ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকি থোংদা খেলো ইন্দিয়া দাইলোগতা শরুক য়াখ্রে। প্রধান মন্ত্রীনা ওর্গনাইজরশিং, কেন্দ্র মন্ত্রীমন্দলগী মীহুৎশিং, মুখ্য মন্ত্রীশিং, অমসুং মায় ভারতকি ভোলুন্তিয়র লাখ কয়াবু অসিগুম্বা অঙকপা থৌরম অসি ওরকেস্ত্রা তৌবগীদমক থমোই শেঙনা নুংঙায়বা ফোঙদোকখি। ওগস্ত ২৯দা লাক্কদৌরিবা নেস্নেল স্পোর্তস দে অসি থোইদোক্না হায়রদুনা মহাক্না জাতি শিনবা থুংনা লৈরিবা নহাশিং অমসুং শান্ন-খোৎনবগী খুন্নাই পুম্বদা মহাক্কী মাংজৌননা য়াইফ-পাওজেল পিখি।”নুমীৎ অসি ভারত ইমাগী অথোয়বা মচা ওইরিবা মেজর ধ্যান চান্দজিবু নিংশিংবা অমসুনি,” হায়না শ্রী মোদীনা ফোঙদোকখি।

চহি লিশিং অমগী মমাঙদা ইন্দিয়ন আর্মীগী হোকি তীমনা ন্যু জিলেন্দা চৎখিবা পুৱারি ওইরবা খোঙচৎ অদু নিংশিংলদুনা প্রধান মন্ত্রীনা নাকল অনিগী শান্ন-খোৎনবগী মরি শেমগৎপদা মেজর ধ্যান চন্দগী মরুওইবা থৌদাং অদু ফোঙদোকখি। মহাক্না লিজেন্দা অসিগী নিংশিং খুভম অসিবু ইকায় খুম্নবা উৎখিবা মহাক্কী হন্দক্তা চৎখিবা ন্যু জিলেন্দগী খোঙচৎ অদুগী মতাংদা পল্লদুনা মহাক্না পুৱারি ওইরবা মরিশিং অদুবু হেন্না মপাঙ্গল কলহন্নবা জাতি অসিনা লেপ্পা লৈতনা হোত্‍‌নরিবা অদুদা অকনবা ৱাফম থমখি।”মেজর ধ্যান চান্দজিনা থমখিবা মরিশিংগী য়ুম্ফম, ঙসি ভারতনা মরিশিং অদুগী য়াইফনবা লেপ্তনা থবক তৌরি,” হায়না শ্রী মোদীনা চেৎনা ফোঙদোকখি।

হন্দক্তা মহাক্না নীংতম্বা নুমীত্তা রেদ ফোর্ত্তগী পুথোকখিবা শান্নবগী মীত্‍‌য়েং অদু নিংশিংলদুনা প্রধান মন্ত্রীনা অকনবা ৱাফম থমখি মদুদি শান্নবগী মতিক ময়াই অসি সুপ্নতগী মেদল ফংবখক্তদগী য়াম্না হেল্লি। মহাক্না শান্ন-খোত্‍নবা‌ অসি বিক্সিত ভারত অমা শেমগৎপগী মায়কৈদা জাতিগী শান্ন-খোত্‍নবা‌ অমসুং নহাশিংগী শক্তি অসি য়াম্না থুনা পুনশিন্নবা মরুওইবা খোঙজং অমনি হায়না ফোঙদোকখি ।”ঐহাক্না মতম পুম্নমক্তা হায়দুনা লাক্লি, শান্নরিবা মীওইশিং, লৈশাৎ তমগনি,” হায়না শ্রী মোদীনা রিমার্ক তৌখি।

