ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা কেরলাগী তিরুবনন্থপুরমদা তোঙান তোঙানবা চাউখৎ-থৌরাংগী প্রোজেকশিং উরেপ-উয়ুং তমখ্রে, শঙ্গাখ্রে অমসুং লমথাখ্রে। থৌরম অদুদা মীয়ামদা ৱা ঙাংবদা, প্রধান মন্ত্রীনা হায়খি কেরলা চাউখৎনবা কেন্দ্র সরকারগী থবকশিং ঙসিদি অনৌবা খোঙজেলদা চেল্লে। কেরলাদা রেলগী চৎথোক-চৎশিন ফগৎহল্লে অমসুং তিরুবনন্থপুরম ষ্টার্দঅপশিংগী মরুওইবা মফম অমা ওইহন্নবা থবকশিং পায়খৎলে। ঙসি কেরলাদগী, লায়রবগী য়াইফনবা লৈবাক শীনবা থুংবগী অচৌবা থবক অমা হৌদোক্লে; পি.এম শ্বানিধি ক্রেদিৎ কার্দ হৌদোক্লে, লোয়নন মসিনা মসিনা লৈবাক শীনবা থুংনা লম্বী নাকলদা পোৎ-চৈ য়োল্লিবশিং অমসুং খোঙলম্বীশিংদা থবক তৌরিবশিংদা কান্নবা পীরগনি। চাউখৎ-থৌরাংগী থবকশিং অমসুং থবক ফংহন্নবা থবকশিং অসিগীদমক কেরলাগী মীয়াম অমসুং লৈবাক শীনবা থুংবগী মীয়ামদা হরাওবা ফোঙদোকচরি।

প্রধান মন্ত্রীনা হায়খি মদুদি বিকসিত ভারত অমা ওইহন্নবা লৈবাক অসিগী থবকশিংনা মরম ওইদুনা ঙসিদি লৈবাক শীনবা থুংনা অমতা ওইরে। মিসন অসিদা সহরশিংনা মরুওইবা থৌদাং অমা লৌরি অমসুং হৌখিবা চহি ১১ দা, কেন্দ্র সরকারনা সহরগী ইনফ্রাষ্ট্রকচর শেমগৎনবা শিংথাবা য়ানা শেন থাদরে। সহরশিংদা লৈরিবা লায়রবা ইমুংশিংগীসু কেন্দ্র সরকারনা অকনবা থবকশিং পায়খৎলে। প্রধান মন্ত্রী অৱাস য়োজনাগী মখাদা, য়ুম করোর ৪ হেন্না শাখ্রে অমসুং সহরগী লায়রবশিংগী য়ুম করোর ১ য়াওনা লৈবাক শীনবা থুংবগী লায়রবশিংদা ফংহনখ্রে। কেরলা খক্তদা সহরগী লায়রবা ইমুং লাখ ১.২৫ রোম মখোয়গী য়ুমশিং ফংলে।

প্রধান মন্ত্রীনা হায়খি মদুদি লায়রবা ইমুংশিংনা মৈগী চাদিং হন্থহন্নবা, প্রধান মন্ত্রী সুর্য়া ঘর মুফ বিজলী য়োজনা হৌদোক্লে। অয়ুস্মান ভারতকী মখাদা, লায়রবা মীওইশিংনা লুপা লাখ ৫ গী লেম্না লায়য়েংবা ফংলে অমসুং নুপীশিংগী হকশেলগী ফিবম ফগৎনবা মাত্রু বন্দনা য়োজনাগুম্বা স্কিমশিং হৌদোক্লে। কেন্দ্র সরকারনা লুপা লাখ ১২ ফাওবা ইনকম তেক্স লৌদবদগী মসিনা কেরালগী মিদল ক্লাস অমসুং তোলোব চাবা মীওইশিং য়াম্না কান্নরে।

প্রধান মন্ত্রীনা হায়খি হৌখিবা চহি ১১ দা, মীওই করোর কয়া বেঙ্কগা শম্ননবা অকনবা থবকশিং পায়খৎখ্রে। হৌজিক লায়রবা, এস.সি, এস.তি, ও.বি.সি, নুপীশিং অমসুং ঙামীশিং লাইনা বেঙ্কগী লোনশিং লৌবা য়ারে, মসিদা কেন্দ্র সরকারনা মখোয়গী গরেন্তর ওইনা থবক তৌরি।

