ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা গুজরাতকী সানন্দদা সি.জি সেমি আউতসোর্ছ সেমিকন্দক্তর এশেমব্লি এন্দ তেষ্ট (ও এস এ তি) ফেসিলিতি শঙ্গাখ্রে। থৌরম অদুগী মরুওইবা পল্লদুনা, প্রধান মন্ত্রীনা হায়খি মদুদি ঙসি হৌদোক্লিবা অসি লৈবাক অসিনা মসিগী পান্দমশিং ফংনবা অচেৎপা থবক পায়খৎপগী খুদম অমনি। চিংনবা লৈতনা লৈবাক অসিনা মসিগী অচেৎপা ৱাশকশিং থবক ওইনা পাংথোক্লি। ভারতনা লৌবা ৱারেপ খুদিংমক, লৈবাক অসিনা মাইপাকপা ঙম্মে হায়বা ঙসিগী থৌরম অসিনা খুদম ওইরে।

চহি ৫ গী মমাঙদা মঙবা হৌখিবা মরুওইবা মঙলান অমগী খোঙ্গুল লীরদুনা, প্রধান মন্ত্রীনা হায়খি মদুদি মরুওইবা পান্দমদি লৈবাক অসি অৱাংবা থাক্কী তেক্নোলোজিগী মালেমগী মফম অমা ওইহনবনি। লৈবাক অসিদা দিজাইন তৌবা অমসুং মফম অসিদা শাবদা মীৎয়েং থমদুনা, অহুমশুবা অচৌবা ফেসিলিতি অসিদা কম্মর্সিএল ওইনা চিপ য়োম্বগী থবক ওফিসিএল ওইনা হৌদোকপদা হরাওই। দিজাইন ইন ইন্দিয়া অমসুং মেক ইন ইন্দিয়াগী মরুওইবা লাইৱাগা লোয়ননা ঐখোয় মাইপাক্না মাঙলোমদা চঙশিল্লি।

প্রোজেক অসি য়াংনা পায়খৎলকপা অদু পল্লদুনা, প্রধান মন্ত্রীনা হায়খি প্রোজেক অসি ২০২৪ দা উরেপ-উয়ুং তমখি অমসুং ওগষ্ট ২০২৫ দা চিপ চাংয়েং তৌবা হৌখি। থবক পায়খৎপা হৌবদগী মপুংফানা পোৎথোক পুথোকপা ফাওবগী য়াংলবা খোঙচৎ অসিদা চোকথবা লৈতনা কৎথোকপা অমসুং মরী লৈনবা প্রোজেক কয়াগী মীৎয়েং চঙবগী মমি তারে। উরেপ-উয়ুং তম্বদগী হৌরগা পোৎথোক পুথোকপা হৌবগী শিংথানিঙাই ওইরবা খোঙচৎ অসি মরুপ কয়ানা কন্না হোৎনবগী ফলনি।

মীয়ামদা ৱা ঙাংদ্রিঙৈদা মহাক্না ৱারি শানখিবগী থৌদোক নিংশিংলদুনা, প্রধান মন্ত্রীনা হায়খি ফেসিলিতি অসিগা লৈরিবা কৎথোক্লবা শিন্মীশিংগা মহাক্কা ৱারি শানরে। মহাক্না একজিবিসন য়েংবদা নহা ওইরিবা শীনফম অসিগী মীওই কয়াগা হকথেংননা ৱারি শানখি অমসুং মখোয়গী থৌনা, থাজবা অমসুং অচুম্বা মীৎয়েং মহাক্না থাগৎপা ফোঙদোক্লদুনা, প্রধান মন্ত্রীনা হায়খি ঙসি ঐনা ৱারি শানখিবা নহারোল খুদিংমক মশনা মশাবু থাজবনা পীক থনখি।

প্রধান মন্ত্রীনা হায়খি মদুদি নৌনা শঙ্গারিবা ফেসিলিতি অসি মালেমগী লৈবাকশিংগা পুন্না থবক তৌমিন্নবগী মৈরা অমনি। অপুনবা থবকশিংনা লৈবাক অসিগী, জপানগী অমসুং থাইগী উদ্যোগশিং পুন্না থবক তৌমিন্নরে। থবক অসি ইচম চম্বা শেন তান্নবা থবক অমগী হেল্লে, মসি তেক্নোলোজিগী থাজনবা অমসুং ঙমখৈ ৱাংমা লান্না থবক তৌমিন্নবগী অফবা নমুনা অমনি। মসিগী পুন্না থবক তৌমিন্নবা অসিনা ভারতকী সেমিকন্দক্তরগী খোঙচত্তা অনৌবা ইনোৎ হাপ্লগনি।

