ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা জুন ২৩, ২০১৮দা মধ্য প্রদেশতা চৎকনি।
প্রধান মন্ত্রীনা ইন্দোরদা মধ্য প্রদেশ শহরী বিকাস মহোৎসবতা শরুক য়াগনি। প্রধান মন্ত্রীনা রাজ্যগী তোঙান তোঙানবা মফমশিংদা লুপা কোতি ৪০০০ হেনবগী মমল ওইগদবা তোঙান তোঙানবা অর্বান দিবেলপমেন্ত প্রোজেক্তশিং রিমোৎ শিজিন্নদুনা হৌদোক্কনি। মসিগী মনুংদা প্রধান মন্ত্রী আৱাস য়োজনাগী মখাদা যুম শাবা, অর্বান দ্রিঙ্কিং ৱাতর সপ্লাই স্কিমশিং, অর্বান সোইল ৱেস্ত মেনেজমেন্ত, অর্বান সেনিতেসন, অর্বান ত্রান্সপোর্তেসন অমসুং অর্বান লেন্দস্কেপ প্রোজেক্তশিং য়াওরি।
মহাক্না স্বচ্ছ সর্বেক্সন–২০১৮গী এৱার্দসু য়েন্থোক্কনি অমদি স্বচ্ছ সর্বেক্সন–২০১৮গী রিজল্তকী দাসবোর্দসু হাংদোক্কনি। খ্বাইদগী লু–নানবা শহরশিং, খ্বাইদগী ফজনা শরুক য়াবা রাজ্যশিংনা প্রধান মন্ত্রীদগী মনাশিং লৌগনি। স্বচ্ছ ইনোবেসন অমা, স্বচ্ছ বেস্ত প্রেক্তিস অমা অমসুং স্বচ্ছ ইন্ত্রপ্রিনর অমনসু প্রধান মন্ত্রীদগী মনাশিং লৌগনি।
মসিগী মাংওইননা রাজগরদা প্রধান মন্ত্রীনা মোহনপুরা প্রোজেক্ত লৈবাক মীয়ামদা কত্থোক্কনি। প্রোজেক্ত অসিনা রাজগর জিলাদা লৌ উনরিবা মফমশিংদা ঈশিং ফংহল্লগনি। মসিনা লমদমশিং অসিদা লৈরিবা খুঙ্গংগী মীওইশিংদা থক্নবা ঈশিংসু ফংহল্লগনি। প্রধান মন্ত্রীনা তোঙান তোঙানবা দ্রিঙ্কিং ৱাতর স্কিমশিংগী উরেপ উয়ুংসু তমগনি।
