ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা গুজরাতকী দাহুদতা লুপা করোর ২৪,০০০ হেনবগী তোঙান তোঙানবা চাউখৎ-থৌরাংগী প্রোজেকশিং উরেপ-উয়ুং তমখ্রে, শঙ্গাখ্রে অমসুং মীয়ামদা কৎথোকখ্রে। থৌরম অদুদা মহাক্না হায়খি ২০১৪ দা মহাক ভারতকী প্রধান মন্ত্রী ওইনা মহাক্না অহানবা ওইনা ৱাশক লৌখিবা মরম্না মে ২৬ অসি অখন্নবা নুমিৎ অমনি। মহাক্না লৈবাক অসি লুচিংনবা গুজরাতকী মীয়াম শৌগৎখি অমসুং থৌজাল ফংখি। চহি কয়া অসিদা ভারতনা অরিবা ফাজিন পুনশিনবা কয়া থুগায়দুনা ৱারেপ কয়া লৌরে অমসুং হিরম খুদিংমক্ত চাউখৎলে। ঙসি লৈবাক অসি নিংবা কাইবা অমসুং অমম্বা যুগ অমদগী অনৌবা থাজবা যুগ অমদা লাক্লে।

প্রধান মন্ত্রীনা হায়খি মদুদি বিকসিত ভারত অমা শেমগৎনবা ভারতমচা করোর ১৪০ অমতা ওইনা পুল্লে। মালেমগী মেনুফেকচরিং সেক্তরদা ভারত চাউখৎলে, লৈবাক অসিদা পোৎথোক পুথোকপা অমসুং মপান্দা থাদোকপা অনিমক হেনগৎলে। হৌজিক ভারতনা মোবাইল ফোনশিং, গারিশিং, শান্নপোৎশিং, ঙাক-শেনগী খুৎলায় অমসুং হিদাক-লাংথকশিং মপান্দা থাদোক্লে। ভারতনা রেল শাবা খক নত্তনা মেত্রো তেক্নোলোজি মপান্দা থাদোক্লে। ঙসি শঙ্গারিবা দাহুদ ইলেক্ত্রিক লোকোমোতিপ ফেক্তরি অসি শিংথানিঙাই ওইনা মাইপাকপা অমনি। অহানবা ইলেক্ত্রিক লোকোমোতিপ মাইপাক্না শারে অমসুং ঙসি মহাক্না লোকোমোতি লমথাখি। গুজরাত্ত রেলৱে নেতৱার্ক চাদা ১০০ ইলেক্ত্রিক ফংহল্লে অমসুং মসিগীদমক গুজরাতকী মীয়ামদা মহাক্না থাগৎপা ফোঙদোকখি।

প্রধান মন্ত্রীনা হায়খি হৌখিবা চহি ১০-১১ দা ভারতকী রেলৱে সেক্তর য়াংনা চাউখৎলে অমসুং মেত্রো সর্বিসশিং শাংদোক্লে অমসুং সেমি-হায়-স্পিৎ ত্রেনশিং হৌদোক্লে। হৌজিক রুত ৭০ রোমদা বন্দে ভারত ত্রেনশিং চেল্লে। অহমেদবাদ অমসুং বেরাবালগী মরক্ত অনৌবা বন্দে ভারত এক্সপ্রেস অমা চেল্লে। লৈবাক অসিনা তেক্নোলোজিশিং চাউখৎপদগী ভারত্ত অনৌবা ত্রেনশিং চেনবা হেনগৎলকপনি। হৌজিক লৈবাক অসিদা কোচশিং অমসুং লোকোমোতিপশিং শারে। ভারত রেলৱেগী পোৎলমশিং মপান্দা থাদোকপা মাঙজিল থাবা লৈবাক অমা ওইরক্লে। ভারতনা মেত্রো কোচশিং অস্ত্রেলিয়াদা অমসুং ত্রেন কোচশিং ইংলেন্দ, সাউদি অরাবিয়া অমসুং ফ্রান্সতা থাদোক্লে। মেক্সিকো, স্পেন, জর্মনি অমসুং ইতালিশু রেলৱেগা মরী লৈনবা পোৎলমশিং ভারত্তগী লৈরে। ভারতনা শাবা পেসেঞ্জর কোচশিং মোজাম্বিক অমসুং শ্রী লঙ্কাদা শীজিন্নরে অমসুং মেদ ইন ইন্দিয়া লোকোমোতিপশিং লৈবাক কয়াদা থাদোক্লে।

