ভারতকী প্রধানমন্ত্রী

”ইয়োর এক্সেলেন্সি, ঐহাক্কী নুংশিজরবা মরুপ, রাস্ত্রপতি মেক্রোন

লৈবাক অনিমক্কী মীহুৎশিং,

মীদিয়াদগী ইচিল-ইনাওশিং,

খুরুমজরি।

বোঞ্জোর!

ঐহাক্কী নুংশিজরবা মরুপ , রাস্ত্রপতি মেক্রোনবু মুম্বইদা তরাম্না ওকচবদা ঐহাক নুংঙাইবা ফাওই। মমাঙ চহিদা মহাক্না ঐহাকপু ফ্রাঞ্চতা পাংথোকখিবা এ.আই.এক্সন শমীৎতা বার্তন তৌবিরকখি।

মতম অদুদা ঐখোয়না ঐখোয়না ফ্রাঞ্চ অমসুং য়ুরোপ পুম্বগী ওইনা ফ্রাঞ্চকী খ্বাইদগী চাউবা হীথাংফম অমসুং অচৌবা গেতৱে অমা ওইরিবা মার্সেলীদা চৎচকুই। মার্সেলী হায়বসিঅহানবা পৃথিবীগী লাঞ্জাওগী মতমদা ভারতকী লান্মীশিংনা ইহান হানবা ওইনা খোংদাখিবা শহরনি। থৌনা ফবগী ৱারী অসি হৌজিকসু য়ুরোপকী মফম কয়ানা নিংশিনরি।

অদুগা মসি নীংতম লান্মি বির সাৱর্করনা বৃতিশকি মখুৎতগী নান্থোক্নবা শমুদ্রদা লান্দাখিবা অদুগুম্লবা শহর অদুনি। মহাক্কী থবক অসি ভারতকি নীংতমবগীদমক মহাক্কী লেংদবা ৱারেপ অদুগী খুদম ওইখি। মমাঙ চহিদা মার্সেলদা মহাকপু নিংশিংবা অমসুং ইকায় খুম্নবা উৎপগী খুদোংচাবা অমা ঐহাক্না ফংজখি।

হন্দক্কী মতম অসিদা রাস্ত্রপতি মেক্রোন্না ইন্দিয়া এ.আই. সমীত্তা লাকপীরিবা, মহাকপু ভারতকী গেৎৱে অমা ওইরিবা মুম্বইদা তরাম্না ওকপা ফংজবা অসি য়াম্না খুদোংচাবা অমনি।

মরুপশিং,

ভারত অমসুং ফ্রাঞ্চকি মরি অসি য়াম্নাা অখন্নবা অমনি। ফ্রাঞ্চ অসি ভারতকি খ্বাইদগী অরিবা স্ত্রেতেজিক পার্ত্নরশিংগী নুংদা অমনি। অমসুং রাস্ত্রপতি মেক্রোনগা লোয়ননা ঐখোয়না স্ত্রেতেজিক পার্ত্নরশিপ অসি মমাঙদা অমুক্তা ওইখিদ্রিবা মওংদা অথোইবা অমসুং ইনরজি পিরে । মসিগী থাজবা অমসুং সেয়র তৌরবা মীৎয়েং অসিদা য়ুমফম্ ওইরগা ঙসি ঐখোয়না ঐখোয়গী মরি অসি স্পিসিএল গ্লোবেল স্ত্রেতেজিক পার্ত্নরশিপ অমা ওইনা শেমগৎলি।

মসিগী পার্ত্নরশিপ অসি স্ত্রেতেজিক খক্তগী নত্তে। ঙসিগী তংদু লৈতাদবা মতম অসিদা মসি মালেমগী তংদু লৈতাবা অমসুং মালেমগী প্রোগ্রেশকি পার্ত্নরশিপ অমনি।

মরুপশিং,

ঙসি ভারত্তা হেলিকোপ্তর এসেম্ব্লী লাইন শঙ্গাবা অসি অচেৎপা থাজবা অসিগী অতোপ্পা মঙাল থোকপা খুদম অমনি। মাওন্ত এভরেস্তকি অৱাং থংবা শরুক্তা, ভারত্তা উবা ঙঙম্বা মালেমগী অমত্তা ঙাইরবা হেলিকোপ্তর অসি ভারত অমসুং ফ্রাঞ্চনা পুন্না শাবদা ঐখোয় চাওথোকচৈ। অদুগা ঐখোয়না মসি মালেম পুম্বদসু এক্সপোর্ত তৌগনি।