শান্ন-খোৎনবদা মায় পাকপগী পাক-চাওরবা ৱাহন্থোক অসিগী মতাংদা শন্দোক্না তাক্লদুনা প্রধান মন্ত্রীনা ফোঙদোকখি মদুদি শান্ন-খোৎনবগী মায়পাকপা অসিনা ফন্দামেন্তেল ওইনা মীওই অমগী পর্সোনেলিতি, ইমুং-মনুংগী চাওথোকচবা, অমসুং লৈবাক্কি লৈবাক্কী মিংচৎ ওইহল্লি। মহাক্না থোইদোক্না ফোংদোকখি মদুদি প্লেয়র অমখক্তগী মায়পাকপা অসিনা মখোয়গী স্কুল, দিস্ত্রিক্ত, অমসুং রাজ্যগী মিংচৎ হেনগৎহল্লি, লোকেল রিজনশিংবু মালেমগী মেপতা চেৎনা থম্মী।”জিলা খুদিংমকনা মালেমগী শান্ন-খোৎনবগী মেপতা মখোয়গী মশক তাকপা ঙম্বাগী পোতেন্সিয়েল লৈ। মসিগী অচৌবা পোতেন্সিয়েল অসি লৌশিনবগা লোয়ননা ঐখোয়না সংৱাদ প্রোগ্রাম অসি মাংলোমদা পুখৎকদবনি,” হায়না শ্রী মোদীনা অকনবা ৱাফম থমখি।

মহাক্কী নীংতম্বা নুমীৎকি ৱারোলদা ফোঙদোকখিবা মরু ওইবা শিংনবা অমদা পুক্নিং চিংশিল্লদুনা প্রধান মন্ত্রীনা ওলেম্পিক্সকি দিশিপ্লিন পুম্নমককি চাওরাক্না শরুক অহুম থোকপগী অমদা ভারতনা পুৱারি ওইরবা শরুক য়াদবগী অৱাবা ফোঙদোকখি। ২০১২গী ওলেম্পিক্সতা ভারতনা সুপ্নতগী শান্ন-খোত্‍নবা‌ ১৩ খক্তাদা শরুক য়াখিবা অদু পন্দুনা মহাক্না অকনবা ৱাফম থমখি মদুদি জাতি অসিনা মালেমগী শান্ন-খোৎনবগী থৌরম ২০ হেনবদা মীত্‍‌য়েং থমদনা মেদল তেলিগী অচৌবা শরুক অমা মাংহল্লি।’ ঐখোয়গী মেদল তালি হেনগৎহন্নবা ঐখোয়না শান্ন-খোত্‍নবশিং অসিদাসু মাস্তর ওইবা শোয়দনা ফংগদবনি,” হায়না শ্রী মোদীনা অকনবা ৱাফম থমখি।

তেপ তৌদবা অচৌবা পোতেন্সিয়েল অদু ফোঙদোক্লদুনা প্রধান মন্ত্রীনা পনখি মদুদি সর্ফিং, স্পোর্তস ক্লাইম্বিং, অমসুং ৱিন্তর স্পোর্তসকিদমক্তা মপুঙ ফানা চুনবা পাক চাওরবা কোস্তলায়নশিং অমসুং তুরেলগী মফমশিং লৈরবসু, ভারত অসি লমশিং অসিদা মালেমগী ওইনা উবা ফংদনা লৈরি। মহাক্না লৈবাক শিনবা থুংনা লৈরিবা তোঙান-তোঙানবা জিলাশিংগী মনুংদা অখন্নবা শান্ন-খোৎনবগী ইকোশিস্তেমশিং থিজিন্নবা অমসুং শেমগৎনবা অৱাংবা থাক্কী পান্দম অমা থম্নবা হায়খি।