প্রধান মন্ত্রীনা হায়খি মদুদি অফবা রেলৱে নেতৱার্ক অমনা উদ্যোগশিং অমসুং লৌউ-শিংউ চাউখৎহল্লে। গুজরাত্ত রেলৱে নেতৱার্কশিং ফগৎহল্লে অমসুং দাহুদ অমসুং বালসাদকী মরক্ত অনৌবা এক্সপ্রেস ত্রেনশিং চেল্লে অমসুং মসিনা ত্রাইবেলশিংগী মফমশিংদা কান্নবা পীরে অমসুং ফেক্তরিশিংদা নহারোল কয়া থবক ফংনবা খুদোংচাবশিং পীরে। দাহুদকী ফেক্তরিদা হোর্সপৱার ৯,০০০ গী লোকোমোতিপশিং শাগনি অমসুং মসিনা ভারতকী ত্রেনশিং থবক তৌবা ঙম্বা হেনগৎহনগনি। লাক্লিবা চহিশিংদা লোকোমোতিপ চা কয়া শাদুনা মফম অসিগী নহারোল কয়াদা থবক ফংহনগনি। রেলৱেগী মচাকশিং শাদুনা ফেক্তরি অসিনা অপীকপা উদ্যোগশিংগী মতেং পাংগনি অমসুং অকোয়বা মফমগী শেন-থুমগী ফিবম ফগৎহনগনি। ফেক্তরিগী ৱাংমদা লৈরিবা লৌমীশিং, শা-ষন লোইবশিং, দুকান ফম্বশিং অমসুং শিন্মীশিংদা কান্নবশিং ফংহনগি।

প্রধান মন্ত্রীনা হায়খি মদুদি ইজুকেসন, আই.তি, সেমিকন্দক্তরশিং অমসুং তুরিজম য়াওনা হিরম কয়াদা গুজরাত শিংথাবা য়ানা চাউখৎলে। লুপা করোর লিশিং কয়া থাদুনা গুজরাত্ত অচৌবা সেমিকন্দক্তর প্লান্ত অমা লিংখৎলে অমসুং মখা তানা মালেমগী সেমিকন্দক্তর উদ্যোগতা ভারতকী ফিবম ফগৎহল্লে। হায়রিবা থবকশিং অসিনা গুজরাতকী নহারোলশিংদা অনৌবা থবকশিং ফংনবা খুদোংচাবশিং পীরে অমসুং রাজ্য অসিগী শেন-থুম অমসুং চাউখৎপদা মতেং পাংলে। গুজরাতকী দাহুদ, বদোদারা, গোধ্রা, কালোল অমসুং হালোলদা হায়-তেক ইঞ্জিনিয়ারিং অমসুং মেনুফেকচরিং কোরিদোর লিংখৎলে। থা খরগী মমাঙদা এয়বস এশেমব্লি লাইন শঙ্গাদুনা বদোদারা এয়রক্রাফ শাবগী লমদা য়াংনা চাউখৎলক্লি। বদোদারা অসি ভারতকী অহানবা গাতি শক্তি য়ুনিভর্সিতিগী লৈফমনি। সাবলিদা রেল-কার মেনুফেকচরিং ফেক্তর লৈরে অমসুং দাহুদতা লৈবাক অসিগী খ্বাইদগী মপাঙ্গল কনবা লোকোমোতিপশিং শারে।

