ভারতকী প্রধানমন্ত্রী
প্রধানমন্ত্রী শ্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা ভারত অমসুং ইজরেলগী মরক্তা ফিলম কো-প্রদক্সনগা মরী লৈনবা এগ্রীমেন্ত অদু অয়াবা পীখ্রে । এগ্রীমেন্ত অসি ইজরেলগী প্রধানমন্ত্রী শ্রী বেঞ্জামিন নেতন্যাহুগী ভারত খোংচৎ মনুংদা ২০১৮গী জনুৱারি ১৫দা ন্যু দিল্লিগী হাইদ্রবাদ হাউজদা প্রধানমন্ত্রী অনিমক্না শরুক য়াখিবা থৌরমদা খুৎয়েক পীনখিবনি ।
ইন্তরনেস্নেল পার্তী অমগা লোয়ননা ইন্দিয়ান ফিলম অমা কো-প্রদক্সন তৌবগী আর্থদি ভারতকী প্রদুসর অমনা মহাক্কী ফিলমগীদমক ইন্তরনেস্নেল ফন্দদগীন শেল ফংবা ঙম্লগনি অমদি স্ক্রিপ্ত অমসুং তেলেন্তদা কোলাবোরেসন ঙমহল্লগনি । ত্রীতি অসিগী মখাদা ফিলম অমা কো-প্রদক্সন তৌবনা ভারত অমসুং ইজরেল অনিমক্তা নেস্নেল প্রদক্সন ক্বালিফাই ওইরগনি । মসিনা লৈবাক অনিমক্কী ওইবা ক্রিয়েতিব, আর্তিস্তিক, তেক্নিকেল, ফাইনান্সিয়েল অমসুং মার্কেতিং রিসোর্সশিংগী কমন পুল অমা লৈহনবশু ঙম্লগনি ।
ফিলম কো-প্রদক্সন এগ্রীমেন্ত খুৎয়েক পীনবনা লৈবাক অনিমক্তা আর্ত অমসুং কলচরগী ম্যুচেল একচেঞ্জদা খুমাং চাওশিল্লগনি, গুদৱিল শেম্লগনি অমসুং প্রজাগী মরক্তা লোয়ন লোয়ননা ফিলম মেকিংগী তোঙান তোঙানবা শরুকশিংদা খংবা হেল্লগনি । এগ্রীমেন্ত অসিনা আর্তিস্তিক, তেক্নিকেল লোয়ন লোয়ননা নন-তেক্নিকেল পর্সোনেলশিংগী মরক্তা থবক ফংহনবদা মতেং ওইরগনি ।
***
