ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ন্যু দিল্লিগী ভারত মন্দপামদা রাইজিং নোর্থ ইস্ত ইনভেস্তরস সম্মিৎ ২০২৫ হৌদোকখ্রে। থৌরম অদুদা প্রধান মন্ত্রীনা অৱাং-নোংপোক লমদমগী তুংগীদমক চাউথোকচবা অমসুং থাজবা ফোঙদোকখি। হন্দক ভারত মন্দপামদা পাংথোকখিবা অষ্টালক্ষমী মহোৎসব মহাক্না নিংশিংখি অমসুং ঙসিগী থৌরম অসি অৱাং-নোংপোক্ত শেন থাদনবা থৌরম অমনি হায়না ফোঙদোকখি। প্রধান মন্ত্রীনা হায়খি মদুদি মশিং য়াম্লবা উদ্যোগকী লুচিংবশিং শরুক য়াবা অসিনা অৱাং-নোংপোক্কা মরী লৈনবা থৱায় য়াওবা, থাজবা অমসুং অনৌবা মঙলানশিংগী মমি তারে। প্রধান মন্ত্রীনা রাইজিং নোর্থ ইস্ত ইনভেস্তরস সম্মিৎ থাগৎপা ফোঙদোকখি অমসুং মখা তানা লমদম অসি চাউখৎনবা অমসুং নুংঙাই-য়াইফনবা মহাক্না অমুক হন্না থাজবা পীখি।

প্রধান মন্ত্রীনা হায়খি মদুদি ভারত অসি মালেমদা খ্বাইদগী খেন্নবা লৈবাক অমনি অমসুং খেন্নবা কয়া লৈরিবা ঐখোয়গী লৈবাক্ত অৱাং-নোংপোক্না খ্বাইদগী খেন্নবা লমদমনি। লমদম অসিদা ললোন-ইতিক, তেক্সতাইলশিং অমসুং তুরিজমগী খুদোংচাবা কয়া লৈরি। অৱাং-নোংপোক অসি বাইও-ইকোনোমি অমসুং ৱাগী উদ্যোগ, চা অমসুং পেত্রোলিয়ম পুথোকপা, শান্নবা অমসুং স্কিল অমসুং ইকো-তুরিজমগী মফম অমনি। লমদম অসি ওর্গনিক্কী পোৎথোকশিংগী লম্বী শেম্লি অমসুং ইনর্জি পুথোক্নবা মরুওইবা মফম অমনি। অৱাং-নোংপোক লমদম অসি অষ্টালক্ষমীগী মগুন চেল্লি অমসুং নুংঙাইবা অমসুং খুদোংচাবা কয়া পুরক্লি। শেন থাদনবা অমসুং মাংজিল থানবা থবক তৌনবা অৱাং-নোংপোক্কী রাজ্যশিং থৌরাং তৌদুনা লৈরি।

প্রধান মন্ত্রীনা হায়খি বিকসিত ভারতকী পান্দম ফংনবা হোৎনবদা নোংপোক ভারতনা মরুওইবা থৌদাং লৌরি অমসুং অৱাং-নোংপোক অসি মসিগী মরুওইবা মচাক অমনি। ঐখোয়গী ওইনা নোংপোক অসি মাইকৈ তাকপা খক নত্তে, মসি ঐখোয়গী ওইনা, EAST হায়বগী ৱাহন্থোক্তি -ইম্পৱার, এক্ত, ষ্ট্রেংথন অমসুং ত্রান্সফোর্ম হায়বনি। ভারতকী চাউখৎপগী খোঙজেলদা নোংপোক ভারত, মরুওইনা অৱাং-নোংপোকনা ময়াইদা লৈরি।