হৌখিবা চহি ২ হেনবদা লৈখিবা শিংথানিঙাই ওইরবা মাইপাকপশিং পল্লদুনা, প্রধান মন্ত্রীনা হায়খি চহি অমদা য়ুনিতি করোর ২০ পুথোকপা ঙম্বগী অওনবা অসি থাগৎনিঙাইনি। চহি অমদা য়ুনিতি করোর ৫০০ য়ৌবা ঙম্নবা তিম্না অচৌবা পান্দম অমা থম্লিবা অসিদা মপুংফানা থাজবা থম্লি। মসিনা লৈবাক শীনবা থুংবগী তেক্নোলোজিগী থৌরমশিংগী খোঙজেল য়াংখৎহনগনি। খোঙথাং মথং মথং, চেক মরোল মরোল, চিপ অমগী মথংদা চিপ অমা শেমগৎপগীদমক অপুনবা কাংবু, রাজ্য সরকার অমসুং লৈবাক শীনবা থুংনা ঐনা থাগৎপা ফোঙদোকচরি।

থৌরম অদুদা তিনখিবা উদ্যোগকী অখঙ-অহৈশিং অমসুং নহারোলশিংদা ৱা ঙাংলদুনা, প্রধান মন্ত্রীনা হায়খি মদুদি অশেংবা মেনুফেকচরিংগী মপাঙ্গল অসি নাইতোম লৈবা ফেক্তরশিংদগী লাকপা নত্তে হায়বা মালেমগী উদ্যোগকী পুৱারিদগী তম্লকপা মরুওইবা পারাশিংদগী খঙলে। সিলিকোন ভেল্লি, সিনচু সাইন্স পার্ক অমসুং সুকুবা সাইন্স সিতিগুম্বা মমিং লৈরবা তেক হবশিং লৈরি। পুন্না চাউখৎমিন্নবা অমসুং থবকশিং পুনশিনবা য়াম্না মরুওই। অসিগুম্বা মপাঙ্গল কল্লবা মফমশিং শেমগৎনবা চপ মান্নবা মাইকৈদা ঙসি সানন্দনা মসিগী খোঙথাংশিং থাংজিল্লি।

লৈবাক অসিদা মশাগী ওইবা থবক অমা য়াংনা শেমগৎলক্লিবা অসি পল্লদুনা, প্রধান মন্ত্রীনা হায়খি থা খরদা লমদম অসিদা মাইক্রোন, কাইনেস অমসুং সি.জি সেমিগুম্বা অচৌবা ফার্মশিংনা পোৎথোক পুথোকপা হৌখ্রে। অখন্নবা কেমিকেল পুথোকপশিং, তেষ্টিং লেবশিং, দিজাইন সেন্তরশিং অমসুং অনৌবা ষ্টার্দঅপশিং য়ৌরক্লগনি। মফম অসিগী উদ্যোগশিংনা শেন-থুম অমসুং থবক ফংনবগী খুদোংচাবশিং হেন্না পীরগনি। মসি ক্লষ্টর অমগী অশেংবা মপাঙ্গলনি, মসিদা উদ্যোগ অমনা উদ্যোগ ১০ মচা পোক্কনি, অপুনবা লমদম অসিগী শেন্মিৎলোন্দা অওনবা পুরক্লে।

হিরম অসি চাউখৎলকপদা লৈবাক শীনবা থুংনা অমসুং মালেমগী ওইনা মপুংফানা হরাওবা ফোঙদোক্লিবা অদু পল্লদুনা, প্রধান মন্ত্রীনা হায়খি মদুদি মসিগী য়াংনা চাউখৎলকপা অসি নাইতোম তাবা থৌওং অমা নত্তে। ভারত্ত সেমিকন্দক্তর উদ্যোগ পাকথোক-চাউথোক্লকপা অসি অহিং অমদা ওইখিবা নত্তে; মসি হৌখিবা চহি ১০ দা ভারত্ত লৈখিবা ইলেক্ত্রোনিক্সকী অওনবগী মথংগী খোঙথাংনি। মসি হৌখিবা চহি ১০ দা ভারত্ত লাকখিবা ইলেক্ত্রোনিক্সকী অওনবগী মশা মরোমদোম লাকচবা মথংগী খোঙথাংনি।

