ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি ন্যু দিল্লীগী ভারত মন্দাপমদা ইন্দিয়া AI ইম্পেক্ত সমিত 2026গী মনুংদা লুচিংবশিংগী অপুনবা মীফমদা মহাক্কী ৱাফমশিং ফোংদোকখ্রে। ভারতকী AI ইম্পেক্ত সম্মিততা শরুক য়ারিবশিংদা অমুক হন্না তরাম্না ওক্লদুনা প্রধান মন্ত্রীনা থাজবা থমখি মদুদি সম্মিত অসিনা হ্যুমেন সেন্ত্রিক অমসুং সেন্সিতিব গ্লোবেল AI ইকোসিস্তেম অমা শেমগৎপদা মরুওইবা থৌদাং অমা লৌগনি। মহাক্না হায়খি মদুদি পুৱারীনা তাক্লি মদুদি মীওইবনা মতম পুম্নমক্তা অৱাবা কয়াবু খুদোংচাবদা ওন্থোকই, অমসুং ঙসি অসিগুম্বা অতোপ্পা তাঞ্জা অমনি মদুদি অৱাবা কয়াবু মীওইবা খুন্নাইগী খ্বাইদগী চাউবা খুদোংচাবদা ওন্থোক্নবা।

শ্রী মোদীনা ভগবান বুদ্ধনা তাকপীবা অদু নীংশিংখি মদুদি “অচুম্বা থবক অসি অচুম্বা খঙদোকপদগী লাকপনি,” মহাক্না মতম চানা, অফবা মওংদা অমসুং অচুম্বা ৱারেপশিং লৌদুনা AIগী অফবা ইমপেক্ত অমা লৈহনগদবা রোদমেপ অমা শেমগৎপগী মরুওইবা অদু পনখি।

প্রধান মন্ত্রীনা হায়খি মদুদি কোবিদ মালেমগী লাইচৎ মনুংদা, মালেম অসিনা লৈবাকশিংনা অমত্তা ওইনা লেপমিন্নবা মতমদা, ওইথোক্তবা ফাওবা ওইথোকপা ঙম্মি হায়বদু উবা ফংখি। মহাক্না হায়খি মদুদি কোওপরেসন্না ভেক্সিন দিবেলপমেন্ততগী সপ্লাই চেন ফাওবা, দেতা শেয়র তৌবদগী পুন্সি কনবদা ফাওবা সোলুসন পীরি। দিজিতেল ভেক্সিনেসন প্লেতফোর্মনা মতম চানা মীওই কোতি কয়াগী ভেক্সিন কাপথোকপদা মতেং পাংলি হায়না পল্লদুনা মহাক্না হায়খি মদুদি ভারতনা তেক্নোলোজীনা মীওইবা খুন্নাইদা করম্না মতেং পাংবগে হায়বদু উরে। শ্রী মোদীনা হায়খি মদুদি UPIনা অরুবা ফিভমদা ফাওবা ওনলাইন ত্রাঞ্জেক্সন লেপ্পা লৈতনা পাংথোকপা ঙমহনখি অমসুং দিজিতেল দিভাইদ কোকহনবদা অচৌবা থৌদাং অমা লৌখি। মহাক্না হায়খি মদুদি হৌখিবা চহিশিংদা ভারতনা ভাইব্রেন্ত দিজিতেল পব্লিক ইনফ্রাস্ত্রকচর অমা শেমগৎলে অমসুং মসি মালেমগা শরুক য়ামিন্নরি। মরমদি ভারতকীদমক্তা তেক্নোলোজী অসি শক্তিগী মেদিয়ম নত্তে, মসি সর্ভিসকী মেদিয়মনি। মসি দোমিনেৎ তৌনবা নত্তে, অদুবু এম্পৱার তৌনবা ওই। মীওইবা খুন্নাইগী য়াইফনবা AIনসু মসিগী মাইকৈ অসিদা চৎকদবনি হায়না মহাক্না ফোংদোকখি।

প্রধান মন্ত্রীনা হায়খি মদুদি তেক্নোলোজীনা মমাংদা দিভিজনশিং শেম্মী, AI অসি হৌজিক্তি মীপুম খুদিংমক্তা য়ৌহনগদবনি অমসুং ফংহনগদবনি। মহাক্না হায়খি মদুদি AIগী তুংলমচৎকী মতাংদা খন্ন-নৈনবদা, গ্লোবেল সাউথকী এস্পিরেসনশিং অমসুং প্রাইওরিতিশিং অসি AI গবর্নান্সকী খ্বাইদগী মরু ওইবা অমা ওইনা থমগদবনি।

শ্রী মোদীনা হায়খি মদুদি এথিক্স অসি মতম পুম্নমক্তা মীওইবগী খুমাং চাউশিল্লকপদা মরুওইবা অমা ওইদুনা লাক্লি, অদুবু AI মহাক্না অকনবা ৱাফম থমখি মদুদি AIগীদমক ইথিকেল নোর্মশিং অসিসু অপনবা লৈতবা ওইগদবনি। মহাক্না হায়খি মদুদি AI কম্পেনীশিংনা শেন্দোং খক্তদা নত্তনা পান্দমদসু মিৎয়েং চঙবগী মরুওইবা থৌদাং অমা লৌরি। মহাক্না মখা তাখি মদুদি পর্সোনেল লেভেলদা, AIনা হ্যুমেন লর্নিং, ইন্তেলিজেন্স অমসুং ইমোসনদা ইথিল পীরি।