হায়বদি ভারত-ফ্রাঞ্চ পার্ত্নরশিপ অসিনা ঙমখৈ অমত্তা খঙদে; মসি মরুওইবা শমুদ্রশিংদগী খ্বাইদগী লুরবা তুরেল ফাওবা য়ৌবা ঙম্মি।

মরুপশিং,

ইং কুমজা লিশিং অনিগা কুন তরুক অসি ভারত-য়ুরোপকি মরিদা তর্নিং পোইন্ত অমনি। নুমীৎ খরনিগী মমাঙদা ঐখোয়না য়ুরোপিয়ন য়ুনিয়নগা লোয়ননা ভারতকি পুৱারিদা খ্বাইদগী চাওবা অমসুং খ্বাইদগী অপাম্বা ফ্রী ত্রেদা এগ্রীমেন্ত অমা খুৎয়েক পিনখি । মসিগী ফ্রী ত্রেদা এগ্রীমেন্ত অসিনা ভারত-ফ্রাঞ্চকি মরিদা মমাঙদা অমুক্তা ওইখিদ্রিবা মওংদা খোঙজেল য়াংশিনগনি।

ম্যুচুএল ইনভেস্তমেন্ত প্রমোত তৌনবা ঐখোয়না ঙসি য়ানচে অমা খুৎয়েক পিনরি মদুনা ঐখোয়গী মীয়াম অমসুং কম্পেনিশিংনা দবল তেক্স থিবা মথৌ তাদে। থৌরাং পুম্নমক অসিনা ম্যুচুএল ত্রেদ, ইনভেস্তমেন্ত, অমসুং মোবিলিতিদা অনৌবা ইনোৎ অমা পিরগনি। অমসুং মসি সেয়র তৌরবা য়াইফ-থৌরাংগী রোদমেপনি।

মরুপশিং,

ইন্দিয়া-ফ্রাঞ্চ ইয়র ওফ ইনোবেসন হৌদোকপগা লোয়ননা হৌজিক ঐখোয়গী স্ত্রেতেজিক পার্ত্নরশিপ অসি মীয়ামগী পার্ত্নরশিপ অমদা ওন্থোক্লি। মরমদি ইনোবেসন অসি আইসোলেসন্দা থোক্তে, মসি পুন্না থবক তৌমীন্নবগী খুত্থাংদা থোকই।

মরম অদুনা ভারত-ফ্রাঞ্চ ইনোবেসনগী চহিগী নুংদা ঐখোয়গী পান্দমদি মীয়াম-মীওইবগী মরি হেন্না চেৎশিলহনবনি। দিফেন্স ওইগেরা, ক্লিন ইনরজি ওইগেরা, স্পেস ওইগেরা, নত্রগা ইমরজিং তেক্নোলোজি ওইগেরা, ঐখোয়না লম খুদিংমক্তা ঐখোয়গী ইন্দস্ত্রিশিং অমসুং ইনোবেতর্শিংগা শম্নহনগনি।

স্তার্ত-অপশিং অমসুং এম.এশ.এম.ই.শিংগী মরক্তা অচেৎপা নেতৱর্ক শেমগৎকনি। ঐখোয়গী মহৈরোয়শিং অমসুং রিসর্চরশিংগী মরক্তা একচেঞ্জ তৌবদা লাইথোকহল্লগনি। মসিগা লোয়ননা ঐখোয়না জোইন্ত ইনোবেসনগী অনৌবা সেন্তরশিংসু শেমগৎলগনি।

মরুপশিং,

ঙসি ঐখোয়না মরুওইবা মীনরেলশিং, বাইওতেক্নোলোজি, অমসুং অহোঙবা মচাকশিংদা ঐখোয়গী তেংবাং পিনবদা মপাঙ্গল কনখৎহল্লী। ঐখোয়না ইন্দো-ফ্রেঞ্চ সেন্তর ফোর এ.আই ইন হেল্থ, ইন্দো-ফ্রেঞ্চ সেন্তর ফোর দিজিতেল শাইন্স এন্দা তেক্নোলোজি, অমসুং নেশ্নেল সেন্তর ওফ এক্সেলেন্স ফোর শ্কিলিং ইন এরোনোতিক্স হৌদোকলি। অমসুং হায়রিবশিং অসি ইন্সতািৎয়ুশন খক্তগী নত্তে; মখোয়শিং অসি তুংলমচৎ শেমগৎনবা প্লেৎফোরমশিংনি।