লমদম অসিগী মেনুফেকচরিং মাইপাকপগী হৌরকফমশিং থিরদুনা, প্রধান মন্ত্রীনা হায়খি মদুদি হৌজিক পোৎথোক ফজনা পুথোক্লবসু মমাঙদা মপান লৈবাকশিংদগী পুশিল্লকপা স্মার্দফোনশিংগী মখা পোনখি। হৌজিক পোৎথোক পুথোকপা শরুক ৩৩ হেনগৎতুনা, লৈবাক অসি মালেমদা অনিশুবা খ্বাইদগী চাউবা মোবাইল ফোন শাবা অমসুং মপান্দা থাদোকপা লৈবাক অমা ওইরে। ঐখোয়গী খোঙচৎ মোবাইল ফোন পুথোকপদগী হৌরদুনা মসিগী মাইপাকপশিং অসি হৌজিক ফাওবা মখা চৎথরি।

প্রধান মন্ত্রীনা হায়খি মদুদি সেক্তর অসি শীনবা থুংনা শিংথানিঙাই ওইনা চাউখৎলে। ২০১৪ গী মতমদা লৈরম্বদগী অপুনবা পোৎথোক পুথোকপা শরুক ৭ হেনগৎলে লোয়ননা মপান্দা থাদোকপা শরুক ১১ হেনগৎলে। অপুনবা ইলেক্ত্রোনিক্স মেনুফেকচরিংগী থবকশিং ঐখোয় মাইপাক্লে অমসুং অপুনবা ওইনা মপাঙ্গল কনখৎলে।

প্রধান মন্ত্রীনা হায়খি মদুদি সরকারগী মরুওইবা লম্বী পাকথোক-চাউথোক্লে। মশাগী ওক্নবা পোৎথোকশিং পুথোকপগী মথক্ত মরুওইবা মচাকশিং মশানা পুথোকচবা হেনগৎহনবা অসিনা মরুওইবা পান্দমনি। চিপ শাবা অসিনা মালেমগী তেক্নোলোজিগী শক্তি ওইরি, অহানবদা পোৎথোকশিং, মথংদা কম্পোনেন্তশিং অমসুং হৌজিক সেমিকন্দক্তরশিং; ভারতনা অপুনবা ইলেক্ত্রোনিক্স ভেলু চেন শেমগৎলি, মসি বিকসিত ভারতকী লম্বীনি, মসি মেক ইন ইন্দিয়াগী মথংগী তাঙ্কক্নি।

প্রধান মন্ত্রীনা হায়খি মদুদি থবক অসিদা ঐখোয়গী তুংগী তাঙ্ককশিং মশক খঙদোক্লে। অপুনবা সপ্লাই চেন মপুংফানা থম্নবা অৱাংবা তেক্নোলোজিগী মেতরিয়েলশিং অমসুং ক্রিতিকেল মিনরেলশিং মশাগী ওক্নবা পুথোকপা য়াম্না মরুওই। দিজাইন্দগী হৌরগা পেকেজিং ফাওবগী থবক লমদম অসিদা পাংথোক্নবা পান্দম থম্লি। এ.আই অমসুং রোবোতিক্সতা অৱাংবা থাক্কী অওনবশিং পুরক্নবা লমদম অসিদা শাজবা চিপশিং নহারোলশিংনা শীজিন্নগনি হায়বগী থাজবা থম্লি। মেদ ইন ইন্দিয়া চিপশিং শীজিন্নদুনা ঐখোয়গী নহারোলশিংনা অনৌবা তেক্নোলোজিগী অওনবা থৱায় য়াওনা য়াংখৎহনগনি।

নহারোলশিংদা পাউজেল পীরদুনা, প্রধান মন্ত্রীনা হায়খি মদুদি কমদৌনা উদ্যোগকী অহোংবশিংনা মমাঙদা অমুক্ত ওইখিদ্রিবা মওংদা থবক ফংনবা খুদোংচাবশিং পীবগে হায়বা পুৱারিগী থৌদোকশিংদগী খঙলে। মমাঙদা আই.তি অমসুং স্মার্দফোন শাবগী থবকশিং চাউখৎলকপগী য়াম্লবা খুদোংচাবশিং ফংখি। হৌজিক লাক্লিবা তেক্নোলোজিগী ইথক অসিদা মদুগা চপ মান্নবা পাক্লবা ঙমখৈশিং উবা ফংলে। সেমিকন্দক্তর অমসুং এ.আইগী অওনবগী যুগ অসিদা থিজিনবগী হৌরগা দিজাইন অমসুং সপ্লাই চেন মেনেজমেন্ত ফাওবদা মশিং থিঙমদ্রবা খুদোংচাবশিং ফংহল্লে।

