ভারতকী প্রধানমন্ত্রী

ঙসি প্রধান মন্ত্রী শ্রী নরেন্দ্র মোদীনা বিকসিত ভাইব্রেন্ত ভিলেজ প্রোগ্রাম ২০২৬ শরুক য়াখিবা নহারোলশিংগা ৱারি শানখ্রে। লৈবাক শীনবা থুংবগী জিলা ২৫০ রোমগী থৱায় য়াওবা নহারোলশিং থৌরম অসিদা শরুক য়াবদা মহাক্না তরাম্না ওকখি।

চহি খরগী মমাঙদা ‘মেরা যুব ভারত – মাই ভারত’ প্লেতফোর্ম মাইপাক্না লিংখৎখিবা অদু পল্লদুনা, মদু লৈবাক অসিগী নহরোল করোর কয়াদা য়ৌহনবদা থাগৎপা ফোঙদোকখি। লৈবাক শীনবা থুংবগী নহারোলশিংনা য়াম্না মশক থোকপা থবকশিং থৱায় য়াওনা পাংথোকপদা থাগৎখি, বিকসিত ভারত দাইলোগতগী হৌরগা বিকসিত ভাইব্রেন্ত ভিলেজ প্রোগ্রাম ফাওবা মখোয়না ফজনা পাংথোকপা অদু প্রধান মন্ত্রীনা শিংথাখি। মহাক্না হায়খি মদুদি ঙসি মাই ভারতকী নহা ওইরিবা মরুপশিংনা লৈবাক শীনবা থুংনা থাগৎনিঙাই ওইরবা থবকশিং পাংথোক্লি।

বিকসিত ভারত য়ং লিদরস দাইলোগ মনুংদা পাংথোকখিবা থবকশিং নিংশিংলদুনা, প্রধান মন্ত্রীনা হায়খি মদুদি ভর্চুএল ওইনা ৱারি শানবগী মথক্ত অহেনবা থবক তৌনবা অমসুং লৈবাক অসিগী অশেংবা শক্তমশিং খঙনবা নহারোলশিংনা হোৎনগদবনি। হিমাচল, উত্তরখন্দ অমসুং লাদাখতা ঙমখৈগী খুঙ্গংশিংদা নহারোলশিং থাবগী পান্দম পল্লদুনা, প্রধান মন্ত্রীনা হায়খি মদুদি লমদম অমগী চৎনবীশিং  মখোয় মশামক শরুক য়ানবা অমসুং হায়রিবা লমদমশিং অসিদা লৈরিবা অচেৎপা মরৈবাক নুংশিবা অদু উনবা নহারোল লাখ ৩ দগী নহারোল ৪০০ হেন্না খল্লে। অদোমগী চৎনবী অদুগা মফম অদুগী চৎনবীগা শম্নহনবা অসি ‘এক ভারত, শ্রেস্থ ভারত’ কী খ্বাইদগী ফজরবা খুদম্নি।

সরকারগী ওফিস পায়দ্রিঙৈ মমাংদা লম য়াম্না চত্তুনা ঙমখৈশিংদা লৈরিবা মীয়ামগা মহাক মশাগা অচেৎপা মরী লৈনবা অদু পল্লদুনা, প্রধান মন্ত্রীনা হায়খি মদুদি মতম কয়াগী মমাঙদগী ফ্রান্তলাইনশিংদা লৈরিবা লান্মীশিংগা লোয়ননা দিৱালি পাংথোকপগী চৎনবী অমা লৈরি। মহাক্না নুংঙাইরবা থৌদোক কয়া থেংনখি। মহাক্না কার্গিল বিজয় দিবসতা লান্মীশিংনা থৱায় কৎখিবা অদু ইকায়খুম্নবা উৎখি। প্রধান মন্ত্রীনা হায়খি মদুদি খ্বাইদগী খুদোংথিবা ফিবমশিংদা থৌনা ফরবা লান্মীশিংনা মাইপাকপগী ফিরাল পাইহনখি। বিকসিত ভাইব্রেন্ত ভিলেজগী অপুনবা থবকশিং অসি তশেংনা মশক থোকপা ওইরে।

