ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদীনা ঙসি উত্তর প্রদেশকী গ্রেতর নোইদাদা য়ু.এন.কনভেন্সন ওফ কোম্বেৎ দিজার্তিফিকেসন (য়ু.এন.সি.সি.দি.)গী ১৪শুবা কনফরেন্স ওফ পার্তী (সি.ও.পি.১৪)গী অৱাংবা থাক্কী সেগমেন্তা ৱা ঙাংখ্রে।

প্রধান মন্ত্রীনা হায়খি মদুদি ঐখোয়না চহী অনিগী ওইনা প্রসিদেন্সীগী ফম পায়রিবনা ভারতনা এফেক্তিব ওইবা কন্ত্রিব্যুসন অমা পীনবগীদমক মিৎয়েং থম্লি। চহী কয়াদগী ভারত্তা লৈরিবা ঐখোয়না মতম পুম্নমক্তা লৈপাক লৈহাওদা মরুওইবা পীরি। ভারতকী সংস্কৃতিদা মালেম অসিবু ইমা অমগুম লৌনৈ।

প্রধান মন্ত্রীনা হায়খি, “মালেম অসিদা লৈরিবা লৈবাক্কী শরুক অহুম থোকপগী অনি হেন্না দিজর্তিফিকেসন্না শোকহল্লি খঙবদা অদোম অঙকপা ফাওরমগনি। মসিনা মালেম অসিনা মায়োক্নরিবা ৱাতর ক্রাইসিস লোইশিন্নবা এক্সনগা লোয়ননা লেন্দ ফ্রন্ত তাশিনবগীদমক তঙায়ফদবা কেস অমা ওইহল্লি। মরম অদুনা ঐখোয়না দিগ্রেদেদ লেন্দশিং ৱারোইশিন পুরকপা মতমদা ঈশিংগী ইসুশিংশু ৱারোইশিন পুরকই। ৱাতর সপ্লাই হেঙ্গৎহনবা, ৱাতর রিচার্জ হেঙ্গহনবা, ঈশিংগী খোংজেল তপথহনবনা লৈপাক লৈহাওদা ঈশিংগী ইনিল চেলহনবা পুম্নমক অসি হোলিস্তিক লেন্দ অমসুং ৱাতর স্ত্রেতেজীগী শরুক অমনি। ঐহাক্না য়ু.এন.সি.সি.দি.গী লুচিংবশিংবু গ্লোবেল ৱাতর এক্সন এজেন্দ অমা শেম্নবা হায়জরি।”

প্রধান মন্ত্রীনা হায়খি, “য়ু.এন.এফ.সি.সি.সি.গী পেরিস সি.ও.পি.দা পীশিনখিবা ভারতকী ৱারোলশিং অদু ঙসি ঐহাক্না নীংশিংলক্লি। মদুদা লৈপাক লৈহাও, ঈশিং, নুংশিৎ, উশিং অমসুং থৱায় পানবা পুম্নমক্কী মরক্তা খল মান্ননা থম্নবা ভারতকী অচেৎপা সংস্কৃতি অদু উৎলি। ২০১৫দগী ২০১৭ ফাওবগী মনুংদা ভারতকী উ অমসুং উমংনা কোন্সিনবা অসি হেক্তর মিলিয়ন ০.৮ হেঙ্গৎখি।”

প্রধান মন্ত্রীনা ফোংদোকখি মদুদি তোঙান তোঙানবা খোংথাংশিংগী খুত্থাংদা ক্রোপ য়িল্দ হেঙ্গৎহন্দুনা লৌমীশিংগী শেন্থোক শরুক অনি ওইহন্নবা প্রোগ্রাম অমা সরকারনা হৌদোক্লে। মসিগী মনুংদা লেন্দ রেস্তেরেসন অমসুং মাইক্রো ইরিগেসন য়াওরি। ঐখোয়না পর দ্রোপ মোর ক্রোপ হায়বা মোতোগা লোয়ননা থবক তৌরি। ঐখোয়না বাইও ফর্তিলাইজর শিজিন্নবা হেঙ্গৎলদুনা পেস্তিসাইদ অমসুং কেমিকেল ফর্তিলাইজর শিজিন্নবা হন্থরে। ঈশিংগা মরী লৈনবা ইসু পুম্নমক মপুং ফানা ৱারোইশিন পুরক্নবা ঐখোয়না জল শক্তি মন্ত্রালয় শেমগৎলে। লাক্কদৌরিবা চহী খরা অসিদা ভারতনা সিঙ্গল ৱেস্ত প্লাস্তিক শিজিন্নবা লেপ্লগনি।
প্রধান মন্ত্রীনা হায়খি, “হ্যুমেন এমপাৱরমেন্ত অসি এনভাইরনমেন্তকী ফিভমদা নক্ননা মরী লৈনৈ। ঐখোয়না ফ্রেমৱার্ক কয়া অমা মশক তাকপা য়াই অদুবু অশেংবা অহোংবা অদুদি গ্রাউন্দা তিমৱার্কনা পুরক্কদবনি। মসি ভারতনা স্বচ্ছ ভারত মিশন্গী কেসতা উখ্রে।”

গ্লোবেল লেন্দ এজেন্দাদা ভারতকী ৱাফম অদু প্রধান মন্ত্রীনা অমুক হন্না ফোংদোকখি। প্রধান মন্ত্রীনা হায়খি, “ঐহাক্না ভারত্তা মায় পাক্লবা অদুগুম্লবা এল.এন.দি. (লেন্দ দিগ্রেদেসন ন্যুত্রেলিতী) খরা খঙমিন্নবা অমসুং এদোপ্ত তৌনীংবা লৈবাকশিংদা ভারতকী তেংবাংসু ওফর তৌরি। হৌজিক্তগী হৌরগা ২০৩০ ফাওবগী মনুংদা ভারতনা মসিগী লেন্দ দিগ্রেদেসন স্তেতস অসি হেক্তর মিলিয়ল ২১দগী হেক্তর মিলিয়ন ২৬ ফাওবা রিস্তোর তৌদুনা অপুনবা এরিয়াদা মসিগী পান্দম হেঙ্গৎহল্লগনি হায়না ফোরম অসিদগী ঐহাক্না লাওথোকচরি।”

প্রধান মন্ত্রীনা হায়খি মদুদি লেন্দ দিগ্রেদেসনগা মরী লৈনবা ইসুশিং থেংননবা ঐখোয়না ভারত্তা ইন্দিয়ন কাউন্সিল ফোর ফোরেস্ত রিসর্স অমসুং এজুকেসন্দা সেন্তর ফোর এক্সেলেন্স অমা লিখৎনবা ৱারেপ লৌরে। মসিনা লেন্দ দিগ্রেদেসনগা মরী লৈনবা ইসুশিং থেংনবদা মেনপাৱরগী নোলেজ, তেক্নোলোজী অমসুং ত্রেনিং এক্সেস তৌবা পাম্বশিংগা লোয়ননা সাউথ-সাউথ কোওপরেসন প্রমোৎ তৌবদা ইচং থৌনা এঙ্গেজ তৌগনি।

প্রধান মন্ত্রী শ্রী মোদীনা মহাক্কী ৱারোল অদু ‘ओम्द्यौः शान्तिः, अन्तरिक्षं शान्तिः’গা লোয়ননা লোয়শিনখি।