প্রধান মন্ত্রীনা হায়খি মদুদি গোধ্রা, কালোল অমসুং হালোলদা মেনুফেকচরিং য়ুনিতশিং, অপীকপা উদ্যোগশিং অমসুং এম.এস.এম.ইশিং লৈদুনা গুজরাতকী উদ্যোগ চাউখৎপদা মতেং পাংলে। তুংদা গুজরাত অসি সাইকলশিং, মোতোরসাইকলশিং অমসুং রেলৱে ইঞ্জিনশিংদগী হৌরগা এয়ারক্রাফ ফাওবা পুথোকপগীদমক খঙনরগনি। অসিগুম্বা হায়-তেক ইঞ্জিনিয়ারিং অমসুং মেনুফেকচরিং কোরিদোর অসি মালেমগী ওইনা অতাংবনি, মসিনা উদ্যোগকী পৱারহাওস অমা ওইনা ভারতকী ফিবম ফগৎহল্লে। চাউখৎলবা ভারত অমা শেমগৎনবগীদমক ত্রাইবেলশিংগী লমদম চাউখৎহনবা তঙাইফদে। হৌখিবা চহি ১১ দা ত্রাইবেল খুন্নাই চাউখৎনবা মমাঙদা অমুক্ত ওইখিদ্রিবা মওংদা থবকশিং পায়খৎলে। মহাক্না মতম শাংনা গুজরাতকী ত্রাইবেলশিংগী লমদমদা থবক তৌরকপদগী ফংলকপা লৌশিং অসিনা জাতি থাক্কী থবকশিংদা মতেং পাংলে। মতম অমদা গুজরাত্ত ত্রাইবেল অঙাংশিং সাইন্স তম্বদা খুদোংচাদবা কয়া মায়োক্নখি। ঙসিদি ত্রাইবেলশিংগী মফমশিং শীনবা থুংনা অফবা কলেজশিং, আই.তি.আইশিং, মেদিকেল কলেজশিং লৈরে অমসুং ত্রাইবেলশিংগী কৎথোক্লবা ত্রাইবেল য়ুনিভর্সিতি অনি লৈরে। হৌখিবা চহি ১১ অসিদা এক্লব্যা মোদেল স্কুলশিংগী নেতৱার্কশিংনা ত্রাইবেল মহৈরোয়শিংগী লাইরিক লাইশু তম্বী ফিবম ফগৎহল্লে। দাহুদতা এক্লব্যা মোদেল স্কুল কয়া লৈদুনা ত্রাইবেলশিংগী ইজুকেসন মখা তানা মতেং পাংলি।

প্রধান মন্ত্রীনা হায়খি মদুদি লৈবাক শীনবা থুংনা ত্রাইবেলশিং চাউখৎনবা শিংথাবা য়াবা থবকশিং পায়খৎলে। নিংতম্লবা ভারতকী পুৱারিদা অহানবা ওইনা ত্রাইবেল খুঙ্গংশিং চাউখৎনবা স্কিম অমা হৌদোক্লে। ধরতি আবা জনজাতি গ্রাম উতকার্স অভিয়ান অসি শিংথাবা য়াবা থবক অমনি অমসুং থৌরম অসি পাংথোক্নবা কেন্দ্র সরকারনা লুপা করোর ৮০,০০০ রোম থাদরে। স্কিম অসিগী মখাদা গুজরাত য়াওনা লৈবাক অসিগী খুঙ্গং ৬০,০০০ হেনবদা থবক পায়খৎলে। হিংবগী থাক ৱাংখৎনবা হায়রিবা খুঙ্গংশিং অসিদা মৈ অমসুং ঈশিং ফংহল্লে, লম্বীশিং, স্কুলশিং অমসুং হোস্পিতালশিং শেমগৎলে। ত্রাইবেল ইমুংশিংগী পাক্কাগী য়ুমশিং শারে।

প্রধান মন্ত্রীনা হায়খি মদুদি চহি কয়া তঙাইফদবা খুদোংচাবশিং ফংদনা লাক্লবা ফিবম য়াম্না শোক্না হিংলিবা ত্রাইবেলশিংগীদমক সরকারনা পি.এম জনমন য়োজনা হৌদোক্লে। স্কিম অসিগী মখাদা ত্রাইবেল খুঙ্গংশিংগীদমক অনৌবা ইনফ্রাস্ত্রকচরশিং অমসুং খুদোংচাবশিং শেমগৎলে অমসুং অনৌবা থবকশিং ফংহল্লে অমসুং হায়রিবা ফুরুপশিং অসিগী শেন-থুম অমসুং খুন্নাইগী ফিবম ফগৎহল্লে।

ত্রাইবেল মীয়াম সিক্কল সেল এনেমিয়াদগী মনিংতমহন্নবা সরকারনা নেসনেল মিসন অমা হৌদোক্লে অমসুং মিসন অসিগী মখাদা ত্রাইবেল মীয়াম মিল্লিয়ন কয়া লায়না অসি লৈবরা হায়না য়েংথোক্লে। শোৎথনা লৈবা মফমশিং য়াংনা চাউখৎনবা সরকারনা থবক কয়া পায়খৎলে। মমাঙদা চাউখৎতবনি হায়না খঙনরম্বা জিলা ১০০ হেন্না ত্রাইবেলশিংনা মশিং য়াম্না তাবা মফমশিংনি। দাহুদ অসিগুম্বা জিলা অমনি অমসুং ঙসিদি জিলা এস্পিরেসনেল জিলা অমা ওইরে, অনৌবা ইনফ্রাস্ত্রকচর অমসুং অফবা খুদোংচাবশিংগা লোয়ননা অওনবা অমা পুরক্লে। সাউথ দাহুদ অসি ঈশিং ফংদবগী অৱাবা মায়োক্নরি, অদুবু হৌজিক কিমি চা কয়াগী পাইপলাইনশিং তিংলে, য়ুমথোং খুদিংদা নরমাদা তুরেলগী ঈশিং ফংহল্লে। হৌখিবা চহি ১১ দা উমারগ্রামদগী হৌরগা অম্বাজি ফাওবগী লম একর লাখ ১১ হেন্না ঈশিং ফংহন্দুনা ত্রাইবেল মীয়াম লৌ উবদা নুংঙাইহল্লে।

