ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা হয়েং লৈবাক্কী কোনুংদা পাংথোকপা থৌরম অমদা লৈবাক্কী মফম কয়াদগী লাকপা মুদ্রাগী কান্নবা ফংলবা মীওই ১০০ হেনবগা উনগনি।

প্রধান মন্ত্রী মুদ্রা য়োজনা (পি এম এম ৱাই) অসি গরেন্তর য়াওদনা নহাশিংদা অরাইবা মওংদা লোন ফংহন্দুনা ইন্ত্রপ্রিনরশিপকী ৱাখল্লোন য়োকখৎনবা সরকারগী মরু ওইবা অনৌবা খোংথাং অমনি। ইং ২০১৮গী মার্চ ২৩ ফাওবদা লুপা কোতি ২,২৮,১৪৪.৭২গী শেনফম ওইবা লোন ৪,৫৩,৫১,৫০৯ সেঙ্কসন তৌখ্রে। স্কিম অসিগী মখাদা লুপা কোতি ২২০৫৯৬.০৫কী অপুনবা শেনফম পীথোকখ্রে। নন-কোর্পোরেৎ স্মোল বিজিনেস সেক্তর (এন সি এস বি এস)দা শেন্থংগী খুদোংচাবা ফংহন্নবা স্কিম অসি ইং ২০১৫গী এপ্রিল ৮দা হৌদোকখি। পীরিবা লোনশিং অসি শিশু, কিশোর অমসুং তরুন হায়বা কাংলুপ অহুমদা অরাইবা মওংদা ফংহল্লি। সব-স্কিম শিশুগী মখাদা লুপা ৫০০০০ ফাওবগী লোন পীরি, সব-স্কিম কিশোরগী মখাদা লুপা ৫০০০০দগী লাখ ৫ ফাওবগী মরক্তা লোন পীরি অমসুং সব-স্কিম তরুনগী মখাদা লুপা লাখ ৫দগী লাখ ১০ ফাওবগী মরক্তা লোন পীরি। ইং ২০১৬কী এপ্রিলদগী হৌরগা প্রধান মন্ত্রী মুদ্রা য়োজনাগী মখাদা লৌউ-শিংউবগা মরী লৈনবা থৌরমশিং (ক্রোপ লোন, কেনেলশিং, ইথৈ-লৌখোং, গুহাশিংগুম্বা লেন্দ ইমপ্রুবমেন্ত য়াওদনা) অমসুং হিংনবগী মচাক পীরিবা নত্রগা ইনকম জেনরেৎ তৌবদা মতেং পাংলিবা থবকশিংসু মসিগী মনুং চলহল্লে।