প্রধান মন্ত্রীনা মখা তানা হায়খি মদুদি মতম অমদা শেন্দোয় য়াম্না চাউনা লুপা চা খর ফাওবা পুনবা হোৎনবদা অৱাবা কয়া মায়োক্নখিবা লম্বী নাকলদা পোৎ-চে য়োনবা মীওইশিং, পি.এম শ্বানিধি স্কিমগী মখাদা অওনবা পুরক্লে। অহানবা ওইনা লৈবাক শীনবা থুংবগী লম্বী নাকলদা পোৎ-চে য়োনবা মীওই লাখ কয়া বেঙ্কশিংদগী লোনশিং ফংলে, মখোয়গী হিংনবগী খুদোংচাবশিং ফংবা হেনগৎলে।

প্রধান মন্ত্রীনা হায়খি মদুদি লম্বী নাকলদা পোৎ-চে য়োনবা মীওইশিংদা ক্রেদিৎ কার্দশিং পীনবা ভারত সরকারনা থবক অমা পায়খৎলে। মফম অসিদা পি.এম শ্বানিধি ক্রেদিৎ কার্দশিং য়েন্থোক্লে, বেনিফিসরিশিংগী মনুংদা কেরালগী ১০,০০০ অমসুং তিরুবনন্থপুরমগী ৬০০ হেন্না য়াওরি। মমাংঙৈদা ইনাকখুনবা মীওইশিং খক্তনা ক্রেদিৎ কার্দশিং ফংলমখি, অদুবু হৌজিক্তি লম্বী নাকলদা পোৎ-চে য়োনবা মীওইশিংসু পি.এম শ্বানিধি ক্রেদিৎ কার্দ ফংলে।

প্রধান মন্ত্রীনা হায়খি মদুদি লম্বী-থোঙ, সাইন্স অমসুং ইন্নোবেসনগী কেন্দ্র সরকারনা শিংথাবা য়ানা শেন থাদরে। কেরলাদা সি.এস.আই.আর ইন্নোবেসন হব হাংদোকপা অমসুং মেদিকেল কোলেজদা রেদিও সর্জরি সেন্তর অমা হাংদোকপা অসিনা কেরলা সাইন্স, ইন্নোবেসন অমসুং অনা-লায়য়েংগী মফম অমা ওইহনবদা মতেং পাংলগনি।

প্রধান মন্ত্রীনা মখা তানা হায়খি মদুদি অমৃত ভারত এক্সপ্রেস ত্রেনশিং লমথাখিবদগী কেরলাগী রেলগী চৎথোক-চৎশিন ফগৎহল্লে, মসিনা চৎথোক-চৎশিন লাইহল্লগনি অমসুং তুরিজম চাউখৎহল্লগনি। গুরুবায়ুর অমসুং তিসুরগী মরক্ত অনৌবা পেসেঞ্জর ত্রেন চেনবা অসিনা লাই খুরুম্বা লাকপা মীওইশিংদা চৎথোক-চৎশিন লাইহল্লগনি। প্রোজেকশিং অসিনা কেরলাগী চাউখৎ-থৌরাং য়াংখৎহল্লগনি অমসুং বিকসি ভারত অমগী মঙলান মঙফাওন্নবা বিকসিত কেরলা অমা তঙাইফদে লোয়ননা কেরলাগী মীয়ামগী কেন্দ্র সরকারনা খোঙফম চেৎনা লেপ্লি। মহাক্না অমুক হন্না মীয়ামদা য়াইফ পাউজেল পীখি।

থৌরম অদুদা শরুক য়াখিবা অতোপ্পা শক্নাইরবা মীওইশিংগী মনুংদা কেরালগী রাজ্যপাল শ্রী রাজেন্দ্র অরলেকার, কেরালগী চীফ মিনিষ্টর শ্রী পিনারায়ি বিজয়ান, য়ুনিয়ন মিনিষ্টরশিং শ্রী ভি সোমান্না, শ্রী জর্জ কুরিয়ান, তিরুবনন্থপুরমগী মেয়র শ্রী ভি.ভি রাজেস য়াওখি।

