ভারতকী প্রধানমন্ত্রী

প্রধান মন্ত্রী, শ্রী নরেন্দ্র মোদীনা ঙসি ভগবান মহাভির জয়েন্তীগী য়াইফরবা থৌরমদা গুজরাতকী গান্ধীনগরদা লৈবা কোবা তীর্থতা সম্রাত সম্প্রতি সংগ্রহালয়, জেন হেরিতেজ ম্যুজিয়ম শঙ্গাখ্রে। শ্রী মোদীনা হায়খি, “কোবা তীর্থ অসি ঈশ্বরগী ৱাখল্লোনগী শান্তিনা থল্লবা মফম অমনি, মফম অসিদা জেন মুনি অমসুং লম্বোইবা কয়াগী তপস্যা তৌফমনি, অমসুং মফম অসিদা শেম্বগী থৌওং অমসুং সেবাগী থৌওং অসি মহৌশানা মপুং ফাহল্লি।”

কোবা তীর্থকী মতম শাংনা চৎনরক্লবা চৎনবীশিং অদু পল্লদুনা প্রধান মন্ত্রীনা হায়খি মদুদি চহি কয়াগী মমাংদগী, মহৈ তম্বগী চৎনবীশিং, সাধনা অমসুং মশা-মশানা তম্বগী চৎনবীশিং অসি মসিগী অশেংবা মফম অসিদা মপুং ফানা লৈরক্লি। মহাক্না হায়খি মদুদি ভেল্যুশিং ঙাক-শেন্দুনা থম্বা, সংস্কারশিং মপাঙ্গল কনখৎহনবা অমসুং লৌশিং মরাং কাইনা থম্বনা ত্রিবেনি, ভারতকী সিভিলাইজেসনগী য়ুম্ফম ওইরিবা মরী অসিবু শেম্মি। শ্রী মোদীনা হায়খি, “মসিগী ত্রিবেনি অসি লেপ্পা লৈতনা চেনবা ঙমহনবা হায়য়া অসি ঐখোয় পুম্নমক্কী অপুনবা থৌদাংনি।”

জেন ধর্মগী মতম চুপ্পগী ওইবা লৌশীং অমসুং ভারতকী শিংথানীংঙাই ওইরবা হেরিতেজ অসি হৌজিক জেন হেরিতেজ ম্যুজিয়মগী খুত্থাংদা চহি চা কয়াগী ওইনা ঙাক-শেন্দুনা থম্লিবা অসিদা প্রধান মন্ত্রীনা নুংঙাইবা ফোংদোকখি। প্রধান মন্ত্রীনা হায়খি, “ঙসিদি, মসিগী অচৌবা মঙলান অসি জেন ৱাংঙুলোল, ভারতকী চৎনবী অমসুং ঐখোয়গী অরিবা মতমগী হেরিতেজকী অশেংবা মফম অমা ওইরিবা সম্রাত সম্প্রতি সংগ্রহালয়গী মওংদা মঙফাওনখ্রে।”

প্রধান মন্ত্রীনা মসিদা চাউনা শরুক তমখিবা জেন মুনিশিং, লম্বোইবশিং, অমসুং কত্থোক্লবা মীওই লিশিং কয়াবু থাগৎপা ফোংদোকখি। হেরিতেজ কঞ্জার্বেসনদা ইন্নোবেসনগী মরুওইবা অদু পল্লদুনা মহাক্না হায়খি মদুদি অরিবা মতমগী লৌশীংবু অনৌবা মওংদা পুথোকপা মতমদা হেরিতেজ অসি মপাঙ্গল কনখৎহল্লি অমসুং তুংগী চারোন-শুরোনশিংদা অনৌবা ইথিল ফংহল্লি। মহাক্না হায়খি, “সম্রাত সম্পতি সংগ্রহালয় অসি ভারতকী মীওই করোর কয়াগীনি অমসুং ঐখোয়গী শিংথানীংঙাই ওইরবা মমাংঙৈগী খুদম অমনি।”