মরুপশিং,

ঙসি মালেম অসি শোয়দ-ঙামদবা মতম অমা লাকলি। অসিগুঙম্বা এনভাইরনমেন্ত অসিদা ভারত-ফ্রাঞ্চ পার্ত্নরশিপ অসি মালেমগী তংদু লৈতাবা পুরক্নবগী ফোরশ অমনি। ফ্রাঞ্চকি অখঙ-অহৈশিং অমসুং ভারতকি শ্কেল অদু ঐখোয়না পুনশিল্লী । ঐখোয়না থাজবা য়াবা তেক্নোলোজিশিং শেমগৎলি। ইন্তরনেশ্নেল শোলর এলাইন্স, ইন্দিয়া-মীদল ইশ্ৎ য়ুরোপ ইকোনোমীক কোরিদোর (আই.এম.ই.সি.), অমসুং অপুনবা চাওখৎ-থৌরাংগী প্রোজেক্তাশিংগী খুত্থাংদা ঐখোয়না মীওইবগী চাওখৎপা শোয়দনা ফংহনগনি। অমসুং ঐখোয়না মল্তিলেঢ়েলিজম্, দাইলোগ, অমসুং দিপ্লোমেশিগী খুত্থাংদা তংদু লৈতাবা অমসুং নুংঙাই-য়াইফনবা হোৎনরিবশিং মখা তানা মপাঙ্গল কনখৎহনগনি।

মরুপশিং,

ভারত অমসুং ফ্রাঞ্চ অনিমকনা দেমোক্রেতিক ভেল্য়ুশিং, রুল ওফ লো অমসুং মল্তিপোলর ৱর্ল্দদা থাজবা থম্লি। মালেমগী ইন্সতিস্যুসনশিং রিফোর্ম খক্তনা মালেমগী শিংনাবশিং কোকহনগনি হায়বশি ঐখোয়না য়ানবা পুরক্লি।

য়ুক্রেন ওইগেরা, ৱেস্ত এসিয়া ওইগেরা, ইন্দো-পেসিফিক ওইগেরা, লমদম খুদিংমক্তা শান্তি পুরক্নবা হোৎনরিবা খুদিংমক ঐখোয়না মখা তানা শৌগৎকনি। মসিগী মওং-মতৌ অমসুং মওং-মতৌ পুম্নমক্তা তেরোরিজম্ মুৎথৎনবা ঐখোয়গী অপুনবা ৱাশক্নি।

মরুপশিং,

ভারত অমসুং ফ্রাঞ্চ অসি অরিবা অমদি ইনাক খুল্লবা শভ্য়তানি । ঐখোয়গী কলচরেল অমসুং মীচম মীয়ামগী মরিদা ঐখোয়না য়াম্নাা মরুওইবা অমা পিরি। ইন্দিয়া ম্যুজিয়ম ওফ দি এজেজদা পুন্না থবক তৌমীন্নবদা ঐখোয় য়াম্না নুংঙাই। অমসুং হৌজিক, ঐখোয়না ফ্রাঞ্চকা লোয়ননা লোথালদা লৈবা নেস্নেল মেরিতাইম হেরিতেজ কমপ্লেক্সতসু পুন্না থবক তৌমীন্নরি।

ভারতকি কলচরবু ফ্রাঞ্চকি মীয়ামগা নক্নহন্নবা ঐখোয়না অথুবা মতমদা ফ্রাঞ্চতা স্বামী বিবেকানন্দা কলচরেল সেন্তর হাংদোক্লগনি।

ইয়োর এক্সেলেন্সি.

ভারত-ফ্রাঞ্চ পার্ত্নরশিপতা অদোমগী ৱাশক অদু অচেৎপা ওইখি । ঐহাক্না মরুওইনা নুংঙাইবা ফাওই মদুদি ঙসি ঐখোয়না ঐখোয়গী মরিদা অনৌবা লমায় অমা হাংদোক্লি।

মালেমগী তংদু লৈতাবা অমসুং য়াইফনবা ঐখোয় পুন্না থবক তৌমীন্নশি ।

অদোম্বু য়াম্না থাগৎচরি।

মর্সি বিয়ুকুপ।

***