প্রধান মন্ত্রীনা হায়খি মদুদি চাউখৎলবা খুঙ্গংশিং অসি বিকসিত ভারত অমগী য়ুম্বী মখোঙশিংনি। মসিগী অওনবা পুরকপগী খোঙচৎ অসি মখা তারি অমসুং পাকথোক-চাউথোরক্লি। নহারোলশিংনা থৱায় য়াওনা, মখোঙদগী হৌনা শরুক য়াবা অসিনা লৈবাক্কী পান্দম পাকথোক-চাউথোকহনবা খক নত্তনা লৈবাক অসি চাউখৎপদা মতেং পাংনবা মখোয় মশাগী ৱারেপশিং মপাঙ্গল কনখৎহল্লে। লৈবাক অসিগী নহারোলশিংনা থৱায় য়াওনা মীয়ামগা থবক তৌমিন্নবা মতমদা, মখোয়না বিকসিত ভারত অমগী পান্দম হেন্না পাকথোক-চাউথোকহল্লে।

ঙমখৈগী লমদমশিংদা পুন্সিদা অৱাবা কয়া থেংনরিবা অদু পল্লদুনা, প্রধান মন্ত্রীনা হায়খি মদুদি মখোয়না অৱাবা ফিবম কয়া মায়োক্নরবসু মফম অদুগী মীয়াম্না হিংবা অমসুং মিকুপ খুদিং মরৈবাক নুংশিবগী শ্বর হোনবগীদমক থাগৎলি। মমাঙগী সরকারশিংনা মীরাইদুনা হায়রিবা মফমশিং অসি ‘অরোইবা খুঙ্গংশিংনি’ হায়না হুন্দোক্লমখি। লম্বীশিং, মৈ অমসুং লাইয়েংশঙগুম্বা তঙাইফদ্রবা খুদোংচাবশিং মপুংফানা শেমগৎলমদে। লমদম অদুগী মীয়াম্না মাইথিবা পীবা ঙমদবা মরৈবাক নুংশিবগী ৱাখল্লোন চেনবগীদমক থাগৎপা ফোঙদোক্লি। অসিগুম্বা শাথিরবা ফিবমশিংগী মখাদা ঙমখৈগী খুঙ্গংশিংগী মীয়ামগী মরৈবাক নুংশিবা কৈদৌঙৈদা শোন্থদবা অসিদা ঐখোয় চাউথোকচগদবনি।

সরকারগী মরুওইবা থৌশিলদা অচৌবা অহোংবা অমা লাক্লিবা অদু পল্লদুনা, প্রধান মন্ত্রীনা হায়খি ভারত্ত ঙমখৈগী খুঙ্গংশিং লৈবাক অসিগী অহানবা খুঙ্গংশিং, অয়ুক্কী অহানবা নুমিৎকী মঙাল ফংবা অমসুং মচু অহুমগী ফিরালনা লৈবাক অসি অহানবা ওইনা তরাম্না ওকপা মফমনি হায়না ঐখোয়গী সরকারনা অমুক হন্না ওফিসিএল ওইনা মশক তাক্লে। মমাঙদা অমুক্ত ওইখিদ্রিবা মওংদা খুঙ্গংশিং অসিদা লম্বীশিং, মৈ, তোতি ঈশিং, গ্যাস অমসুং অয়াংবা ইন্তরনেত য়ৌরে। সহরদা ফংবা তঙাইফদবা খুদোংচাবশিং অসিনা ঙমখৈগী মীয়ামগী লৌউ-শিংউগী শেন্মিৎলোন অমসুং নোংমগী পুন্সিদা মপুংফানা অওনবা পুরক্লে। ঐখোয়গী ঙমখৈগী লমদমদা লৈরিবা পুৱারি ওইরবা ৱাখল্লোনশিংদা অহোংবা পুরকপগী ফল ওইনা ঙসি য়াংনা অওনবা পুরক্লে।

অনৌনা শেমগৎপা ইনফ্রাষ্ট্রকচরশিংনা পীরিবা কান্নবশিং পল্লদুনা, প্রধান মন্ত্রীনা হায়খি মদুদি লমদম অমগী তুরিজম অমুক হন্না য়াম্না চাউনা ফিবম ফগৎলক্লে। মতম অমদা মী ইতাক তাক্লম্বা খুঙ্গংশিং হৌজিক থবক কয়ানা পীক থল্লে, ইচানুপীশিং লাইরিক তম্নবগী খুদোংচাবশিং হেনগৎলে অমসুং মফম অদুদা লাইরিক তম্বগী খুদোংচাবা ফগৎলে। হায়রিবা অহোংবশিং অসি ভাইব্রেন্ত ভিলেজ প্রোগ্রাম্না য়াংখৎহনবনি। ভাইব্রেন্ত ভিলেজ প্রোগ্রাম্না ঙমখৈগী খুঙ্গংশিং মপুংফানা চাউখৎহনবা অসিদা অনৌবা ইনোৎ হাপ্লে।

