ভারতকী প্রধানমন্ত্রী

খুরুমজরি,

করিগুম্বা ময়ামগা উন্নবা ফংদনা ঐহাক্না চৎখিবা তারম্লগদি ঐহাক্কী খোংচৎ অসি মপুং ফারম্লোয় । তোঙান তোঙানবা মফমশিংদগী মতম কায়থোক্তুনা ময়াম্না লাকপিরি । মদুশু ৱার্কিং নুমীৎ ওইবা ফাওবা লাক্লিবনি । মসি ভারতকীদমক অদোমগী নুংশিবা অদুনি, ভারতকীদমক অদোমগী মরি অদুনা মরম ওইরগা ঐখোয় পুম্নমক মফম অমদা পুল্লরে । ঐহাক্না অহানবা মক্তদা ময়ামবু অখন্ননা থাগৎপা ফোংদোকচরি । মরদি ঐহাক্না ভারতকী ৱাংমদা চৎপা মফম খুদিংদা ভারতকী মীওই কাংলুপকা উন্ননবা শোয়দনমক্কী হোৎনৈ অদুবু ঙসি ময়াম পুম্নমক্না উৎপিরিবা দিসিপ্লিন অদুগীদমক ঐহাক্কী মায়কৈদগী হাইনিঙায় লৈতনা থাগৎপা ফোংদোকচরি । মসি মশা মথন্তা য়াম্না চাওবা পাঙ্গল অমনি নত্রগদি অসুক য়াম্লবা মীয়াম অমসুং হোৎনরুবা তৌদনা ঐহাক্না ময়ামগা উন্নবা ফংবা অসি মশা মথন্তা ঐহাক্কীদমক য়াম্না নুঙায়বা তঞ্জা অমনি অমসুং মসিগীদমক্তা ময়াম পুম্নমকপু থাগৎনিঙাইনি ।

