ভারতকী প্রধানমন্ত্রী

প্রেসিদেন্ত মেক্রোন,

য়োর এক্সেলেন্সিস,

হেল্লো!

জি-৭ মীফমদা ঐখোয়বু তরাম্না ওকপিবগীদমক প্রেসিদেন্ত মেক্রোনগী মফমদা তৌবিমল খঙবা উৎচরি।

মরূপশিং,

ঙসিগী মালেম অসি হান্নদগী হেন্না অমগা অমগা শম্নবা অমসুং অমগা অমগা তাংনবা হেনগৎলক্লি। লৈবাক অমত্তগী ইনর্জী সিক্যুরিতী, ফুদ সিক্যুরিতী, হেল্থ সিক্যুরিতী, সাইবর সিক্যুরিতী অমসুং ইকনমিক প্রোসপেরিতী অসি মশাগী ঙমখৈ মনুং খক্তদা লেপ্পা ওইদ্রে মোবিলিতী, দেতা, কেপিতল, তেক্নোলোজী, মখোয় পুম্নমক অসিনা ঐখোয়বু শম্নহল্লি।

অসিগুম্বা মতমশিংদা পার্তনরশিপশিংগী মরুওইবা অসি মহৌশানা হেনগৎলকই। অদুবু পার্তনরশিপশিং অসি থাজবা লৈরবা মতমখক্তদা মায় পাকই। ঙসি খ্বায়দগী মরুওইবা স্ত্রেতেজিক এসেত অসি মিনরেল, তেক্নোলোজী নত্ত্রগা কৈথেল ওইদ্রে, মসি অমগা অমগা থাজনবদুনি।

তেক্নোলোজী অমসুং সপ্লাই চেনশিং খুৎলায় ওইনা শীজিন্নরোয়, মালেমগী কান্নবগীদমক্তা শীজিন্নগনি হায়বগী থাজবা। চাউখৎ-থৌরাংগী খুদোংচাবশিং অসি লৈবাক খরা খক্তদা লেপ্তুনা লৈরোই হায়বগী থাজবা। মালেমগী লুপশিং অসিনা লৈবাক পুম্নমক্কী মঙলানশিং মঙফাওনহনবা ঙমগনি হায়বগী থাজবা অদুবুনি।

মরূপশিং,

হৌখিবা চহিচাদা, মীওইবা খুন্নাইনা মালেমগী মালেমগী লাঞ্জাও অনি মায়োক্নখি। কত্থোকপা কয়াগী মতুংদা, মালেমগী কাঙলুপনা ইং-তপ্পা, তুংদু লৈতাবা অমসুং নুংঙাই য়াইফবগী লম্বীদা মাঙলোমদা চঙশিন্নবগীদমক্তা পথাপশিং শেমগৎখি। অসিগুম্বা পথাপশিং অসিগী য়ুম্ফম থাজবনা ওইখি।

অদুবু মীরোল কয়াগী থৌদাংগা লোয়ননা দেকেদ কয়াগী মমাঙদগী শেমগৎলকখিবা থাজবা অদু ঙসি অকায়বা পীরি। থাজবা অমসুং পুন্না লেপমিন্নবগী মতাঙদা ফোঙদোক্নখিবা ৱাফমশিং অদু কয়া য়াম্না মরিল হোবগে হায়বদু কোবিদনা ঐখোয়দা উৎখ্রে।

ঙসি মালেম অসিদা মচাক-মথুমশিং ৱাৎপগী অৱাবা নংদ্রে, থাজবা ৱাৎপগী অৱাবা নংলিবনি। অমসুং ঐখোয়গী পার্তনরশিপশিংগী তুংলমচৎ অসিগুম্বা থাজবা অসি শেমগৎপগী মখা পোল্লি।

য়ু.এস.কী প্রসিদেন্ত রোনাল্দ রীগননা হায়রম্বদা: থাজৌ অদুবু অচুম্বা খঙদোকউ। মসি ঙসি ফাওবদা চন্নবা অমা ওইরি। অনৌবা মতম অসিগা চুনবা থাজবা য়াবা কাঙলোনশিংদা য়ুম্ফম ওইবা পথাপ অমা শেমগৎনবা ঐখোয়না তুংগী মীরোলশিংগী মফমদা থৌদাং লৈ।

মরূপশিং,

ভারতনা মতম পুম্বদা মালেম অসিবু ইমুং অমগুম্না লৌদুনা লাক্লি। ঐখোয়না হোৎনরিবা পুম্নমক অসি “সর্বজন হিতয়, সর্বজন সুখয়” হায়বদি পুম্নমক্কী য়াইফবা অমসুং নুংঙাইবা হায়বা পরম অসিদা য়ুম্ফম ওইদুনা লাক্লি।

ভারতকী এক্সপিরিএন্সনা চাওখৎপা হায়বসি মীয়ামগী মঙলানগা মরী লৈনৈ হায়বা উৎলি। হায়রিবা পরম অসি ঐখোয়গী ত্রান্সনেস্নেল পার্ত্নরসিপকী য়ুম্ফম ওইরি। হায়রিবা ৱাখল্লোন অসিগা লোয়ননা ইন্তরনেস্নেল সোলার এলাইএন্স, কোএলিসন ফোর দিজাস্তর রেজিলিএন্ত ইনফ্রাস্ত্রকচর, গ্লোবেল বাইওফুএল এলাইএন্স, মিসন লাইফ, অমসুং “এক পের মা কে নাম” গুম্বা মালেমগী থৌশিলশিং পায়খৎলিকখিবনি।

