ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা লৈবাক অসিনা দিজাইন তৌবা অমসুং শাবা নেভিগী জহাজ অহুম- আইএনএস দুনাগিরি, এদভান্স ষ্টিল্থ ফ্রিগেত অমা, আইএনএস সংশোধক, সর্ভে ভেসেল অমা (অচৌবা) অমসুং আইএনএস অগ্রে শ্যামা, এন্তি-সবমেরিন ৱারফিয়ার সেলো ৱাতর ক্রাফ অমা, প্রসাদ মুখার্জি পোর্ত, কলকাতা, নোংচুপ বেঙ্গলদা থবক হৌহনখ্রে। জহাজশিং থবক হৌহনখিবা অসিনা লৈবাক অসিগী ওপরেসনগী তৌবা ঙম্বা শিংথানিঙাই ওইনা হেনগৎহনগনি, ঈশিংগী শরুক্ত খঙবা হেনগৎহনগনি অমসুং মালেমগী লৈবাকশিংদগী শিংনরকপশিংগী মায়োক্ত ঐখোয়গী সমুদ্র মপানগী ঈশিংগী শরুকশিংগী সেকুরিতি হেনগৎহনগনি। জহাজ অহুম অসি ইন্দিয়ান নেভিগী ৱারিশিপ দিজাইন ব্যুরোনা দিজাইন তৌবনি অমসুং এম.এস.এম.ই ২০০ হেন্না য়াওনা, ভারতকী উদ্যোগ মপুংফানা শরুক য়াদুনা কলকাতাদা লৈবা গার্দেন রিছার্স সিপবিল্দরস এন্দ ইঞ্জিনিয়ার্স (জি আর এস ই) না শাবনি। লৈবাক অসিনা মশানা শাজবা মচাক চাদা ৭৫ হেন্না শীজিন্নদুনা, হায়রিবা জহাজশিং অসি আত্মনির্ভরতাগীদমক ভারতনা পায়খৎলিবা থবকশিংগী খুদম অমসু ওইরে।

থৌরম অদুদা মীয়ামদা ৱা ঙাংবদা, প্রধান মন্ত্রীনা হায়খি মদুদি থৌরম অসিগা মালেম শীনবা থুংনা পাংথোক্লিবা মালেমগী য়োগ নুমিৎকা মপা চানরে অমসুং ভারতকী লৌশিং, নাৎ অমসুং লৈবাক অসি অমুক হিঙ্গৎহনবদা মরুওইবা থৌদাং অমা লৌখিবা পুৱারি ওইরবা বেঙ্গল লমদমদা লাকপগী খুদোংচাবা ফংবা হরাওবা ফোঙদোকচরি অমসুং চহি চা কয়া ঈশিংগী লম্বীশিংদা ভারত অমসুং মালেমগী লৈবাকশিং শম্নদুনা লাকখি। আত্মনির্ভর ভারত অমা, অশোই-অঙাম থোক্তবা ভারত অমা অমসুং বিকসিত ভারত অমগী মাইকৈদা চঙশিল্লিবা খোঙচৎকী অতোপ্পা মাইপাকপা অমা থৌরম অসিনা ওইরে। ঙসি, জুন ২১ দা ৱার্ল্দ হায়দ্রোগ্রাফি দেসু পাংথোক্লি অমসুং নুমিৎ অসিদা ঐখোয়না ভারতকী খ্বাইদগী ফবা হায়দ্রোগ্রাফি জহাজ, আইএনএস সংশোধক থবক হৌবা অসি তশেংনা শিংথানিঙাই ওইনা মপা চানবা অমনি।