২০৩৬কি ওলেম্পিক্সকিদমক লোং তর্ম স্ত্রেতেজি অমা ফোঙদোক্লদুনা প্রধান মন্ত্রীনা শান্ন-খোত্‍নবগী পাক চাওরবা স্পেক্ত্রম অমদা ক্বালিফাই তৌবা ঙম্বা শান্নরোয়শিং খুদক্তা খঙদোকপা অমসুং শেমগৎ-শাগৎপগী খুদক্কী ওইবা মথৌ তাবা অদুদা অকনবা ৱাফম থমখি। মহাক্না চহি ৫দগী ১৫ ফাওবগী অঙাংশিংদা পান্দম থমলিবা অচৌবা নেস্নেল তেলেন্ত হন্ত অমা হৌদোকখিবা অদু অমুক হন্না ফোঙদোকখি, মসিদা অকনবা ৱাফম থমখি মদুদি খনবগী থৌওং অসিনা মখোয় মশাগী দিসিপ্লিনশিংগীদমক্তা ইন্তরেস্ত অমসুং স্পেসিফিক ফিজিকেল ফিৎনেশ অনিমক মরু ওইনা লৌগদবনি।”মসিগীদমক্তা শরকারদগী করিগুম্বা মতেং অমা মথৌ তারবসু, শরকারনা মসিদা অদোমগা লোয়ননা খুৎশম্নদুনা চৎকনি,” হায়না শ্রী মোদীনা থাজবা পিখি।

মোদরন, ২১সুবা চহিচাগী স্পোর্তস ইকোসিস্তেম অমা শেমগৎনবা এদ্মিনিস্ত্রেসনগী ৱাশক অদু অমুক হন্না চেৎশিলহন্দুনা প্রধান মন্ত্রীনা হৌজিক চত্থরিবা স্পেসিএলাইজ স্পোর্তস য়ুনিভর্সিতিশিং অমসুং এদভান্স ত্রেনিং সেন্তরশিং লিংখত্‍‌পগী মতাংদা অকুপ্পা ৱারোল ফোঙদোকখি। মহাক্না থোইদোক্না ফোংদোকখি মদুদি শরকারনা স্পোর্তস শাইন্স, ত্রেনিং, অমসুং কোচিংদা মালেমগী খ্বাইদগী ফবা থৌওংশিং সেয়র তৌনবা ইন্তর্নেস্নেল কোওপরেসন এক্তিব ওইনা হেনগৎহল্লি।”লৈবাক অসিদা সিস্তেম অমা শেমগত্‍‌লি, মফম অদুদা তেলেন্ত খঙদোকপদগী হৌরগা মালেমগী থাক্তা পুখত্‍‌পফাওবা, থাক খুদিংমক্তা সপোর্ত ফংলি,” হায়না শ্রী মোদীনা য়েংশিনখি।

শান্ন-খোৎনবগী চাওখৎ-থৌরাংগী মায়কৈদা সরকারনা য়াম্না লুনা লৌরিবা অদু ফোঙদোক্লদুনা প্রধান মন্ত্রীনা খেলো ইন্দিয়া শম্বদা অসি খন্ন-নৈনবা খক্তা নত্তনা জাতিগী শান্ন-খোৎনবগী মীত্‍‌য়েং অসি এক্তিব ওইনা শেমগৎনবা মরুওইবা প্লেৎফোর্ম অমা ওইনা ফোঙদোকখি। মহাক্না নহাশিংবু মখোয়গী পর্সোনেল এসপিরেসনশিংবু জাতিগী মংলানশিংগা শম্নহন্নবা ৱারি শান্নবা অসিবু শিজিন্ননবা পুক্নিং থৌগৎখি, তেলেন্ত দিবেলপমেন্ত অমসুং গবরনান্সকি মতাংদা মখোয়গী ফিদবেকশিংনা পোলিসিদা হকথেংননা ইথিল পিগনি হায়না থাজবা পিখি।”য়ুথ পাৱরগী য়াম্না অনৌবা ৱাখললোনশিং অসিনা বিক্সিত ভারত অমা থুংহন্নবগী পাঙ্গল ওইরগনি ,” হায়না শ্রী মোদীনা চেৎনা হায়খি।