লৈবাক অসিদা ঐহাক্কী অহানবা খোংচৎ ওইজরবশু ভারতকীদমক মফম অসি য়াম্না মরু ওইরি অমসুং প্রধানমন্ত্রী ওইনা থবক তৌনবা ময়াম্না ইফমদা থৌদাং শিন্নবিরি । হৌরকপদগী ঐহাক্না এক্ত ইস্ত পোলিসিদা থবক তৌরি । মরমদি মতৌ অশুম্না ঐখোয়না লমদমশিং অসিদা হেন্না নক্নবা মরি অমা ফাওরি । তশেংনা হায়ববদা কোইদবা অমা ফাওরি । করিগুম্বা মরম খরনা, চাং খরদা, থমোয়নুংগী ওইবা মরি অমা ঐখোয়গী ইরক্তা লৈরি । তশেংনা হায়রবদা রমায়ন খংদবা বুদ্ধবু ইকায় খুম্নদবা লমদম য়াওরমলোয় । এম্বেসি অমনা থবক অমা তৌরি, মদুদগী শরুক কয়া হেনবা থবক কয়া অমা অচম্বা ভারতকী নাগরিক অমনা তৌবা ঙমম্মী । অমসুং ঐহাক্না খংজিল্লে মদুদি মালেম পুম্বদা ঙসিদি ভারতকী নাগরিক খুদিংমক্না চাওথোকচবগা লোয়ননা কোক নোনখৎতুনা মীৎয়েং চান্নদুনা ভারত মচা অমা ওইবগী ৱাফম ফোংদোকপা ঙমলি । কনাগুম্বা লৈবাক অমগী ওইনা মসি য়াম্না চাওবা লন্নি । অমসুং মালেম পুম্বদা শন্দোকলিবা ভারতকী কাংলুপশিং অমসুং ভারতকী প্রজাশিংনা চহি চা কয়াদগী লৈবাক নিংবগী মতৌ অদু উৎতুনা লাক্লি । চহি চা কয়াগী মমাংদা ঐখোয়গী ইপা ইপুশিং থোকলকখি অমসুং ভারতকী মগুন অমা লৈরি মদুদি ঐখোয়না চৎখিবা মফমশিংদা উন্নরুবা মীওইশিং অদু ঐখোয়গা তোৎন তিন্নখি । মসি অচম্বা ৱাফম নত্তে থম্মোয়নুংদা থাজবা অমনি । অদোম্না মফম অমদা লৈরবশু চহি কয়াদগী শুরোল কয়াদগী মপান্দা লৈজরবশু, লোন ফাওনবা ভমদ্রগশু করিগুম্বা ভারত্তা অৱাবা তারকপা মতমদা অদোম তুম্বা য়াদে । অমদি করিগুম্বা অফবা অমা ওইরকপা মতমদা হরাওবনা লৈফম খংদে । মরম অদুনা হৌজিক লৈরিবা সরকার অসিনা লেপ্পা লৈতনা হোৎনরিবা অদুদি লৈবাকপু চাওখৎপগী অদুগুম্লবা থাক অদুদা পুখৎপনি মদুনা মরম ওইরগা ঐখোয় মালেমগা থাক মান্ননা চৎমিন্নবা ঙমবা অমসুং করিগুম্বা অমুক্তং মান্ননবা মতেং অদু ফংলে হিন্দুস্থানবু মাংলোমদা চংশিনবদা কনানশু থিংবা ঙমগনি হায়বা ঐহাক্না থাজবা থমদে । মান্নবা থাক অমদা পুরকপা অসি ফাওবনি অৱাবা মায়োক্নগদৌরিবা অসি । মদুগী অৱাবা অদু অমুক্তং লানথোকখ্রবদি লেভেল প্লেয়িং ফিল্দ ফংলগনি । অমসুং ভারতমচাশিংগী থমোয়, ৱাখল, হকচাংদা মদু য়াওরি মদুদি মদুগী মতুংদা মাংলোমদা চংশিনবদা মহাকপু কনানশু থিংবা ঙম্লরোয় । মরম অদুনা হৌখিবা চহি অহুম মখায়দগী সরকার অসিনা লেপ্পা লৈতনা হোৎনরি মদুদি ভারতপু পুক্নিং থৌগৎলিবশিং, মীশিং কোতি চামগা কুনমঙাগী শক্তিশিং, ভারতকী লৈজরিবা মহৌশাগী ফিভমশিং, ভারতকী লৈজরিবা সংস্কৃতিশিং অদুনা ভারতকী প্রজাশিং মখোয় অদুনা করিগুম্বা য়ুগ অমদগী য়ুগ অমা হেক্তা লৌথোকপিয়ু । চহি চাম্মা মমাং ওইগেরা, চহি চামঙা মমাং ওইগেরা, চহি লিশিং অমা মমাং ওইগেরা পুৱারিদা ঐখোয়না কনাগুম্বা অমত্তগী মাংনবা তৌখিবা অদুগুম্বা থৌদোক অমত্তা থোকখিদ্রি । লৈবাক অমা হেক্তদা চৎলুবা মতমদা ঐহাক্না মালেমগী মীয়ামগা উন্নরুবা মতম অদুদা ঐহাক্না হায়খি মদুদি অহানবা মালেমগী লানজাও অমসুং অনিশুবা লানজাওদা ঐখোয়না কনাগুম্বা অমত্তগী লম লৌরুনবা অমসুং ফিরাল চিংখৎলুনবা তৌখিদে । অদুবু শান্তি পুরক্নবা হোৎনবদা লৈবাক্কী লাখ অমা মখায় হেনবা লান্মীশিংনা শরুক য়াখি । কনাগুম্বা ভারতকী লান্মী অমত্তনা চাওথোক্না হায়বা ঙম্লি মদুদি ঐখোয় অসি মালেমদা করিগুমিবী খরা পিরিবা মীওইশিংনি লৌশিনবা মীওই নত্তে ।