লাংফমগী মতমদা ভারতনা ফর্স্ত রেস্পোন্দর ওইনা লৈবাক পুম্নমক্কী মতেঙ পাংবনা মাগী থৌদাংনি হায়না খনখি। কোবাদ লাইচৎ মতমদা ভারতনা লৈবাক ১৫০ হেনবদা হিদাক লাংথক অমসুং ভেক্সিনশিং ফংহনখি।

স্রি লঙ্কাগী সাইক্লোন, অফঘানিস্তানগী য়ুহা হাব, মোজাম্বিক্কী ঈচাও, নৎত্রগা জমাইকাগী হরিকেনবু ওইরবসু, ভারতনা মতম পুম্বদা “মীওইবনা মাঙদা” থম্লগা থবক তৌদুনা লাক্লি। ঐখোয়গী চাওখৎ থৌরাংগী খোঙবু ওইবগী মরী অসিদা ৱাখল্লোন অসিগী মমি তারি। ঐখোয়না হোৎনরিবশিং অসিনা খোঙবু ওইরিবা লৈবাকশিংগী মতিং শেমগৎপা অমসুং স্কিল শেমগৎপদা মীৎয়েঙ থম্লি।

ভারতনা থাজৈ: পার্ত্নরসিপকী অশেংবা চাংয়েংদি ঐখোয়না অতৈগীদমক শেমগৎখিবদু নত্তে, ঐখোয়না অতৈবু মখোয় মশাগীদমক শেমগৎচবা ঙমহনবদুনি।

মরূপশিং,

ঙসি গ্লোবেল সাউথনা মালেমগী কম্ম্যুনিতীশিংদগী চাউনা থাজবা থম্লি। অদুবু মখোয়গী থাজবা অদু ঙাক্লৌ নত্তে, খোঙবু ওইনা চৎমিন্নবগী থাজবা অদুনি। মখোয় মালেমগী চাওখৎ খোঙচৎকী খোঙবু ওইবা পাম্মি, বেনিফিসরী ওইবা পামদে।

ঐখোয়না দোনর-রিসিপিএন্তকী ৱাখল্লোন্দগী ৱাংমা লান্দুনা থোং মান্নবা খোঙবু ওইনা থবক তৌমিন্নবা পাম্মি। ঐখোয় মখোয়গী মনাক নক্না চৎপগী মহুত্তা পুন্না চৎমিন্নবা পাম্মি। খোঙবু ওইবগী মরী অসি তাংদুনা চৎপগী মহুত্তা ইকায়খুম্নবগা লোয়ননা চৎমিন্নবদুনি। অসুম্না হোৎনরিবা অসিনা তুংগী মীরোলগী তুং কোইগদবা চাওখৎ থৌরাংগী অচেৎপা য়ুম্ফম অমা থোনগদৌরিবনি।

মরূপশিং,

ত্রান্সনেস্নেল পার্ত্নরসিপ অমসুং গ্লোবেল সোলিদরিতী হায়বসি ঐখোয়গী থেংনমিন্নরিবা শিংনবশিং অসি ৱাখৈমিন্নরবশিংদখক্তা ৱাহন্থোক লৈবা মরী ওইগদৌরিবনি। হৌজিক মায়োক্নরিবা চরাংনবা অমসুং মালেমগী তোঙান তোঙানবা মফমশিংদা থোক্লিবা লানশিং অসিগী তুং কোইগদবা পাম্বৈদি ৱারী ৱাতায় শানবা, দিপ্লোমেসী অমসুং মালেমগী তেংবাংমিন্নবখক্তগী খুত্থাঙদা ওইথোক্কনি।

ঐখোয়না ৱেস্ত এসিয়াদা ইং-তপ্পা পুরক্নবা হোৎনরিবা অসিগী খোঙজেলবু তরাম্না ওক্লি। ৱেস্ত এসিয়াদা লৈবা ঐখোয়গী মরুপ মপাং ওইবা লৈবাকশিংনা পুন্সি অমদি লন থুম কয়া মুক্নরিবা অসিদা মাঙনরি। হোরমুজ স্ত্রেত্তা লৈরিবা মেরিতাইমগী অপনবা অসিনা মালেম পুম্বগী শেন্মিৎলোন্না চৈথেং নংলি। ভারত মচা কয়াগী পুন্সিসু মাঙখ্রে। গ্লোবেল মেরিতাইম ত্রেদকী খুত্থাঙদা লৈবাক পুম্ববু শম্নহল্লিবা সীফ্যাররশিং ঙাকথোকপা হায়বসি ঐখোয়গী থৌদাংনি। ঐখোয়না সমুদ্রগী লম্বী ঙাকথোক্নবা, অমদি সীফ্যাররশিংনা মখোয়গী থৌদাং অকিবা য়াওদনা পাঙথোকপা ঙম্নবা হোৎনবা তাই।

মরূপশিং,

ভারতনা হীরম অসিদা খোঙবু পুম্নমক্কা লোয়ননা পুন্না থবক তৌমিন্নবা মপুং ফানা শেম শারি।

ময়াম পুম্নমকপু হন্না হন্না থাগৎচরি।

***