ভারতকী প্রধানমন্ত্রী

প্রধান মন্ত্রী মোদী অমসুং নেপালগী প্রধান মন্ত্রী ওলীনা ঙসি ভিদীও কনফরেন্সকী থোংদা ক্রোস-বোর্দর পেত্রোলিয়ম প্রদক্তস পাইপলাইন অমা পুন্না হৌদোকমিন্নখ্রে।

প্রধান মন্ত্রী শ্রী নরেন্দ্র মোদী অমসুং নেপালগী প্রধান মন্ত্রী কে.পি. শর্ম ওলীনা ঙসি ভিদীও কনফরেন্সকী থোংদা ভারতকী মোতিহারীদগী নেপালগী অমলেখগঞ্জ ফাওবা সাউথ এসিয়াগী অহানবা ক্রোস-বোর্দর পেত্রোলিয়ম প্রদক্তস পাইপলাইন পুন্না হৌদোকখ্রে।

থৌরম অদুদা ঙাংলদুনা প্রধান মন্ত্রী ওলীনা মরুওইবা কনেক্তিবিতী প্রোজেক্ত অসি লেপনখিবা মতমদগী ঙনখৎনা লোয়শিন্দুনা থবক হৌখিবগীদমক অপেনবা ফোংদোকখি।

প্রধান মন্ত্রী মোদীনা হায়খি মদুদি কিলেমীতর ৬৯ শাংবা মোতিহারী-অমলেখগঞ্জ পাইপলাইন অসি চহীগী ওইনা মেত্রিক তন মিলিয়ন অনিগী কেপাসিতী অমা লৈরি অমসুং মসিনা নেপালগী মীয়ামদা অহোংবা মমলদা হেন্না শেংবা পেত্রোলিয়ম প্রদক্তশিং ফংহনবা ঙমহল্লগনি। নেপালদা পেত্রোলিয়ম প্রদক্তশিংগী মমল লীতর অমদা লুপা অনি হন্থহন্নবা প্রধান মন্ত্রীনা ওলীনা লাউথোকখিবা অদু মহাক্না তরাম্না ওকখি।

খ্বাইদগী ৱাংবা রাজনিতীগী থাক্তা চাং নায়না একচেঞ্জ তৌনবনা ভারত-নেপাল পার্তনরশিপ অসি হেন্না পাকথোক চাউথোকহন্নবা এজেন্দাদা মীৎয়েং থম্বদা খুমাং চাউশিলহল্লি হায়না প্রধান মন্ত্রী মোদীনা ফোংদোকখি। ভারত অমসুং নেপালগী মরক্তা লৈরিবা লৈবাক অনিগী মরীশিং অসি মখা তানা চেৎশিল্লগনি অমসুং হেন্না পাকথোক চাউথোক্লগনি হায়না মহাক্না থাজবা ফোংদোকখি।

প্রধান মন্ত্রী ওলীনা প্রধান মন্ত্রী মোদীবু নেপালদা লাক্নবা বার্তন অমা তৌরকখি, মদু প্রধান মন্ত্রী মোদীনা তরাম্না ওকখি।