ভারতকী নেভি, বিজ্ঞানিকশিং, ইঞ্জিনিয়ারশিং, শিন্মীশিং অমসুং লৈবাক অসিগী মীওই খুদিংমক থাগৎলদুনা, প্রধান মন্ত্রীনা হায়খি মদুদি তেক্নোলোজি অমসুং তৌবা ঙম্বদা ভারতকী শক্তি হেনগৎলকপা অদু মাইপাকপা অসিদা মমি তারে। মপাঙ্গল কনবা ঈশিংগী থৌনাশিং য়াওদনা লৈবাক অমতা মপাঙ্গল কনবা লৈবাক অমা ওইবা ঙম্লোই। চাউখৎপা, সেকুরিতি অমসুং নুংঙাই য়াইফবা হায়বসি সমুদ্রশিংগা অচেৎপা মরী লৈনৈ। মালেমগী ললোন-ইতিকশিংগী অয়াম্বা ঈশিং লম্বীশিংদা চৎলি, সমুদ্রশিংগী মখাদা পাক-চাউরবা মালেমগী দেতা নেতৱার্কশিং থবক তৌরি। অনৌবা মালেম অসিদা ঈশিংগী লমদা মপাঙ্গল কনবা য়াম্না মরুওই। ক্রিতিকেল মিনরেলশিং, অরুবা সমুদ্রগী লন-থুমশিং অমসুং তুংগী ইনর্জি ফংফমশিং হেনগৎহনবগা সমুদ্রগী থবকশিংগা শম্নগনি। মরম অদুনা, লৈবাক অমগী শেন্মিৎলোন অমসুং লাল্লোংগা লৈবাক অদুগী মেরিতাইম সেক্তরগী মপাঙ্গলগা হকথেংননা মরী লৈনৈ।

প্রধান মন্ত্রীনা হায়খি মদুদি মসিগী অচুম্বা অসি ভারতনা মপুংফানা খঙলে অমসুং দরকারগী মতুংইন্না লৈবাক অসিনা শেম-শারি। নেভিগী জহাজ অহুম থবক হৌখিবা অসি লৈবাক অসিগী তৌবা ঙম্বশিং অমসুং হৈথোই-শিংথোইবশিং হেনগৎলকপগী খুদম অমনি। আই.এন.এস বিক্রান্ত থবক হৌখিবা অসি ভারতকী ঈশিংগী খোঙচত্ত অনৌবা পন্দুব অমা হৌবনি অমসুং মালেমদা ভারতকী নেভিগী মপাঙ্গল হেনগৎলকপগী লাউথোকপনি। আই.এন.এস বিক্রান্তদগী হৌরগা ঙসি ফাওবগী খোঙচৎ অসি অনৌবা লালগী জহাজশিংগী ইচম চম্বা খোঙচৎ নত্তে; মসি ভারতনা মশা-মরোমদোম লেপচবা ঙম্বগী খোঙচৎকী মমি অমনি। লৈবাক অসিনা মশানা দিজাইন তৌজবা, শাবা অমসুং অনৌবা থবক পাংথোকপা ঙম্বা অদু জহাজ অহুম অসিনা খুদম ওইরে। ভারত্ত দিজাইন তৌবা অমসুং শাবনি, ভারতকী উদ্যোগশিংগী হৈথোই-শিংথোইবা, ভারতকী ইঞ্জিনিয়ারশিংগী হৈশিংবা অমসুং ভারতকী শিন্মীশিংগী থবক শুবা কনবা জহাজশিং অসিনা উৎলে।

