ভারতকী প্রধানমন্ত্রী

হান্নগী প্রধান মন্ত্রী অতল বিহারি বাজপায়গী পুন্সি অমসুং অচুম্বা ফিদমশিং ইকায়খুম্নবা উৎতুনা ঙসি উত্তর প্রদেসকী লখনৌদা প্রধান মন্ত্রী শ্রী নরেন্দ্র মোদীনা রাষ্ট্র প্রেরনা স্থাল শঙ্গাখ্রে। শ্রী বাজপায়গী ১০১ শুবা মপোক নুমিৎকা মরী লৈননা পাংথোকপা থৌরম অদুদা প্রধান মন্ত্রীনা হায়খি ঙসি লখনৌদা অনৌবা ইথিলগী খুদম অমা উবা ফংলে। মহাক্না লৈবাক অসিগী অমসুং মালেমগী মীয়ামদা খৃষ্টমাসকী য়াইফ পাউজেল পীখি। মহাক্না হায়খি মদুদি ঙসি ভারত্তসু খৃষ্টিয়ান ইমুং লাখ কয়া কুহ্মৈ অসি পাংথোক্লি। খৃষ্টমাস কুহ্মৈ পাংথোকপা অসিনা মীওই খুদিংমক্কী পুন্সিদা হরাওবা পুরকপা হায়বসি ঐখোয় খুদিংমক্কী অনিংবনি।

দিশেম্বর ২৫ দা লৈবাক অসিগী শক্নাইরবা মীওই অনিগী মপোক নুমিৎশিংগী থৌরমশিং পাংথোক্লিবা অসি পল্লদুনা, প্রধান মন্ত্রীনা হায়খি ভারতকী শক্তম, অপুনবা অমসুং চাউথোকচবা ঙাক-শেন্নবগীদমক ভারত রত্ন অতল বিহারি বাজপায় জি অমসুং ভারত রত্ন মহামনা মদন মোহন মালবীয় জি মখোয়গী পুন্সিশিং কৎথোকখি। মখোয়গী য়াম্লবা থবকশিংগী খুৎথাংদা লুচিংবা অনিমক্না লৈবাক শেমগৎপদা মুৎপা নাইদ্রবা মমি অমা তাহল্লমখি।

দিশেম্বর ২৫ অসি মহারাজ বিজলি পাসি জিগী মপোক নুমিৎসুনি হায়না পল্লদুনা, প্রধান মন্ত্রীনা হায়খি মদুদি লখনৌগী মমিং লৈরবা বিজলি পাসি ফোর্ত মফম অসিদগী য়াম্না লাপত্রে অমসুং পাসি ফুরুপনা চাউথোকচনা মাঙলোমদা পুখৎলিবা থৌনা ফাবা, অফবা লৈঙাক অমসুং কাংলুপ খুদিংমক কোনশিনবগী পুৱারি অমা মহারাজ বিজলি পাসিনা থম্লমখি। ২০০০ দা অতল জিনা মহারাজ বিজলি পাসি ইকায়খুম্নবা উৎতুনা পোষ্টেজ ষ্টাম্প অমা ফোঙখি। প্রধান মন্ত্রীনা মহামনা মালবীয় জি, অতল জি অমসুং মহারাজ বিজলি পাসিগী মফমদা ইকায়খুম্নবা উৎখি।

