ভারতকী প্রধানমন্ত্রী
প্রধান মন্ত্রী শ্রী নরেন্দ্র মোদীনা ২শুবা ইন্দিয়া-অরাব ফোরেন মিনিষ্টরশিংগী মীফম শরুক য়ানবা ভারত্ত লৈরিবা অরাব লৈবাকশিংগী ফোরেন মিনিষ্টরশিং, লিগ ওফ অরাব ষ্টেৎসকী সেক্রেতরি জেনেরেল অমসুং অরাব দেলিগেসনশিংগী লুচিংবশিংগী মীৎহুৎ কাংবু অমা তরাম্না ওকখ্রে।
প্রধান মন্ত্রীনা হায়খি মদুদি ভারত অমসুং অরাব লৈবাকশিংগী মরক্ত অচেৎপা অমসুং পুৱারি ওইরবা মীগা মীগা লৈনবা মরীশিং অসিনা চহি কয়া শুরবা ঐখোয়গী মরীশিং মখা তানা ইথিল পীগনি অমসুং মপাঙ্গল কনখৎহনগনি।
লাক্লিবা চহিশিংদা ভারত-অরাব মরুপ-মপাং ওইবগী মহাক্কী পান্দমশিং প্রধান মন্ত্রীনা ফোঙদোকখি অমসুং ঐখোয়গী মীয়াম কান্নবা ফংনবা ললোন-ইতিক অমসুং শেন থাদবা, ইনর্জি, তেক্নোলোজি, অনা-লাইয়েং অমসুং অতোপ্পা হিরমশিংদা চেৎনবা মতেং পাংন্নবা ভারতকী থাজবা অমুক হন্না থমখ্রে।
পেলেষ্টাইনগী মীয়ামগীদমক ভারতনা মখা তানা শৌগৎকনি হায়না প্রধান মন্ত্রীনা অমুক হন্না ফোঙদোকখ্রে অমসুং গাজা পিছ প্লান য়াওনা হৌজিক চৎথিরবা শান্তি পুরক্নবা থবকশিং তরাম্না ওকখ্রে। লমদম অসিদা শান্তি অমসুং তুংদু-লৈতাবা পুরক্নবা পায়খৎলিবা থবকশিং শৌগৎলদুনা অরাব লিগনা লৌরিবা মরুওইবা থৌদাং মহাক্না থাগৎপা ফোঙদোকখি।
***
Delighted to receive the Foreign Ministers and delegations of the Arab League today. The Arab world is a part of India’s extended neighbourhood, linked by deep civilisational bonds, vibrant people-to-people connections and enduring brotherly ties, as well as a shared commitment… pic.twitter.com/GSqth4nXEN
— Narendra Modi (@narendramodi) January 31, 2026
لقد سررتُ باستقبال وزراء الخارجية ووفود جامعة الدول العربية اليوم. يُعدّ العالم العربي جزءًا لا يتجزأ من محيط الهند الأوسع، وتربطنا به روابط حضارية عميقة، وعلاقات شعبية حيوية، وروابط أخوية متينة، فضلاً عن التزامنا المشترك بالسلام والتقدم والاستقرار. وإنني على ثقة بأن تعزيز… pic.twitter.com/2Ar9tbLKoM
— Narendra Modi (@narendramodi) January 31, 2026