AIবু ইথিকেল ওইনা শিজিন্ননবগীদমক্তা, প্রধান মন্ত্রীনা ৱাফম অহুম থমখি:

• AI ত্রেনিংনা দেতা সোভরেনিতী ইকাই খুম্নবা মথৌ তাই অমসুং থাজবা য়াবা মালেমগী দেতা ফ্রেমৱার্ক অমদা য়ুম্ফম ওইগদবনি। মহাক্না “গার্বেজ ইন, গার্বেজ আউত”গী প্রিন্সিপল অদু পনখি। মহাক্না হায়খি মদুদি দেতা অসি সেক্যুর, বেলেন্সদ অমসুং রিলায়েবল ওইদ্রবদি, আউতপুত অদু থাজবা য়াবা ওইথোক্তে।
• AI প্লেতফোর্মশিংনা মখোয়গী সেফতী রুলশিং ক্লিয়র অমসুং ত্রান্সপরেন্ত ওইগদবনি। সেফতী রুলশিং অসি উবা অমসুং ভেরিফাই তৌবা ঙম্বা মফমদা মহাক্না ব্লেক বোক্সকী মহুত্তা গ্লাস বোক্স এপ্রোচ অমগীদমক হায়খি। মসিনা ইকাই খুম্নবা লৈহনগনি অমসুং ললোন-ইতিক্তা এথিকল বিহেভিয়রবু মপাঙ্গল কনখৎহল্লগনি হায়না মহাক্না ফোংদোকখি।
• AI অসি ময়েক শেংবা মীওইবগী ভেল্যুশিংনা লমজিংগদবনি। মহাক্না “পেপর ক্লিপ প্রোব্লেম” অসিবু খুদম অমা ওইনা পনখি, মসিদা মেছিন অমনা পান্দম অমখক্তমক ফংনবগীদমক্তা মালেমগী রিসোর্স পুম্নমক শিজিন্নবা য়াই। তেক্নোলোজী অসি য়াম্না শক্তি লৈরবসু, মাইকৈ অসি মীওইবনা লেপকদবনি হায়না মহাক্না ফোংদোকখি।

প্রধান মন্ত্রীনা ফোংদোকখি মদুদি এস্পিরেস্নেল ইন্দিয়ানা আর্তিফিসিয়েল ইন্তেলিজেন্সকী মালেমগী খোঙচৎতা মরু ওইবা থৌদাং অমা লৌরি অমসুং মসিগী থৌদাং অসি খঙলদুনা ভারতনা মরু ওইবা খোংথাং কয়া অমা লৌখৎলি। মহাক্না হায়খি মদুদি ভারতকী AI মিসনগী মখাদা GPU 38,000 অসি হান্ননা লৈরে অমসুং মথংগী থা তরুক অসিদা অহেনবা 24,000 হাপচিল্লগনি। শ্রী মোদীনা হায়খি মদুদি ভারতনা মসিগী স্তার্তঅপশিংদা মালেমগী থাক্কী কম্প্যুতর পাৱর অসি য়াম্না অহোংবা মমলদা ফংহল্লি। মহাক্না হায়খি মদুদি ভারতনা AIKosh (নেস্নেল দেতাসেৎ প্লেৎফোর্ম) অমসু শেমখ্রে, মসিগী খুত্থাংদা দেতাসেৎ 7,500 হেন্না অমসুং AI মোদেল 270বু নেস্নেল রিসোর্স ওইনা শেয়র তৌখ্রে।

প্রধান মন্ত্রীনা হায়খি মদুদি AIগীদমক ভারতকী মাইকৈ অমসুং ভিজন অদু ময়েক শেংলে- AI অসি মীওইবা খুন্নাইগী য়াইফনবগীদমক্তা শেয়র্দ রিসোর্স অমনি। মহাক্না ইন্নোবেসন খুমাং চাউশিলহনবা, ইনক্লুজন মপাঙ্গল কনখৎহনবা অমসুং মীওইবগী মগুনশিং ইন্তিগ্রেত তৌবা AIগী তুংলমচৎ অমা শেমগৎপগী তঙাইফদবা অদু পনখি। তেক্নোলোজী অমসুং হ্যুমেন ত্রস্তনা অমত্তা ওইনা চৎমিন্নবা মতমদা, AIগী অশেংবা ইম্পেক্ত অসি মালেম পুম্বদা উবা ফংলগনি হায়না শ্রী মোদীনা ফোংদোকখি।

Sharing my remarks during the Leaders’ Plenary session at the India AI Impact Summit. https://t.co/kJhDidUlMM

— Narendra Modi (@narendramodi) February 19, 2026

***