প্রধান মন্ত্রীনা হায়খি মদুদি ঙাইহাক্কী মমাঙদা মহাক্না মশানা মশাবু ইকায়খুম্নবা, অপুনবা অমসুং থবক্কী মাইকৈদা ভারত লমজিংলিবা পান্দম অমগী খুদম অমা ওইরিবা রাষ্ট্র প্রেরনা স্থাল শঙ্গাখ্রে। দোক্তর শ্যামা প্রসাদ মুকর্জি, পন্দিৎ দিন দয়াল উপাধ্যায় জি অমসুং অতল বিহাজরি বাজপায় জিগী অচৌবা মীতমশিং লৈরে, অদুবু মখোয়না পীখিবা ইথিলনা হেন্না চাউখি। খোঙথাং খুদিং, থবক খুদিংমক লৈবাক শেমগৎনবা কৎথোক্কদবনি অমসুং অপুনবগী থবক খক্তনা বিকসিত ভারত অমগী মঙলান মঙফাওনবা ঙমগনি হায়বগী পাউজেল অমা রাষ্ট্র প্রেরনা স্থাল অসিনা পীরি। অনৌবা মতমগী ইথিল পীনবা মফম অসিগীদমক লাখনৌ, উত্তর প্রদেস অমসুং লৈবাক শীনবা থুংনা প্রধান মন্ত্রীনা হরাওবা ফোঙদোকখি। মহাক্না হায়খি মদুদি রাষ্ট্র প্রেরনা স্থাল শাগৎলিবা মফম অসি চহি কয়া লম একর ৩০ হেনবদা অমোৎপশিংগী চীঙজাউ অমা লৈরমখি, হৌখিবা চহি অহুমদা মসি মপুংফানা শেংদোকখি। প্রোজেক অসিদা শরুক য়াখিবা শিন্মীশিং, খুৎহৈবশিং, প্লান্নরশিং প্রধান মন্ত্রীনা থাগৎপা ফোঙদোকখি অমসুং মখোয়গী থবকশিংগীদমক চীফ মিনিষ্টর অমসুং মহাক্কী কাংবু অখন্নবা ওইনা থাগৎপা ফোঙদোকখি।

লৈবাক অসিগী মাইকৈ তাকপদা দোক্তর শ্যামা প্রসাদ মুকর্জিনা লৌখিবা অকনবা থৌদাং পল্লদুনা, প্রধান মন্ত্রীনা হায়খি মদুদি ভারতকী সংবিধান অনি, ইমব্লেম অনি অমসুং প্রধান মন্ত্রী অনিগী ৱাফমশিং দোক্তর মুকর্জিনা য়াখিদে। নিংতম্বা ফংলবা মতুংদা ফাওবা জম্মু অমসুং কাস্মিরগী ওইরবা ফিবম অসিনা ভারতকী অপুনবগী শক্তমদা অচৌবা শিংনবা অমা ওইখি। মখোয়গী সরকারনা আর্তিকল ৩৭০ গী ফক্লাং অসি থুগায়খিবনি অমসুং ঙসিদি জম্মু অমসুং কাস্মিরদা ভারতকী সংবিধান মপুংফানা চৎনরে।

প্রধান মন্ত্রীনা হায়খি মদুদি নিংতম্লবা ভারতকী অহানবা উদ্যোগ মন্ত্রী ওইনা, দোক্তর মুকর্জিনা শেন-থুমগী মশা-মরোমদোম লেপচনবা য়ু্ম্ফম থোল্লমখি অমসুং লৈবাক অসিগী অহানবা উদ্যোগকী থৌশিল শেমদুনা ভারত্ত উদ্যোগ চাউখৎনবা য়ুম্ফম থোনখি। ঙসিদি, ভারতকী পোৎথোকশিং মালেম শীনবা থুংনা য়ৌদুনা, হায়রিবা অত্মনির্ভরগী লাইৱা অদু অনৌবা থাকশিংদা পুখৎলে। উত্তর প্রদেসতা জিলা অমা, পোৎথোক অমগী অচৌবা কেম্পেন অমা চৎথরি, অপীকপা উদ্যোগশিং অমসুং অপীকপা য়ুনিতশিং ফিবম ফগৎলে। মসিগা লোয়ননা উত্তর প্রদেসতা অচৌবা দিফেন্স কোরিদোর অমা শেমগৎলি। ওপরেসন সিন্দুর মনুংদা মালেম্না উখ্রবা ব্রাহ্মোস মিসাইল হৌজিক লখনৌদা শারে। উত্তর প্রদেসকী দিফেন্স কোরিদোর দিফেন্স মেনুফেকচরিংগীদমক মালেম্না মশক খঙগদবা নুমিৎ অদু কুইদ্রে।

