক্না ফংজখি। নুমিৎ খরনিগী মমাংদা বিলাস্পুরদা হাংদোকখিবা হাইদ্রো ইঞ্জিনিয়রিং কোলেজনা হিমাচলগী নহাশিংদা কান্নবা য়াম্না পীগনি”, মহাক্না হায়খি।

হোর্তিকলচর, এনিমেল হসবেন্দরী অমসুং ক্রাফ অমদি আর্তকী হীরমদা লৈরিবা হিমাচল প্রদেশকী মপাঙ্গলদা মীয়ামগী পুক্নিং চিংশিল্লদুনা, প্রধান মন্ত্রীনা লোকেল সেল্ফ হেল্প গ্রুপশিংবু চম্বাগী চুখ, রাজমা মাদ্রা, চম্বা চপ্পাল, চম্বা থাল অমসুং পঙ্গি কি থাঙ্গীগুম্বা লোকেলগী লৈ কয়াবু মমিং চৎহন্নবা হোৎনবগী থাগৎপা ফোংদোকখি। পোত্থোকশিং অসিবু মহাক্না লৈবাক্কী হেরিতেজনি হায়না কৌখি। ভোকেল ফোর লোকেলগী খুদম পীরদুনা, প্রধান মন্ত্রীনা সেল্ফ হেল্প গ্রুপশিংগা মরী লৈনরিবা নুপীশিংবু লোকেল পোত্থোক মমিং চৎহন্নবা সরকারনা পায়খৎপা খোঙথাং কয়াদা তেংবাংবগীদমক্তা থাগৎখি। পোত্থোকশিং অসি ৱান দিস্ত্রিক্ত ৱান প্রদক্ত স্কিমগী মখাদা চাউখৎহল্লি অমসুং মহাক্না পোত্থোকশিং অসিবু মীরমগী দিগ্নিতরীশিংদা খুদোলপোৎ ওইনা পীনবা হোৎনৈ হায়না মহাক্না হায়খি। মসিনা মরম ওইরগা, হিমাচল প্রদেশকী মমিংনা মালেম শিনবা থুংবদা য়ৌবা ঙমগনি অমসুং মীওই মশিং য়াম্বনা হিমাচলদা শাবা পোত্থোকশিংগী মতাংদা হেন্না খঙবা ঙমগনি।

প্রধান মন্ত্রীনা হায়খি, “দবল ইঞ্জিন সরকার অসিদি মশাগী কলচর, হেরিতেজ অমসুং লাইনীংবু ইকায় খুম্নবা সরকারনি। চম্বা য়াওনা হিমাচল প্রদেশ অপুনবা অসি লাইনীং অমসুং হেরিতেজকী লমদম্নি”। হিমাচল প্রদেশকী হেরিতেজ অমসুং তুরিজমগী মপাঙ্গলদা মিৎয়েং চঙলদুনা, প্রধান মন্ত্রীনা মহাক্না কুল্লুদা পাংথোকপা দসেরা কুহ্মৈদা চৎখিববু নীংশিংখি অমসুং ঐখোয়গী নাক্তা নাকল অমদা তুরিজম লৈ অমসুং নাকল অমদনা হেরিতেজ লৈ হায়না ফোংদোকখি। দালহাউজী অমসুং খজিয়ারগুম্বা তুরিস্তকী মফমশিংনা স্পিরিচুএলিতী অমসুং তুরিজমগী লনগী মতাংদা কান্নবা পীবা শাফু ওইরি। “দবল ইঞ্জিন সরকারখক্তনা পাঙ্গল অসি মশক খঙই। হিমাচল প্রদেশনা ৱারেপ লৌরে অমসুং অরিবা চৎনবী হোংদোক্তুনা অনৌবা চৎনবী অমা হৌদোক্লগনি”, প্রধান মন্ত্রীনা হায়খি।