শান্ন-খোৎনবগী অথোয়বা খুন্নাইগী কান্নবশিং অদু ফোঙদোক্লদুনা প্রধান মন্ত্রীনা পনখি মদুদি হকচাং ফবা খুন্নাই অমা, অচেৎপা ইমুং-মনুংগী স্ত্রকচরশিং, অমসুং হেন্না ফবা ৱার্ক কলচর অমা য়োকখৎনবগীদমক অচুম্বা শান্ন-খোৎনবা অসি তঙায়ফদবা অমনি। মহাক্না অকনবা ৱাফম থমখি মদুদি এথলেতিক এরেনা অসিনা মীওই অমবু মতৌ করম্না চেম্পিয়ন ওইগদগে হায়বদু খক্তা নত্তনা, মতৌ করম্না লান্থেংনবদা মায় পাকপা ঙমগদগে অমসুং অমুক হন্না হিংগৎহনগদগে হায়বদু তাকই।”শান্নবনা ঐখোয়বু চেম্পিয়ন ওইবতা নত্তনা শান্ন-খোত্‍নবা‌না ঐখোয়বু হেন্না ফবা কম্পিতিতর ওইহনবসু তাকই,” হায়না শ্রী মোদীনা রিমার্ক তৌখি।

শান্ন-খোৎনবগী থাজদবা ত্রান্সফোর্মেতিব পাৱরবু থাগত্‍‌লদুনা প্রধান মন্ত্রীনা জাতি অসিগী পেরা এথলেৎশিংবু মখোয়গী পুন্সী অমসুং খুদোংথিবশিংগী মতাংদা খুন্নাইগী ওইবা মীত্‍‌য়েংশিং হোঙদোকপা ঙম্বগী অচেৎপা থৌনাগীদমক পনখি। মহাক্না থোইদোক্না ফোংদোকখি মদুদি অখন্নবা থৌনা লৈবা শান্নরোয় অমগী মায়পাকপা অসিনা মখোয়গী ইমুং মনুং পুম্নমকপু ফন্দামেন্তেল ওইনা অমুক হন্না হিংগৎহল্লি, মখোয়গী অহানবা লানফমশিংদা মতেং পাংখিবা মমা-মপাশিং অমসুং মরুপশিংগী থৌনা অমসুং মংলানশিং অদু হেনগৎহল্লি।

অচেৎপা পর্সোনেল ইন্সপিরেসন ফোঙদোক্লদুনা প্রধান মন্ত্রীনা আর্চর শিতল, দবল পেরালিম্পিক মেদল ফংলবা অৱনি লেখারা, সুমীৎ এন্তিল, নিতেশ কুমার, অমসুং ঝান্দু কুমারগুম্বা পেরা এথলেৎশিংগী শিংথানিংঙায় ওইবা মায়পাকপশিং নিংশিংখি। মহাক্না থোইদোক্না ফোংদোকখি মদুদি মখোয়গী মায়পাকপা অসিনা মখোয়গী মরমদম রাজ্যশিং অমসুং জাতি পুম্বদা অচৌবা চাওথোকচবা পোকহল্লি।”ঐহাক্না অৱনিগা উনরকপা মতমদা ঐহাক য়াম্না চাওথোকচবা ফাওখি; অসিগুম্বা মরুপ খুদিংমক্না ঐখোয়দা ইথিল পিরি,” হায়না শ্রী মোদীনা ফোঙদোকখি।

হেন্না ফবা পুন্সী মহিংগী ফন্দামেন্তেল গরেন্তি অমা ওইনা শান্ন-খোত্‍নবশিং ফ্রেম তৌদুনা, প্রধান মন্ত্রীনা লিজেন্দারি সেন্তনেরিয়ন এথলেৎ ফৌজা শিংহবু পুন্সী চুপ্পা ফিৎনেশ অমসুং এথলেতিক পেসনগী অরোয়বা খুদম ওইনা পনখি। মহাক্না অকনবা ৱাফম থমখি মদুদি ফৌজা শিংহগী পুন্সীনা হকচাং শাজেল অমসুং অপুনবা য়াইফ-থৌরাংগী মরক্তা লৈরিবা অচেৎপা মরি অদু মপুঙ ফানা উৎলি।”মহাক্কী পুন্সী অসি শান্ন-খোত্‍নবা‌ অমসুং পুন্সীগী মতিক-ময়াই অসি করম্না মরি লৈনবগে হায়বগী য়াম্না চাওবা ইন্সপিরেসন অমনি,” হায়না শ্রী মোদীনা থোইদোক্না ফোংদোকখি।