চহি কয়াগী মমাঙদা পন্দিৎ দিন দয়াল উপাধ্যায় জিনা অন্তয়োদয়াগী মঙ মঙখিবা অদু পল্লদুনা, প্রধান মন্ত্রীনা হায়খি মদুদি পরেং শাংনা লেপ্পদা খ্বাইদগী মনিং থংবা মীওই অদুগী মাইথোংগী মীনোক অদুনা ভারতকী চাউখৎপা ওনগদবনি হায়বসি দিনদয়াল জিগী থাজবনি। হকচাং, ৱাখল, লৌশিং অমসুং থৱায় পুন্না চাউখৎমিন্নবা অপুনবা মীওইবগী ওইবা ৱাখল্লোন অমগী মতাংদা দিনদয়াল জিনা ৱা ঙাংখি। মহাক মশাগী ৱারেপনা দিনদয়াল জিগী মঙলান থবক ওইনা পায়খৎলি অমসুং ঐখোয়না অন্তয়োদয়াগী মপুংফাবগী অনৌবা মশক অমা তাক্লে, হায়বদি লায়রবা অমসুং বেনিফিসরি খুদিংমক সরকারগী য়াইফ থৌরাংশিংগী স্কিমশিংগী মখাদা লৈগদবনি। মীওই চাদা ১০০ কান্নবা ফংহনবগী ৱাখল্লোন লাকপদা, মীচং-মীখাই নাইবা লৈতে অমসুং মসি অফবা লৈঙাক, অশেংবা খুন্নাইগী অচুম্বা অমসুং অশেংবা লাইনিংদা য়ুম্ফম ওইদবনি। ঙসি লৈবাক অসিদা মীওই লাখ কয়া মীচং-মীখাই নাইদনা অহানবা ওইনা পাক্কাগী য়ুমশিং, তোইলেতশিং, তোতি ঈশিং, মৈ অমসুং গ্যাস ফংলে। মীওই লাখ কয়া অহানবা ওইনা লেম্না চেঙ অমসুং লেম্না লায়য়েংবা ফংলে। পরেং শাংনা লেপ্পদা খ্বাইদগী মনিং থংবা মীওই ফংনবা থবকশিং পায়খৎপা মতমদা, পন্দিৎ দিনদয়াল জিগী পান্দম ফংনবা অচুম্বা পাংথোক্লে।

প্রধান মন্ত্রীনা হায়খি মদুদি হৌখিবা চহি ১০ দা, ভারতমচা করোর কয়া লায়রবা কোক্লে। মসি পরেং শাংনা লেপ্পদা মনিংদা লৈহৌরবা মীওইশিং সরকারনা মরুওইনা লৌবদগী ওইরকপনি। ২০১৪ গী মমাঙদা, মীওই করোর ২৫ রোম সোসিএল সেকুরিতি স্কিমশিংনা কোনশিনখি, ঙসিদি ভারতমচা করোর ৯৫ রোম সেকুরিতি অসিগী মনুংদা লৈরে, মসিদা উত্তর প্রদেসকী মশিং য়াম্লবা বেনিফিসরিশিং য়াওরি। মতম অমদা মীওই খর খক্ত বেঙ্ক একাউন্তশিং হাংখি অমসুং ইনাকখুনবশিং খক্তদা ইন্সুরেন্স য়াওখি। খ্বাইদগী তোল্লবা মীওইশিংদা ইন্সুরেন্সগী খুদোংচাবা ফংনবা মহাক্কী সরকারনা দাইত্ব লৌখি। মসিগীদমক, প্রধান মন্ত্রী জিবন জয়তি বিমা য়োজনা হৌদোক্লে অমসুং অপীকপা প্রেমিয়ম অমা পীরগা লুপা লাখ অনিগী ইন্সুরেন্স পীরে অমসুং ঙসিদি লায়রবা মীওই করোর ২৫ হেন্না স্কিম অসিদা শরুক য়ারে। মতম অমদা ইন্সুরেন্সগী ৱাখল ফাওবা খনখিদবা লায়রবা মীওই করোর ৫৫ রোম প্রধান মন্ত্রী সুরক্ষা বিমা য়োজনাগী মখাদা একসিদেন্দ ইন্সুরেন্স য়াওরে। হায়রিবা স্কিমশিং অসিনা বেনিফিসরিশিংদা লুপা করোর ২৫,০০০ রোমগী ক্লেমশিং ফংহনখ্রে, মসিনা তাকপদি অৱাবা তারকপা মতমদা শেনফম অসিনা লায়রবা ইমুংশিং মতেং পাংলে হায়বনি।