নুঙগীৱারোল

প্রোজেক্তাশিং অসিগী মনুংদা রেল কনেক্তিবিতি, অরবান লাইবলিহুদ, সাইন্স অমসুং ইনোবেসন, নাগরিকশিংদা য়ুম্ফম ওইবা সর্ভিসশিং, অমসুং অহোঙবা হেল্থকেয়র য়াওনা মরুওইবা সেক্তরশিংদা য়াওরি, মসিনা প্রধানমন্ত্রীগী ইনক্লুসিব গ্রোথ, তেক্নোলোজি চাউখৎহনবা অমসুং নাগরিকশিংগী পুন্সিগী মগুন ফগৎহনবদা মখা তানা মীৎয়েং থম্লিবা অদু উৎলি।

রেল কনেক্তিবিতিদা অচৌবা ইনোৎ অমা ওইনা প্রধানমন্ত্রীঅনৌবা ট্রেন সর্ভিস মরি লমথাখ্রে। মসিদা অমৃত ভারত এক্সপ্রেস ট্রেন অহুম অমসুং পেসেঞ্জর ট্রেন অমা য়াওরি। মসিগী নুংদা নাগেরকোইল-মঙ্গালুরু অমৃত ভারত এক্সপ্রেস, থিরুবনন্থপুরম্-তাম্বরম্ অমৃত ভারত এক্সপ্রেস, থিরুবনন্থপুরম্-চারলপাললি অমৃত ভারত এক্সপ্রেস, অমসুং থ্রিশুর অমসুং গুরুবায়ুরগী মরক্তা অনৌবা পেসেঞ্জর ট্রেন অমা য়াওরি । সরভিসশিং অসি হৌদোকপনা কেরলা, তামিল নাদু, করনাতকা, তেলঙ্গানা অমসুং অন্ধ্রপ্রদেসকি মরক্তা লম্বী-থোং অমসুং রিজনেল কনেক্তিবিতি চাওনা হেঙ্গৎহল্লগনি, মসিনা পেসেঞ্জরশিংগীদমকতা চৎথোক-চৎসিন হেন্না শেন্দোং লৈবা, শাফবা অমসুং মতম চুপ্পগী ওইবা ওইহল্লগনি। কনেক্তিবিতি ফগৎহনবনা লমদম শিনবা থুংনা তুরিজম, ত্রেদ, এজুকেসন, ইমপ্লোইমেন্ত অমসুং কলচরেল এক্সচেঞ্জদা অকনবা ইথিল অমা পীরগনি।

অরবান লাইবলিহু মপাঙ্গল কনখৎহন্নবা হোৎনরিবশিংগী শরুক অমা ওইনা প্রধানমন্ত্রীনা স্ত্রীত ভেন্দরশিংগী ফাইনান্সিএল ইনক্লুজনগী মথংগী তাঙ্কক ওইনা পি.এম. য়ু.পি.আই.গা মরি লৈনবা, ইনতরেস্ত ফ্রি রিভোল্বিং ক্রেদিৎ ফেসিলিতি অসিনা খুদক্তা লিক্বিদিতি পিগনি, দিজিতেল ত্রাঞ্জেক্সনশিং প্রমোৎ তৌগনি অমসুং বেনিফিসরিশিংদা ফোর্মেল ক্রেদিৎকি পুৱারি শেমগৎপদা মতেং পাংগনি। প্রধানমন্ত্রীনা কেরলাদগী স্ত্রীত ভেন্দরশিং য়াওনা বেনিফিসরি লাখ অমদা পি.এম. স্বনিধী লোনশিং য়েন্থোকখ্রে। ২০২০দা হৌদোকখবা পি.এম. স্বনিধী স্কীম অসিনা অহানবা ওইনা বেনিফিসিয়রীশিংদা খ্বাইদগী চাউনা ফোর্মেল ক্রেদিত ফংবা ঙমহনখ্রে অমসুং খুঙ্গংগী থবক শুরগা লৈজবা মীশিংগী লায়রবা হন্থহন্দুনা শোইরোই-ঙাম্লোইদবা পুন্সি মহিং ফংহনবদা অরুবা থৌদাং লৌখ্রে।