শ্রী মোদীনা সস্তেন্স এব্যুজগী মরুওইবা খুন্নাইগী শিংনবা অদু ফোঙদোকখি, অমসুং মখা তানা হায়খি মদুদি শান্ন-খোত্‍নবশিংদা অশেংবা এঙ্গেজমেন্তনা মহৌশানা দ্রগশিংদগী লাপ্না লৈনবা মথৌ তাবা ৱিলপাৱর অদু শেমগত্‍‌লি। মহাক্না নহাশিংগী মরক্তা নশাগী ওইবা থৌওংশিং থেংনবদা য়াম্না অর্থ লৈবা থৌদাং লৌবগীদমক শান্নরোয়শিংবু থাগৎখি।”ঙসি নহাশিংগী মমাঙদা নশাগী শিংনবা অসি অসুক য়াম্না চাওরকপা মতমদা, মসিদসু শান্ন-খোত্‍নবানা য়াম্না অর্থ লৈবা থৌদাং লৌরি,” হায়না শ্রী মোদীনা অকনবা ৱাফম থমখি।

ভারত্তা শান্ন-খোৎনবা অসি য়াম্না ইকায়খুম্নবা প্রোফেসন অমা ওইনা থোরকপা অসি নিংশিংলদুনা প্রধান মন্ত্রীনা নাগরিকশিংনা ত্রাইএথালন, কিলোমিতর ৫ অমসুং কিলৌমিতর ১০গী লমজেলশিং, অমসুং হায়রোক্সগুম্বা ফিৎনেস চেলেঞ্জশিংদা এক্তিবা ওইনা শরুক য়ারিবা কলচরেল সিফ অমা থোইদোক্না হায়খি। মহাক্না হায়খি মদুদি হেদস্তেদশিং মাস্তর তৌবদগী হৌরগা কেজুএল ওইনা পিকলবোল শান্নবফাওবা, শান্ন-খোত্‍নবশিংনা একাদেমিক অমসুং কেরিয়রগী থবকশিংগা লোয়ননা নুংতিগী রুতিনশিংদা মখোয়গী মফম মায় পাক্না চেৎশিলহল্লি।”মসি অহোঙবা অসিনি, মসি ত্রান্সফোরমেসন্নি, মসিনা মরম ওইদুনা ভারতকি শান্ন-খোৎনবগী তুংলমচত্তা থাজবা অসিসু হেনগৎলক্লি,” হায়না শ্রী মোদীনা চেৎনা হায়খি।

গ্রাশরুৎ এঙ্গেজমেন্তকি তঙায়ফদবা অদুদা অকনবা ৱাফম থম্লদুনা প্রধান মন্ত্রীনা অকনবা ৱাফম থমখি মদুদি অচুম্বা শান্ন-খোৎনবগী কলচর অসি স্কুলশিংনা ফিজিকেল এজুকেসনবু সুপ্নগী কো-করিকুলর এক্তিবিতি অমখক্তমক নত্তনা পুন্সীগী মরুওইবা কম্পোনেন্ত অমা ওইনা মরু ওইনা লৌরকপা মতমদা খক্তদা শেমগত্‍‌লি। মহাক্না থোইদোক্না ফোংদোকখি মদুদি শান্ন-খোত্‍নবশিং ইন্সতিত্যুস্নেলাইজ তৌবনা নহা ওইরিবা শান্নরোয়শিংনা মরুওইবা ইমুংগী মতেং ফংহনবগা লোয়ননা নেস্নেল তেলেন্ত পুল অসি ফন্দামেন্তেল ওইনা পাকথোক চাওথোকহল্লি। শ্রী মোদীনা অকনবা ৱাফম থমখি, “স্পোর্তস সেন্তরশিং অসি স্ক্রীন্দগী হেন্না মরুওই। প্লেস্তেসন্দগী প্লে গ্রাওন্দশিং হেন্না মরুওই।”