প্রধান মন্ত্রীনা হায়খি মদুদি অতল জিগী মপোক নুমিৎ অসি অফবা লৈঙাক্কী হরাওবা ফোঙদোক্নবা নুমিৎ অমসুনি। মতম কয়া শাংনা, লায়রবা কোকহনবগুম্বা খোল্লাউশিং লৈবাক ঙাকপনি হায়না খন্নরমখি, অদুবু অতল জিনা তশেংনা অফবা লৈঙাক থবক ওইনা পাংথোকখি। ঙসি দিজিতেল আইদেন্তিগী মরমদা ঙাংনরি, মসি অতল জিগী সরকারনা য়ুম্ফম থোনখিবনি। মতম অদুদা হৌদোকখিবা অখন্নবা কার্দকী থবক অদু ঙসি আধার হায়না মালেম্না মশক খঙলে। ভারত্ত তেলিকোমগী অহোংবা পুরকপগী থবক য়াংশিনবগী মনা অতল জিদা পীরি। মহাক্না সরকারনা শেমখিবা তেলিকোম থৌশিলনা য়ুমথোঙ খুদিংদা ফোনশিং অমসুং ইন্তরনেত য়ৌহনবদা য়াম্না লাইখি, ঙসিদি মালেমদা খ্বাইদগী য়াম্না মোবাইল ফোন অমসুং ইন্তরনেত শীজিন্নবা লৈবাকশিংগী মনুংদা ভারত য়াওরে।

প্রধান মন্ত্রীনা হায়খি মদুদি হৌখিবা চহি ১১ দা ভারত মালেমদা অনিশুবা খ্বাইদগী চাউবা মোবাইল শাবা লৈবাক অমা ওইবদা অতল জি হরাওগনি। অতল জিনা এম.পি অমা ওইনা থবক তৌখিবা উত্তর প্রদেস ঙসিদি ভারত্ত মোবাইল শাবদা মকোক্ত লৈবা রাজ্য ওইরে। লম্বী-থোঙগী অতল জিগী মঙলান্না ২১ শুবা চহিচাগী ভারত্ত য়াম্না ঙন্না থৌনা হাপখি। খুঙ্গংশিংগী লম্বী শেম্নবা খোঙজং অতল জিগী সরকারনা হৌদোকখিবনি অমসুং গোল্দন ক্বাদ্রিলেতরেল হায়ৱে পাকথোকপগী থবক হৌদোকখি।

প্রধান মন্ত্রীনা মখা তানা হায়খি মদুদি ২০০০ দগী প্রধান মন্ত্রী গ্রাম সরক য়োজনাগী মখাদা কিমি লাখ ৮ রোমগী খুঙ্গংগী লম্বীশিং শেমখ্রে, মসিগী মনুংদা কিমি লাখ ৪ রোম হৌখিবা চহি ১০-১১ দা শেমখিবনি। ঙসিদি লৈবাক শীনবা থুংনা মমাঙদা অমুক্ত ওইখিদ্রিবা খোঙজেলদা এক্সপ্রেসৱেশিং শেমগৎলে। অতল জিনা দিল্লি মেত্রো হৌদোক্লম্বনি অমসুং ঙসিদি লৈবাক অসিগী সহর ২০ হেনবদা মেত্রো নেতৱার্কশিংনা মীওই লাখ কয়াগী পুন্সি নুংঙাইহল্লে। মখোয়না শেমখিবা অফবা লৈঙাক হৌজিক পাকথোক-চাউথোক্লে অমসুং কেন্দ্র অমসুং রাজ্যশিংগী মখোয়গী সরকারশিংনা অনৌবা মশক অমা তাক্লে।