প্রধান মন্ত্রী মোদীনা হায়খি মদুদি ঙাক-শেনগী লমদা ইচম চম্বা পোৎ-চৈ লৈবা লৈবাক অমা ওইবা ভারতনা পামদে। লৈবাক অমগী মিলিতরিগী মপাঙ্গল অসি মালেমগী কৈথেলশিংদা লৈবাক অদুনা মখা পোনবদা ওন্দে অদুবু লৈবাক অসিনা মশাগী ওক্নবা পোৎথোক পুথোকপদা ওল্লি। পোৎথোক পুথোকপা অমসুং শাবা লৈবাক অমা ওইনবা ভারতনা হোৎনরি অমসুং মরমদি পোৎথোক পুথোকপা ঙম্বা লৈবাকশিংনা মালেমগী ফম্বাক্ত মরুওইবা লৈবাকশিং ওইরকই। হৌখিবা চহি খর অসিদা লৈবাক অসিনা শাজবা লালগী জহাজ অমসুং সবমেরিন ৪০ হেন্না ভারতকী নেভিদা থবক হৌখ্রে। চাউরাক্না চয়োল খুদিংগী নেভিনা অনৌবা জহাজ অমা ফংলি, লোয়ননা হৌজিক অচৌবা নেভেল প্লেতফোর্ম ৪৫ শাগৎলি। হায়রিবা মশিং অসি ইচম চম্বা মশিং নত্তে অদুবু ভারতকী উদ্যোগকী তৌবা ঙম্বা অমসুং তুংগী তৌবা ঙম্বগী খুদমশিংনি।

মেরিতাইম সেক্তরদা থবক য়াম্না ফংনবা ওইথোকপা লৈরিবা অসি পল্লদুনা, প্রধান মন্ত্রীনা হায়খি, সরকারনা মেরিতাইম সেক্তর অসি নাইতোম তাবা উদ্যোগ অমা ওইনা উদে অদুবু বিকসিত ভারত অমগী থবক ফংনবা অমসুং শেন-থুম চাউখৎনবা মরুওইবা ইঞ্জিন অমনি। অনৌবা মতমগী জহাজ অমনা য়াম্লবা ষ্টিল, ইলেক্ত্রোনিক্স, মেছিন্নরি অমসুং মচাক লিশিং কয়া দরকার ওই, উদ্যোগকী সপ্লাই চেনশিং শীনবা থুংনা খুদোংচাবশিং পীরি। থবক হৌখ্রবা জহাজ অহুম অসি শাবদা, এম.এস.এম.ই ২০০ হেন্না শরুক য়াখি, য়াম্লবা থবকশিং ফংহনখি অমসুং লৈবাক শীনবা থুংনা শেন-থুম তানবগী থবকশিং ফংহনখি।

প্রধান মন্ত্রীনা হায়খি মদুদি ঈশিংগী লমদা চাউখৎনবা মথংগী তাঙ্কক্ত চঙনবা ভারতকী মতম লাক্লে অমসুং জহাজ শাবগী লমদা অনৌবা পান্দম অমা সরকারনা থম্লে অমসুং লৈবাক মনুংদা পোৎথোক পুথোকপা হেনগৎহন্নবা হৌখিবা চহি খর অসিদা থৌশিল কয়া অওনবা পুরক্লে। সিপ্পিং সেক্তরগীদমক লুপা করোর ৭০,০০০ গী পেকেজ অমা লাউথোকপা অসি ইচম চম্বা শেন-থুমগী থবক অমা নত্তে, মসি ভারতকী তুংগী ঈশিংগী লমদা শেন থাদবা অমনি অমসুং উদ্যোগ পাকথোক-চাউথোকহনবনি। মসিগী অপুনবা পান্দম অসিগী মমি সাগরমালাগুম্বা থবকশিংদা তারে অমসুং পোৎ-চৈ পুথোক-পুশিন্দা শেন চঙবা হন্থহনবদা মতেং পাংলে, উদ্যোগ চাউখৎপা য়াংখৎহল্লে অমসুং সমুদ্র মপানগী লমদমশিংদা অনৌবা থবকশিং ফংহল্লে।

