ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ভারতকী কম্মনৱেল্থ গেম্স চেম্পিয়নশিংগা ৱারী শাখ্রে। প্রধান মন্ত্রীনা হৌখিবা চহি তরা অসিদা ভারতকী শান্ন-খোৎনবগী লমদা অহোংবা লাকপা উবা ফংখি ফোংদোক্লদুনা মহাক্না হায়খি মদুদি মহাক্কী ময়ুমদা লৈবাক্কী শান্নরোয়শিংবু তরাম্না ওকপা অসি মহাক্কী চহি ১২-১৩গী থৌ পুরক্লিবা মতমগী মনুংদা চাং নাইনা তৌরকপা চৎনবী অমনি। লৈবাক অসিগীদমক লেপ্পা লৈতনা মায় পাকপা পুরক্তুনা ভারতকী শান্নরোয়শিংগী কন্না হোৎনরিবশিং অমসুং লেপ্পা লৈতনা মায় পাকপশিং অসিনা মহৈরোয়শিংদা রুতিন প্রমোস্নেল এদভাইজশিংদগী হেন্না ইফেক্তিব ওইনা ইথিল পীরি হায়না মহাক্না ফোংদোকখি। শ্রী মোদীনা হায়খি মদুদি, “অদোমগী মেদল অসিনা স্কুলশিংদা চৎতুনা ঐখোয়না হায়জরুবদগী হেন্না মখোয়দা ইথিল পীরি।”

শান্নরোয় অমনা মহাক্কী মচানুপীশিংনা শান্ন-খোৎনবদা শরুক য়াবগী মতাংদা মমাংদা ফিরেপ লৌখিবা অদু নীংশিংলিবা প্রধান মন্ত্রীনা শান্নরোয় অমগা ৱারী শানখি, প্রধান মন্ত্রীনা মহাক্কী খোংজেলগী মতাংদা য়েংশিনখি অমসুং লাক্কদৌরিবা কম্মনৱেল্থ গেম্সতা মহাক্কী মচানুপীশিংনা মেদল অহুম পুরক্কনি হায়বগী থাজবা ফংখি। মহাক্না মহাক্কী কনফিদেন্স অদু চুম্মি ফোংদোকখি অমসুং মায় পাক্নবগীদমক মহাক্কী অচেৎপা থাজববু পুক্নিং থৌগৎখি।

প্রধান মন্ত্রীনা শান্নরোয়শিংগী ইমোস্নেল ওইবা খোঙচৎ অদু শকখঙলদুনা গুরু পুর্নিমাদা মায় পাকখিবা অমা মহাক্কী কোচতা কত্থোকখিবা শান্নরোয় অমগী অমসুং জাতিগী ফিরাল ৱাংখৎলকপদা উবা ফংনবগীদমক চহি মরিদা লেপ্পা লৈতনা অশোক-অপন নংখিবা অমসুং লনাইগী খুদোংচাদবশিং মায়োক্নরবা মতুংদা পোদিয়মদা পীরাং শিন্থরকখিবা অতোপ্পা শান্নরোই অমগী হোৎনবা কনবা মতৌ অদু মহাক্না পনখি। মহাক্না হায়খি মদুদি অসিগুম্বা জাতিগী মায় পাকপা অসি ইন্দিভিজুএল এচিবমেন্তশিংদগী হেন্দুনা লাক্কদৌরিবা চারোন-শুরোনশিংগীদমক্তা ইন্সপিরেসনগী লেপ্পা লৈতবা সোর্স অমা ওইরক্লি। “অদোমগী মায় পাকপা অসিনা লাক্কদৌরিবা মীরোলশিংগীদমক য়াম্না চাউবা ইথিল অমা ওইরগনি,” হায়না শ্রী মোদীনা ফোংদোকখি।

প্রধান মন্ত্রীনা ইন্তর্নেস্নেল সর্কিৎতা ভারতকী শান্নরোয়শিংনা ইকায় খুম্নবা অমসুং থাজবা হেনগৎলক্লিবা অদুগী মতাংদা খন্নখি। মালেমগী শান্নরোয়শিংনা হৌজিক্তি ভারতকী মাইয়োক্তা শান্নবা মতমদা অকিবা পোক্লে হায়না মহাক্না ফোংদোকখি। মহাক্না ভারতকী বোক্সরশিংগী থাক ৱাংখৎলকপগী মতাংদা অখন্ননা পনখি অমসুং খেলো ইন্দিয়া স্কিমগুম্বা গ্রাসরুৎ ইনিসিয়েতিবশিংনা লৌরিবা অহোংবা পুরকপগী থৌদাং অমসুং সরকারনা পীরিবা বেক-তু-বেক কম্পিতিসন সপোর্তকী মতাংদা শান্নরোয়শিংনা পীরকপা ফীদবেকশিংবু মহাক্না খঙজিনখি। “মালেমগী শান্নরোয়শিংনা হৌজিক্তি বোক্সরশিং অসিবুসু অকিবা পোকপা হৌরে,” হায়না শ্রী মোদীনা হায়খি।