প্রধান মন্ত্রীনা হায়খি মদুদি ঙমখৈগী লমদমশিংদা চৎপগী খোঙচৎশিং অসি মীয়াম শরুক য়াবা অপুনবগী খোঙচৎ অমনি। নহারোলশিংনা নাৎকী মরমদা খঙবা, অপেনবা অমসুং তরাম্না ওকপগী মথক্ত ইকায়খুম্নবা ফংলে। খোঙচৎ অমদা ফংলিবা মীয়ামগা উনবগী মমল নাইদ্রবা থৌদোকশিং অদু কৈদৌঙৈদা কা অমদা ফংলোই। লমদমশিং অসিদা চৎপা মতমদা থৌরম অসি শরুক য়ারিবা নহারোলশিংনা থৱায় য়াওনা মখোয়গী মরুপশিংগী পুক্নিং থৌগৎকদবনি। মসিনা মতুং তারকপদা অনৌবা মতমগী খুদোংচাবশিং ফংবা য়াংখৎহনগনি। ভারতকী নহারোলশিংনা ঙমখৈগী খুঙ্গংশিংগী হেন্না খঙলিবমখৈ, ঐখোয়গী লৈবাক হেন্না মপাঙ্গল কনখৎলক্কনি।   

প্রধান মন্ত্রীনা হায়খি মদুদি সরকারনা ঙমখৈ লমদমগী তুরিজমদা অকনবা মীৎয়েং চঙলিবা অসিদা নহারোলশিংনা থৱায় য়াওনা হেন্না চাউখৎহনগদবনি। থৌরম অসিদা শরুক য়ারিবা নহারোল খুদিংমক্না মখোয়না থেংনরকপশিং য়ামদ্রবদা মখোয়গী মরুপ ১০০ দা ৱারি লিগদবনি। লমদম অমগী চৎনবীশিং অমসুং পোৎথোকশিং য়োকখৎনবা লমদম অদুগী কন্তেন্ত ক্রিয়েতরশিংগা লোয়ননা থৱায় য়াওনা থবক তৌমিন্নগদবনি। নহারোলশিংনা মখোয়গী স্কুলশিংগী খুৎথাংদা অচুম্বা ইন্তরনেতকী মচাকশিং, তুংগী ইমুং-মনুংগী কোইবা চৎপগী থৌরাং অমসুং লাইরিক-লাইশুগা মরী লৈনবা খোঙচৎশিং পাংথোক্নবা থৌরাং য়াগদবনি। নহারোল খুদিংমক্না মখোয়না থেংনরকপশিং য়ামদ্রবদা অতোপ্পা নহারোল ১০০ দা শরুক য়াগদবনি।

মহাক্কী ৱারোল লোইশিল্লকপদা প্রধান মন্ত্রীনা হায়খি মদুদি তুংগী মীরোলদা চিংনবা লৈতনা থাজবা থম্লি। ২১শুবা চহিচাগী মালেমগী ফিবম শেম্বদা ভারতকী নহারোলশিংনা লাইবক লেপকনি। মখোয় বিকসিত ভারত অমগী শাফুনি অমসুং কান্নবা ফংগদবা মীওইশিংনি। মখোয়না লৈবাক অসিগী মরুওইবা শিংনবশিং অমসুং পাম্বৈশিংদা হকথেংননা থবক তৌবগী ফলনা লৈবাক অসিগী অফবা তুংলমচৎ অমা শেমগনি। ঐখোয়গী নহারোলশিংগী শক্তিনা লৈবাকশিংগী খুদোংচাদবশিং অমসুং পাম্বৈশিংগা শম্নবা মতমদা, তুংলমচৎ শোইদনা মপুংফাগনি অমসুং মঙাল লৈগনি।

Interacting with the participants of the Viksit Vibrant Village Programme. Great to see that the initiative is instilling a deeper sense of nation-building among the youth.#Youth4ViksitBharat #MYBharat https://t.co/2vCFle03vY

— Narendra Modi (@narendramodi) July 26, 2026

विकसित गांव, विकसित भारत की भी आधारशिला है: PM @narendramodi

— PMO India (@PMOIndia) July 26, 2026

हमारी सरकार ने, सीमावर्ती गांवों को… देश का प्रथम गांव माना: PM @narendramodi

— PMO India (@PMOIndia) July 26, 2026

विकसित Vibrant Village की ये यात्रा… सबको जोड़ने, सबसे जुड़ने का ही एक माध्यम है: PM @narendramodi

— PMO India (@PMOIndia) July 26, 2026

***