প্রধান মন্ত্রীনা হায়খি মদুদি হৌখিবা চহি ১১ অসিদা অৱাং-নোংপোক অহোংবশিং লাকপা উরে। সরকারনা লমদম অসিদা থৌশিলগী থবকশিংগী মথক্ত থবক কয়া পায়খৎলে, লমদম অসিগী মীয়ামগা থম্মোয়গী মরী লৈনবা হেনগৎলে। য়ুনিয়ন মিনিস্তরশিংনা অৱাং-নোংপোক লমদমদা খোঙচৎ ৭০০ হেন্না পাংথোকখ্রে অমসুং মীয়ামগী অনিংবশিং উরে অমসুং থাজবশিং চাউখৎ-থৌরাংগী থৌশিলশিংদা ওন্থোক্লে। ইনফ্রাস্ত্রচর প্রোজেকশিং অসি চেক অমসুং বিলাতিমাতিগী ৱাফম খক নত্তনা মসিনা থম্মোয়গী মরী অমা শেমগৎনবা পাম্বৈ অমা ওইরে। লুক ইস্তদগী এক্ত ইস্তদা হোংলক্তুনা থবক অসিগী ফল কয়া উবা ফংলে। অৱাং-নোংপোক অসি মতাইদা লৈবা লমদম অমনি হায়না খঙনরম্বা মতম অমা লৈরমখি। ঙসিদি, লমদম অসি চাউখৎপগী মাঙজিল থাবা লমদম অমা ওইরে।

প্রধান মন্ত্রীনা হায়খি ইনফ্রাস্ত্রচর অসিনা চাউখৎপগী য়ুম্ফমনি অমসুং অৱাং-নোংপোক লমদমদা ইনফ্রাস্ত্রকচরগী অওনবা পুরক্নবা সরকারনা থবক পায়খৎপা হৌরে। মমাঙদা অৱাং-নোংপোক লমদম অসি খুদোংচাদবা কয়া লৈরমখি অদুবু হৌজিক লমদম অসি খুদোংচাবা কয়াগী লমদম অমা ওইরক্লে। লম্বী-থোংগী খুদোংচাবা হেনগৎহন্নবা লুপা করোর লিশিং কয়া থাদরে অমসুং অরুনাচল প্রদেসতা সেলা তেন্নেল অমসুং অসামদা  ভুপেন হাজারিকা থোং লৈরে। হৌখিবা চহি ১০ দা কিমি ১১,০০০ গী হায়ৱেশিং শারে, অনৌবা রেলৱে লাইনশিং শেমগৎলে, এয়রপোর্ত মশিং শরুক অনিদা হেনগৎলে, ব্রাহ্মাপুত্রা অমসুং বারাক তুরেলশিংদা ঈশিং লম্বীশিং শেমগৎলে  অমসুং মোবাইল তৱার চা কয়া য়ুংখৎলে। কিমি ১,৬০০ গী নোর্থ ইস্ত গ্যাস গ্রিদ অমা শেমগৎতুনা উদ্যোগশিংদা ইনর্জি ৱাৎতনা ফংহল্লে। মথং চহি ১০ দা অৱাং-নোংপোক লমদমগী ললোন-ইতিক্কী খুদোংচাবা শিংথাবা য়ানা হেনগৎলগনি। হৌজিক ভারতনা অসিয়ানগা চৎথরিবা ললোন-ইতিক অসি দোল্লার বিল্লিয়ন ১২৫ রোম্নি অমসুং লাক্লিবা চহিশিংদা মসি দোল্লার বিল্লিয়ন ২০০ হেল্লবা য়ারি অমসুং অৱাং-নোংপোক লমদম অসি অসিয়ানগী কৈথেলশিংগা মরক্ত ললোন-ইতিক্কী থোং অমসুং থোঙ্গাল অমা ওইরি। অৱাং-নোংপোক লমদমগী চৎথোক-চৎশিন ফগৎনবা সরকারনা ইনফ্রাস্ত্রচর প্রোজেক কয়া য়াংনা পায়খৎলে। ইন্দিয়া-ম্যান্মার-থাইলেন্দ ত্রাইলেতরেল হায়ৱেনা ম্যান্মারদগী থাইলেন্দ ফাওবা লাইনা য়ৌহনগনি অমসুং ভারতনা থাইলেন্দ, ভিয়েতনাম অমসুং লাওজ য়ৌবা হেন্না খুদোংচাহল্লগনি। কোলকাতাগী হিথাংফমগা ম্যান্মারগী সিত্তৱে হিথাংফমগা শম্নদুনা মিজোরম ফাওরগা মরুওইবা ললোন-ইতিক্কী লম্বী অমা ওইনবা কালাদান মল্তিমোদাল ত্রান্সিৎ প্রোজেক য়াংখৎনবা সরকারনা থবক পায়খৎলি। প্রোজেক অসিনা নোংচুপ বেঙ্গল অমসুং মিজোরমগী মরক্ত চৎথোক-চৎশিন তৌবদা লৈনবা অরাপ্পা হন্থল্লগনি। গুৱাহাতি, ইম্ফাল অমসুং অগরতালা অসি মল্তি-মোদাল লোজিস্তিক্স হবশিং ওইনা শেমগৎনবা থবক পায়খৎলি। মেঘালয় অমসুং মিজোরমদা লেন্দ কস্তমস স্তেসনশিং লিংখৎলে অমসুং মালেমগী লৈবাকশিংগা ললোন-ইতিক্কী থবকশিং হেনগৎহল্লে। হায়রিবা খুদোংচাবশিং অসিনা অৱাং-নোংপোক লমদম অসি ইন্দো-পেসিফিক লৈবাকশিংগা ললোন-ইতিক পাংথোক্নবা অচৌবা মফম অমা ওইরক্লে, শেন থাদনবা অমসুং শেন-থুম চাউখৎনবা অনৌবা খুদোংচাবশিং পীবা হৌরে।

