ভারতকী প্রধানমন্ত্রী

মালতাগী প্রধান মন্ত্রী দা. জোসেফ মস্কেৎনা বাইবরেন্ত গুজরাত সম্মিত ২০১৯ শরুক য়ানবগীদমক ২০১৯গী জনুৱারী ১৭তগী জনুৱারী ১৯ ফাওবা মহাক্কী অহানবা খোংচৎতা ভারত্তা লাক্লি। মহাক্না ইকোনোমী, ইনবেস্তমেন্ত অমসুং স্মোল বিজিনেসকী মন্ত্রী দা. খৃস্তান কার্দোনা, মহাক্কী মন্ত্রালয়গী মকোকথোংবা লুচীংবশিং অমসুং অচৌবা বিজিনেস দেলিগেসন অমা লোয়নরক্লি। মালতাগী প্রধান মন্ত্রী অমসুং মহাক্কী মীহুৎ কাংবুবু গুজরাতকী রাজ্যপাল ও.পি. কোহলিনা তরাম্না ওকখি।

সম্মিত অসিগী সাইদলাইন্দা প্রধান মন্ত্রী মস্কেৎনা প্রধান মন্ত্রী মোদীগা লোয়ননা লৈবাক অনিগী ওইবা মীফম অমা পাংথোকখি। মমাং চহীগী সেপ্তেম্বর থাদা ভারতকী উপ-রাস্ত্রপতিগী মালতা খোংচৎ অদু মহাক্না নৌহৌনা নিংশিংখি অমদি ভিজিৎ একচেঞ্জ তৌবা হেঙ্গৎলকপা অমসুং লৈবাক অনিগী লৈনরিবা মরী হেন্না চেৎশিনহনবদা অপেনবা ফোংদোকখি। প্রধান মন্ত্রী অনিমক্না ত্রেদ অমসুং কমর্সিয়েলগী মরী হেঙ্গৎপা য়াবশিং অদু খন্ন-নৈনখি।

প্রধান মন্ত্রী মস্কেৎনা মালতাবু আফ্রিকা অমসুং য়ুরোপিয়ান কৈথেলশিংগীদমক পোতেন্সিয়েল হব অমা ওইনা শেমগৎনবা ভারতকী ফার্মা অমসুং আই.তি. ইন্দস্ত্রীবু তরাম্না ওকখি। মহাক্না ভারতপু আর্তিফিসিয়েল ইন্তেলিজেন্স, ব্লোক-চেন অমসুং ফাইনান্সিয়েল তেক্নোলোজীশিংগুম্বা এদভান্স তেক্নোলোজীদা মালতাগা লোয়ননা থবক তৌমিন্ননবা বার্তন তৌখি। ব্লোক-চেন তেক্নোলোজীদা ফোর্মেল লেজিস্লেসন অমা মালতানা পুরক্লে অমদি সিস্তেম মোনিতর ওইনা ইন্দিয়ন আই.তি. কম্পেনিশিংগী থৌদাং অদু য়েংলি।

প্রধান মন্ত্রী মোদীনা গুজরাতকী ফোরেন্সিক য়ুনিবর্সিতীদা মালতিজ প্রোফেস্নেলশিংগী ত্রেনিং কোর্সশিং ওফর তৌবগী ওইথোকপা য়াবশিং য়াওনা মালতাদগী গ্রেতর একাদেমিক কোওপরেসন্দা বার্তন তৌখি। সস্তেনেবল অমসুং লো কার্বোন-ইমপ্রিন্ত গ্রোথকীদমক রিন্যুয়েবল ইনর্জীগী মরুওইবা অদু খংলদুনা লুচীংবা অনিনা ইন্তরনেস্নেল সোলর এলাইন্সকী অনৌবা খোংথাং অদু থাগৎপা ফোংদোকখি অমসুং সোলর তেক্নোলোজীশিং হেঙ্গৎহন্নবা মপুংফানা মতেং পীননবা ৱারেপ লৌনখি।
খোংচৎ অসিগী মনুংদা প্রধান মন্ত্রী মস্কেৎনা বাইবরেন্ত গুজরাত সম্মিত ২০১৯দা শরুক য়াগনি অমসুং গুজরাতকী মুখ্য মন্ত্রীগা লোয়ননসু মীফম পাংথোক্কনি।

***