ভারতকী প্রধানমন্ত্রী

লৈবাক্কী মফম কয়াদগী লাকপা প্রধান মন্ত্রী মুদ্রা য়োজনাগী কান্নবা ফংলবা মীওই ১০০ হেনবনা ঙসি প্রধান মন্ত্রী শ্রী নরেন্দ্র মোদীগা লোয়ননা মহাক্কী লৈফমদা উন্নখ্রে।

মখোয়দা সেঙ্কসন তৌরিবা মুদ্রা লোনশিং অদু শিজিন্নবনা মরম ওইরগা মতৌ করম্না মখোয়গী পুন্সি মহিং ফগৎলবগে হায়বা অদু শ্রী নরেন্দ্র মোদীগা ইচম চম্না উনখিবা অদুদা কান্নবা ফংলবা মীওইশিং অদুনা পাউদমখি।

লুপা লাখ অনিগী লোন ফংলবা ঝারখন্দগী বোকারোদগী শ্রীমতী কিরন কুমারীনা মতৌ করম্না মহাক্কী শান্নপোৎ অমসুং খুদোল পোৎ য়োনবা দুকান হৌদোকখিবগে হায়বা অদু পাউদমখি। মমাংদদি মহাক অমসুং মহাক্কী মপুরোইবনা হিংনবগীদমক কোইচৎ চৎতুনা শান্নপোৎ য়োল্লম্মি। লোন ফংলবা মতুংদদি মহাক মশামক মায় পাক্লবা ইন্ত্রপ্রিনর অমা ওইবা ঙম্লে।
সুরত্তগী শ্রীমতী মুনিরাবানু শাবির হুসেন মালেক্না লুপা লাখ ১.৭৭কী মুদ্রা লোন অমা ফংখি। মহাক্না মতৌ করম্না এল.এম.ভি. দ্রাইভিং ত্রেনিংদা শরুক য়াখিবা অমসুং ওতো রিক্সা অমা থৌদুনা হৌজিক থাগী লুপা ২৫,০০০ তানবা ঙম্লিবা অদু পাউদমখি।

কেরলাগী কন্নুরদা লৈবা শ্রী সিজেশ পিনা মীরমদা চহি ৮ থবক তৌখি। ভারত্তা হল্লক্লবা মতুং, মেদিকেল য়ুনিৎ অমদা সেল্স মেনেজর অমগুম মহাক মথৌ তৌখি। মতৌ করম্না মহাক্না হর্বল তুথ পাউদর পুথোকপগী য়ুনিৎ অমা শেমগৎপা ঙমখিবগে হায়বদু মহাক্না প্রধান মন্ত্রীগী মফমদা থৱায় য়াওনা পাউদমখি, লুপা লাখ ৮.৫৫গী মুদ্রা লোন অমদা থাগৎপা ফোংদোকখি। মহাক্না প্রধান মন্ত্রীগী মফমদা সেম্পল খরা খুদোল তমখি।

তেলঙ্গনাদগী শ্রী সালেহুন্দুম গিরিধর রাওনা প্রধান মন্ত্রীগী মফমদা মহাক্কী ইন্ত্রপ্রিনরশিপকী ৱারী অদু পাউদমখি। মহাক্না লুপা লাখ ৯.১০গী লোন অমা ফংখি, মদু মহাক্না মহাক্কী দাই কাস্তিং অমসুং মোলদস ইন্তর্প্রাইজদা শিজিন্নখি।

ফিশাবী অমা ওইনা মথৌ তৌরিবী জম্মু অমসুং কশ্মীরগী কাথুৱা জিলাদগী শ্রীমতী বীনা দেবিনা লুপা লাখ অমগী মুদ্রা লোন অমা ফংখি। মহাক্কী লমদম অদুদা হৌজিক্তি মহাক্না পাশমিনা সাল য়াম্না পুথোকপা অমা ওইবা ঙম্লে। ঙসি মহাক্না প্রধান মন্ত্রীগী মফমদা পাশমিনা সাল অমা খুদোল তমখি।

দেহরাদুনদা লৈবা শ্রী রাজেন্দ্র সিংহ অসি এক্স-আর্মীমেন অমনি। মহাক্কী শুমজিৎ শাবগী করবার অদুগী মতাংদা প্রধান মন্ত্রীদা পাউদমখি, মদু মহাক্না লুপা লাখ ৫গী মুদ্রা লোনগী খুত্থাংদা হৌদোকখি। মহাক্না মহাক্কী করবারদা মায় পাকপা খক্তা নত্তনা মীওই খরদশু থবক পীবা ঙমলে।

জম্মুদগী শ্রী সতিশ কুমারনা লুপা লাখ ৫গী লোন অমা ফংখি। মমাংদা মহাক থবক ফংদবা অমা ওইরম্মি। হৌজিক মহাক স্তিলগী পোৎথোকশিং শেম-শাবা অমসুং ললোনবগী করবার অমা তৌরে। মহাক্না মহাক্কী এক্সপরিয়েন্সশিং অদু প্রধান মন্ত্রীগী মফমদা পাউদমখি।

অতোপ্পা বেনেফিসরী কয়া অমনসু মখোয়গী এক্সপরিয়েন্সশিং অদু পাউদমখি।

মুদ্রা লোনশিং মফম চানা শিজিন্নরিবা ইন্ত্রপ্রিনরশিং অদুবু প্রধান মন্ত্রীনা থাগৎপা ফোংদোকখি। প্রধান মন্ত্রী মুদ্রা য়োজনাদগী হৌজিক ফাওবদা মীওই কোতি ১১না কান্নবা ফংলে হায়না মহাক্না ফোংদোকখি। মীয়ামগী মরক্তা মশানা মশাবু থাজবা হেঙ্গৎহনবা অসিসু স্কিম অসিগী পান্দম অমনি হায়না মহাক্না ফোংদোকখি। স্কিম অসিনা পর্সনেল সেক্তর দিবেলপ তৌবদা মতেং ওইনরে।

প্রধান মন্ত্রী অমসুং কান্নবা ফংলবা মীওইশিং অদুগী মরক্তা ইচম চম্না উনদুনা ৱারী শান্নখিবা অদু পুং অমা হেন্না চৎথখি। থৌরম অদুদা শেল থুমগী রাজ্য মন্ত্রী শ্রী পোন. রাধাকৃষ্ণ অমসুং শ্রী শিব প্রতাপ সুক্লাসু শরুক য়াখি।

****