প্রধান মন্ত্রীনা হায়খি মদুদি ভারতনা মালেমগী হকশেল অমসুং নুংঙাইনা হিংনবা পাম্বৈ পীবা লৈবাক অমা ওইনবা পান্দম থম্লি। ভারত্ত লায়েংবা হায়বা থবক অসি চাউখৎহন্দুনা মালেমগী ইহৌ অমা ওইরে। অৱাং-নোংপোক লমদমগী ইনাকখুল্লবা থৱায় পানবা কয়া, মহৌশাগী ফজবা অমসুং ওর্গনিক পুন্সি মহিং লৈরি অমসুং মসি নুংঙাইনা হিংনবা মফম চারবা মফমনি। ভারতকী হিল ইন ইন্দিয়া মিসনগী মরুওইবা মচাক অমা ওইরিবা অৱাং-নোংপোক লমদম মশক খঙদোক্নবা ইনভেস্তরশিংনা হোৎনগদবনি। অৱাং-নোংপোক লমদমগী ক্লাইমেত অমসুং ইকোলোজি মখল কয়া অসি হকচাং ফনা হিংবা উদ্যোগকশিংগী খুদোংচাবা কয়া পীরি।

প্রধান মন্ত্রীনা হায়খি অৱাং-নোংপোক লমদমগী ইনাকখুল্লবা নাৎ অমসুং চৎনবীশিং লৈরি, লমদম অসিগা ঈশৈ, জগোয় অমসুং কুহ্মৈশিংগা অচেৎপা মরী লৈনরি। অৱাং-নোংপোক লমদম অসি মালেমগী মীফমশিং, ঈশৈগী থৌরমশিং অমসুং লুহোংফমগী চপ চারবা মফম অমনি, লমদম অসি মপুংফারবা তুরিজমগী মফম অমনি। অৱাং-নোংপোক লমদমগী মফম খুদিংমক চাউখৎলে, মসিগী কান্নবা তুরিজমদা উবা ফংলে অমসুং লমকোয়বা মীওই মশিং শরুক অনি হেনগৎলে। খুঙ্গংশিংদা হোমস্তেশিং হেনগৎলে, নহা ওইরিবা গাইদশিং অনৌবা থবকশিং ফংলে অমসুং তুর অমসুং ত্রাবেলগী থবকশিং হেনগৎলে। লমদম অসিদা ইকো-তুরিজম অমসুং কলচরেল তুরিজমদা শেন থাদনবগী খুদোংচাবা য়াম্না লৈরি।