ঙসি মালেম অসিদা পিছ কিপ্পিং ফোর্স য়ুনাইতেদ নেসনগা মরি লৈনবা কনাগুম্বা ভারত মচা অমনা চাওথোকনা হায়জবা ঙম্লি মদুদি ঙসি মালেম অসিদা করিগুম্বা মফম অমদা শান্তি লৈতবা মতমদা য়ুএনগী থোংদা পিছ কিপ্পিং ফোর্স ওইনা চৎতুনা মফম অদুদা শান্তি হঞ্জিনহন্নবা ঐখোয়গী থৌদাং লৌরি । মালেম পুম্বদা পিছ কিপ্পিং ফোর্সতা খ্বাইদগী য়াম্না শরুক য়ারিবা অসি হিন্দুস্থানগী লান্মীশিংনি । ঙসিশু মালেমগী অসিগুম্লবা মশিং য়াম্নবা মফমশিংদা ভারতকী লান্মীশিং মথৌ তৌরি । বুদ্ধ অমসুং গান্ধীগী লমদম শান্তীদগী হেন্বা ৱাহৈ লৈতে । ঐখোয় অদুগুম্লবা মীওইশিংনি মদুনা শান্তিবু হিংগৎহন্দুনা উৎলিবা । শান্তিবু ঐখোয়না ঙাক্তুনা চৎলি । শান্তি অসি ঐখোয়গী ইদা য়াওরি মদুননি ঐখোয়গী ইপা ইপুশিংনা বসুধৈব কুতুম্বকম- মালেম অসি ইমুং মনুং অমনি হায়বা মন্ত্র অসি ঐখোয়দা পিবিরম্লিবা । মন্ত্র অসি ঐখোয়না হিংহন্দু উৎলে । অদুবু ৱাফমশিং অসি ভারতনা চেৎনা লৈরবা, ভারতনা মতেং পিবা ঙমলবা মতম, ভারতনা মালেমদা লম খুদিংদা অনৌবা থাক অমা ফংলবা মতমদা মালেম অসিনা খংবিগনি । ২১শুবা চহিচা অসি এসিয়াগী চহিচা ওইনা লৌনবা তারগদি ২১শুবা চহিচা অসি ভারতকী চাহিচা ওইহন্নবা অসি ঐখোয় পুম্নমক্কী ইথৌদাংনি । অমসুং মসি ঐহাক্না য়াম্না লুবা ওইগনি খন্দে । চহি অহুম মখায়দগী খংজবা অদুনা হায়বনি । মসিশু ওইথোকপা য়াই । হৌখিবা নুমীৎ খরনি অসিদা ভারতকা সরকারগা লৈনরিবা মরি অদু অদোম্না উবিরম্লগনি । হৌজিক য়ুমদগী থোকলকপগা হিন্দুস্থানদগী অফবা পাও খক্তমক তাবা ফংগনি থাজদে । মীশিং কোতি চামগা কুনমঙাগী লমদমনি । মহাক্কী মরুওইবা ইচেলনি । সমাজকী মরুওইবা ইচেল ওইরবা, সরকারগী মরুওিবা ইচেল ওইরবা । পোজিতিবকা নক্ননা চৎলি । মতম খুদিংমক্তা লৈবাক্কী কান্ননবা ৱারেপ লৌরি চাওখৎ থৌরাংবু ৱাখল্লোনদা থমদুনা ৱারেপ লৌরি । কোতি চামগা কুনমঙাগী লমদম নিং তম্বা ফংলবা মতুং চহি হুমফুতরাগী মতুং করিগুম্বা ইমুং কোতি ৩০ বেঙ্কিং সিস্তেমগা শম্নদবা তারগদি লৈবাক্কী ইকোনোমী অসি করম চৎথগনি ।  