ঙসি তিনখিবা য়াম্লবা মীয়াম্বু ইকায় খুম্নদুনা, প্রধান মন্ত্রীনা ঙসিগী য়াম্লবা মীয়ামদা হিমাচলগী চাউখৎ থৌরাং অমসুং ৱারেপ কয়াগী শক্তম মহাক্না উবা ঙম্মি হায়না ফোংদোকখি। মহাক্না হিমাচল প্রদেশকী মীয়ামগী মঙলান অমসুং ৱারেপশিংদা মহাক্না লেপ্পা লৈতনা শৌগৎকনি হায়বগী থাজবা পীখি।

ঙসিগী থৌরমদা শরুক য়াখিবশিংগী মনুংদা হিমাচল প্রদেশকী মুখ্য মন্ত্রী, শ্রী জয় রাম থাকুর, রাজ্যপাল, শ্রী রাজেন্দ্র বিশ্বানাথ অর্লেকার, কেন্দ্রগী ইনফোর্মেসন অমসুং ব্রোদকাস্তিং মন্ত্রী, শ্রী অনুরাগ থাকুর, এম.পি., শ্রী কিশন কপুর, কুমারী ইন্দু গোস্বামী অমসুং বি.জে.পি.গী স্তেত প্রসিদেন্ত, শ্রী সুরেশ কশ্যপ য়াওখি।

বেকগ্রাউন্দ

প্রধান মন্ত্রীনা হাইদ্রোপাৱর প্রোজেক্ত – এম.দবল্যু. ৪৮গী চঞ্জু-III হাইদ্রো-ইলেক্ত্রিক প্রোজেক্ত অমসুং এম.দবল্যু. ৩০গী দিওথল চঞ্জু হাইদ্রো-ইলেক্ত্রিক প্রোজেক্তকী উরেপ উয়ুং তমখি। প্রোজেক্ত অনি অসিনা চহিদা মিলিয়ন ২৭০ য়ুনিৎকী মৈ পুথোক্কনি অমসুং হিমাচল প্রদেশনা মসিদগী চহিদা করোর ১১০ তানবা ঙমগনি হায়না পানরি।

প্রধান মন্ত্রীনা হিমাচল প্রদেশতা রাজ্যসিগী চাউরাকপা কিলোমীতর ৩১২৫গী শোরোকশিং হেন্না ফগৎহন্নবগীদমক্তা প্রধান মন্ত্রী গ্রাম সরক য়োজনা (পি.এম.জি.এস.ৱাই.)-III হৌদোকখ্রে। রাজ্য অসিগী ঙমখৈ অমসুং অথাপ্পা মফম ১৫গী কিলোমীতর ৪৪০গী শোরোক ফগৎহনবগী থবক্কীদমক্তা ফেজ অসিগী মখাদা কেন্দ্র সরকারনা লুপা করোর ৪২০ হেন্না থাদগনি।

Delighted to be in Chamba. Numerous initiatives are being launched here which will further Himachal Pradesh’s growth. https://t.co/PLixerpOtU

— Narendra Modi (@narendramodi) October 13, 2022

In Chamba, PM @narendramodi recalls when a teacher from Himachal Pradesh had shared insights for #MannKiBaat. pic.twitter.com/vdxemJZDGi

— PMO India (@PMOIndia) October 13, 2022

The next 25 years are very crucial for 130 crore Indians. pic.twitter.com/EnIgOmhPx9

— PMO India (@PMOIndia) October 13, 2022

Double engine government of Himachal Pradesh is devoted to all-round development of the state. pic.twitter.com/oCvq6zfud3

— PMO India (@PMOIndia) October 13, 2022

A ‘mahayagya’ of development is going on and Himachal Pradesh is greatly benefitting from it. pic.twitter.com/mRDXvRCmVz

— PMO India (@PMOIndia) October 13, 2022

A decision which will benefit numerous citizens. pic.twitter.com/58Tt1zzvBu

— PMO India (@PMOIndia) October 13, 2022

*****