শান্তি অমসুং লো অমসুং ওর্দর অসি লমদম অমা চাউখৎনবগী খ্বাইদগী মরুওইবনি। তেরোরিজম অমসুং লালহৌবা খাংদুনা লৈথোক্তবগী ঐখোয়গী সরকারগী থৌশিল অমা লৈরি। মতম অমদা অৱাং-নোংপোক লমদম অসি ব্লোকেদশিং অমসুং ইরাং লৈখি অমসুং মসিনা নহারোলশিংদা য়াম্না চাউনা অকায়বা পীখি। শান্তি পুরক্নবা সরকারনা কন্না হোৎনবদগী হৌখিবা চহি ১০-১১ অসিদা নহা ওইরিবা মীওই ১০,০০০ হেন্না খুৎলায় থাদোক্তুনা শান্তিগী লম্বীদা লাক্লে। মসিনা লমদম অসিগী নহারোলশিংদা অনৌবা থবক অমসুং ওন্ত্রেলপ্রেন্যুরশিপগী খুদোংচাবা পীরে। মুদ্রা স্কিম্না অৱাং-নোংপোক লমদমগী নহারোল লাখ কয়াদা লুপা করোর লিশিং কয়াগী শেন্থং পীরে। মহৈলোয়শঙশিং মশিং হেনগৎলকপদগী নহারোলশিংগী স্কিল হেনগৎহনবদা মতেং পাংলে। অৱাং-নোংপোক লমদমগী নহারোলশিং অসি ইন্তরনেত শীজিন্নবা খক নত্তনা দিজিতেল ইন্নোবেতরশিং ওইরক্লে। কিমি ১‌৩,০০০ হেনবগী ওপ্তিকেল ফাইবরশিং তিংলে অমসুং ৪জি অমসুং ৫জি ফংহনবা হেনগৎলে অমসুং তেক্নোলোজি সেক্তরদা খুদোংচাবশিং পীবা হেনগৎলে। নহা ওইরিবা ওন্ত্রেপ্রেন্যুরশিং হৌজিক লমদম অসিদা অচৌবা স্তার্দঅপশিং লিংখৎলে অমসুং ভারতকী দিজিতেল গেতৱে অমা ওইনা অৱাং-নোংপোক লমদমগী থৌদাং অমুক হেন্না হেনগৎহল্লে।

প্রধান মন্ত্রীনা হায়খি মদুদি হৌখিবা চহি ১০ দা অৱাং-নোংপোক লমদমগী ইজুকেসন সেক্তরদা লুপা করোর ২১,০০০ থাদখ্রে। মরুওইবা থবকশিংগী মনুংদা অনৌবা স্কুল ৮০০ হেন্না লিংখৎপা, অৱাং-নোংপোক লমদমগী অহানবা এ.আই.আই.এম.এস লিংখৎপা, অনৌবা মেদিকেল কলেজ ৯ লিংখৎপা অমসুং অনৌবা আই.আই.আই.তি অনি লিংখৎপা য়াওরি। মিজোরমদা ইন্দিয়ান ইন্সতিতুৎ ওফ মাস কম্মুনিকেসন কেম্পস লিংখৎলে অমসুং লমদম অসি শীনবা থুংনা অনৌবা স্কিল দিবলপমেন্ত ইন্সতিতুৎ ২০০ হেন্না লিংখৎলে। ভারতকী অহানবা স্পোর্তস য়ুনিভর্সিতি অৱাং-নোংপোক লমদমদা লিংখৎলে অমসুং খেলো ইন্দিয়া প্রোগ্রামগী মখাদা শেন ফজনা থাদরে। অৱাং-নোংপোক লমদমদা খেলো ইন্দিয়া সেন্তর ওফ এক্সলেন্স ৮ অমসুং খেলো ইন্দিয়া সেন্তর ২৫০ লিংখৎলে। হৌজিক অৱাং-নোংপোক লমদম্না হিরম কয়াদা খুদোংচাবশিং পীরে অমসুং অৱাং-নোংপোক লমদমগী খুদোংচাবশিং লৌনবা উদ্যোগশিং অমসুং ইনভেস্তরশিংগী পুক্নিং থৌগৎলি।

