ভারতকী প্রধানমন্ত্রী

খনগৎলবা লৌ য়াম্না লৈজদবা লৌমীশিংগী একাউন্তশিংদা লুপা লিশিং ২,০০০গী অহানবা ইন্সতোলমেন্ত দাইরেক্ত ত্রান্সফর তৌরগনি, লৌ য়াম্না লৈজদবা লৌমী চাউরাক্না কোতি ১২দা কানবা ফংহল্লগনি, গোরখপুরদা প্রধান মন্ত্রীনা চাউখৎ থৌরাংগী প্রোজেক্ত কয়া মায়খুম হাংদোক্কনি।

প্রধান মন্ত্রী শ্রী নরেন্দ্র মোদী হয়েং ২০১৯গী ফেব্রুৱরী ২৪দা উত্তর প্রদেশকী গোরখপুরদা চৎকনি।

গোরখপুরদা প্রধান মন্ত্রীনা প্রধান মন্ত্রী–কিসান স্কিম হৌদোক্কনি।

গোরখপুরদা লৈরিবা ফর্তিলাইজর কোর্পোরেসন ওফ ইন্দিয়াগী গ্রাউন্দা প্রধান মন্ত্রীনা বত্তন নম্দুনা প্রধান মন্ত্রী–কিসান স্কিম হৌদোক্তুনা খনগৎলবা লৌমীশিংদা লুপা লিশিং ২,০০০গী অহানবা ইন্তোলমেন্ত অদু ইলেক্ত্রোনিক ওইবা মওংদা ত্রান্সফর তৌগনি।

প্রধান মন্ত্রী–কিসান স্কিমগী মখাদা খনগৎলবা লৌমীশিংদসু প্রধান মন্ত্রীনা সর্তিফিকেৎশিং য়েন্থোক্কনি।

প্রধান মন্ত্রীনা ভীদিও কনফরেন্সকী থোংদা প্রধান মন্ত্রী কিসানগী খনগৎলবা বেনেফিসরীশিংগসু ৱারি শান্নগনি।

প্রধান মন্ত্রী কিসান সম্মান নিধী য়োজনা (প্রধান মন্ত্রী কিসান)

প্রধান মন্ত্রী কিসান সম্মান নিধী য়োজনা (প্রধান মন্ত্রী কিসান) অসি ২০১৯গী ফেব্রুৱারী ১দা পুথোকখিবা ইন্তরিম বজেৎ ২০১৯–২০দা লাওথোকখি। 

স্কিম অসিগী মখাদা, লম হেক্তর ২ ফাওবগী মপু ওইরিবা লৌ য়াম্না লৈজদবা লৌমী ইমুংশিংদা চহীগী ওইনা লুপা লিশিং ৬,০০০ পীরগনি।

শেনফম অসি লুপা লিশিং অনি অনিগী ইন্সতোলমেন্ত অহুমদা পীগনি। 

শেনফম অসি দাইরেক্ত বেনেফিৎ ত্রান্সফরগী খুত্থাংদা বেনেফিসরীশিংগী বেঙ্ক একাউন্তদা দাইরেক্ত ত্রান্সফর তৌগনি। দাইরেক্ত বেনেফিৎ ত্রান্সফরনা থৌওং পুম্বদা ত্রান্সপরেন্সী পুরক্কনি অমদি লৌমীশিংগী মতম মাংবদগীসু কনবা ঙম্লগনি।

স্কিম অসি লৌ য়াম্না লৈজদবা লৌমীশিংগী শেন্থোক ফগৎহন্নবা পায়খৎপনি। মসিনা লৌ য়াম্না লৈজদবা লৌমী চাউরাকনা কোতি ১২দা কানবা ফংহল্লগনি হায়না পানরি।

প্রধান মন্ত্রী কিসান স্কিম অসিনা লৌ য়াম্না লৈজদবা লৌমীশিংগী শেল–থুমগী মথৌতাবা অদুদা মতেং ফংহন্নবা পাম্দম থম্লি। মসিনা লৌউ–শিংউবগী থৌওংশিংদা তৌরিবা চাদিং অদুগীদমকিতা শেন্দোয়চাবশিংগী মখুৎতা তাখিগদবদগী ঙাকথোকপসু ঙম্লগনি।

প্রধান মন্ত্রী কিসান অসি চাদা ১০০ ভারত সরকারনা শেল পুথোকপা সেন্ত্রেল সেক্তর স্কিম অমনি। মতিক চারবা বেনেফিসরীশিংদা বেনেফিৎ ত্রান্সফর তৌনবগীদমক স্কিম অসি ১.১২.২০১৮দগী ইফেক্তিব ওইরি।

রাজ্য সরকার অমসুং য়ুনিয়ন তেরিতোরী এদমিনিস্ত্রেসন্না স্কিম গাইদলাইনশিংগী মতুং ইন্না তেংবাং পীবদা মতিক চারবা লৌমীশিংগী ইমুংশিং অদু খন্দোক্কনি।

প্রধান মন্ত্রী কিসান অসি ভারত্তা লৈরিবা লৌ য়াম্না লৈজদবা লৌমীশিংগী পুন্সিবু চহী খুদিংগী ইন্সতোলমেন্ত অহুমদা শেলগী তেংবাং ফংহন্দুনা ত্রান্সফোর্ম তৌনবা পান্দম থম্লিবা অদুগুম্লবা রিভোলুস্নরী স্কিম অমনি। স্কিম অসি দাইরেক্ত বেনেফিৎ ত্রান্সফরগী থোংদা ইমপ্লিমেন্ত তৌদুনা বেনেফিসরীশিংগী বেঙ্ক একাউন্তদা শেনফম অদু দাইরেক্ত ত্রান্সফর তৌদুনা মরক্তা লৈবা মীওই অমসুং শেঞ্জা থুমজা মুত্থৎলগনি।

প্রধান মন্ত্রীনা গোরকপুরদা দিবেলপমেন্ত প্রোজেক্ত কয়া অমসু উরেপ–উয়ুং তমগনি/জাতিদা কত্থোক্কনি। মহাক্না মীয়ামগী মীফমদসু ৱা ঙাংগনি।

গ্যাস ইনফ্রাস্ত্রকচরদগী হকশেল ফাওবগী পরিংদা লৈবা চাউখৎ থৌরাংগী প্রোজেক্তশিং অসি প্রধান মন্ত্রীনা গোরখপুরদা হৌদোক্কনি। প্রোজেক্তশিং অসিনা উত্তর প্রদেশকী মীয়ামদা চাউনা কানহল্লগনি।