ভারতকী প্রধানমন্ত্রী

প্রধান মন্ত্রী নরেন্দ্র মোদীনা লুচিংবা কেন্দ্রগী মন্ত্রীমন্দলনা বাইওতেক্নোলোজিগী লমদা ভারত অমসুং কোরিয়া অমসুং ভারত অমসুং কিউবাগী মরক্ত খুৎয়েক পীনখিবা  এম ও য়ু অনি য়ারে । এম ও য়ুশিং অদু ২০১৮গী জুন ২২দা কিউবাগী হাভানা অমসুং ২০১৮গী জুলাই ৯দ নিউ দিল্লিদা খুৎয়েক পীনখিবনি । কিউবা অমসুং কোরিয়াগী খুৎয়েক পীনখিবা এম ও য়ুশিং অদুদা সাইন্স অমসুং তেক্নোলোজিগী লমদা লৈবাকশিং অসিদা লৈনরিবা হৈশিংবশিং মতেং পীনবা হায়না য়ানখি ।

অচৌবা কান্নবা

খুৎয়েক পীনখিবা এম ও য়ুশিং অদুনা ইন্দো-কিউবা অমসুং ইন্দো-রিপব্লিক ওফ কোরিয়াগী নাকলশিংগী মরিশিং কনখৎহন্দুনা বাইওতেক্নোলোজি ইজুকেসন, ত্রেনিং অমসুং রিছাসকী লমদা মতেং পীন্নবা চপ চাবা থৌরাং শেম্নবা  সাইন্স অমসুং তেক্নোলোজি দিপ্লোমেসিগী মতেং পীন্নবা পান্দম থম্লি । থৌরাং অসিগী মখাদা চহি ৫ ফাওবা বাইওলোজিকেল সাইন্স অমসুং মরি লৈনবা হিরমশিংদা পোস্তগ্রেজুয়েত অমসুং পি ঐচ দি ৫০ হেন্না থবক পীনবগী পান্দম থম্লি ।

নুঙগীৱারোল :

ইন্দো-কিউবা মতেং পীনবা

২০১৮গী জুন ২২দা ভারতকী প্রসিদেন্দগী খোঙচৎ মনুংদা হাভানাদা বাইওতেক্নোলোজিগী লমদা মতেং পীনবা হেনগৎহন্নবা নাকল অনিগী এম ও য়ু অসি ভারত অমসুং কিউবানা খুৎয়েক পীনখি । ২০১৮গী জুন ২২দা হাভানাদা ভারতকী সাইন্স এন্দ তেক্লোলোজি মিনিস্তর অমসুং কিউবাগী সাইন্স, তেক্নোলোজি এন্দ ইনভাইরোনমেন্ত মিনিস্তরনা  এম ও য়ু অদু খুৎয়েক পীনখি ।

ভারত-কোরিয়া মতেং পীনবা

বাইওতেক্নোলোজি অমসুং বাইও-ইকনোমিগী লমদা ভারত অমসুং কোরিয়ানা এম ও য়ু অমা খুৎয়েক পীনরে । এম ও য়ু অদুনা লৈবাক অনিগী মরক্ত সাইন্স, তেক্নোলোজি,  বাইওতেক্নোলোজি, ইন্দস্ত্রিয়েল রিছাস অমসুং দিবলপেমেন্ত অমসুং নাকল অনিগী মরক্ত শেন থাদবা হেনগৎহন্নবগী মতাংদা মতেং পীনবা হেনগৎহন্নবা পান্দম থম্লি ।