ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা রিপব্লিক সম্মিৎ ২০২৬ দা ৱা ঙাংখ্রে। মীফম অদুদা শরুক য়াখিবশিং তরাম্না ওকখি, মালেম অসি য়াংনা চাউখৎলকপা উবা মতম অমদা “গ্রেত পৱার ইন্দিয়া: নেসন ফার্ষ্ট” হায়বা থিমদা খন্ন-নৈনবা অমা পাংথোকপগীদমক থৌরম শীল্লিবশিং প্রধান মন্ত্রীনা থাগৎপা ফোঙদোকখ্রে।

থৌরম অদুদা তিনখিবা মীয়ামদা ৱা ঙাংবদা, প্রধান মন্ত্রীনা হায়খি হৌখিবা চহি ১০ হেনবদা ভারতকী মাইপাকপশিং অমসুং অশেংবা মালেমগী শক্তি অমা ওইনা লৈবাক অসিনা ফগৎলক্লিবা অসিগী তুংদা “নেসন ফার্ষ্ট” হায়বা ৱাখল্লোন অসিনা লমজিংনবা ফিদম ওইরি। ভারত অসি শাংলবা পুৱারি অমা অমসুং চাউখৎপা অমসুং খুদোংচাদবা অনিমক্তগী পারাশিং তম্নবা অঙকপা থৌনা অমা লৈরবা সভেত্য অমনি। ঙসি লৌরিবা ৱারেপশিং অমসুং পায়খৎলিবা থবকশিংনা লাক্লিবা চহিচাশিংগী লৈবাক অসিগী তুংগী য়ু্ম্ফম থোল্লি। ভারত য়াংনা চাউখৎলক্লিবা ইকোনোমি অমা ওইবা খক নত্তনা, থাজবা য়াবা লৈবাক অমসু ওইরে। থাজবা, তুংকোইবা অমসুং মালেম শীনবা থুংনা য়াইফনবা ফিরেপ অমদা য়ুম্ফম ওইদুনা ভারতকী ফিবম ফগৎলকপনি।                            

হন্দক মহাক্না জি-৭ মীফম শরুক য়ারুবা অদু নিংশিংলদুনা, প্রধান মন্ত্রীনা হায়খি নেসন ফার্ষ্টকী ফিদমদা ভারতকী অচেৎপা থাজবা অদু মালেম শীনবা থুংবগী লুচিংবশিংনা খঙলে। মসিগী ৱাঙুলোন অসিনা মখা তানা চাউখৎপগী লম্বীদা খুমাংচাউশিন্দুনা লৈবাক অসিগী থৌশিলশিং, মরুওইবশিং অমসুং অনিংবশিং শেমগনি।

সরকারনা চহি ১২ মীয়ামগী থবক তৌরকপা অদু নিংশিংলদুনা, প্রধান মন্ত্রীনা হায়খি শ্বাচ্ছ ভারত, মেক ইন ইন্দিয়া, খাদি য়োকখৎপা অমসুং ভোকেল ফোর লোকেলগী খোঙজংগুম্বা মরুওইবা লৈবাক্কী থবকশিং নেসন ফার্ষ্টকী ৱাখল্লোন মীয়াম্না চেনবদগী মাইপাকপা ঙম্বনি। থবক অসিগী কান্নবা ত্রাইবেল অমসুং লেফ ৱিং এক্সত্রিমিজমনা শোকহল্লবা মফমশিংদা কান্নবা পীরে। মতম অমদা হিংশা অমসুং চাউখৎতবনা শোকহল্লবা মফমশিং হৌজিক মমাঙদা অমুক্ত ওইখিদ্রিবা মওংদা চাউখৎপা উরে। হৌখিবা চহি ১০ দা হায়রিবা লমদমশিং অসিদা কিমি ১২,০০০ হেনবগী লম্বীশিং, মোবাইল তৱার ৯,৫০০ হেন্না, বেঙ্কগী খুদোংচাবশিং, পোষ্ট ওফিসশিং অমসুং কম্মুনিকেসন নেতৱার্কশিং শেমগৎলে।

