ভারতকী প্রধানমন্ত্রী

ওগষ্ট ৩১, ২০২৬ দা বিসকেক্ত সংহাই কোওপরেসন ওর্গনাইজেসন (এস সি ও) গী নাকলদা প্রধান মন্ত্রী শ্রী নরেন্দ্র মোদীনা কিরগিজকী রাষ্ট্রপতি সাদাইর জাপারোফগা উনখ্রে।

কিরগিজগী নিংতম্বা নুমিৎ থৌরমদা প্রধান মন্ত্রীনা রাষ্ট্রপতি সাদাইর জাপারোফতা হরাওবা ফোঙদোকখি, নুমিৎ অসিদা এস.সি.ও মীফম হৌদোকপা অসিনা হেন্না মশক থোকপা অমা ওইল্লে হায়খি। ২৬শুবা এস.সি.ও মীফম য়ুম্বু ওইবগীদমক মহাক্না রাষ্ট্রপতি সাদাইর জাপারোফসু থাগৎপা ফোঙদোকখি। লৈবাক অনিগী মরীশিং চাউখৎলক্লিবা অসি লুচিংবা অনিনা হন্না য়েংশিনখি অমসুং ভারত অমসুং কিরগিজগী মরক্ত লৈনরিবা ষ্ট্রাতেজিক পার্তনরশিপ মখা তানা ফগৎহন্নবা মখোয়গী থাজবা অমুক হন্না পীনখি। লৈবাক অনিগী ইকোনোমশিং অমনা অমগী  মতেং পাংনদুনা শেন-থুম অমসুং ললোন-ইতিক্কী মতেং পাংনবা মখা তানা ফগৎহনবদা মখোয় য়ানরে। মহৈরোয়শিং চৎথোক-চৎশিন তৌনবা অমসুং নাৎকী লমদা পুন্না থবক তৌমিন্নবা য়াওনা মীগা মীগা লৈনবা মরীশিং ফগৎলক্লিবা অসিসু মখোয়না খন্নখি।

কিরগিজনা চিয়ার্মেন ওইবগী মখাদা পাংথোকপা এস.সি.ও মীফমশিংদা ভারতনা মপুংফানা শরুক য়াবা অসি প্রধান মন্ত্রীনা ফোঙদোকখি। প্রধান মন্ত্রীনা মখা তানা হায়খি মদুদি লৈবাক অনিগী মরক্ত লৈরিবা অচেৎপা অমসুং মতম কুইরবা মরীশিং মশক তাক্লিবা লৈবাক অমনা অমদা থাজবা, ইকায়খুম্নবা অমসুং মতেং পাংনবা অসি মীফম অসিদা মমি তারে।  মহাক্না তরাম্না ওকখিবা অমসুং মাইপাক্না এস.সি.ও মীফম পাংথোকপগীদমক প্রধান মন্ত্রীনা রাষ্ট্রপতি সাদাইর জাপারোফ থাগৎপা ফোঙদোকখি।

***