সম্রাত সম্প্রতিগী পুৱারীগী ওইবা মরুওইবগী মতাংদা পল্লদুনা প্রধান মন্ত্রীনা হায়খি মদুদি সিভিলাইজেসন কয়ানা অফবা ৱাখল খনবা মীওইশিং অমসুং ফিলোসোফরশিং পুথোক্লবসু, মালেমগী শরুক কয়াদা লৈঙাকপা মীওইশিংনা পাৱরগী ৱাহং থেংনবদা ৱাখল্লোনশিং থাদোক্লম্মি। মসিনা ৱাখল্লোন অমসুং লৈঙাকপগী মরক্তা অৱাৎপা অমা থোকহল্লি। মহাক্না হায়খি মদুদি সম্রাত সম্প্রতিগী অসি পুৱারীগী নীংথৌ খক্তা নত্তনা ভারতকী ফিলোসোফী অমসুং চৎনবীগা শম্নহল্লিবা থোং অমনি। শ্রী মোদীনা হায়খি, “ভারত্তা, সম্রাত সম্প্রতিগী গুম্বা নীংথৌশিংনা শক্তি অসি সেবা অমসুং সাধনা ওইনা লৌরম্মি, নীথৌরেলদগী অহিমসা পাকথোক চাউথোকহনখি, ওইজবা থাদোকপা অমসুং ইশাগী খনবা তৌদনা অচুম্বা (সত্য), অস্তেয় (হুরান্দবা), অমসুং অপরিগ্রহ (খম্বনবা পোক্তবা) অসি অখন্ননা শন্দোকখি।”

প্রধান মন্ত্রীনা হায়খি মদুদি ম্যুজিয়ম অসি চেকশিন্না দিজাইন তৌখ্রে, মসিগী গেল্লরী তরেৎনা লৈবাক অসিগী মখল-মখা কয়া অমসুং নাৎকী ইনাক খুনবা অদু উৎলি। মহাক্না অহানবা গেল্লরীদা নবপদ, অরিহান্ত, সিদ্ধা, আচার্য়, উপাধ্যায়, সাধু অমসুং সম্যক দর্শন, সম্যক জ্ঞান, সম্যক চারিত্রা অমসুং সম্যক তপকী কাংলোন মরি উৎলিবা অদুগা অহুমশুবা গেল্লরীদা তির্থীনকরশিংগী ৱারী অমসুং তম্বীরোলশিংবু আর্তিস্তিক ওইবা মওংদা থৱায় হাপখিবা অদু পনখি। “করিগুম্বা লৌশীং অসি সম্যক, অচুম্বা ওইরবদি, মসিনা ইক্বেনিমিতী অমসুং সর্ভিসকী য়ুম্ফম ওইগনি” হায়না পি.এম. মোদীনা ফোংদোকখি।

ম্যুজিয়ম অসিনা জেন হেরিতেজকা লোয়ননা ভারতকী অতোপ্পা ধর্মগী চৎনবীশিং, বৈদিক, বুদ্ধিস্ত অমসুং অতৈ কয়াবুসু মশক থোক্না উৎলি হায়না পল্লদুনা প্রধান মন্ত্রীনা ভারতকী খ্বাইদগী চাউবা মপাঙ্গল হায়বদি মসিগী মখল-মখা কয়া অমসুং য়ুনিতী ইন দাইভর্সিতীনি হায়না ফোংদোকখি। মহাক্না হায়খি মদুদি মালেম অসিনা ধর্ম অমসুং কাঙলুপকী মীংদা অয়েৎপা কয়া থেংনরকপদা, ম্যুজিয়ম অসিনা চৎনবী পুম্নমকপু চুমথাং অমগুম্না, বেদ, পুরান, আয়ুর্বেদ, য়োগ অমসুং দর্শনগা লোয়ননা অমত্তা ওইনা পুনশিনবা উৎলি। মহাক্না হায়খি, “মসি ভারত্তা খক্তদা থোকপা ঙম্মি।”

মালেমগী তংদু লৈতাদবা অমসুং অৱা-অনাগী মতাংদা পল্লদুনা প্রধান মন্ত্রীনা হায়খি মদুদি ম্যুজিয়ম অসিদা য়াওরিবা হেরিতেজ অমসুং পাউজেল অসি ভারত খক্তগী নত্তনা মীওইবা খুন্নাইগীদমক য়াম্না মরু ওই। মহাক্না মালেম শিনবা থুংনা লাকপা ভিজিস্তশিং, মহৈরোইশিং অমসুং রিসর্চ তৌবশিংগী মশিং মখা তানা হেনগৎলক্কনি হায়না থাজবা ফোংদোকখি। মফম অসিদা লাকপা মীওইশিংনা ভারতকী তম্বীরোলশিং অমসুং জেন ধর্মবু মালেমগী মফম খুদিংমক্তা পুখৎকদবনি,” হায়না শ্রী মোদীনা ফোংদোকখি।