প্রধান মন্ত্রীনা হায়খি মদুদি হৌখিবা চহি কয়াদা মীওই লিশিং কয়া শিহনখিবা মাওইষ্টকী ইরাং, সেকুরিতিগী অকনবা থবকশিং অমসুং য়াংনা চাউখৎলকপগী অপুনবনা মরম ওইদুনা মসিগী অরোইবা তাঙ্কক য়ৌরক্লে। বাষ্টর ওলেম্পিক্স মাইপাকপা হেনগৎলকপা অসি মতম অমদা লমদম অসি অকিবা অমসুং তম্বা ঙমদবা ফিবম্না থল্লম্বা অদু নহারোলশিংগী অনিংবশিং অমসুং হৈথোই-শিংথোইবনা মহুৎশীনবগী খুদম ওইরে। 

অপাম্বা কয়া লৈবা ভারত অমা মপান ফগৎলক্লিবা অসি পল্লদুনা, প্রধান মন্ত্রীনা হায়খি মদুদি লৈবাক অসি ফত্তবা ৱাখল খনবা মতম অমদগী থাজবা অমসুং খুদোংচাবা লৈবা লৈবাক অমদা হোংলক্লে। “মসি কৈদৌঙৈদা পাংথোকপা ঙম্লোই” হায়বদগী “মসি পাংথোক্কদবনি” হায়বা ৱাখল্লোন্দা হোংলকপা অসি ভারতকী খ্বাইদগী চাউবা মাইপাকপনি। এস্পিরেসনেল দিষ্ট্রিক্স অমসুং এস্পিরেসনেল ব্লোক প্রোগ্রামশিংনা লৈবাক অসিগী খ্বাইদগী চাউখত্তবা মফম খর চাউখৎপগী লময়ানবশিং ওইহল্লে। পায়খৎলিবা থবকশিং অসিনা মীওই কয়াগী পুন্সিশিং হিংবগী থাক ৱাংখৎহল্লে অমসুং খুদোংচাবশিং হেন্না ফংলে।

প্রধান মন্ত্রীনা হায়খি মদুদি চাউখৎপগী কান্নবশিং লনাই বেনিফিসরিশিংদগী হেন্না ফংহল্লে অমসুং অপুনবা ওইনা খুন্নাই নুংঙাই-য়াইফবদা মতেং পাংলে। মশিং য়াম্লবা নিও-মিদল ক্লাস অমা থোক্লক্তুনা, চহি খর অসিদা মীওই করোর ২৫ রোম লায়রবা কোক্লে, লৈবাক শীনবা থুংনা শেন-থুমগী থবকশিং ফগৎলে অমসুং খুদোংচাবশিং পাকথোক-চাউথোক্লে। লায়রবা কোকহনবা হায়বসি য়াইফ-থৌরাংগী ইচম চম্বা পান্দম অমা নত্তে, মসি চাউখৎনবা, অনিংবশিং থুংনবা অমসুং খুন্নাইগী ফিবম ফগৎনবা হিদাক অমসুনি।

হৌখিবা চহি ১০ দা সরকারনা মিদল ক্লাসতা মীৎয়েং চঙলিবা অসি পল্লদুনা, প্রধান মন্ত্রীনা হায়খি মিদল ক্লাস ইমুংশিং হিংবদা লাইবা হেনগৎহনবা হায়বসি য়াম্না মরুওইবা অমনি। পন্দুনা লৈরিবা হাওসিং প্রোজেকশিং লোইশিন্নবা লুপা করোর ২৫,০০০ গী অখন্নবা ফন্দ অমা শেম্লে, মসিদগী লৈবাক শীনবা থুংবগী য়ুম লৈবা মীওই কয়াদা য়ুম লিশিং কয়া ফংহনখ্রে। শেন্দোয় পীক্না য়ুম লৈনবা শেন্থং ফংহনবা, দিজিতেলগী থবকশিং অমসুং সহরগী ইনফ্রাষ্ট্রকচর ফগৎলকপদগী মীয়ামগী পুন্সিগী হিংবগী থাক শিংথাবা য়ানা ফগৎলে। স্পিসিএল ৱিন্দো ফোর এফোরদেবল এন্দ মিদ-ইনকম হাওসিং(শ্বামিহ)গুম্বা থবকশিংনা পন্দুনা লৈরিবা য়ুমশিং শাবা লোইশিনবা অমসুং য়ুম্বুশিংদা ফংহনবদা মতেং পাংলে।