প্রধান মন্ত্রীনা হায়খি মখোয়গী মীৎয়েং শানবা থবক অমসুং অচৌবা মীতমশিংগা লোয়ননা, দোক্তর শ্যামা প্রসাদ মুকর্জি, পন্দিৎ দিনদয়াল উপধ্যায় জি অমসুং অতল বিহারি বাজপায় জিগী ইথিলনা, বিকসিত ভারত অমগী অকনবা য়ু্ম্ফম থোল্লে। মীতমশিং অসিনা লৈবাক অসিদা অনৌবা থৌনানা থল্লে। নিংতম্লবা মতুংদা, ভারত্ত অফবা থবক খুদিংমক- লাইরিকশিং, সরকারগী স্কিমশিং, মহৈলোয়শঙশিং, লম্বীশিং নত্ত্রগা ইসক্বারশিং ইমুং অমা খক্তগা শম্নবগী ফিবম অমা লৈখি, খুদিংমক ইমুং অমা, মখোয়গী মিংশিং অমসুং মখোয়গী মীতমশিংগা মরী লৈনহনখি। ইমুং অমা খক্তগী ওইদুনা লৈবা অরিবা থবক অসিদগী লৈবাক অসি মখোয়গী দলনা মনিংতমহল্লে। ইমা ভারতকী শিবা নাইদ্রবা মচা খুদিংমক অমসুং লৈবাক্কীদমক পাংথোকখিবা থবক মহাক্কী সরকারনা ইকায়খুম্নবা উৎলে। দিল্লিগী কর্তব্যা পথতা নেতাজি সুভাস চন্দ্র বোসকী মীতম লৈরে অমসুং নেতাজিনা মচু অহুমগী ফিরাল পাইহনখিবা অন্দমানগী ইথৎ মহাক্কী মমিংদা থোল্লে। বাবাসাহেব অম্বেদকারগী থবকশিং মুৎথৎনবা কমদৌনা হোৎনখিবগা হায়বা কনা অমতনা কাউবা ঙম্লোই। ওপোজিসন দলশিংনা মসিগী পাপ অসি দিল্লি অমসুং উত্তর প্রদেসতা পাংথোকখি। বাবাসাহেবকী থবকশিং মুৎথৎপা য়ারোই হায়না মখোয়গী দলনা থবক পায়খৎখি। ঙসিদি, দিল্লদগী লন্দন ফাওবা,  বাবাসাহেব অম্বেদকারগী পঞ্চতির্থনা মহাক্কী থবকশিং মশক তাক্লে।

প্রধান মন্ত্রীনা হায়খি মদুদি নিংথৌ পানবা লৈবাক চা কয়াগী লৈবাক অমা সরদার পতেলনা পুনশিনখি, অদুবু নিংতম্লবা মতুংদা, মহাক্কী থবকশিং অমসুং থাক মাঙহন্নবা থবক কয়া পায়খৎখি। মখোয়না সরদার পতেলদা উৎফম থোকপা ইকায়খুম্নবা উৎপনি। মখোয়গী সরকারনা মালেমদা খ্বাইদগী ৱাংবা সরদার পতেলগী মীতম শাখিবনি অমসুং ইথিল পীনবা মফম অমা ওইনা এক্ত নাগর শেমগৎলে। চহি খুদিংগী ওক্তোর ৩১ দা মফম অসিদা লৈবাক অসিনা নেসনেল য়ুনিতি দে পাংথোক্লি।

প্রধান মন্ত্রীনা হায়খি মদুদি চহি কয়া ত্রাইবেলশিংনা পাংথোকখিবা থবকশিং ইকায়খুম্নখিদে। মহাক্কী সরকারনা ভগবন বিরসা মুন্দাগী অচৌবা মেমোরিএল অমা শাখিবনি অমসুং চয়োল খরগী মমাঙদা ছতিসগরদা সহিদ বীর নরায়ান সিংহ ত্রাইবেল ম্যুজিয়ম শঙ্গাখ্রে। মখোয়গী সরকার লাক্লবা মতমদা উত্তর প্রদেসতা মহারাজা সুহেলদেবগী মেমোরিএল শাখ্রে অমসুং হৌজিক ইকোন কোনবদা ভগবন শ্রী রামদা উৎফম থোকপা ইকায়খুম্নবা উৎলে। রাজা মহেন্দ্র প্রতাপ সিংহদগী হৌরগা চৌরি চাওরাগী অথৌবশিংদা, ইমা ভারতকী থবক তৌখিবা মপারিশিং নিংশিংলে অমসুং ইকায়খুম্নবা উৎলে।

