ভারতকী প্রধানমন্ত্রী

ঐখোয়গী লৈবাক্তা অমসুং মালেম অসিদা পোস্তেল স্তাম্পকী থোইদোকপা মগুণ অমা লৈরক্লি। পোস্তেল স্তাম্পনা মখল অমরোমদা পুৱারীবু খোমজিন্দুনা থম্লি। লোইননা পোস্তেল স্তাম্প অসি মখল অমরোমদা এম্বেসেদরগী থবকসু তৌরি। মালেমগী লৈবাক অমা হেক্তদা করিগুম্বা ঐখোয়গী পোস্তেল চৎখিবদা মদুদা স্তাম্প য়াওখি। মদুবু খোমজিন্দুনা থম্বা মালেম অসিদা মীওই কয়ামরুম লৈ। অমসুং করিগুম্বদা অদুগুমবা স্তাম্পগী মপৈ অদুদগী খঙবা ঙম্মি মদুদি অদুগুম্বা লৈবাক অদুদা মতৌ করম্বা অহোংবা পুরক্লমগনি। হায়বদি মতৌ অসুম্না মদু মশক তাক্নীংঙাই অমা ওইরি। ভারতকী পোস্তেল দিপার্মেন্তসু লেপ্তনা মতৌ অসিগুম্বা থৌদাং য়াদুনা লাক্লি।

ঙসি প্রভু রামচন্দ্রজীগী পুন্সিগা মরি লৈনবা পোস্তেল স্তাম্প অমা ফোংলি। হৌজিক মসি ঐ দিল্লীদা বিজ্ঞান ভবন্দা তৌবা য়ারম্বনি। প্রধানমন্ত্রীগী লৈফমদা তৌবা য়ারম্মি। অদুবু খল্লকখি মদুদি নবরাত্রী-নবরাত্রীগী শেংলবা থৌরম্নি অমসুং রামজীগী পুন্সিদা নবরাত্রী অমসুং বিজয়দশমীগী থোইদোকপা মগুণ লৈ অমসুং মফম অসিদা তুলসীদাসজীগী খুভম ঙসিসু লৈরি। মানস মন্দির অসিদগী হেনবা মফম অমা লৈরোই তিকেৎ অসি ফোংদোক্নবগীদমক্তা। অদুনা ঐহাক কাশীদা চৎপা তাই অদুনা ঐনা পোস্তেল দিপার্মেন্তকা তান্নরগা লেপথোকখি। রামজীগী তিকেৎতি য়াম্না পুথোকখ্রে। অদুবু মসি রামচন্দ্রজীগী পুন্সিগী শক্লোন কয়াবু তোঙান তোঙানবা তিকেৎশিংগী থোংদা স্তাম্পগী থোংদা ফোংদোক্লিবা অহানবা তিকেৎকী খোমজিনবনি। মসি তিকেৎ অমা মাল্লি অদুবু মসি তিকেৎ কয়ামরুমগী খোমজিনবনি। অদুনা মখল অমরোমদা প্রভু রামজীগী পুন্সিদা অসিগুম্বা মখলগী তিকেৎ করিগুম্বদসু পুথোকখিদ্রি। ঙসি অহানবা ওইনা অসুম্না পাংথোক্লি। ঐহাক অপেনবা পোকচৈ মদুদি মানসকী শেংলবা লমদম অসিদা থবক অসি তৌনবগী তাঞ্জা ফংজরে। অমসুং প্রভু রামজীগী পুন্সি মীপুম খুদিংমক্কী ইথিল পোক্নফম্নি।

করগুম্বা ঐখোয় মহাত্মা গান্ধীবু নীংশিংলবদি অঙাং ওইরিঙৈদগী হৌনা প্রভু রাম অসি মন্ত্র অমা ওইখ্রবনি মাগী পুন্সিদা, অসিগুম্বা মহাপুরুষ, অসিগুম্বা অচেৎপা মীশক ঙসিগী খুন্নাই অসিগী থৌরাংগীদমক্তা মহাক্কী পুন্সি খুদিংমক্কী শক্লোল পুম্নমক কান্নৈ, মসিনা ঐখোয় পুম্নমক্তা ইথিল পী। ঐহাক প্রভু রামচন্দ্রজীগী খুয়া খাদা খুরুমজরদুনা ভারত সরকারগী মাইকৈদগী পোস্তেল স্তাম্প অসি ঙসি লৈবাক অসিগীদমক্তা নবরাত্রগী শেংলবা থৌরম অসিদা পীজরবনি। ঐনা ঐগী নুংঙাইবা ফোংদোকচরি লোইননা অদোম পুম্নমক্না মফম অসিদা লাকপীবদমক থাগৎপা ফোংদোকচরি।