ঙাক-শেনগী হিরমদা ভারতকী অওনবা লাক্লিবা অসি পল্লদুনা, প্রধান মন্ত্রীনা হায়খি মদুদি মতম অমদা মালেমগী খ্বাইদগী চাউবা ঙাক-শেনগী খুৎলায়শিং লৈবা লৈবাকশিংগী মরক্ত ভারত য়াওখি, লাল্লোং অমসুং সেকুরিতি অনিমক খুদোংচাদবা কয়া মায়োক্নখি। ২০১৪ দা সরকার শেম্লবা মতুংদা, থৌশিলশিং অহোংবা পুরক্তুনা অমসুং ঙাক-শেনগী খুৎলায় শাবদা মশাগী ওক্নবা পোৎথোক পুথোকপদা অকনবা মীৎয়েং থমদুনা অকনবা থবক অমা পায়খৎখি। থবকশিং অদুনা দিফেন্স দিজাইন, মেনুফেকচরিং অমসুং মপান্দা থাদোকপদা অনৌবা খুদোংচাবশিং পীখি। ২০১৪ দা ভারতকী অপুনবা ঙাক-শেনগী পোৎথোক চাউরাক্না লুপা করোর ৪০,০০০ রোম ওইখি, মসি হৌজিক লুপা করোর লাখ ১.৮ রোমদা হেনগৎলে, মপাঙ্গল কনবা, মশা মরোমদোম লেপচবা ঙম্বা অমসুং দিফেন্স ইন্দষ্ট্রিদা মালেমগী ওইনা চাংদম্নবা ঙম্বা লৈবাক অমা ওইনবা মাইকৈদা শিংথানিঙাই ওইনা খুমাংচাউশিনবা উৎলে। থৌশিলশিং নাখৈ শেংবা, মাইকৈ চুম্বা অমসুং লৈবাক চাউখৎনবা ৱাশক অমগা লোয়ননা মরী লৈনবা খুদিংমক পুন্না থবক তৌমিন্নবদগী হৌখিবা চহি ১২ দা অওনবশিং পুরকখিবনি।

ভারতকী ইনাকখুল্লবা ঈশিংগী মমাংঙৈগী থবকশিং পল্লদুনা, প্রধান মন্ত্রীনা হায়খি মদুদি লৈবাক অসিগী ঈশিংগী থবকশিংগী ৱারি পল্লকপা মতমদা মশা মথন্থ ৱাখলদা নোংচুপ বেঙ্গল চঙলকই। ঈশিংগী লম্বীদা ভারতনা মপান লৈবাকশিংগা শম্নবদা পুৱারিদগী হৌনা বেঙ্গলনা মরুওইবা থৌদাং অমা লৌখি। পুৱারিগী অহোংবশিং, ললোন-ইতিক চাউখৎলকপা অমসুং চাউখৎপগী অনৌবা খোঙচৎশিং হুগলি তুরেলগী ঈশিংনা উখ্রে। বেঙ্গলগী মপারি অমসুং ভারতকী অহানবা ইন্দষ্ট্রি মিনিষ্টর ডাঃ শ্যামা প্রসাদ মুকর্জীগী মিং হিথাংফমদা থোনবা অসিনা থৌরম অসি অমুক্কা হেন্না মরুওইরে। ভারতকী ব্লু ইকোনোমি, মেরিতাইম মেনুফেকচরিং, লোজিষ্টিক্স অমসুং লাক্লিবা চহিশিংদা সমুদ্র মপান চাউখৎহনবদা নোংচুপ বেঙ্গলনা মরুওইবা মফম অমা ওইনবা শেম-শারে।

প্রধান মন্ত্রীনা অমুক হন্না হায়খি মদুদি ভারতনা মতম পুম্নমক্ত সমুদ্রশিং অসি মতেং পাংনবা অমসুং চৎথোক-চৎশিনগী পাম্বা অমা ওইনা উরি। শান্তি পুরক্নবা মপাঙ্গল কনবা তঙাইফদে হায়বা ভারতসু খঙই; নুংঙাই য়াইফবা ঙাক-শেন্নবা সেকুরিতি দরকার ওই অমসুং তুংগী ফিবম শেমগৎনবা মশা-মরোমদোম লেপ্পা ঙম্বা অসি মরুওই। ৱাখল্লোন অসিগী খুদম অমা ওইনা ঙসি ভারত নেভিদা আইএনএস অগ্রে, আইএনএস দুনাগিরি অমসুং আইএনএস সংশোধক য়াওরে অমসুং লৈবাক অসিগী তৌবা ঙম্বশিং হেনগৎলকপা থাজবা অমসুং অনৌবা থৌনা অমগা লোয়ননা মাংলোমদা চঙশিন্নবা অচেৎপা ফিরেপ অমসুং ২১শুবা চহিচাগী পান্দমগী লৈবাক অসিগী খুদম ওইরে।