প্রধান মন্ত্রীনা হায়খি মদুদি ওর্গনিক্কী পোৎথোকশিং পুথোকপদা অৱাং-নোংপোক লমদম্না মরুওইবা থৌদাং অমা লৌরি। হৌখিবা চহি ১০ দা অৱাং-নোংপোক লমদমদা ওর্গনাইক ফার্মিংগী থবক শরুক অনি হেনগৎলে অমসুং লমদম অসিদগী মগুন লৈরবা চা, কিহোমশিং, কম্লাশিং, চম্প্রাশিং, য়াইঙং অমসুং শিং পুথোক্লি। হায়রিবা পোৎথোকশিং অসিগী তোপ-তোপ্পা মহাও অমসুং মগুনশিং লৈবদগী মালেমদা পাম্নবা হেনগৎলক্লি। অৱাং-নোংপোক লমদমদা চীঞ্জাক শেম-শানবা য়ুনিতশিং লিংখৎনবা সরকারনা থবক পায়খৎলে। মেগা ফুদ পার্কশিং লিংখৎনবা, কোল্দ স্তোরেজ নেতৱার্কশিং হেনগৎহন্নবা অমসুং তেস্তিং লেবশিংগী খুদোংচাবশিং পীনবা অহেনবা থবকশিং পায়খৎলে। অৱাং-নোংপোক লমদমগী লৈবাক লৈহাও অমসুং ক্লাইমেতকা প্লাম ওইলগা য়াম্না চুনবদগী ওইল প্লাম মিসন হৌদোক্লে। থবক অসিনা ভারতনা  মপান লৈবাকশিংদগী অচাথাউ পুশিল্লকপগী মখা পোনবা হন্থহনগনি।

প্রধান মন্ত্রীনা হায়খি মদুদি অৱাং-নোংপোক লমদম অসি মরুওইবা সেক্তর অনি- ইনর্জি অমসুং সেমিকন্দক্তরগী মরুওইবা মফম অমা ওইরক্লে। সরকারনা অৱাং-নোংপোক লমদমগী রাজ্যশিং শীনবা থুংনা হায়দ্রোপৱার অমসুং সোলারপৱারদা লুপা করোর লিশিং কয়াগী প্রোজেকশিং অয়াবা পীখ্রে। অৱাং-নোংপোক লমদমদা প্লান্তশিং অমসুং ইনফ্রাস্ত্রকচর, সোলার মোদুলশিং, সেলশিং অমসুং স্তোরেজ সোলুসনশিং য়াওনা মেনুফেকচরিংগী খুদোংচাবা কয়া লৈরি।  ভারতকী সেমিকন্দক্তরগী থবক ফগৎহনবদা অসামগী থৌদাং হেনগৎলক্লি। অৱাং-নোংপোক লমদমদা লৈবা সেমিকন্দক্তর প্লান্ত অমদগী অহানবা মেদ ইন ইন্দিয়া চিপ অথুবা মতমদা শীজিন্নবা হৌরগনি। মসিগী চাউখৎলকপা অসিনা অৱাংবা থাক্কী তেক্নোলোজিগী খুদোংচাবা ফংহনবা হৌরে অমসুং ভারতকী অৱাংবা তেক্নোলোজিগী উদ্যোগ চাউখৎপদা অৱাং-নোংপোক লমদমগী ফিবম হেন্না ফগৎহল্লে।

প্রধান মন্ত্রীনা হায়খি রাইজিং নোর্থইস্ত অসি ইনভেস্তরশিংগী মীফম অমা ওইবদগী হেন্না মসি খোঙজং অমনি অমসুং থবক হৌনবা খোল্লাউ অমনি। অৱাং-নোংপোক লমদম চাউখৎলবা অমসুং নুংঙাইরবা মতমদা ভারতকী তুংলমচৎ অনৌবা থাকশিংদা য়ৌগনি। বিকসিত ভারত অমগী লমজিংবা শাফু অমা ওইরিবা অৱাং-নোংপোক লমদম অওনবা পুরক্নবা মরী লৈনবশিং পুন্না থবক তৌমিন্নগদবনি। মথংগী রাইজিং নোর্থইস্ত মীফমদা, ভারত মাঙলোমদা চঙশিনগনি।

থৌরম অদুদা শরুক য়াখিবশিংগী মনুংদা দোনরগী য়ুনিয়ন মিনিস্তর শ্রী জয়তিরাদিত্যা এম. সিন্দিয়া, মনিপুরগী রাজ্যপাল শ্রী অজয় কুমার ভাল্লা, অসামগী চীফ মিনিস্তর শ্রী হিমান্ত বিশ্বা শর্মা, অরুনাচল প্রদেসকী চীফ মিনিস্তর শ্রী পেমা খান্দু, মেঘালয়গী চীফ মিনিস্তর শ্রী কোনারাদ সঙমা, মিজোরমগী চীফ মিনিস্তর শ্রী লালদুহোমা, নাগালেন্দগী চীফ মিনিস্তর শ্রী নৈফ্যু রিও, সিক্কিমগী চীফ মিনিস্তর শ্রী প্রেম সিংহ তমাং, ত্রিপুরাগী চীফ মিনিস্তর শ্রী মনিক সাহা, দোনরগী রাজ্য মন্ত্রী দোক্তর সুকান্ত মজুমদার য়াওখি।