প্রধান মন্ত্রীনা হায়খি মদুদি তুংগী শিন্মীশিংনা মখা তানা চুশিন্ননবা হোৎনবদা অৱাবা মায়োক্নরি। হৌজিক্কী মতম অসদিআ অনৌবা লৌশিং তানশিনবা অমসুং অনৌবা ৱাখল্লোনশিং পুথোকপগী মখা পোল্লে। আর্তিফিসিএল ইন্তিলিজেন্সনা য়াম্লবা অনৌবা খুদোংচাবা কয়া পীরে। নিংথিনা থৱায় য়াওদুনা নৌনা ফংবা খুদোংচাবশিং অসি অনৌবা মীরোলশিংনা লৌনবা হোৎনগদবনি। করিগুম্বা অনৌবা খর তম্নবা অমসুং পাংথোক্নবা অফবা খুদোংচাবা অসি ভারতকী নহারোলশিংনা মাঙহল্লোইদবনি।

তেক্নোলোজিগী অওনবশিং অসিনা খুন্নাইদা পীরিবা কান্নবা পল্লদুনা, প্রধান মন্ত্রীনা হায়খি মদুদি অনৌবা ফেসিলিতি অসিদা ত্রাইবেল ফুরুপকী নহা ওইরিবী নুপী কয়া থৱায় য়াওনা থবক তৌরিবা অসি পুক্নিং থৌগৎনিঙাইনি। মখোয়গী খোঙচৎ চম্না হৌরকখি অমসুং মালেসিয়াদা অৱাংবা তেক্নিকেল ত্রেনিং ফংনবা আই.তি.আই তমখি। মমাঙদা মখোয়গী পোক্নফম লমদমশিংদগী হেন্দোক্ত্রবসু মালেমগী খ্বাইদগী নৌবা মেনুফেকচরিংগী থবকশিং পাংথোকপা মখোয়না লৌরিবা থৌদাং অসিদা অপেনবা ফাওই। তোপ-তোপ্পা মঙশিং মঙলিবা ইচানুপীশিং অসি ঙসিদি মেদ ইন ইন্দিয়া চিপ শাবগী থবকশিংদা তৎন-থানবা য়াদ্রবা শরুক অমা ওইরে।

মহাক্কী ৱারোল লোইশিল্লকপদা, প্রধান মন্ত্রীনা হায়খি মদুদি মপুংফানা চাউখৎলবা লৈবাক অমা ওইনবা মাইকৈদা লৈবাক অসি য়াংনা চঙশিল্লি। থা খরগী মমাঙদা তোঙান তোঙানবা মেনুফেকচরিং ফেসিলিতিশিং মতম চানা থবক হৌবা অসি অপেনবা ফাওই। তুংদু-লৈতাবা থৌশিল, নাখৈ শেংবা ৱারেপ লৌবা অমসুং লাম্বা লৈতনা য়াংনা থবক পাংথোকপগী খুদোংচাবা মালেমগী ইনভেষ্টরশিংদা পীগনি। হেন্না য়াংবা শেন-থুমগী অওনবশিং পুরক্কনি। লাইনা ললোন-ইতিক পাংথোকপা য়ানবা থাজবা মপুংফানা পীবগা লোয়ননা, ভারতমচা করোর ১৪০ না ২০৪৭ দা লৈবাক অসি শোইদনা চাউখৎলবা লৈবাক অমা ওইহনগনি।

A landmark day for India’s semiconductor journey. The CG SEMI OSAT facility in Sanand will strengthen the chip manufacturing ecosystem, boost technological self-reliance and enhance India’s position in the global semiconductor value chain.
https://t.co/uZA59xO3bs

— Narendra Modi (@narendramodi) July 4, 2026

The Semicon India programme is gathering rapid momentum…

Step by step.

Brick by brick.

Chip by chip. pic.twitter.com/EaEfWPNT2F

— PMO India (@PMOIndia) July 4, 2026

The expansion of the semiconductor industry in India did not happen overnight.

It is the next step in the electronics revolution that has taken place in India over the past decade. pic.twitter.com/fxQkRpY4W2

— PMO India (@PMOIndia) July 4, 2026

First products, then components and now semiconductors… India is building the entire electronics value chain.

This is the roadmap to Viksit Bharat. This is the next phase of Make in India. pic.twitter.com/aw556v0pmP

— PMO India (@PMOIndia) July 4, 2026

Our goal is to build a complete semiconductor ecosystem in India, from chip design to fabrication and packaging. pic.twitter.com/7CiVSTi5oE

— PMO India (@PMOIndia) July 4, 2026

India’s youth will power the AI, robotics and next-gen tech revolution with Made in India chips. pic.twitter.com/pM8YJ3fgOx

— PMO India (@PMOIndia) July 4, 2026

***