ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি য়ুনেস্কোগী ৱর্ল্দ হেরিতেজ সাইৎ ওইরিবা য়োগ্যকার্তাগী প্রম্বনন লাইশঙ কমপ্লেক্সতা চৎখ্রে। অখন্নবা থৌরাং অমগা লোইননা ইন্দোনেসিয়াগী প্রসিদেন্ত, হিস এক্সিলেন্সী মিস্তর প্রবোৱো সুবিয়ান্তোসু প্রধান মন্ত্রীগা লোইননা লাইশঙ অসিদা চৎখি। লুচিংবা অনিনা মন্দির কমপ্লেক্সতা আর্কিয়োলোজিকেল সর্ভে ওফ ইন্দিয়া (এ.এস.আই.) গী কঞ্জার্বেসন অমসুং রেস্তোরেসন প্রোজেক্ত হৌদোকপগী অহকপা নুং অমা মায়খুম হাংদোকখি।

9শুবা চহি চাদা শাখিবা, প্রম্বনন লাইশঙ কমপ্লেক্স অসি ইন্দোনেসিয়াগী খ্বাইদগী চাওবা লাইশঙ কমপ্লেক্সনি। মসি ত্রিমুর্তি প্রভু ব্রহ্ম, প্রভু বিষ্ণু অমসুং প্রভু শিবদা কৎচবনি। লাইশং কমপ্লেক্স অসি ভারত অমসুং ইন্দোনেসিয়াগী মরক্তা সিভিলাইজেস্নেল অমসুং কলচরেল হেরিতেজকী মতম শাংনা লৈরকপা মরীগী খুদম অমনি।

কঞ্জার্বেসন প্রোজেক্ত অসি ২০২৫দা প্রসিদেন্ত প্রবোৱোগী ভারত খোংচৎ মনুংদা লুচিংবা অনিনা প্রম্বনন কমপ্লেক্সতা লৈরিবা লাইশংশিং অদু নৌনা শেমগৎনবা ভারতনা মতেং পাংবা য়াবা মফমশিং থিদোক্নবা য়ানখিবা অদুগী মতুং ইন্না চত্থরকপনি।

ভারতনা খা-নোংপোক এসিয়াগী ৱার্ল্দ হেরিতেজ সাইত কয়াগী হেরিতেজ রিস্তোরেসন অমসুং কঞ্জার্বেসনগী মায় পাক্লবা ত্রেক রেকোর্দ অমা পায়রি। এ.এস.আই.না মমাংদা ইন্দোনেসিয়াগী বোরোবোদুর লাইশঙগী কম্পাউন্দশিংগী পাক চাউবা দোকুমেন্তেসন তৌখি। প্রম্‌বনন লাইশঙ কমপ্লেক্সকী শেমগৎ-শাগৎপা অমসুং কঞ্জার্বেসন তৌবদা ভারতনা মতেং পাংলিবা অসিনা শরুক য়ামিন্নরিবা সিভিলাইজেস্নেল হেরিতেজ অসি ঙাক্তুনা থম্নবগী মখোয়গী অচেৎপা ফিরেপ অদু উৎলি।

 ***