প্রধান মন্ত্রীনা নিংশিংখি মদুদি ভারতকী অরিবা য়ুনিভর্সিতীশিং হায়বদি তাকশশিলা অমসুং নালন্দা অসি করম্না লাইনিং-লাইশোলগী অখন্নবা ৱাখল্লোনগী মতুং ইন্না মপানগী লান্দারোইশিংনা মাঙ-তাকহনখিবা লাইরিক লাইশু লাখ কয়াগা লোয়ননা মপুং ফানা মাংহনখি। মহাক্না হায়খি মদুদি অরুবা মতমশিং অদুদা, মীচম প্রজাশিংনা মীরোল কয়াদগী লেমহৌরিবা লাইরিকশিং অসি ঙাক-শেন্দুনা থম্মি। মহাক্না আচার্য় ভগবন্ত শ্রী পদ্মসাগর সুরেশ্বরজী মহারাজ সাহেবকী অখন্নবা থৌনা অদু থাগৎপা ফোংদোকখি। মহাক্না চহি ৬০ খুঙ্গং খুঙ্গং অমসুং সহর অমদগী অমদা চৎতুনা লৈবাক অসিগী কাচিন কোয়া শিনবা থুংবদা লাইরিকশিং থিজিনখি। শ্রী মোদীনা হায়খি, “খুদম ওইনা পামগী মনা অমসুং বির্চ বাক্তা ইশিনবা চহি চাম্মাগী মমাংগী লাইরিক লাখ অহুম হেনবনা ঙসি কোবাদা শাফনা পুনশিল্লে, মসিনা ভারতকী মমাংঙৈ, হৌজিক অমসুং তুংলমচৎকীদমক য়াম্না চাউবা থৌদাং অমা ওইরি।”

লাইরিকশিং ঙাকশেনবদা সরকারনা লৌরিবা থৌদাং অদু পল্লদুনা প্রধান মন্ত্রীনা হায়খি মদুদি মমাংঙৈগী সরকারশিংনা তৌরম্বা থবকশিং অদু কোকহন্নবা জ্ঞান ভারতম মিসন হৌদোক্লে। লাইরিকশিং অসি দিজিতেলাইজ তৌবা, সাইন্তিফিক ওইনা ঙাকশেনবা, স্কেন তৌবা, কেমিকেল ত্রিৎমেন্ত তৌবা অমসুং দিজিতেল ওইনা আর্কাইব তৌনবগীদমক তেক্নোলোজী শীজিন্নখি। মহাক্না মহাক্কী হন্দক্কী মন কী বাতকী থৌরমদা লৈবাক শীনবা থুংনা পাঙথোকপা সর্ভে অমগী মতাংদা পনখি। প্রধান মন্ত্রীনা হায়খি, “মসিগী কেম্পেন অসিনা লৈবাক অসিগী মফম খুদিংমক্তা শন্দোরক্লিবা লাইরিকশিং খোমজিনবদা মরুওইবা থৌদাং অমা লৌগনি।”

সরকারগী থাক্তা জ্ঞান ভারতম মিসনগী পুন্না হোৎনরিবশিং অমসুং কোবা তীর্থকী অখন্নবা থৌদাং অসি ভারতকী অনৌবা কলচরেল রিনাইসেন্সকী খুদম্নি হায়না প্রধান মন্ত্রীনা ফোংদোকখি। ঙসিদি, লৈবাক অসিগী কলচরেল হেরিতেজ অসি ঙাক-শেন্দুনা থম্নবা, খঙদোক্নবা অমসুং উৎনবা হোৎনরিবা অসি অরিবা লাইশংশিং অমুক হন্না শেমগৎপা অমসুং লাই খুরুমফমশিং শেমগৎপদগী হৌরগা আয়ুর্বেদ অমসুং য়োগবু প্রমোৎ তৌবা ফাওবদা লেভেল খুদিংমক্তা চত্থরি হায়না মহাক্না ফোংদোকখি। লোথালদা লৈবা অচৌবা মেরিতাইম ম্যুজিয়ম, বদনগরদা লৈবা ম্যুজিয়ম অমসুং দিল্লীদা য়ুগে য়ুগীন ভারত ম্যুজিয়ম য়াওনা হৌজিক পায়খৎলিবা মরুওইবা প্রোজেক্তশিংগী মতাংদা পল্লদুনা মহাক্না হায়খি মদুদি অহানবা ওইনা, রাজনিতীগী মীৎয়েংদগী লাপথোক্তুনা ভারতকী নীংতম লানগী অশেংবা পুৱারী পুথোক্নবা কুপ্না থবক পায়খৎলি। মহাক্না হায়খি, “ঐখোয়না হেরিতেজবু রাজনিতীগী মীৎয়েংগী থোংদা য়েংবগী ৱাখল্লোন অদু লোইশিনখ্রে অমসুং ‘সবকা সাথ, সবকা বিকাস’গী মন্ত্রগা লোয়ননা মাংলোমদা চংশিল্লি, মসি বিক্সিত ভারত ভিজনগী থৱাইনি।”