মহাক্কী ৱারোল লোইশিল্লকপদা, প্রধান মন্ত্রীনা হায়খি মদুদি মাইপাকপশিং অসিদা মতেং পাংবগীদমক ভারতকী নেভি, বিজ্ঞানিকশিং, ইঞ্জিনিয়ারশিং, শিন্মীশিং অমসুং লৈবাক অসিগী মীওই খুদিংমক্ত প্রধান মন্ত্রীনা মহাক্কী য়াইফ পাউজেল পীখি অমসুং লৈবাক অসিগী সেকুরিতি, নুংঙাই য়াইফবা অমসুং মালেমগী ইকায়খুম্নবা হেনগৎহন্নবা ভারতকী মেরিতাইম অমসুং দিফেন্স সেক্তরশিং মখা তানা ফগৎহনগনি হায়না ফোঙদোকখি।

@rajnathsingh sir we can use term as “Samundar Ke Chhatrapati” not Samundar Ke Sikandar for India@Dev_Fadnavis

— Balkrishna Bhosale, (@BalBhosale) June 21, 2026

INS अग्रय, INS दूनागिरी और INS संशोधक को भारतीय नौसेना में शामिल किया गया है: PM @narendramodi

— PMO India (@PMOIndia) June 21, 2026

आज 21 जून को World Hydrography Day के रूप में भी मनाया जाता है।

और यह बहुत ही अद्भुत संयोग है कि आज के दिन हमने भारत का सबसे advanced hydrography जहाज़ “INS संशोधक” कमीशन किया है: PM @narendramodi

— PMO India (@PMOIndia) June 21, 2026

जिस देश का समुद्री सामर्थ्य मजबूत होगा… उसका आर्थिक और रणनीतिक प्रभाव भी उतना ही मजबूत होगा।

और भारत इस वास्तविकता को अच्छी तरह से समझता है।

भारत इसके लिए स्वयं को तैयार कर रहा है: PM @narendramodi

— PMO India (@PMOIndia) June 21, 2026

INS विक्रांत से लेकर आज तक की यात्रा केवल नए युद्धपोतों की यात्रा नहीं है।

यह भारत की बढ़ती आत्मनिर्भरता की यात्रा है।

आज INS अग्रय, INS दूनागिरी और INS संशोधक उसी यात्रा को नई गति दे रहे हैं: PM @narendramodi

— PMO India (@PMOIndia) June 21, 2026

भारत ने शिपबिल्डिंग क्षेत्र के लिए एक नई दृष्टि के साथ आगे बढ़ना शुरू किया है।

हाल के वर्षों में अनेक पॉलिसी रिफॉर्म्स किए गए हैं।

घरेलू निर्माण क्षमता बढ़ाने के लिए विशेष कदम उठाए गए हैं।

शिपबिल्डिंग, शिप रिपेयर तथा MRO को एक बड़े राष्ट्रीय मिशन के रूप में देखा जा रहा है: PM

— PMO India (@PMOIndia) June 21, 2026

भारत ने हमेशा से समुद्र को सहयोग का माध्यम माना है।

लेकिन भारत ये भी जानता है कि शांति की रक्षा के लिए सामर्थ्य आवश्यक है।

समृद्धि की रक्षा के लिए सुरक्षा आवश्यक है।

और भविष्य के निर्माण के लिए आत्मनिर्भरता अनिवार्य है।

आज INS अग्रय, INS दूनागिरी और INS संशोधक इसी भावना के…

— PMO India (@PMOIndia) June 21, 2026

***