প্রধান মন্ত্রীনা হায়খি মদুদি হৌখিবা চহি ১০ দা ভারতকী ত্রান্সপোর্ত অমসুং লম্বী-থোঙগী ইনফ্রাষ্ট্রকচর শিংথাবা য়ানা ফগৎলে। হৌজিক মেত্রো রেল নেতৱার্কশিংনা নুমিৎ খুদিংগী পেসেঞ্জর করোর অমা হেন্না পুরে, লোয়ননা বন্দে ভারত, নমো ভারত অমসুং অমৃত ভারত ত্রেনশিংগুম্বা থবকশিংনা লৈবাক শীনবা থুংনা চৎথোক-চৎশিন ফগৎহল্লে। পাকথোক-চাউথোক্লবা লম্বীশিং, হায়ৱেজশিং অমসুং এয়রপোর্তশিংনা চৎথোক-চৎশিন ফগৎহল্লে অমসুং সহর অমসুং চাউখৎলক্লিবা মফম অনিমক্ত মীয়ামদা অনৌবা খুদোংচাবশিং পীরে।

তেক্সকী অহোংবশিং পল্লদুনা, প্রধান মন্ত্রীনা হায়খি মদুদি পায়খৎলিবা থবকশিংনা চাদিং তৌবা য়াবা শেন্থোক হেনগৎহন্নবা অমসুং তেক্স থিরবা মীওইশিংগী পোৎলুম হন্থহন্নবা পান্দম থম্লি। ফেসলেস প্রোসেস অমসুং ওনলাইন ফাইলিংগী থবকশিং য়াওনা লাইথোকহল্লবা অমসুং তেক্নোলোজি শীজিন্নরবা তেক্স থিবগী থবকশিংনা, নুংঙাইবা অমসুং অরোন-অথুপ লৈতবা হেনগৎহল্লে।

প্রধান মন্ত্রীনা হায়খি মদুদি মমল হোংবা হিদাকশিং ফংহনবা জন ঔসাধি কেন্দ্রশিংগুম্বা থবকশিং অমসুং তোঙান তোঙানবা য়াইফ থৌরাংগী স্কিমশিংগী মখাদা অহলশিং লেম্না লাইয়েংবগী খুদোংচাবা পীবা থবকশিংগী খুৎথাংদা ইমুংশিং লাইয়েংবদা চঙবা শেনফম হন্থহন্নবা সরকারনা থবক পায়খৎলে। পায়খৎলিবা থবকশিংনা ইমুং করোর কয়াগী চাদিং হন্থহনবগা লোয়ননা লাইয়েংবগী খুদোংচাবা ফংবা হেনগৎহল্লে।

মীয়ামগী অপাম্বশিংদা অহোংবা লাক্লিবা অসি পল্লদুনা, প্রধান মন্ত্রীনা হায়খি মদুদি মীয়াম্না হেন্না ফবা ইনফ্রাষ্ট্রকচর, অয়াংবা থবকশিং অমসুং অৱাংবা থাক্কী পুন্সি মহিং থিবগা লোয়ননা, ভারতকী চাউখৎপগী খোঙচৎনা অপাম্বশিং হেনগৎলকপগী চৎনবী অমা লৈহল্লে। অপাম্বশিং অসি লৈবাক অসিগী তুংগী ফিবমদা থাজবা থম্বগী অফবা খুদম অমনি অমসুং চাউখৎপা ঙম্মী হায়বগী মীয়ামগী থাজবগী মমি অমনি।

