ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীগা লোয়ননা নিদরলেন্দগী প্রধান মন্ত্রী ঐচ.ই. রোব জেতেন্না মমিং লৈরবা দচ্চ ৱাতর মেনেজমেন্ত স্ত্রকচর, অফ্সলুইতদিজক্তা চৎমিন্নখ্রে।

খোঙচৎ অসিনা জাতি অনিমক্না অনৌবা ৱাতর মেনেজমেন্ত সোলুসনশিং, ক্লাইমেৎ রেজিলিয়েন্স, অমসুং সস্তেনেবল ইনফ্রাস্ত্রকচরদা সেয়র তৌরবা ৱাশক অদু ফোঙদোকখি। কিলোমিতর ৩২ শাংবা দাম অমসুং কোজৱে অমা ওইরিবা অফ্সলুইতদিজক অসি ঈশিং ইচাও কন্ত্রোল তৌবা অমসুং লম শেমগৎপগী মালেমগী ওইবা বেঞ্চমারক অমনি, মসিনা নিদরলেন্দগী অচৌবা শরুকশিং নোংপোক সমুদ্রদগী ঙাক-শেনবগা লোয়ননা ফ্রেশ ৱাতর স্তোরেজ তৌবা ঙমহল্লি।

দাম অসিগী খোঙচৎ অসিনা অফ্সলুইতদিজক্কী অমসুং গুজরাত রাজ্যদা ভারতকি অচৌবা কলপাসর প্রোজেক্তকি মরক্তা লৈরিবা মান্নবা ৱাফমশিংদা মীৎয়েং থমখি। কলপাসর প্রোজেক্ত অসিনা গল্ফ ওফ খামভাত শিনবা থুংনা ফ্রেশ ৱাতর রিজর্বর অমা শেমগৎনবা পান্দম থম্লি, মসিদা তাইদেল পাৱর জেনেরেসন, ইরিগেসন, অমসুং ত্রান্সপোর্তেসনগী ইনফ্রাস্ত্রকচর পুনশিল্লি। মসিগা মরি লৈননা কলপাসর প্রোজেক্তকি মতাংদা তেক্নিকেলগী ওইবা তেংবাং পিনবগীদমক ভারতকি জল শক্তি মন্ত্রালয় অমসুং নিদরলেন্দগী ইনফ্রাস্ত্রকচর অমসুং ৱাতর মেনেজমেন্ত মন্ত্রালয়গী মরক্তা লেতর ওফ ইন্তেমন্ত খুৎয়েক পিনখিবা অদু নাকল অনিনা তরাম্না ওকখি।

লুচিংবা অনিনা থোইদোক্না ফোংদোক্নখি মদুদি হায়দ্রোলিক ইঞ্জিনিয়রিংদা দচ্চকী এক্সপর্তশিং অমসুং ভারতকি ইমপ্লিমেন্তেসনগী স্কেল অসিনা নাকল অনিগী কান্নবা পার্ত্নরসিপকি খুদোংচাবা পিরি। খোঙচৎ অসিনা ইনোবেসন অমসুং সস্তেনেবিলিতিদা সেয়র তৌরবা ৱাশক অদু ফোঙদোক্লদুনা ঈশিংগী মতাংদা ইন্দিয়া-নিদরলেন্দস স্ত্রেতেজিক পার্ত্নরসিপ অদু অমুক হন্না চেৎশিলহল্লি।

***