প্রধান মন্ত্রীনা হায়খি মদুদি দাহুদ অসি কৎথোকপগী লমদম অমনি, তাইবংপাল অসি ঙাক-শেন্নবগীদমক দুধিমাতি তুরেলগী মপান্দা মহারিসি দাধিচিনা মহাক্কী থৱায় থাখি। লমদম অসিনা নিংতম লান্মী তাত্যা তোপে শৌগৎখি অমসুং গুরু গোবিন্দ অমসুং ত্রাইবেল লান্মী কয়ানা থৱায় কৎখিবা অদুগী খুদম ওইনা মনগর ধাম লৈরি। ভারতকী নাৎকী চৎনবীশিংনা অরানবগী মায়োক্ত থবক লৌখৎনবা তকশিনখি অমসুং তেরোরিস্তশিংনা পেহালগামদা লান্দারকখিবা মতুংদা লৈবাক অসি তুমিন্না লৈগদরা হায়বগী ৱাহং অমা লাকখি। ওপরেসন সিন্দুর অসি শুপ্নগী মিলতরিগী থবক অমা নত্তে, মসি ভারতমচা ঐখোয়গী গুনশিং অমসুং ৱাখল্লোনশিং ফোঙদোকপা অমনি। মখোয়না পাংথোক্লিবা থবকশিং অদুগী ফল করি ওইগনি হায়বা তেরোরিস্তশিং খঙখিদে অমসুং মচাশিংগী মমাঙদা মপা অমা তমথিনা হাৎখি। অসিগুম্বা শক্তমশিং অসিনা লৈবাক শীনবা থুংনা অশাওবা পোকহনখি অমসুং ভারতমচা করোর ১৪০ না তেরোরিজম শিংনখি। লৈবাক অসিগী লুচিংবা অমা ওইনা মহাক্কী থৌদাং পাংথোক্নবা, ভারতকী আর্মদ ফোর্সশিং মনিংতম্বা মপুংফানা পীখি অমসুং চহি কয়া উখিদ্রিবা ওপরেসন অমা পাংথোকখি। ঙমখৈগী ৱাংমদা লৈরিবা মরুওইবা তেররগী মফম ৯ মশক খঙদোকখি অমসুং মিনিত ২২ দা থুগায়খি। পাকিস্তানগী মিলিতরিনা খুৎ হন্নবা হোৎনখি অদুবু ভারতকী ফোর্সশিংনা মাইথিবা পীখি। ভারতকী আর্মদ ফোর্সশিংগী থৌনাদা মহাক্না ইকায়খুম্নবা উৎখি আমসুং শেংলবা লমদম দাহুদতগী মখোয়গী থৌনা অমসুং কৎথোকপা ইকায়খুম্নবা উৎখি।

প্রধান মন্ত্রীনা হায়খি মদুদি শেৎতোক্নরবা মতুংদা শেমখিবা লৈবাক অসিনা ভারতকী মায়োক্ত থবক তৌরকখি অমসুং মাঙনবা হোৎনখি। অমরোমদা, ভারতনা লায়রবা মুৎথৎলে, লৈবাক অসিগী শেন-থুমগী ফিবম ফগৎহল্লে অমসুং চাউখৎপা ঙম্লে। লৈবাক অসিগী আর্মদ ফোর্সশিং অমসুং শেন-থুম অনিমক মপাঙ্গল কল্লবা মতমদা বিকসিত ভারত অমা শেমগৎপা ঙমগনি। লৈবাক্কী সেকুরিতি অমসুং শেন-থুম চাউখৎপা অনিমক খুৎশম্ননা চৎমিন্নদুনা মাইকৈ অসিদা সরকারনা লেপ্তনা থবক পায়খৎলি।