প্রধান মন্ত্রীনা স্পোর্তস প্রমোসনগী মপুং ওইবা ফিলোসোফী অদু ফোংদোকখি। মহাক্না হায়খি মদুদি শান্নরোয়শিংনা খেলো ইন্দিয়া ইনিসিয়েতিবকী ইকাই খুম্নবা হেনগৎহনবগা লোয়ননা নহা ওইরিবা লর্নিংগী স্পিরিৎ অদু মখা তানা ঙাক্না চৎকদবনি। মহাক্না মখা তাখি মদুদি অশেংবা নেস্নেল স্পোর্তসকী মায় পাকপা অসি ফিজিকেল ইনফ্রাস্ত্রকচরদা খক্তগী মখা পোল্লোই, অদুবু লৈবাক শিনবা থুংনা পাক শন্না স্পোর্তস কলচর অমা শেমগৎপদা মখা পোল্লি। শ্রী মোদীনা হায়খি, “স্পোর্তসকী ইনফ্রাস্ত্রকচর অসি ৱাফম অমনি, অদুবু লৈবাক অসিদা স্পোর্তসকী কলচর অমা শেমগৎলকপা মতমদা লৈবাক অসিনা মেদলশিং ফংলকই।”

প্রধান মন্ত্রীনা কার্গিল বিজয় দিবসতা মহাক্কী পাকিস্তানি ওপোনেন্তবু ৫-০ দা মায়থীবা পীখিবা ভারতকী লান্মীগী শান্নরোয় অমগী লৈবাক নুংশিবগী ইথিল অদু শিংথাখি অমসুং মহাক্কী মায় পাকপা অদু ভারতকী লান্মীগী অথৌবশিংদা কত্থোকখি। মহাক্না হায়খি মদুদি অসিগুম্বা নেস্নেল প্রাইদনা শান্নরোয়শিংগী মায় পাকপদা অখন্নবা মগুন অমা হাপচিল্লি। মহাক্না শান্নরোয় অমগা লোয়ননা মহাক্কী আর্মি কোচ, নরেন্দ্র রানা অমসুং “নরেন্দ্র” হায়বা মমিং অসিগা মরী লৈনবা ফজবা ৱারী অমা শান্নখি। শ্রী মোদীনা হায়খি, “অদোম্না মেদল মশিং হেনগৎহনবতা নত্তনা নহাশিংগী মীরোল অমা শেমগৎলে।”

লোকেল স্পোর্তস সেন্তরশিংদগী ইন্তর্নেস্নেল পোদিয়ম ফিনিস্তা ওন্থোকপা ঙমহন্নবা মরুওইবা ত্রেনিং ফেসিলিতীশিং ফংহনবগীদমক স্পোর্তস ওথোরিতী ওফ ইন্দিয়া (সাই) দা থাগৎপা ফোংদোকখিবা শান্নরোয় অমা প্রধান মন্ত্রীনা থাগৎখি। শ্রী মোদীনা হায়খি, “মসি ঐগীদমক য়াম্না চাউবা ইকায় খুম্নবা অমনি; অদোম্না কন্না হোৎন্দুনা ঐবু নীংশিংলি অমসুং ঐহাক্না অদোমগী মফমদা তৌবীমল খঙবা ফোংদোকচরি।”

প্রধান মন্ত্রীনা বারানসী অমসুং ভোপাল য়াওনা রিজনেল হব কয়াদা স্পোর্তস ইনফ্রাস্ত্রকচর শেমগৎপগী মতাংদা হংখি। মফম অসিদা শান্নরোয়শিংনা ত্রেনিং তৌদুনা অমসুং উজেনগী কাশী বিশ্বনাথ অমসুং মহাকালেশ্বরগুম্বা স্পিরিচুএল সাইতশিং চৎতুনা মতম লেনখি। মহাক্না সাই অমসুং খেলো ইন্দিয়া ফ্রেমৱার্কনা ২০১৮দা হৌরকপদগী লেপ্পা লৈতনা মতেং পীবগীদমক থাগৎপা ফোংদোকখি। মসিনা নহা ওইরিবা তেলেন্তশিংবু ইলিৎ কম্পিতিতিব লেভেলদা লাইনা ওন্থোকপদা মতেং পাংলি। “অদোম্না তুংলমচৎতা মায়পাক্কনি অমসুং ঐখোয়না অমুক্কা হন্না মফম অসিদা উনগনি”, হায়না শ্রী মোদীনা হায়খি।

ৱারী-ৱাতাই শাবা অদুদা মহাক্কী মপোক নুমিৎ পালন তৌরিবা মল্তি-তাইম মেদলিস্ত অমদা প্রধান মন্ত্রীনা মহাক্কী মপোক নুমিৎকী য়াইফ-পাউজেল পীখি, হকথেংননা অথুম্বা ইনবিখি। মহাক্না শান্নরোয় পুম্নমকপু মখোয়গী মায় পাকপগী খোঙজেল অসি পোজিতিব ওইবা ৱাখল্লোন অমগা লোয়ননা লেংদনা থম্নবা পুক্নিং থৌগৎখি। মহাক্না নোকখি অমসুং কন্তিঞ্জেন্তদা থংন-থংননা অহুমশুবা ওইনা মেদল লৌরকপা অসিগীদমক মহাক্কী য়াইফ-মঙ্গোল পীখি। শ্রী মোদীনা হায়খি মদুদি “মখা তানা শান্নবনা মায় পাকপা ঙম্মি”।

***