ভারতকী প্রধানমন্ত্রী

প্রধান মন্ত্রী শ্রী নরেন্দ্র মোদী হয়েং অন্ধ্র প্রদেশকী গুন্তূর, তামিল নাদুগী তিরুপ্পুর অমসুং কর্নাতকাগী হুব্লিদা চৎকনি। রাজ্যশিং অসিদা মহাক্না তোঙান তোঙানবা দিবেলপমেন্ত প্রোজেক্তশিং মায়খুম হাংদোক্কনি।

অন্ধ্র প্রদেশতা প্রধান মন্ত্রী

প্রধান মন্ত্রীগী অহানবা পন্থুংফম অন্ধ্র প্রদেশকী গুন্তূরদা ওইগনি, মফম অদুদা মহাক্না গুন্তূরগী য়েতুকর বাইপাসতা তোঙান তোঙানবা প্রোজেক্তশিং মায়খুম হাংদোক্কনি।

লৈবাক অসিগী ইনর্জী সেক্যুরিতীদা ইনোৎ অমা ওইনা, প্রধান মন্ত্রীনা ইন্দিয়ান স্ত্রেতেজিক পেত্রোলিয়ম রিজার্ব লিমিতেদ (আই.এস.পি.আর.এল)গী ১.৩৩ এম.এম.তি. বিসাখাপত্নম স্ত্রেতেজিক পেত্রোলিয়ম রিজর্ব (এস.পি.আর.) ফেসিলিতী জাতিদা কত্থোক্কনি।

অন্ধ্র প্রদেশকী কৃষ্ণ–গোদাবরি (কে.জি.) ওফশোর বেসিন্দা লৈরিবা ও.এন.জি.সি.গী বাশিসতা অমসুং এস ১ দিবেলপমেন্ত প্রোজেক্ত প্রধান মন্ত্রীনা শঙ্গাগনি।

মহাক্না কৃষ্ণপত্নমদা ভারত পেত্রোলিয়ম কোর্পোরেসন লিমিতেদকী অনৌবা তর্মিনেল শেমগৎনবা উরেপ উয়ুং তমগনি।

প্রোজেক্ত অসিনা অন্ধ্র প্রদেশ অমসুং য়ুমলোন্নবা রাজ্যশিংদা গ্যাসতা য়ুমফম ওইবা ইন্দস্ত্রীয়েল য়ুনিৎশিংদা চাওনা ইনোৎ পারগনি।

মদুগী তুংদা প্রধান মন্ত্রী তামিল নাদুগী তিরুপ্পুরদা খোংশানগনি। 

তামিল নাদুদা প্রধান মন্ত্রী

প্রধান মন্ত্রীনা তামিল নাদুগী তিরুপ্পুরদা লৈরিবা পেরুমনালুরদা তোঙান তোঙানবা প্রোজেক্তশিং মায়খুম হাংদোক্কনি।

তিরুপ্পুরদা মহাক্না ই.এস.আই.সি. হোস্পিতালগী উরেপ উয়ুং তমগনি। ফমুং ১০০ লৈবা হোস্পিতাল অসিনা তিরুপ্পুর অমসুং ই.এস.আই.না কোল্লিবা মনাক নকপা লমদমশিংদা লৈরিবা শিন্মী লাখ অমা হেনবা অমসুং মখোয়গী ইমুং মনুংগী মেদিকেলগী মথৌতাবশিং অদু ফংহল্লগনি।

প্রধান মন্ত্রীনা ত্রিচে এয়ারপোর্ত্তা অনৌবা ইন্তেগ্রেতেদ বিলদিং অমগীদমক অমসুং চেন্নাই এয়ারপোর্তকী মোদর্নাইজেসনগীদমক উরেপ উয়ুং তমগনি।

মহাক্না ই.এস.আই.সি. হোস্পিতাল চেন্নাই জাতিদা কত্থোক্কনি। মসিগী ফমুং ৪৭০ লৈবা হোস্পিতাল অসিনা মেদিসিনগী দিসিপ্লিন খুদিংমক্তা ক্বালিতী ত্রিৎমেন্ত ফংহল্লগনি। থৌরম অসিদা বি.পি.সি.এল.গী ইন্নোর কোস্তেল তর্মিনেল জাতিদা কত্থোক্কনি।

প্রধান মন্ত্রী মোদীনা চেন্নাই হিথাংফমদগী চেন্নাই পেত্রোলিয়ম কোর্পোরেসন লিমিতেদকী মনালি রিফাইনরী ফাওবগী অনৌবা ক্রুদ ওইল পাইপ লাইনসু শঙ্গাগনি। অহেনবা সেফতী ফিচরগা লোয়ননা শেমগৎলিবা পাইপলইন অসিনা শুংদোক্ত্রিবা থাওগী সেফ অমসুং রেলিয়েবল সপ্লাই ফংহল্লগনি অমসুং তামিল নাদু অমসুং য়ুমলোন্নবা রাজ্যশিংগী দরকার লৈবা ফংহল্লগনি।