প্রধান মন্ত্রীনা হায়খি মদুদি থবক শুবা কনবা দাহুদকী মীয়াম্না অনৌবা শেমগৎলিবা খুদোংচাবশিং অসি ফজনা শীজিন্নগনি অমসুং লৈবাক অসিদা দাহুদ খ্বাইদগী চাউখৎপা জিলাশিংগী মনুংদা জিলা অমা ওইহনগনি। মহাক্না অমুক হন্না দাহুদগী মীয়াম থাগৎপা ফোঙদোকখি অমসুং মখোয়গী কৎথোকপা অমসুং চাউখৎপদা মহাক্কী থাজবা অমুক হন্না থমখি।

ঙসিগী থৌরম অসিদা শরুক য়াখিবা অতোপ্পা শক্নাইরবা মীওইশিংগী মনুংদা গুজরাতকী চীফ মিনিস্তর শ্রী ভুপেন্দ্র পতেল, রেলৱেজ, ইনফোর্মেসন অমসুং ব্রোদকাস্তিং অমসুং ইলেক্ত্রোনিক্স অমসুং ইনফোর্মেসন তেক্নোলোজিগী য়ুনিয়ন মিনিস্তর শ্রী অশ্বিনি বৈষ্ণব য়াওখি।

নুঙগীৱারোল

কন্নেক্তিবিতী হেনগৎহন্নবা অমসুং মালেমগী থাক্কী ত্রেবেল ইনফ্রাস্ত্রকচর শেমগৎনবা মহাক্কী অচেৎপা ফিরেপ অদুগী মতুং ইন্না প্রধান মন্ত্রীনা দাহোদতা ইন্দিয়ন রেলৱেজকী লোকোমোতিব মেনুফেকচরিং প্লান্ত শঙ্গাখ্রে। হায়রিবা প্লান্ত অসিনা দোমেস্তিক ওইনা শীজিন্ননবা অমসুং এক্সপোর্ত তৌনবগীদমক হোর্সপৱার ৯০০০ গী ইলেক্ত্রিক লোকোমোতিবশিং পুথোক্কনি। মহাক্না প্লান্ত অসিদগী পুথোকপা অহানবা ইলেক্ত্রিক লোকোমোতিবসু লমথাখি। লোকোমোতিবশিং অসিনা ইন্দিয়ন রেলৱেজকী ফ্রেৎ লোদিং কেপাসিতী হেনগৎহনবদা মতেং পাংগনি। হায়রিবা লোকোমোতিবশিং অসি রিজেনরেতিব ব্রেকিং সিস্তেমশিং য়াওগনি অমসুং মসি ইনর্জী শীজিন্নবা হন্থহন্নবা দিজাইন তৌরি, মসিনা এনভাইর্নমেন্তেল সস্তেনেবিলিতীদা মতেং পাংগনি।

মসিগী মতুংদা প্রধান মন্ত্রীনা দাহোদতা লুপা করোর ২৪,০০০ হেনবগী চাউখৎ-থৌরাংগী প্রোজেক্ত কয়াগী উরেপ উয়ুং তমখি অমসুং শঙ্গাখি। প্রোজেক্তশিং অসিদা রেল প্রোজেক্তশিং অমসুং গুজরাত সরকারগী তোঙান তোঙানবা প্রোজেক্তশিং য়াওরি। মহাক্না ভেরাবল অমসুং অহমদাবাদকী মরক্তা ভন্দে ভারত এক্সপ্রেস অমসুং ৱালসাদ অমসুং দাহোদ স্তেসনশিংগী মরক্তা এক্সপ্রেস ত্রেন লমথাখি।

Visiting Dahod is always a special experience. The projects launched today will significantly boost rail infrastructure, enhance connectivity and drive economic growth of the region.
https://t.co/jmpewDJajl

— Narendra Modi (@narendramodi) May 26, 2025

140 crore Indians are united in building a Viksit Bharat. pic.twitter.com/yamezWLoGg

— PMO India (@PMOIndia) May 26, 2025

Everything we need for our country’s progress must be made right here, in India. pic.twitter.com/UnplOZEmnU

— PMO India (@PMOIndia) May 26, 2025

ऑपरेशन सिंदूर सिर्फ एक सैन्य कार्रवाई नहीं है…

ये हम भारतीयों के संस्कारों, हमारी भावनाओं की अभिव्यक्ति है: PM @narendramodi pic.twitter.com/iuP9dwk9Jj

— PMO India (@PMOIndia) May 26, 2025

****