প্রধান মন্ত্রীনা ভারতকী হেরিতেজ অসি ঙাক-শেন্নবগীদমক লেপ্পা লৈতনা হোৎনরিবা লম্বোইবশিংবু থাগৎপা ফোংদোকখি। মহাক্না দিল্লীদা জেন কাঙলুপ মরিমক পুন্না লাকখিবা পুৱারী ওইরবা নবকর মহামন্ত্র দিবস প্রোগ্রাম অদু নীংশিংখি। মহাক্না থৌরম অদুদা মহাক্না ফোংদোকখিবা ৱারেপ ১০ অদু অমুক হন্না ফোংদোকখি: ঈশিং কনবা; এক পের মা কে নাম; স্বচ্ছতা মিসন; ভোকেল ফোর লোকেল; দেশ দর্শন; নেচরেল ফার্মিং; হকচাং ফনা হিংবা; য়োগ অমসুং শান্ন-খোৎনবশিং; লায়রবশিং মতেং পাংবা; অমসুং কম্ম্যুনিতী মশামক্না হাপচিনখিবা ১০শুবা ৱারেপ, ভারতকী হেরিতেজ ঙাক শেন্নবা। মহাক্না হায়খি, “ঙসিগী প্রোগ্রাম অসি হায়রিবা ৱারেপশিং অসিগী অশেংবা মমি অমনি।”

তুংলমচৎকীদমক থাজবা ফোংদোক্লদুনা, প্রধান মন্ত্রীনা হায়খি মদুদি ভারতকী অপুনবা অমসুং কলচরেল শক্তি অসিনা লৈবাক অসিগী অচৌবা পান্দমশিং ফংবদা থৌনা পীগনি। মহাক্না অকনবা ৱাফম থমখি মদুদি মীওইশিংনা মশাগী অপাম্বগী ৱাংমদা চংশিল্লকপা অমসুং খুন্নাই অমসুং লৈবাক অসিগী পান্দমগীদমক থবক তৌরকপা মতমদা, চাউখৎপগী খোঙজেল য়াঙখৎলকই। “ঐহাক্না থাজবা থম্লি মদুদি সম্রাত সম্ম্পতি ম্যুজিয়ম অসি লৌশীং, সাধনা অমসুং কলচরগী মরুওইবা সেন্তর অমা ওইদুনা অনৌবা মীরোলবু পুক্নিং থৌগৎকনি অমসুং লাক্কদৌরিবা মতমশিংদা খুন্নাইবু থৌনা হাপকনি,” হায়না ফোংদোক্লদুনা শ্রী মোদীনা ৱারোল পীবা লোইশিনখি।

Speaking at the inauguration of the Samrat Samprati Museum in Gandhinagar. It showcases the deep-rooted traditions of the Jain culture and its timeless values for humanity. https://t.co/yo1XszOIza

— Narendra Modi (@narendramodi) March 31, 2026

मैं भगवान महावीर के चरणों में प्रणाम करता हूँ।

मैं कोबातीर्थ से सभी देशवासियों को भगवान महावीर जयंती की शुभकामनाएँ देता हूँ: PM @narendramodi

— PMO India (@PMOIndia) March 31, 2026

सम्राट संप्रति संग्रहालय…

ये भारत के कोटि-कोटि लोगों की धरोहर है।

ये भारत के गौरवशाली अतीत की धरोहर है: PM @narendramodi

— PMO India (@PMOIndia) March 31, 2026

सम्राट संप्रति ने सिंहासन पर बैठकर अहिंसा का विस्तार किया।

उन्होंने सत्य, अस्तेय और अपरिग्रह का प्रचार प्रसार किया: PM @narendramodi

— PMO India (@PMOIndia) March 31, 2026

भारत में ज्ञान हमेशा से एक मुक्त प्रवाह रहा है।

हर युग में तीर्थंकरों और ऋषियों-मनीषियों का अवतार हुआ।

ज्ञान का संकलन बढ़ता चला गया।

समय के साथ बहुत कुछ नया जुड़ता गया: PM @narendramodi

— PMO India (@PMOIndia) March 31, 2026

***