প্রধান মন্ত্রীনা হায়খি মদুদি ইমুং-মনুংগী রাজনিতিগী তোখায়বা মশক অমা লৈরি অমসুং থাজনিঙাই ওইদে। মখোয়গী ইমুং হেন্না চাউনবা অমসুং মখোয়গী শক্তি লেংদনা লৈনবা অসিগুম্বা লুচিংবশিংনা অতোপ্পশিং মাঙহল্লি। মসিগী ৱাখল্লোন অসিনা ভারত্ত রাজনিতিগী শোক্ন-শম্নবা য়াদবা হৌদোকখি। নিংতম্লবা ভারত্ত প্রধান কয়া থবক তৌখ্রবসু, দিল্লিদা লৈবা ম্যুজিয়মশিংনা মখোয় মীরাইখি। মখোয়গী সরকারনা ফিবম অসি চুমথোক্লে আমসুং ঙসি কনাগুম্বা অমনা দিল্লিদা লাকপদা, অচৌবা প্রাইম মিনিষ্টরস ম্যুজিয়মনা মখোয় তরাম্না ওক্লি, মখোয়গী মতম কয়া য়াম্না তেনবগী হায়বগী ৱাফম থিদনা নিংতম্লবা ভারতকী প্রধান মন্ত্রী খুদিংমক উৎপা থোকপা ইকায়খুম্নবা উৎলে অমসুং মফম অমা পীরে।

প্রধান মন্ত্রীনা হায়খি ওপোজিসন অমসুং মসিগা চৎমিন্নরিবা দলশিংনা মতম পুম্নমক্ত মখোয়গী দল রাজনিতিগী শোক্নবা য়াদবা ওইহনখি, অদুবু মখোয়গী দলনা মীওই খুদিংমক ইকায়খুম্নবা উৎনবা গুনশিং তম্বীখি। হৌখিবা চহি ১১ দা, মখোয়গী সরকার মনুংদা, শ্রী নরসিমহা রাও জি অমসুং শ্রী প্রনাব মুখর্জি জিদা ভারত রত্ন পীখি। মহাক্কী সরকারনা শ্রী মুলায়াম সিংহ যদব জি অমসুং শ্রী তরুন গোগোই জিদা নেসনেল এৱার্দশিং পীখিবনি, মসি ওপোজিসন অমসুং মখোয়গা চৎমিন্নরবা দলশিংদগী কৈদৌঙৈদা থাজবা লৈত্রবনি।

প্রধান মন্ত্রীনা হায়খি মদুদি কেন্দ্র অমসুং রাজ্যগী মখোয়গী সরকারশিংনা উত্তর প্রদেসদা অচৌবা কান্নবা পীরে, ২১শুবা চহিচাগী ভারত্ত তোপ-তোপ্পা মশক অমা তাক্লে। মহাক উত্তর প্রদেসকী এম.পি অমা ওইনা চাউথোকচবগা লোয়ননা হায়রি মদুদি থবক শুবা কনবা রাজ্য অসিগী মীয়াম্না অনৌবা তুংলমচৎ অমা শেম্লি। লো অমসুং ওর্দর ফত্তবগী মতাংদা মতম অমদা উত্তর প্রদেস মমিং চৎখি, ঙসিদি চাউখৎপগী মমিং চৎলে। অয়োধ্যাদা রাম মন্দির লৈদুনা লৈবাক অসিগী তুরিজমগী মেপতা উত্তর প্রদেস য়াওরে আমসুং কাসি বিশ্বনাথা ধাম অসিনা মালেমদা রাজ্য অসিগী অনৌবা মশক তাকপগী খুদমশিং ওইরে। রাষ্ট্র প্রেরনা স্থালগুম্বা অনৌবা ষ্ট্রকচরশিংনা মখা তানা উত্তর প্রদেসকী অনৌবা শক্তমশিং হেন্না ফগৎহনগনি।

উত্তর প্রদেস অফবা লৈঙাক, নুংঙাই-য়াইফবা অমসুং অশেংবা খুন্নাইগী অচুম্বগী নমুনা অমা ওইনা হেন্না মাইপাকপা ঙম্নবা য়াইফ পাউজেল পীবগা লোয়ননা প্রধান মন্ত্রীগী ৱারোল লোইশিনখি অমসুং রাষ্ট্র প্রেরনা স্থালদা মীয়াম অমুক হন্না থাগৎপা ফোঙদোকখি।

থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা উত্তর প্রদেসকী রাজ্যপাল শ্রীমতি অনন্দিবেন পতেল, উত্তর প্রদেসকী চীফ মিনিষ্টর শ্রী য়োগী অদিত্যনাথ, য়ুনিয়ন মিনিষ্টরশিং শ্রী রাজনাথ সিংহ, শ্রী পঙ্কজ চৌধুরি য়াওখি।

নুঙগীৱারোল

নিংতম্লবা ভারতকী শক্নাইরবশিং ইকায়খুম্নবা উৎনবা প্রধান মন্ত্রী শ্রী নরেন্দ্র মোদীগী পান্দম্না লমজিংদুনা, লৈবাক্কী গনতন্ত্র, রাজনিতি অমসুং চাউখৎপগী খোঙচত্ত অকনবা ইথিল অমা পীখিবা ভারতকী খ্বাইদগী মমিং লৈরবা রাজনিতিৱালাগী থবক, পুন্সি অমসুং অচুম্বা ফিদমশিংদা রাষ্ট্র প্রেরনা স্থালনা ইকায়খুম্নবা উৎকনি। 

লৈবাক্কী মেমোরিএল অমসুং ইথিল পীনবা মফম অমা ওইনবা রাষ্ট্র প্রেরনা স্থাল শেমগৎপনি। মসি লুপা করোর ২৩০ রোম চঙনা অমসুং লম একর ৬৫ রোমদা শেমগৎপনি অমসুং মফম অসিনা লুচিংবগী গুনশিং, লৈবাক্কী থবক তৌবা, নাৎকী ৱাখল তাবা অমসুং মীয়াম ইথিল পীবগী থবক ফগৎনবা লৈবাক্কী মফম অমা ওইনবা পান্দম থম্লি।

ভারতকী রাজনিতিগী ৱাখল, লৈবাক শেমগৎপা অমসুং মীয়ামগী পুন্সিদা মখোয়না পাংথোকখিবা থবকশিংগী খুদম ওইনা, মফম অসিদা দোক্তর শ্যামা প্রসাদ মুকর্জি, পন্দিৎ দিনদয়াল উপাধ্যায় অমসুং হান্নগী প্রধান মন্ত্রী শ্রী অতল বিহারি বাজপায়গী ফিত ৬৫ ৱাংবা শেঞ্জেংগী মীতমশিং লৈরি। মসিদা ইসক্বার ফিত ৯৮০০০ রোম পাক-চাউবা থম্বাল মওংগী ম্যুজিয়ম অমসু য়াওরি। ম্যুজিয়ম অসিদা ভারতকী লৈবাক্কী খোঙচৎ অমসুং লুচিংবশিংনা পাংথোকখিবা থবকশিং দিজিতেল অমসুং অনৌবা তেক্নোলোজিশিংগী খুৎথাংদা অয়েংবশিংদা উৎকনি।

মশাগী ওইজবা থিদনা লুচিংবা ওইবা অমসুং অফবা লৈঙাক পুরকখিবগী অচুম্বা ফিদমশিং য়োকখৎনবা অমসুং ঙাক-শেন্নবা মরুওইবা মফম অমা ওইনবা রাষ্ট্র প্রেরনা স্থাল শঙ্গাবনি অমসুং মসিনা হৌজিক অমসুং তুংগী মীরোলশিংদা ইথিল পীনবা হৌরকফম অমা ওইগনি।

पूर्व प्रधानमंत्री भारत रत्न श्रद्धेय अटल बिहारी वाजपेयी जी की जयंती के अवसर पर उत्तर प्रदेश के लखनऊ में ‘राष्ट्र प्रेरणा स्थल’ का उद्घाटन करना मेरे लिए परम सौभाग्य की बात है।
https://t.co/P48AtZ8RWB

— Narendra Modi (@narendramodi) December 25, 2025

Rashtra Prerna Sthal symbolises a vision that has guided India towards self-respect, unity and service. pic.twitter.com/gglaLfS6Ce

— PMO India (@PMOIndia) December 25, 2025

Sabka Prayas will realise the resolve of a Viksit Bharat. pic.twitter.com/iJlDMRVf6B

— PMO India (@PMOIndia) December 25, 2025

हमने अंत्योदय को saturation यानि संतुष्टिकरण का नया विस्तार दिया है। pic.twitter.com/hnp0WMpzY5

— PMO India (@PMOIndia) December 25, 2025

***