প্রধান মন্ত্রীনা হায়খি মদুদি য়াংনা হোংলক্লিবা মালেমগী ফিবম অমদা ফংলিবা খুদোংচাবশিং লৌনবা ভারতকী নহারোলশিং, ওন্ত্রেপ্রেন্যুরশিং অমসুং ষ্টার্দ-অপশিং মাংজিল থারি। নেসন ফার্ষ্টকী ফিদম্না লমজিংদুনা, অওনবশিং, ইন্নোবেসন অমসুং মীয়ামগী খনবা লৈঙাক্কীদমক সরকারনা থবক পায়খৎলে। য়াংনা চাউখৎলক্লিবা ভারত অমগী অপাম্বশিং অসিগা ফত্তবা খনবা অমসুং ওপোজিসনগী কাংলুপ অমগী ৱাফমগা খেন্নরে। মীয়াম্না হেন্না ফবা ইনফ্রাষ্ট্রকচর, তেক্নোলোজি, লম্বী-থোং অমসুং খুদোংচাবশিং থিবা হেনগৎলক্লবসু, কাংবু খরনা চাউখৎ-থৌরাংগী থবকশিংদা অথিংবা পীরি অমসুং মখোয়না পাম্লিবা অদু ওইনবা মখোয়না হোৎনরি। লৈবাক শেমগৎপগী থবক্ত থৱায় য়াওনা শরুক য়াবা য়াম্না মরুওই। ভারতকী চাউখৎপগী পান্দমশিং অমসুং নেসন ফার্ষ্ট ফিদমদা মীৎয়েং চঙনবা নহারোলশিং অমসুং মীয়ামদা প্রধান মন্ত্রীনা তকশিনখি।

মহাক্কী ৱারোল লোইশিল্লকপদা প্রধান মন্ত্রীনা হায়খি মদুদি মমাঙদা অমুক্ত থেংনখিদ্রিবা খুদোংচাদবশিং মালেম্না উরে মদুদি চাউখৎপা অমসুং অনৌবা থবকশিং পায়খৎনবা অনৌবা খুদোংচাবশিং পীবগা লোয়ননা মমাংঙৈগী চৎনবীশিংদা শিংনরে। ভারতকী নহারোলশিং, ওন্ত্রেপ্রেন্যুরশিং, ইন্নোবেতরশিং অমসুং ষ্টার্দঅপশিংনা খুদোংচাবশিং অসি লৌগদবনি অমসুং লৈবাক চাউখৎপদা মতেং পাংগদবনি। অওনবা খোঙচৎ অসিদা মীয়ামগীদমক সরকারনা খোঙফম চেৎনা লেপ্লি। য়াংনা চাউখৎপগী লম্বীদা লৈবাক অসি লেংদনা লৈরি অমসুং মসিগী খোঙজেল অসি মখা তানা য়াংখৎহনগনি। ভারতমচা করোর ১৪০গী অপুনবা থবকশিংনা বিকসিত ভারত অমগী মঙলান মঙফাওনহনগনি অমসুং মীয়ামদা মহাক্না য়াইফ পাউজেল পীখি।

Speaking at the Republic Summit. @republic https://t.co/SWnVKuCT9V

— Narendra Modi (@narendramodi) June 22, 2026

India is not only a fast-growing economy, but also a credible one.#RepublicSummit2026 pic.twitter.com/45Jt0eQyGx

— PMO India (@PMOIndia) June 22, 2026

Along with being a rising power, India is also a reliable power. pic.twitter.com/BTWavM4f0N

— PMO India (@PMOIndia) June 22, 2026

For India, Nation First is the highest guiding principle. pic.twitter.com/BObBRFQEDo

— PMO India (@PMOIndia) June 22, 2026

Maoist terror is breathing its last in India. pic.twitter.com/0IJpVGbd5x

— PMO India (@PMOIndia) June 22, 2026

The shift in mindset from “this can never be done” to “this will be done” is India’s greatest achievement. pic.twitter.com/DaNBzvERuA

— PMO India (@PMOIndia) June 22, 2026

Empowering the poor and middle-class. pic.twitter.com/KLyi9NsMBR

— PMO India (@PMOIndia) June 22, 2026

The collective efforts of 140 crore Indians will realise the dream of a Viksit Bharat. pic.twitter.com/5jHnaIEYP1

— PMO India (@PMOIndia) June 22, 2026

***