ভারতকি নহারোলশিংগী তৌবা ঙম্বশিংদা মপুঙ ফানা থাজবা ফোঙদোক্লদুনা প্রধান মন্ত্রীনা লাওথোকখি মদুদি ফিল্দদা ওইরবসু নতৎরগা খুন্নাইদা ওইরবসু মখোয়গী এক্তিবা ওইনা শরুক য়াবা অসিনা জাতি অসিগী অশেংবা পাঙ্গল অদু ওইরি। মহাক্না অনৌবা ইক্বিপমেন্ত দিজাইনশিং, অহোঙবা শান্ন-খোত্‍নবা‌কি তেক্নোলোজি, শান্ন-খোৎনবগী মেদিসিন, ন্যুত্রিসন, সাইকোলোজি, অমসুং এনালাইতিক্সনা থৌগত্‍‌পা স্পোর্তিং সেক্তারগী মনুংদা কেরিয়রগী খুদোংচাবশিং চাওনা পাকথোক চাওথোকহনবগী মতাংদা ফোঙদোকখি। শ্রী মোদীনা অকনবা ৱাফম থমখি, “অদোম্না খুদোংচাবশিং অসি নান্থোকহল্লোইদবনি; মরম অদুনা ৱারি শানবা অসিদা, অদোমগী ৱাখল্লোনশিং অদু অমুকতং মাংলোমদা পুখত্‍‌পিয়ু।”

Khelo India has become a wonderful platform for nurturing sporting talent across the country. It is providing young athletes with opportunities and support to pursue their dreams.@kheloindia
https://t.co/hj8qEJRj09

— Narendra Modi (@narendramodi) August 27, 2026

मैंने इस 15 अगस्त को लाल किले से भारत का स्पोर्ट्स विजन देश के सामने रखा है।

जब मैं स्पोर्ट्स की बात करता हूं… तो ये केवल मेडल जीतने तक सीमित नहीं है।

ये विकसित भारत के निर्माण में… भारत की खेलशक्ति और युवाशक्ति को एक साथ जोड़ने का अभियान है: PM @narendramodi

— PMO India (@PMOIndia) August 27, 2026

ओलंपिक्स में जितने अलग-अलग स्पोर्ट्स होते हैं… भारत की टीमें उसमें से आधे स्पोर्ट्स में हिस्सा ही नहीं लेती।

यानि मेडल टैली के एक बहुत बड़े हिस्से के लिए तो हम कंपीट ही नहीं करते।

और दशकों से ऐसा ही चला आ रहा है: PM @narendramodi

— PMO India (@PMOIndia) August 27, 2026

ओलंपिक्स में जितने अलग-अलग स्पोर्ट्स होते हैं… भारत की टीमें उसमें से आधे स्पोर्ट्स में हिस्सा ही नहीं लेती।

यानि मेडल टैली के एक बहुत बड़े हिस्से के लिए तो हम कंपीट ही नहीं करते।

और दशकों से ऐसा ही चला आ रहा है: PM @narendramodi

— PMO India (@PMOIndia) August 27, 2026

खेल हमें केवल champion बनना नहीं सिखाता… बल्कि खेल हमें एक बेहतर competitor बनना भी सिखाता है।

उठना, गिरना… गिरकर फिर से उठना… Sports, ये ज़ज्बा हमारे भीतर लाता है: PM @narendramodi

— PMO India (@PMOIndia) August 27, 2026

Screens से ज्यादा… Sports centres की अहमियत है।

Play station से ज्यादा… Playgrounds की अहमियत है: PM @narendramodi

— PMO India (@PMOIndia) August 27, 2026

***