 সাইন্স অমসুং ইনোবেসনগী লমদা, প্রধান মন্ত্রীনা থিরুবনন্থপুরমদা সি.এস.আই.আর.-এন.আই.আই.এস.তি ইনোবেসন, তেক্নোলোজি অমসুং ওন্ত্রেপ্রেন্যুরশিপ হবকী উরেপ-উয়ুং তমখ্রে। হব অসিনা লাইফ সাইন্স অমসুং বাইও-ইকোনোমিদা মীৎয়েং থমগনি, আয়ুরবেদকুম্বা ত্রেদিস্নেল নোলেজ সিস্তেমশিং অসি মোদরন বাইওতেক্নোলোজি, সস্তেনেবল পেকেজিং, অমসুং গ্রীন হাইদ্রোজেনগা পুনশিন্নগনি অমসুং স্তার্তঅপ শেম্বা, তেক্নোলোজি ত্রান্সফর তৌবা, অমসুং মালেমগী ওইনা পুন্না থবক তৌমিন্নবদা মতেং পাংগনি। মসিনা রিসর্চ অসি মারকেৎ-রেদি সোলুসন অমসুং ইন্তর্প্রাইজশিংদা ওন্থোক্নবগী মফম অমা ওইনা থবক তৌগনি।

হেল্থকেয়র ইনফ্রাস্ত্ররকচর মপাঙ্গল কনখৎহনবা অসি খোঙচৎ অসিগী অতোপ্পা মরুওইবা মীৎয়েং অমা ওইগনি। প্রধানমন্ত্রী থিরুবনন্থপুরমদা লৈবা শ্রী চিত্র তিরুনাল ইন্সতিত্যুত ফোর মেদিকেল সাইন্সস এন্দ তেক্নোলোজিদা অনৌবা মতমগী রেদিও সরজরি সেন্তর অমা শানবগী উরেপ-উয়ুং তমখ্রে। ফেসিলিতি অসিনা রিজনেল তর্সিয়রি হেল্থকেয়র কেপেবিলিতিশিং হেনগৎহন্দুনা কমপ্লেক্স ব্রেন দিসওর্দরশিংগীদমক য়াম্না অকক্নবা, মিনিমম ইনভেসিব ত্রীত্মেন্ত ফংহনগনি।

প্রধানমন্ত্রীনা থিরুবনন্থপুরমদা অনৌবা পুজাপুরা হেদা পোস্ত ওফিসশু শঙ্গাখি। মসিগী মোদরন, তেক্নোলোজি-ইনেবল ফেসিলিতি অসিনা পোস্তেল, বেঙ্কিং, ইন্সুরেন্স অমসুং দিজিতেল সর্ভিসশিংগী অপুনবা রেঞ্জ অমা পীরগনি, মসিনা নাগরিকশিংদা য়ুম্ফম ওইবা সর্ভিস দেলিবরি অসি মখা তানা মপাঙ্গল কনখৎহনগনি।

The development works being launched today will strengthen Kerala’s infrastructure, improve connectivity and create new opportunities for the people. Addressing a programme in Thiruvananthapuram.
https://t.co/bDRG9hDPhQ

— Narendra Modi (@narendramodi) January 23, 2026

आज केरला के विकास के लिए केंद्र सरकार के प्रयासों को नई गति मिली है।

आज से केरला में rail connectivity और सशक्त हुई है।

तिरुवनंतपुरम को देश का बड़ा startup hub बनाने के लिए पहल हुई है: PM @narendramodi

— PMO India (@PMOIndia) January 23, 2026

आज केरला से, पूरे देश के लिए गरीब कल्याण से जुड़ी एक बड़ी शुरुआत भी हो रही है।

आज पीएम स्वनिधि क्रेडिट कार्ड, लॉन्च किया गया है।

इससे देशभर के रेहड़ी-ठेले, फुटपाथ पर काम करने वाले साथियों को लाभ होगा: PM @narendramodi

— PMO India (@PMOIndia) January 23, 2026

विकसित भारत के निर्माण में हमारे शहरों की बहुत बड़ी भूमिका है।

बीते 11 वर्षों से, केंद्र सरकार urban infrastructure पर बहुत निवेश कर रही है: PM @narendramodi

— PMO India (@PMOIndia) January 23, 2026

***