ঐখোয়না খোংথাং পায়খৎতুনা প্রধানমন্ত্রী জনধন য়োজনা হৌদোক্তুনা জিরো বেলেন্সতা ওইরবশু বেঙ্ক একাউন্ত হাংদোকহল্লে, বেঙ্ককী মীওইশিংদা খুদোংচাদবা মায়োক্নরম্মী । অদুবু মনিলাদদি বেঙ্ককী তোঙানবা সংসার অমনি. ময়াম পুম্নমক্না খংলিবা অদুনি । বেঙ্ককী মীওইশিংনা চে চাংগী মমল অদুদি লৌগে হায়দুনা ঐঙোন্দা কন্না হায়রম্মী । ঐহাক্না হায়খি মসি লৈবাক অসিগী লায়রবশিংগী ফংফম থোকপনি । মখোয়শু বেঙ্কতা ইকায় খুম্ননা মনুং চলহনগদবনি । মখোয় উপায় লৈতদুনা ৱাখল খন্দুনা লৈখি । বেঙ্ক মনুংদা এয়ার কন্দিসন থাদুনা মপান্দা নোংমৈ পায়বা অনি লেপতুনা লৈরগা করম্বা লায়রবনা চংবা ঙমগনি । মদুনা মরম ওইরগী শেন্দোয় চাবশিংগী মনাক্তা চৎপা তাবনি । অদুদগী শেন্দোয় চাবশিং অদুনা কমদৌরি হায়বা অদু ঐখোয়না খংলে । লৈবাকমচা কোতি ৩০বু জিরো বেলেন্সতা একাউন্ত হাংদোকহনবা অদুগা করিগুম্বা মতমদা অদোম্না ইনাক খুনবা কাংবু উরম্লগনি । ঐহাক্না ইনাকখুনবশিংবু উরে, ইনাকখুনবশিংগী লৈতবশু উরে । অদোম্না লায়রবশিংবু উরম্লগনি অদুবু ঐহাক্না লায়রবশিংগী শেন পায়বা অদু উরে । জিরো বেলেন্স বেঙ্ক একাউন্ত হাংদোক্লে অদুবু ঙসি ঐহাক্না চাওথোক্না হায়বা ঙম্লি মদুদি অদুগুম্লবা জনধন একাউন্তশিং অদুদা ঙসিদি লায়রবশিং অদু সেভিংগী হৈনবি থম্লে, মমাংদদি ওপায় লৈত্রবশিং অদুনা য়ুমদা গেহুশিংগী মরক্তা পৈশা লোৎশিন্দুনা থম্লমবনি, মোম্পাক মখাদা থম্লম্মী অমসুং মদুশু মপুরোইবশিং অদু ফৎতবা হৈনবি লৈরগদি করিগুম্বা অতোপ্পা অমদা শিজিন্নখি । ইমাশিং অদু পাখৎতুনতা লৈরম্মী । অদোম্না খংবদা নুঙায়বা ফাওগনি মদুদি অতেনবা মতমগী মনুংদা অদুগুম্লবা জনধন একাউন্ত অদুদা কোতি লিশিং ৬৭কী শেনফম লাইরবশিংনা সেভিং তৌবা ঙম্লে । লৈবাক্কী ইকোনোমীদা অহোংবা পুরকপদা লায়রবশিং চাওনা শরুক য়ারে । হৌজিক্তি মসি চম্নগী অহোংবা পুরকপা অদু ওয়দ্রে ।

অসিগুম্বা ইনিসিয়েতিব কয়া অমদি কৈদৌনুংদা খন্ন নৈনদে, কনাগুম্বা অমত্তগী ৱাখলদা ফাওবা খনখিবা লৈখিদে, কনাগুম্বা খরদদি অসিগুম্বা প্রোব্লেমশিং লৈরি মদুদি মসিবু ওইথোকপা য়াব্রা অসিনি । ঐখোয়না ৱারেপ লৌখ্রে ঐখোয়গী লৈবাক অসি মওং অমদা হেক্তদা চৎথজসনু, চৎথগদ্রা ইচিল ইনাওশা, সিঙ্গাপুরনা লু নানবা ঙম্লগা, ফিলিপিন্সনা লু নানবা ঙম্লগা, মনিলানা লু নানবা ঙম্লগা ভারতনা লু নানবা ঙম্লোয়দ্রা? লৈবাক্কী করম্বা মীওইনা অমোৎপা মরক্তা লৈবা পামলমগনি । কনাগুম্বা অমত্তনা পামদে । অদুবু কনাগুম্বা অমনা ইনিসিয়েতিব লৌবা মথৌ তাই । কনাগুম্বা অমনা দ্বায়তা লৌবা মথৌ তায় । মায়পাকপা অমসুং মায়থিবগী খল্লুবা তৌদনা থবক তৌবা মথৌ তাই । মহাত্মা গান্ধীজীনা থাদোকলম্বা মফম অদুদগী মাংলোমদা চংশিন্নবা ঐখোয়না হোৎনরি । অমসুং ঐহাক্না হায়রি মদুদি ঙসি ভারত্তা চাওরাক্না খুঙ্গং লাখ অনি লিশিং হুমফুতরা মঙা হেনবদা লমহাং তুমহাংদা অমাং অসোয় তৌবা তোকখ্রে । মদুনা মায়কৈ অমদা সমাজ অসিগী মীচম প্রজাগী পুন্সি মহিংদা অহোংবা পুরক্লে ।