নুঙগীৱারোল

অৱাং-নোংপোক লমদম অসি খুদোংচাবগী লমদম অমনি হায়না মশক তাক্নবা, মালেমগী অমসুং লৈবাক মনুংগী শেন থাদনবা অমসুং মরুওইবা মরী লৈনবশিং, ইনভেস্তরশিং অমসুং থৌশিল শেম্বশিং মফম অমদা পুন্নবা পান্দম অমগা লোয়ননা, ঙসি প্রধান মন্ত্রী শ্রী নরেন্দ্র মোদীনা ন্যু দিল্লিগী ভারত মন্দপামদা রাইজিং নোর্থ ইস্ত ইনভেস্তরস সম্মিৎ ২০২৫ হৌদোকখ্রে।

মে ২৩-২৪ গী নুমিৎ নিনিগী থৌরম অমা ওইরিবা রাইজিং নোর্থ ইস্ত ইনভেস্তরস সম্মিৎ অসিদা মীফম মমাঙগী থৌরমশিং, রোদসোশিং অমসুং এম্বেসেদরশিংগী মীফম অমসুং লৈবাক অনিগী চেম্বরস মীফম য়াওনা রাজ্যশিংগী মীফম কয়া অৱাং-নোংপোক লমদমগী রাজ্য সরকারশিংগী মতেংগা লোয়ননা কেন্দ্র সরকারনা শীল্লি। মীফম অসিদা মিনিস্তরশিংগী মীফমশিং, ব্যুজিনেস-তু-গভর্নমেন্ত মীফম, ব্যুজিনেস-তু-ব্যুজিনেস মীফমশিং, স্তার্দঅপশিং অমসুং পোলিসিশিংগী একজিবসনশিং অমসুং রাজ্য সরকারশিং অমসুং কেন্দ্রগী মিনিস্ত্রিশিংগী থবকশিং উৎকনি।

শেন থাদবা হেনগৎহন্নবা মরুওইবা মীৎয়েং থম্লিবা সেক্তরশিংগী মনুংদা তুরিজম অমসুং হোস্পিতেলিতি, এগ্রো-ফুদ প্রোসেসিং অমসুং মরী লৈনবা সেক্তরশিং, তেক্সতাইলশিং, হেন্দলুমশিং অমসুং হেন্দিগ্রাফশিং, অনা-লায়েং, লাইরিক-লাইশু অমসুং স্কিল হেনগৎহনবা, আই.তি অমসুং আই.তি ইনয়েবল সর্বিসেস, ইনফ্রাস্ত্রকচর অমসুং লোজিসতিক্স, ইনর্জি অমসুং হরাও-কুহ্মৈ অমসুং শান্নবা য়াওরি।

Addressing the North East Rising Summit in Delhi. The region is witnessing unprecedented progress. We are determined to accelerate its growth story. https://t.co/Az6CDuMIEp

— Narendra Modi (@narendramodi) May 23, 2025

The Northeast is the most diverse region of our diverse nation. pic.twitter.com/THpcjcu3fK

— PMO India (@PMOIndia) May 23, 2025

For us, EAST means – Empower, Act, Strengthen and Transform. pic.twitter.com/tUNLt9WKPY

— PMO India (@PMOIndia) May 23, 2025

For us, EAST means – Empower, Act, Strengthen and Transform. pic.twitter.com/tUNLt9WKPY

— PMO India (@PMOIndia) May 23, 2025

The North East is a complete package for tourism. pic.twitter.com/oCBt9P7fnX

— PMO India (@PMOIndia) May 23, 2025

Be it terrorism or Maoist elements spreading unrest, our government follows a policy of zero tolerance: PM pic.twitter.com/IOdp9d0ImF

— PMO India (@PMOIndia) May 23, 2025

The North East is becoming a key destination for sectors like energy and semiconductors. pic.twitter.com/GYa6g67vhy

— PMO India (@PMOIndia) May 23, 2025

****