ভারতকী প্রধানমন্ত্রী

ভারতকী প্রধান মন্ত্রী শ্রী নরেন্দ্র মোদীনা হয়েং য়ু.এন. কনভেন্সন তু কোম্বেৎ দিজর্তিফিকেসন (য়ু.এন.সি.সি.দি.)গী ১৪শুবা কনফরেন্স ওফ পার্তিজ (সি.ও.পি.১৪)গী অৱাংবা থাক্কী সেগমেন্তদা ৱা ঙাংগনি। কনফরেন্স অসি উত্তর প্রদেশকী গ্রেতর নোইদাদা পাংথোক্লি।

চহী অনিগী ওইনা ভারতনা চাইনাদগী সি.ও.পি.গী প্রসিদেন্সী পায়হৌবা মতম অসিদা কনফরেন্স অসি পাংথোক্লি। মসিনা এনভাইরনমেন্তকা মরী লৈনবা ইশুশিংদা মালেমগী পুক্নিং চিংশিল্লগনি অখন্ননা লেন্দ মেনেজমেন্তদা। ভারতনা ক্লাইমেৎ চেঞ্জ, বাইওদাইবর্সিতী অমসুং লেন্দ মেনেজমেন্তদা পাংথোক্কদৌরিবা রিও কনভেন্সন অহুম্মক্তা সি.ও.পি.বু হোস্ত তৌনবগী ইকায় খুম্নবা অদু ফংলে।

কনফরেন্স পাংথোক্লিঙৈ মনুংদা, পার্তী ১৯৭তগী মন্ত্রীশিং অমসুং গোভর্নমেন্তশিং, নন-গোভর্নমেন্তশিং অমসুং ইন্তরগোভর্নমেন্তেল ওর্গনাইজেসনশিংগী মীহুৎশিং, বিজ্ঞানিকশিং, নুপী অমসুং নহা ৭,২০০না শরুক য়ারগনি হায়না পানরি। মখোয়না এক্সনগা লোয়ননা মালেম পুম্বদা লম শিজিন্নবগী পোলিসীশিং মপাঙ্গল কনখৎহন্নবা পান্দম থম্লিবা চাউরাক্না ৱারেপ ৩০ লৌগনি।