হৌজিক ঐখোয়গী লৈবাক্তগী হৌখিবা চহি ২০,২৫,৩০গী অদুৱায়দা ভারত্তগী মফম অসিদা লাকখিবা য়াওরমগনি । নত্রগা হৌজিক ফাওবা ভারত্তা চৎথোক চৎশিন তৌরিবা মখোয় অদুনা খংলমগনি মদুদি ঐখোয়গী ভারত্তা গ্যাসকী সিলিন্দর লৌবা য়ুমদা গ্যাস কনেক্সন লৌবা অসি য়াম্না চাওবা ৱাফম অমা ওইনা লৌনরম্মী অমসুং করিগুম্বা য়ুমদা গ্যাস কনেক্সন লৈরবা, সিলিন্দর লৈরকপদা য়ুমলোন কৈরোন্নবদা মর্সিদিজ গারি লৈরকপগুম খন্নরম্মী হায়বদি য়াম্না চাওবা এচিবমেন্ত ওইনা লৌনরম্মী মদুদি ঐখোয়গী লৈবাক্তা লোক সভাগী মীহুৎ অমদা কুপন ২৫ ফংলম্মী । মদুনা মহাক্কী পার্লিয়ামেন্তকী এরিয়া অদুদা ইমুং ২৫দা কান্নবা ফংহনবা ঙমহন্নবনি । তুংদা মখোয়না করি করি তৌখিবগে হায়বা অদুদি হায়নিংদে পাও চেদা ইরকখিবা ঙাক্তনি । অদোম্না নিংশিংবিরমগনি ২০১৪গী পার্লিয়ামেন্তকী মীখল পাংথোকখিবা অদুদা নাকল অমদনা বিজেপি অমসুং নাকল অমদনা কংগ্রেস ওইখি । ভার্তিয়া জনতা পার্তীনা মীখল অদু লুচিংনবা ইফমদা থৌদাং শিন্নবিখি । মফম অদুদা কংগ্রেস পার্তীগী মীফম অমা পাংথোকখি অমসুং কনানা লমজিংদুনা মীখল থেংনগনি হায়বা অদুগী ৱারেপ অমা লৌরক্কনি হায়না মীয়াম্না খন্নরম্মী । মীফম লোয়রবা মতুং নুমীদাং ৱাইরম কংগ্রেসকী প্রেস কনফরেন্স পাংথোকখি । মদুগী প্রেস কনফরেন্স অদুদা হায়খি মদুদি করিগুম্বা ২০১৪গী মীখল অসিদা ঐখোয়না মায় পাক্লগদি চহি খুদিংগী হৌজিক গ্যাস সিলিন্দর ৯ ফংহল্লিবা অসি ঐখোয়না ১২ ফংহল্লগনি হায়খি । অদোম্না নিংশিংলমগদ্রা নিংশিংলমলোয়দ্রা হায়বা খংদ্রে অদুবু গ্যাস সিলিন্দর ৯দগী ১২ ফংহল্লগনি হায়বা ৱাফম অদুদা কংগ্রেস পার্তিনা মীখল থেংনখি । হায়বদি ২০১৪ ফাওবা মশিগী ৱাখল্লোন অসি লৈনরম্মী, অমসুং যাম্না ফরে ৯দগী ১২ ফংলগনি হায়না লৈবাক মীয়াম্নশু খুবাক খুরম্মী ।

