ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা হয়েং ১৯ জনুৱারি ২০১৯দা ইন্দিয়ন সেনিমাগী নেস্নেল ম্যুজিয়মগীদমক অনৌবা বিলদিং শঙ্গাগনি। মহাক্না নেস্নেল ম্যুজিয়মদা চৎকনি অমসুং মীয়াম তিনবদা ৱা ঙাংগনি।

ইন্দিয়ন সেনিমাগী নেস্নেল ম্যুজিয়ম অসি ভারতকী ইনাক খুল্লবা সেনিমাগী ওইবা পুৱারি লোয়ন লোয়ননা সেনিমাগী ইভোলুসনগী থোংদা মনুং চল্লিবা ভারতকী সোসিও-কলচরেল হিস্তরি অদু উত্থোক্নবা লিংখৎপনি। মসিনা য়েংবা লাকপশিংবু ভিজুয়েলশিং অমসুং গ্রাফিকশিং, ফিল্ম ক্লিপ্পিংশিং, আর্তিফেক্তস, পব্লিসিতী মেতরিয়েলস, ইন্তরেক্তিব একজিবিতস অমসুং অহেনবা কয়া অমগী মতেংগা লোয়ননা ৱারি লিবগী মওংদা ইন্দিয়ন সেনিমাগী চহী চামা হেল্লবা পুক্নিং শুমহৎনিঙাই ওইবা থোংচৎ অমগী থোংদা পুদুনা চৎকনি।

সাউথ মুম্বাইদা লৈরিবা ফিল্মস দিবিজন কমপ্লেক্স অসি হিস্তোরিক গুলশন মহল অমসুং ন্যু ম্যুজিয়ম বিলদিং হায়না বিলদিং অনিদা খায়দোক্লি।

ন্যু ম্যুজিয়ম বিলদিং অসিদা থাক মরি লৈরি: অহানবা থাক- গান্ধী & সেনিমা, অনিশুবা থাক- চিলদ্রেন্স ফিল্ম স্তদিও, অহুমশুবা থাক-লতেক্নোলোজী, ক্রিয়েতিবিতী অমসুং ইন্দিয়ন সেনিমা অমদি মরিশুবা থাক- সেনিমা এক্রোস ইন্দিয়া। ন্যু ম্যুজিয়ম বিলদিং অসিদা স্তেত-ওফ-দি-আর্ত দিজিতেল সেনিমা প্রোজেক্তর অমসুং ৭.১ সরাউন্দ সাউন্দ সিস্তেম য়াওবা ওদিতোরিয়ম অনিসু লৈগনি।