প্রধান মন্ত্রীনা এ.জি.-দি.এম.এস. মেত্রো স্তেসনদগী ৱাশেরমেনপেৎ মেত্রো স্তেসন ফাওবা চেন্নাই মেত্রোগী সেক্সন অমগী পেসেঞ্জর সর্বিস হৌদোক্কনি। কিলোমীতর ১০ শাংবা সেক্সন অসি চেন্নাই মেত্রোগী ফেজ–১গী শরুক অমনি।

মথংদা প্রধান মন্ত্রীনা কর্নাতকাগী হুব্লিদা খোংশানগনি।  

কর্নাতকাদা প্রধান মন্ত্রী

হয়েংগী প্রধান মন্ত্রীগী খোংচৎকী অরোইবা পন্থুংফম অসি কর্নাতকাগী হুব্লিদা ওইগনি। মহাক্না হুব্লিগী গাব্বুরদা তোঙান তোঙানবা প্রোজেক্তশিং মায়খুম হাংদোক্কনি।

প্রধান মন্ত্রীনা ইন্দিয়ান ইন্সতিত্যুৎ ওফ তেক্নোলোজী–ধর্ৱাদ অমসুং ইন্দিয়ান ইন্সতিত্যুৎ ওফ ইনফোর্মেশন তেক্নোলোজী–ধর্ৱাদকী উরেপ উয়ুং তমগনি।

থৌরম অসিদা ধর্ৱাদতা লৈরিবা সিতী গ্যাস দিস্ত্রীব্যুসন প্রোজেক্ত জাতিদা কত্থোক্কনি। সরকারনা নাগরিকশিংদা হেন্না শেংবা ফ্যুএল ফংহনবা হেঙ্গৎহন্নবা লৈবাক্কী মফম পুম্বদা সিতী গ্যাস দিস্ত্রীব্যুসন নেৎৱার্ক কোভরেজ হেঙ্গৎহন্নবা কন্না হোৎনরি।

লৈবাক অসিগীদমক্তা ইনর্জী সেক্যুরিতী ফংহন্নবা অতোপ্পা খোংথাং অমদা প্রধান মন্ত্রীনা ১.৫ এম.এম.তি. মেঙ্গলোর স্ত্রেতেজিক পেত্রোলিয়ম রিজর্ব ফেসিলিতী অমসুং আই.এস.পি.আর.এল.গী ২.৫ এম.এম.তি. পদুর স্ত্রেতেজিক পেত্রোলিয়ম রিজর্ব ফেসিলিতী জাতিদা কত্থোক্কনি।

কিলোমীতর ১৮ শাংবা চিকজাজুর–মায়াকোন্দা সেক্সন দবলিং অসি অতোপ্পা হাইলাইত অমনি। সেক্সন অসি কিলোমীতর ১৯০ শাংবা হুব্লি–চিকজাজুর দবলিং প্রোজেক্তকীশরুক অমনি অমদি সাউথ ৱেস্তর্ন রেলৱেগী বেঙ্গলুরু–হুব্লি রুত্তা লৈরি। দবলিং অসিনা বেঙ্গলুরুবু হুব্লি, বেলাগাবি, গোৱা, পুনে অমসুং মুম্বাইগা শম্নহল্লিবা মরুওইবা রুৎ অসিগী লাইন কেপাসিতী হেঙ্গৎতুনা ত্রেনশিং খোংজেল য়াংনা চেনবা ঙমহল্লগনি।

প্রধান মন্ত্রীনা কিলোমীতর ৩৪৬ শাংবা হোসপেৎ–হুব্লি–বাস্কো দে গামা লাইনগী ইলেক্ত্রিফিকেসন ৱার্কসু হৌদোক্কনি। মসিনা খোংজেলগী মতম হন্থহল্লগনি অমদি দিজল শিজিন্নবা হন্থহনদুনা গ্রীনহাউস গ্যাস থাদোকপা হন্থহল্লগনি।

মীপুম খুদিংমক্তা ময়ুম ফংহন্নবা মহাক্কী ৱাশক অদুগা লোয়ননা ধর্ৱাদতা পি.এম.এ.ৱাই.(য়ু)গী মখাদা শাখিবা য়ুম ২৩৮৪গী শাক্ষিসু প্রধান মন্ত্রীনা ওইগনি।