মোদীনা ৱারেপ লৌরে মদুদি মখোয় অদু লাইরবশিংদা পিথোক্লগে অমসুং ইমুং কোতি ৩দা লেম্না গ্যাস কনেক্সন ফংহন্নবগী মায়কৈদা মায় পাক্না চংশিল্লি । ইমুং কোতী ৩দা ফংহনখ্রে । ঐহাক্কী ৱাশক্তি ইমুং কোতী ৫দা ফংহনবনি । ভারত্তা অপুনবা ইমুং কোতি ২৫ লৈরি । ইমুং কোতি ২৫গী মনুংদা কোতি ৫দা ফংহন্নবা ৱাশক্নি কোতি ৩দি ফংহনখ্রে । ফরে মশিদশু অঙকপা খরা থোক্লি ইরমদমগী মীওইশিংনিনা করিগুম্বা খরদি ফোংদোকপা য়াইনা । করিগুম্বা মতমদা সরকারগী সবসিদী থাদোকখিবা মতমদা মীয়াম্না কান্নবা ফংলমগনি হায়না লৌনৈ । মদুদা ঐহাক্না করি তৌরে মদুবু আধারগা শম্নহল্লে । বাইও মেত্রিক আইদেন্তিফিকেসন অদুনা মরম ওইরগা খংবা ঙমলে মদুদি শুকলৈ লৈতবা মীওইদা গ্যাসকী সবসিদী চৎতুনা লৈরে । হায়বদি কদায়দবু চৎলিবা । কদায়দা চৎখিবনো হায়বদু ঐঙোন্দা হায়বিয়ুনে । কনাগুম্বা অমগী ফুরিৎখাওদদি চংলমগনি নত্রনে হৌজিক্তি ঐহাক্না মদু শেংদোকপদগী লেপখ্রে । অসিগুম্বা মখলগী সবসিদীশিং অসি অচুম্বা মীওইশিংদা ফংহল্লে । মসিনা মরম ওইরগা কোতি লিশিং ৫৭কী শেনফম কনবা ঙম্লে । অমদি মসি অমুক্তংগী ৱাফম নত্তে চহি খুদিংগী কোতি লিশিং ৫৭কী শেনফম চৎলম্মী । অদুবু কদায়দা চৎখিবগে হায়বদো হৌজিক্তি হায়বিরো । মখোয়গী ফুরিৎখাওদা চংলম্বা মীওইশিং অদুনা মোদীবু করিনি হায়না খল্লমগনি, ফোতো নম্মীন্ননবা লাকখিগদ্রা? মখোয়না মোদীবু পামখিগদ্রা? ঐঙোন্দা হায়বিয়ু থবক তৌশি হায়বরো তৌরোইশি হায়বরো? লৈবাক অসিদা অহোংবা পুরকপা ফবরা ফৎতবরা? অকনবা ৱারেপ লৌবা মথৌ তাবরা তাদবরা? লৈবাক অসিবু মাংলোমদা পুদুনা চৎশিরা চৎকুমশিরা?

ময়াম পুম্নমক লাক্তুনা ইফমদা আর্শীবাদ পিবিরি, ঐহাক্না ময়ামদা থাজবা পিজরি মদুদি লৈবাক মীয়াম্না শিন্নবিরিবা পান্দম অদু ফংনবা হোৎনবদা ঐহাক্না অৱাৎপা অমত্তা লৈহল্লোয় । ২০১৪গী মমাংদা করি করি পাও তাবা ফংখিবগে, কোয়লাদা কয়া অমা চৎখ্রে, ২জীদা কয়া অমা চৎখ্রে অসিগুম্বা পাও তাবা ফংখিবা নত্রো । ২০১৪গী মতুংদা মোদীদা হংলিবদি মোদীজী কয়া য়াম্না লাক্লবগে অসিনি । য়েংবিয়ু মসি অওনবনি । মতম অদুদা কয়া য়াম্না চৎখ্রবগে হায়না লৈবাক অসিনা ৱানরম্মী ঙসিনা কয়া য়াম্না কান্নগবগে হায়না নুঙাইবা ফোংদোক্নরি ।

মরূপশিং ঐখোয়গী লৈবাক্তা অৱাৎপা অমত্তা লৈতে লৈবাক অসিনা মাংলোমদা চংশিন্নবা ওইথোকপা য়াবা পুম্নমক লৈরি, মদুগা লোয়ননা ঐখোয়না চৎলি । ঐখোয় লৈবাক অসি প্রজা মীয়াম্না শরুক য়াদুনা মাংলোমদা চৎলি । মীচম প্রজাশিংগা লোয়ননা চৎমিন্নরি মদুগী অফবা মহৈ অদুনা মরম ওইরগা অদোম মতম কুইথনা মফম অসিদা লৈনিংবা ফাওররোই । ময়াম মীশিং য়াম্না লাকপিদুনা ঐহাকপু আর্শীবাদ পিবিবগীদমক ঐহাক্না নুঙায়বা ফোংদোকচরি ।

হন্না হন্না থাগৎচরি ।